影片
港鐵尖沙咀/尖東站 P1 出口, 港鐵紅磡站 D1 出口
繼續閱讀
電話號碼
23134222
付款方式
其他資料
Wi-Fi
酒精飲品
切餅費
加一服務費
以上資料只供參考, 請與餐廳確認詳情
農曆新年，各行各業都會舉辦大型的宴會，為員工，為客戶，為合作伙伴，作出一個新年的祈福及開心的 garthering。是日，我代表公司參加合作伙伴的春茗晚會，住置，就是千禧新世界香港酒店的《主席廳》。而我到達才知道，這是昔日的日航酒店。與同檯的各路英雄交談一番之後，聽過主禮嘉賓的祝福說話之後，宴會就由一整隻鴻運乳豬全體開始。是日的乳豬，是一隻很肉的乳豬，皮香脆，只是豬上桌時，已經不夠熱。沙律蝦多士配吉列大蝦球，是一個十分香口的美點，蝦肉香，多士不太油，這一個菜式，令人歡喜。蟹肉竹笙雞絲燴燕窩，食這東西同食翅的感覺其實一樣，所以，今時今日擺酒，翅...真的是很重要嗎? 是日的燴燕窩，入口香滑，有鮮味，有雞肉，味道很好。碧綠花菇扣鵝掌，飲宴，尤其是團年、開年宴，有手的出現，總令人覺得有橫才就手、得心應手的好兆頭。是日的花菇扣鵝掌，味道濃郁，鵝掌又腍又夠味道，我吃了兩隻。清蒸海青斑，是一條夠份量，亦蒸得剛剛好的鮮魚，肉香滑，豉油汁又夠美味，是很完美的一條。當紅脆皮雞，皮脆，肉香，已經是一隻合格的雞。可是，廚房的切工不太好，雞件大大舊，排得又散，影響了外觀。酒席的菜式，稱得上是好。地方細細，剛好配合了這中型的宴會，場地有海景，做飲宴其實不錯，而食物，也許是一分錢一分貨吧。
繼續閱讀
1263 瀏覽
講起上黎小肥已經係第三次喺日航酒店主席廳參加盛宴，翻閱openrice先知原來自己係唯一一位為主席廳提供食評o既食家 ，心覺如果再寫似乎有少少似打手！不過諗深一層，其實XO仔喺度用膳每次都起碼相隔成年，而且宴會o既主題及餸菜款式都非常唔同，新寫o既食評只會道出酒店餐飲服務及質素是否能夠保持水準，相信小弟喺openrice度繼續同大家分享食經應該唔會引起爭議 。日航酒店位於尖東核心地帶，離地鐡站步行約十至十五分鐘，過一條馬路更即可達免稅店購物，出咗名深受日籍旅客歡迎。唔知係咪受七一影響呢，今次喺大堂聽到o既居然全部係普通話對白 ，估計七一期間入住日航酒店以國內遊客為主。雖然大堂旅客眾多，不過仍然有職員主動上前招待其他非酒店住客，更親自帶領我地上樓梯前往主席廳，貼身服務由入門口第一刻已經可以感受到，讚！三年來主席廳裝修其實都冇乜大改變，地方潔亮如新，舒適衛生，雖然係陰天，室內仍然光猛闊落，而且不失其高雅格調。唯一明顯o既改變係房內o既卡拉OK系統進化咗，可惜歌曲卻未能同步更新，對於依點XO仔有少少失望囉！踏入主席廳，XO一家先同主人家打招呼，服務生亦隨即送上熱毛巾及酒水。一埋位，Uncle就好興高采烈地講解當日七一午宴之「五行風水」主題。淨係聽個名都已經好有氣勢，感覺新穎獨特，賓客門亦紛紛拿起餐單研究及討論。相信好多人都知五行分為「金」、「木」、「水」、「火」、「土」，不過有幾多又聽過「金生水，水生木，木生火，火生土，土生金」呢？「五行風水」宴就係以此「五行相生」論設計而成，非常之有心思 ！ 金之Stewed Whole Abalone, Enoki Mushroom & Asparagus w/ Oyster Sauce：第一道餸為鮑魚，炆得夠腍，爽滑又夠糖心，醬汁唔會過多或太濃，以「金」箔點綴及「金」菇做底層作五行中之「金」，大家都不禁嘩嘩聲 ！ 水之Double-boiled Lobster Consommé w/ Lobster Egg Custard：「金生水」，第二味為湯「水」之龍蝦湯。如下圖所示，龍蝦湯分開兩個器皿上，右手邊為龍蝦豆腐燉蛋，左手邊則為龍蝦清湯，食客可自行灌湯入燉蛋杯中。龍蝦清湯好夠熱，加入豆腐燉蛋都唔會變涷，同時香味可直達鼻腔，最值得讚賞係燉蛋上o既龍蝦肉一啲都唔嚡、豆腐燉蛋又夠嫩滑、清湯味濃而不油膩、足料有層次，非常出色 ！ 木之Pan-seared Coral Spotted Garoupa Fillet w/ Wooden Fungus：「水生木」，接住龍蝦湯o既係以「木」耳伴碟o既香煎深海石斑。魚肉幼嫩滑溜濕潤，加上香脆o既魚皮簡直係冇得彈呀！ 火之Sliced Black Pork & Vegetable Paper Hot Pot：「木生火」，同大家所認識o既以「木」取「火」道理好夾，小肥同表妹都不謀而合地讚嘆中國文化好有意思 ！薄薄o既黑豚以「火」鍋上，唔需要多餘o既醬汁已經好入味，「火」鍋除咗可以配合主題，邊食邊煮更可確保火鍋料夠熱，掂呀！ 土之Roast Stuff Chicken w/ Chestnut & Fresh Cishi：「火生土」，咁究竟「乞衣雞」點同「土」拉上關係呢？顧名思義，「乞衣雞」係乞衣（乞丐）發明o既，相傳用泥「土」包住隻雞，再放入火中焗製而成，又稱「土窯雞」 。烹調「乞衣雞」時雞肉有泥「土」包住，能夠鎖住油份及肉汁，所以效果非常嫩滑，意外地就連雞皮都好香脆。雞肉底有塊雀巢，又薄又脆且唔油膩，食落好健康。除咗主菜之外，當日餐單上o既甜品都係配合咗個「五行風水」主題。以拼盤形式上，甜品根據「五行相生」排列，由左起正正就係「金生水，水生木，木生火，火生土，土生金」。如果每樣唔係細細件，恐怕連小肥都未必食得哂 ！ 金之Yuzu Tartlet：所謂「土生金」，食完「土」窯雞當然係要以「金」箔柚子撻承接住，開始新一個五行循環啦！柚子撻層曲奇皮好脆，酸中帶甜，醒胃消滯，哈哈，食完個柚子撻開始有返多少少胃口繼續食其他甜品 。 水之Sweetened Bird’s Nest Shooter：「金生水」，「水」狀o既燕窩雞尾酒杯清新、清爽、清脆、清甜，在座每一位女士都讚嘆不已 。 木之Serradura：「水生木」，「木」糠布甸軟滑唔甜，清清地都唔錯。 火之Crème Brûlée：「木生火」，法式焦糖燉蛋面層o既焦糖用「火」槍輕輕燒過，香甜脆薄，底層o既燉蛋則香滑軟熟，正！ 土之Perou Dark Chocolate with Hazelnut：「火生土」，XO仔同表妹研究咗好耐都解唔開榛子黑朱古力同「土」有何關連，莫非跟榛子及可可豆兩材料生長於泥「土」中有關 ？！秘魯黑朱古力好硬身，牙力唔多夠千奇唔好咬，味道苦苦甜甜，加入榛子增添香脆感，加杯無糖espresso就perfect 啦！ 「金」裝Singapore Tea Tarik：「五行風水」宴去到尾聲，突然近有人拍門，原來主人家安排咗一場壓軸「金」裝星加波拉茶表演，以代表五行循環不息，有金又有水 ！星加波拉茶表演就如上一次般精彩，奶茶又香又滑，辣辣o既薑味濃得黎唔會過火，驅風消滯，好一個結尾！七一假期，uncle悉心安排咗一頓超級豐富o既「五行風水」午餐同好友們分享，好讓大家動動腦筋，品嚐美食，以及欣賞表演，小弟能夠參與其中，自覺三生有幸，感激萬分 ！所揀選o既主席廳喺尖東日航酒店，交通方便，環境寬敞優雅舒適衛生，上上下下所有工作人員亦同樣友善細心，服務周到得令人有賓至如歸之感 ！「五行風水」陣非常有諗頭，設計者及廚師們都配合得好好，食材新鮮，菜式既有心思亦多元化，美觀又美味，嘻嘻，能夠免費享用o既XO仔又點可以唔覺得抵食呢 ？！
繼續閱讀