丼丼屋 (已結業)

下午有野做,三點先去食lunch,原先諗住去食華星冰室,不過唔記得兼搵唔到兜左好耐, 最後就改黎這裏食啦!我們都叫左親子丼姐係滑蛋雞肉飯蛋有少少生不過撈上熱飯就剛剛好! 蛋汁+湯汁混上熱飯好好食亦唔會太多汁, 唔會太稀像湯飯而且份量十足,食完好飽!另外, 他那小碟漬醃蘿蔔也不錯!!!不過有兩個不好的地方雞肉無咩味, 十分淡味好似沒有醃過另外就有價錢問題親子丼在這餐廳中的主食已經算是平價(無睇錯的話最平是冷烏冬)其餘的都有點小貴!不是說比唔起,而是價位有點不值囉! -_-因為價錢問題, 短期內不會翻兜嚕! >3<

之前看到的丼丼屋食堂評價唔錯，一直好想試下，今次和朋友買comebuy的時候，恰巧看到丼丼屋食堂的招牌，便放棄comebuy轉去丼丼屋食堂。一入到去，差不多接近2點，人不多，不用等位滑蛋雞肉丼：蛋好滑，與評價一樣，可惜雞肉比較淡，整體吃上去有點失色。吉列豬扒丼：豬扒好脆，肉汁又沒有流失，同飯比較夾，整體味道不錯。芝士薯餅：為了避免薯餅會凍掉，我們最後才叫，有2個薯餅，一人一個，比較膩，差d就食唔晒。芝士都OK濃，而且料足。價錢唔貴，比起別家要平，性價比挺高。

一直都好想試丼丼屋，於是約埋朋友去試。差唔多兩點去到，大約5成滿座。食物款式都好多元化，有釜飯、吉列、烏冬&丼飯，仲有多款小食。我要咗丼丼定食 ($85)，有湯、沙律同凍豆腐。丼丼就有一邊係燒牛肉飯，一邊係冷烏冬，一次可試晒飯同烏冬。味噌湯不錯，不會太咸，而且有爽爽的昆布碎。凍豆腐加上芝麻醬，總是好吃的。沙律有車厘茄、粟米同生菜，個汁幾特別，好似加咗wasabi，有少少辣。主食送來了，隻碗分成兩邊。燒牛肉飯有三片牛肉，飯已下了醬汁。醬汁咸咸甜甜的，份量也足，夠撈飯。牛肉雖然薄身，但牛味十足，亦唔會太鞋。冷烏冬已加入薑茸同蔥，撈勻。烏冬質地滑，帶點點煙韌；個冷烏冬汁也很好，微咸帶有木魚香。環境也很好，寬敞，食完之後坐咗好耐都無人趕。

前排丼丼屋食堂風頭一時無兩本來藍藍一早已經黎食不過一個唔小心去左elements既丼丼屋真係唔食都唔知咁好食!有驚喜!今次去返真正上榜既丼丼屋食堂結果反而失望!因為係丼丼屋食左個好味滑蛋雞飯所以就叫貓仔食藍藍就食咖哩牛肉烏東烏東都ok既牛肉似係打廉價邊爐果d肥牛咖哩唔算稀 夠撈個烏東overall正常無特別不過滑蛋雞飯就唔得啦貓仔話d蛋本身一部份熟晒,一部份就偏生撈飯後成碗飯勁濕同係elements丼丼屋食到既有天壤之別!小食我地叫左芝士薯餅同卷蛋芝士薯餅唔係唔係食 只係又無咩特別薯多過芝士 食唔出咩芝士味唯一滿意係卷蛋唔係好似壽司店果d蛋壽司既蛋咁甜又有蛋香味 我鍾意~記得果晚等左好耐位 真係唔值去elements雖然貴dd,但係唔洗等咁耐又好食好多同場見到d學生哥帶學生妹女朋友黎食貓仔話點解我地讀書果陣唔識黎呢d地方食飯又係wor,如果中學果陣有男仔帶我黎食應該都幾滿足依家...要再好d先滿足到我個胃啦哈哈

平時最愛四處找吃,今次去了出名吃日式定食店試試,不過今次本人並沒有吃定食,而是選了兩個單點: 吉列雞扒及油豆腐烏冬這個油豆腐很好吃, 夠甜味, 烏冬的口感也不錯,湯是清清的, 很有日本的味道,略嫌還是有丁點嗆喉, 有待改善,吉列雞扒炸得十分鬆軟, 也附上芝麻配食, 很不錯!朋友點了一客滑蛋雞肉飯,意外地好吃, 我會再光顧的!平日都是在日本吃日本餐,香港的港式日餐已經滿足不了不少人的舌頭,好吃的日本料理在香港實在少之有少,今次也沒有失望, 而且有驚喜!

從open rice看到不少食客曾到這餐廳用膳, 而且好像口碑不俗, 碰巧今天來旺角買東西, 便來試一試(記得上一次來到見到很多人在等位, 因此沒有嚐試). 或許由於時間尚早(中午12時半左右), 餐廳只有寥寥數枱客人, 不用等位. 我們二人要了一客吉列豬扒飯定食和一客咖哩豬柳飯(加入15元轉為套餐). 吉列豬扒的外層麵包糠跟豬柳的不同, 前者較為鬆化. 肉質方面, 吉列豬扒尚算ok, 不是"硬彬彬"的, 不過, 豬扒始終是較為乾身. 相反, 豬柳的外層雖不及豬扒鬆脆, 但肉質卻較為有口感, 亦比較juicy. 或許就是這個原因, 豬柳的售價比豬扒貴. 咖哩方面, 像一般日式咖哩一樣, 甜中帶些少辣味, 不俗. 沙律都算不錯, 有些少wasabi的味道. 麵豉湯及小食(牛蒡)只屬一般.服務方面, 尚算可以啦, 不過店員會在你用膳後立即給你單據, 並示意你到櫃檯付款. 我不清楚她們是否有這習慣(想客人一吃完便要走人交枱), 但當時並沒有其他客人在等枱, 而且店內亦有數張枱是未有客人坐的.整體來說, 丼丼屋食堂算是合格, 價錢略為偏貴, 偶爾光顧也無不可.

滑蛋雞肉丼...真係好滑芝士薯餅....一d都唔"留", 一人食晒一個岩岩好..正雜菜天婦羅配烏冬......好特別的外形唯獨份量不大, 男仔食一定唔夠飽我地一共4人..叫了5樣野....都好似唔飽咁....哈哈哈服務都不錯...經常倒水....上菜都好快

成日見間野咁多人排隊, 今日早收工18:XX去到唔使等位。我朋友未到, 同WAITRESS講三個字倒先到。佢隔一陣就黎問到未, 問Q成左3,4次。我點左個竹輪烏冬+$15 SET同芝士薯餅竹輪烏冬=竹輪1條+烏冬1碗竹輪炸得好油, 烏冬唔夠自家烏冬好食。個麵豉湯得D豆腐同海帶屑。SET度有碗小吃應該係漬物, 份量超少, 一啖食晒個口仲有好多位。我果碗有加麻醬,但我朋友果碗乜醬冇囉。唯一讚既係和風沙律好新鮮!我係可樂餅愛好者, 但個芝士薯餅真係好難食, 整得仲差過自己整果D, 完全唔明點解D人會話好食。薯仔外層超厚, 內餡芝士粉粉地有DD奶粉味。仲有咬落芝士唔係一絲絲嫁, 極其量我只可稱它做「芝士味」餡而唔係芝士餡。成個餐份量岩岩好, 岩晒我呢D細食一族。雖然D位幾闊絡好坐, 但限時食一個鐘就要走, 炸物要等20MINS以上, 食既時間得好少, 我未食完佢就出單叫我出去埋單喇, 我話仲想叫雪糕, 佢一句話冇提供就放底張單走人喇。食完出到門口, 哇~一大堆人苦等中。奉勸等位既朋友勿浪費時間, 過隔離美心食火鍋都冇咁嬲!

之前不少的食評也說這裹的食物不錯,於是今日行過就決定上去試試。大約1點左右上到去,由於是太肚餓,於是只叫了—份這裏的名物一炸芝士薯餅。但這裏的服務態度認真麻麻,D侍應只掛住傾計,客人想落單都好似見唔到，跟住我叫完野食,重聽到個侍應話"那一枱凈係叫咗個薯餅咋"態度太禮貌lo之於食物方面，我亦覺得普通薯餅食落夠熱,但芝士卻完全無—絲絲拉出來的效果。而且可能薯仔與芝士的比例不太對,結果食完一件已經覺得有D膩了。

將時鐘撥回數日前的年廿九，去旺角買新鞋迎新歲時，剛好也途經同區的花園街，見到早輪大獲好評的丼丼屋食堂招牌，知道是美心集團旗下的店舖，既然是好評如潮，也想知水準究竟如何，擇日不如撞日之下，乃就入內吃個午餐好了。固名思議，這裡是以日式的丼物作為主打，仿照日式的食堂風格，裝修上主要以柚木為主，配合相若顏色的桌椅，首印象是給予一種「很地道」的感覺。坐在接近廚房的吧檯上，可看到年輕的廚師們忙個不停，同時在旁邊亦見著一些浸製著的橙酒。翻看餐牌一看，除列明款式之外，同時亦備有一些食物風格的簡介，例如提到丼物就是以大碗裝著的飯食等，另外亦有咖喱、火鍋、釜物（日式煲仔飯!）及一些當地的小吃等。近日身體不適，只能飲用開水，無聊間發覺筷子的頭部，不是圓頭及方頭，而是八角形的，對我來說也實在少見。說回食物，點了一個時值四十五元的生薑豚肉燒丼物作為主吃，若加多十五元的話，還可配上味噌、沙律及小吃等；只是當點餐之後，發覺牆上有一個相同配料的定食，卻只收五十餘元而已。詢問店員之下，據知原來閒日才有定食供應的，當然少數金錢還不是大問題，個人覺得還是列明清楚好一點，否則不免有「誤導」之言。上年下半年不乏進食日式定食的機

在openrice挑選去那一間餐廳吃晚飯時...找到丼丼屋,看到不少食家對丼丼屋的評價不錯 ...因此決定到丼丼屋一試 !在旺角走了不久就找到丼丼屋<---有很大個紫色的丼丼屋logo 招牌一上到去丼丼屋門口...人生人海 !!!等位是預料中事 ,就看看到底丼丼屋值不值得 我們去等待吧大概10分鐘左右....終於可以入座啦 一打開meun....有點失望的是烏冬比較少.....最後點了滑蛋豬肉丼 炸芝士薯餅 咖哩牛肉烏冬滑蛋豬肉丼雞蛋很滑 豬肉的肉質也嫩,容易入口把滑蛋撈埋飯的味道是不錯的咖哩牛肉烏冬這個咖哩烏冬是撈的...咖哩的味道 是有點辣 但很惹!!牛肉的肉質 和一般的肥牛一樣...但這個份量是有點小 !! 對女仔來說是勉強可以的 但對男孩來說 實在太少啦 炸芝士薯餅咬一口芝士從薯餅中滲出來..滿口都是芝士炸的很脆口 值得一提的是 服務態度是不錯的 ,會主動加水,上菜時也很有禮貌繼續努力 !!! 希望日後可以見到有更多丼丼屋的分店

今日同一友人去食日本菜，慕名嚐鮮。兩人皆點招牌菜-滑蛋雞肉丼定食 set lunch包沙律 主菜 漬物 麵鼓湯 。。。 落ORDER 之後耐心地等左15多分鐘左右，終於上碟了。 。 。半生熟的蛋汁, 配以很多洋蔥及雞柳, 賣相OK。味道雖然淡咗D，但是可以借機加自已喜歡的日本醬汁，再加辣，超好味~！等咁耐都值得！！另外，佢係用普通的膠碗裝飯，我覺得唔夠搭，如果用石窩碗裝會更好呢。最後食埋份特色甜品，好幸福，最鍾意佢個宇治雪糕，紅豆加北海道牛乳=絕配！

與男友一行二人大約下午三時，由太子行到旺角搵野食，為求搵D從來未食過既餐廳~平時去親呢度都係去隔離元氣食，今次就試下新野啦，反正下午茶時間唔駛等位睇左個MENU揀左好耐，最後竟然同男朋友揀埋同一個飯「咖哩牛肉焗飯」，再加多碟炒雜菜，個飯由於要等既關係，就同男朋友一直呆，等左大約二十分鐘有多，個飯終於黎啦但因為太肚餓既關係，完全唔記得影相，但係賣相其實一般，碟既SIZE同沙嗲王用黎裝白汁飯隻碟一樣~長型的~由於我本人好鍾意汁撈飯，呢碟野完全岩哂我，食落去啖啖都係咖哩汁，仲要有D芝士加落去～我覺得好好味喎(當然唔知係咪等左太耐既關係啦)炒雜菜就發揮返炒雜菜本身應該要有既味道啦, 不過睇個樣有D黑色一粒粒, 好似燶燶地咁..諗唔到食咩小食就可以一試啦~唔係特別推介~服務OK既, 做RECEP果個姐姐態度好好, 雖然好快咁講完一大段野都聽唔到佢講乜, 但係勝在笑容夠, 其他店員都OK, 但係第一次要嗌先加水~嗌完之後都會自動自覺走黎加水~價錢就唔清楚, 因為埋單果陣男朋友一支箭衝出去八達通, 不過應該3樣野加埋200蚊以下~

路過此地, 隨便上了這店, 是首次嘗試半生熟的蛋汁, 配以很多洋蔥及雞柳, 味道尚算不錯, 較為偏淡味, 整個餐是跟麻醬沙律, 酸瓜, 及麵豉湯的, 不錯的份量! 上菜是時快, 環境舒服, 燈光令人感覺舒適, 座位不太密, 雖然餐廳不是很大面積, 但不會有擠迫感!

什麼是「釜飯」？所謂「釜飯」，原來「釜飯」的「釜」字（ Funameshi ），指的是日本古時煮飯用的鍋（金屬鍋身，並以很重的木材為蓋），可煮出白飯。「釜飯」是日本的傳統鋼鍋飯食，烹煮時以小鋼鍋將多種肉食、海鮮和蔬菜共冶一爐。在食材下鍋之前，鋪於鍋底的米飯已以溫火稍煮，正好吸取各道鮮味。什麼是「丼飯」？所謂「丼飯」，原來「丼飯」的「丼」字（ Donburi ）是日文漢字，指的是一種日式飯食，以大瓷碗盛載著白飯，飯上覆以各款食材，傳統丼包括牛丼、親子丼和豬扒丼等。上面的解說其實並非出於我手，我只不過是當了一個文抄公，把「丼丼屋食堂」餐牌中有關「釜飯」與「丼飯」的解釋寫了出來而已。這間美心集團旗下的「丼丼屋食堂」，自已其實在兩個多月前曾經到來幫襯過，感覺不錯，這夜又再來到旺角，正好舊地重遊，前來吃個晚飯。這裡雖名「丼丼屋食堂」，賣點是日式丼飯，不過店內其實還有好一些其他選擇，好像日式咖喱飯、烏冬和釜飯等。這夜來到，我與老婆仔兩人正好一個叫「丼飯」，一個叫「釜飯」，成就了一段釜與丼的因緣。老婆仔這日胃口欠佳，所以只是單點了一個「汁燒牛扒丼」，並沒有加錢叫來味噌湯、沙律和前菜。我這個饞嘴鬼則除