丼丼屋 (荷里活廣場)

營業中

休息中

去到荷里活廣場，在煩惱去哪間餐廳吃午飯，經過丼丼屋，沒有人等位，裏面顧客也不是很多，所以選擇了它。午市套餐的選擇頗多，我和家人一人點一個。套餐配有沙律、薯蓉球、麵豉湯和果茶。沙律菜清新，蟹柳鮮味，麵豉湯材料豐富，味道淡淡的，果茶裏有很多果肉，像是西柚加橙肉。我最推介的是薯蓉球，它有淡淡的沙律醬味和番薯味道，很好！天婦羅蝦餅丼定食$68- 天婦羅炸得香脆可口，不會感覺油膩，蝦仁加上野菜不失濕潤的口感。可惜天婦羅蛋偏熟，少了流心蛋黃汁配飯食。牛筋丼玉子定食$78- 牛筋上有很多沙律醬汁，比較重口味，如果可以給顧客自行加上沙律汁就好了，吃到最後因為太膩的關係，都沒有把所有飯吃掉。滑蛋豬扒丼定食$98- 加了$5熱日式炭燒咖啡，咖啡味頗香濃。雞蛋煮得剛剛好，十分軟綿，增加了香脆豬扒的口感層次。難怪它是餐廳的重點推介！

#下午茶餐 似乎係專為我哋呢啲懶人而設😆 放假嘅日子，我又點可以唔爭取時間 #補眠 呢？呢排幾乎每個假日都瞓到中午嘅 #小秘書，梳洗過後，正好係 #下午茶時間🥳 點指兵兵... 呢日我哋就去 「丼丼屋」開飯😋 本來我想點個 #迷你魚生丼，好可惜已經賣晒👉🏻👈🏻 我只好改要 #滑蛋炭燒雞肉丼 配 #芝麻雞翼。呢日 #師傅 似乎心情唔錯，#蛋漿 份量啱啱好... 至少唔會好似早幾次咁，成個水塘喺碗底😅 #丼飯 上枱嘅時候仲出哂煙㗎，雞肉好嫩軟👍🏻👍🏻 #芝麻雞翼 口感唔油膩、仲炸得有少少脆邊好香口👍🏻👍🏻 至於跟餐送個杯 #果茶 就酸酸地，似係 #西柚 嘅朋友... 免費嘅ok啦😏 不過唔知點解每次下午茶時間，餐廳裏面周圍都會圍晒板，感覺有啲侷促😅 不過 #服務 同 #食物 都OK嘅，價錢相對都親民呀！

因為中左戲飛，今日就同老公飛甩仔仔，去食晚飯加睇戲啦。真係好彩，因為睇戲我要食爆谷，所以晚飯只係叫左一個丼飯同加錢刺身同老公兩份食。如果叫足2個丼飯，又係食到一肚氣。其實睇Menu都好唔錯的，我原本只係想叫普通饅魚飯，但老公見有個貴D既就叫貴D果個,諗住饅魚會靚D。依個就係貴果款饅魚飯，佢重有個茶咁既物體，係可以食一半加落去做湯飯咁的。講真，見到依個饅魚既賣相就知中伏，又乾又薄，燒燶左既真係好難食丫，燒到咁都拎出黎真係離譜。最衰我地跟住趕睇戲，唯有照食。因為燶左既鰻魚真係唔好食，令到我覺得，依間野一定冇下次。加錢的特上刺身。依個都冇乜點，個薯容係勁好味的，不過湯又好，刺身果D魚子又好，其實比隻匙係咪真係咁難呢？要叫先比。鰻魚明明係一樣好好味既食物，我都唔明點解可以整到咁難食。重有價錢比普通果隻鰻魚飯貴成50蚊以上，但件鰻魚薄過紙，咁平果隻鰻魚會點？得層皮？

今日用埋兩張美心coupon,就同美心說再見以前去親丼丼屋都係風雨不改食佢個豚肉飯，今日喉嚨痛就轉食其他。✨名古屋鳥開親子丼： 個半熟蛋汁好吸引成碗望落閃令令，食落真係超嫩滑同好香蛋味，d 雞既調味稍為淡同有d 硬，但整體黎講覺得幾好食。唔好睇個碗好大，d 飯原來好淺。✨另外加咗左$35嘅定食，都幾豐富同飽肚。✨個湯都算幾多料，金菇，菇，蔥花，海帶～飲落幾清甜。沙律個汁甜甜酸酸幾開胃，又有蟹柳粟米，感覺唔會寡。✨薯仔蓉味道就比較單調， 食埋個蟹肉三文魚籽飯團仔都好飽～～✨魚生飯都唔錯，三文魚好肥美有油香，帶子牡丹蝦好鮮甜，隻蝦大大隻啖啖肉。埋單仲送左個蛋黃哥file, 超靚！無食一排其實質素都唔錯，可惜你係美心，不了～再見

今日lunch去左荷里活廣場交收后，見到間間餐廳都勁多人排隊，係無咩選擇同埋食完飯就要趕住返公司嘅情況下，我唯有揀唔多人嘅丼丼屋食lunch我叫左個炙燒海鮮丼$88，海鮮都算唔錯。帆立貝都算新鮮、juice、口感同味道不俗。大蝦都新鮮、味濃、啖啖肉。三文魚則還可以、口感不差、但味道就差啲，不夠香及油脂唔夠多及味道唔夠濃。飛魚籽則應唔會失手😅口感卜卜脆。整體海鮮丼不過不失，雖然無太大驚喜，但都唔會好難食。如果無咩選擇嘅情況下，都可以考慮下😊

今日太夜放工，去到荷里活廣場都已經差唔多10點，商場好多餐廳同舖頭都關左間，所以係無咩選擇嘅情女況下，唯有揀仲未關門同未cut order嘅丼丼屋😉由於時間無多，唔可以比我慢慢㨂食咩好...係咁倉猝嘅情況下，我係二大美食競賽的W受賞中，5選1㨂左信州風味醬汁吉列豚丼信州風味醬汁吉列豚丼 $88豚肉雖然唔係厚切的肉扒，亦唔係一啖就好多汁嘅juice口感，但卻不是乾真真，而是肉味香濃得來有咬口的。吉列醬好薄，無油膩感，配埋醬汁真係好夾。我好鐘意呢個信州風味醬汁：酸酸甜甜，好開胃😍

收工同朋友相約睇戲，順便食個晚餐~選左食日本野!未夠7點所以唔洗排隊，即拎飛就可以入座見到期間限定牛油果三文魚親子丼，試下新野，本人不特別好牛油果，所以成個飯覺得無咩特別，正正常常，味道ok!另外，叫左貴價鰻魚飯，今次可能燒耐左，所以食落有少少燒焦味~有少少失望，味道方面其實可以選擇返另一款平價鰻魚丼飯，之前都食過~所以我覺得鰻魚味道上無咩分別，今次叫呢個特別之處可以加湯食，變茶漬飯~多一種食法!反而加左set前菜個玉子蛋好味~整體評分6/10

話說今日好想食炸雞喎~今日甘啱又有野做要出鑽石山喎~~又甘啱見到喱間野無咩人又唔洗等位米入去試下囉~~一入去坐低睇左陣就 舉手叫人啦~間餐廳有5-6個樓面我隻手 舉咗大半分鐘都冇人理我 ！途中係有人見到嫁都扮睇唔到！叫左兩個飯加左罐可樂，我朋友個飯食完個可樂都仲未上，我個飯都係。另外我個飯☝️啲炸雞咸到嘴唇都皺哂，拆左啲炸雞皮都好Q咸果隻！！啲飯濕到未煮乾水甘又甜到好似食緊糖水飯甘！！！個飯未食之前個樣係靚嫁~~但真係得個靚~！

放假突然想食日本野～丼丼屋就係一個好選擇👍🏻👍🏻份量唔多但味道好好。有時物以罕為貴，太多反而唔好。刺身都好新鮮～平時丼丼屋價錢都唔平，lunch價錢就可以接受。仲有飲品送。😚😚🍹天富羅味道都唔錯，炸蠔好好味，可以一試。要改善嘅係送餐時間比較耐。

假日晚市黎，好多人排隊呀，等左差唔多20分鐘。攞起menu，我隨即比呢個新品—-迷你3式丼吸引左，岩晒眼闊肚窄既我。3碗迷你丼上都佈滿左刺食切粒，分別有三文魚、呑拿魚同帶子。因為個碗比較細，食嘅時候要小心啲，如果唔係啲刺身就會跌到周圍都係㗎啦！價值:$108 評分：8/10 欣賞佢呢個咁貼心嘅安排，一次過滿足左我三個願望。唔好睇佢每款都好迷你，食晒三碗都令我好飽。雖然晚市好多食客，但服務員依然保持良好的態度，都不時為我地添加茶水

睇戲前去醫肚因為掛住玉子卷就同老公嚟啦～少少甜軟淋淋，仲好juicy ，每人2件唔係好夠喉，叫多碟又太多…可以的話6件一碟會開心d2杯無糖荔枝味果茶係跟餐送既我叫左呢個，原因係睇相見到好多沙律醬個味同食燒餅差唔多，沙律配胡麻醬，湯除左多葱仲有雜菌係底好清老公叫左呢款，炸豬扒都算大件，沙律同湯係一樣跟餐再加個芝士唔知咩薯餅同埋加左4件刺身，老公形容為薄切，好刀功呀！有影單可以睇番叫左d咩，整體不過不失

一到食晚飯時間，荷里活間間餐廳都排哂長籠，見丼丼屋條隊無咁長就決定等呢間，由6:45等左半個鐘左右就有位啦.男朋友係門口見到個Menu就想試佢地嘅厚切三文魚海鮮丼，因為賣相吸引，而且係本店限定，所以決定試下。本來以為海鮮丼會有蝦或者帆立貝，點知原來海鮮係指啲三文魚籽同蟹籽，有少少失望不過啲食材好新鮮，而且三文魚真係好厚身，一碗有四五塊，每塊都有平時食刺身個種厚度。所以，整體黎講，正價比都算高👍🏻.我就叫左滑蛋吉列豬扒丼，食日本野我好多時都會揀食滑蛋，因為連滑蛋飯都handle得唔好，其他野多數都麻麻地。不過，丼丼屋嘅滑蛋豬扒飯我十分推薦大家食！味道一流，份量大份，值得食！豬扒炸得啱啱好，出面鬆脆，入面依然啲肉好嫩，而且完全無平時啲炸粉個種油膩同好熱氣好燶嘅感覺唯一美中不足係個蛋老左少少，唔夠滑，但成個飯加起有90分！.雖然等位等左半個鐘，但係由落單到上菜都係十到十五分鐘左右，所以算ok啦

經過荷里活廣場，想食日本料理，就試下呢間，等左5分鐘就有位。環境都ok，唔會太迫。每人嗌左個丼食。滑蛋吉列大蝦丼 $783隻大炸蝦，蝦肉唔多，皮好脆，實物同menu相一樣賣相咁靚，滑蛋好多，好滑。黑咖哩吉列豬排飯 $88豬排都炸得好脆，厚實既肉，口感不錯，咖哩不過不失。迷你泡芙 另+$13唔系包cream，系包雪糕，應該雪太耐，比較硬，但都ok，都好食。份量好多，好飽肚，熟食炸物唔錯，下次想試下非熟食既。

最近見到丼丼屋新出咗幾款吉列豬扒丼，又係喺「全國丼物大賽」入面拎到金賞嘅，之前食過一次得獎丼飯好正，今次又去咗捧捧場🎉今次嘅丼飯係嚟自大阪吉列豬扒丼專門店「喝鈍」，安坐香港丼丼屋就可以食到大阪嘅味道🤤 今次除咗有普通滑蛋吉列豬扒丼之餘，仲有芝士蕃茄口味，同埋泡菜口味，作為一個蕃茄控，當然係揀芝士蕃茄口味！芝士番茄滑蛋吉列豬扒丼定食 $108 次次嚟丼丼屋食嘅扒都係好厚切，今次都唔例外，成口都係肉，超滿足，食到我全身都係肉😆 日本嘅豚肉係唔同啲，肉質軟嫩。日本雞蛋蛋味十足，同濃濃嘅蕃茄芝士互相襯托。需加一服務費，埋單1人約$120。如果你鍾意睇我嘅食評，不妨關注我，支持吓我，謝謝你☺️💕

🇯🇵一個丼平既56貴既可以去到百幾蚊，只係得個丼🍱，想要有沙律吖🌱、湯吖🍲果啲要另外加錢。抵唔抵你就見仁見智啦。🔸食左個🍛黑咖哩吉列豬扒🐷飯。豬扒個炸粉唔算厚，唔計炸粉塊扒都有比1cm幾厚既，不過就肉太瘦😣，有啲靭都完全冇肉汁😢。個咖哩汁好夠味，好既係食落唔會好似有渣咁。個飯用食落係日本米🍚既，稍為有啲黏，日本飯既特質。嫌佢比得汁我唔夠我溝飯食，問佢要多啲汁就perfect池😋