么鳳 (已結業)

一月上旬這年頭什麼都要是自家製才有價值，這裡卻有大紙黑字寫涼果是自製，手頭上是一包甘草檸檬，吃起來不太甘，但「酸咪咪」帶點甜，在吃滯的日子是不錯的開胃、開心添加劑，$16／2兩吃足一個下午，滿意了。

上星期去咗holly wood plaza，見到有間么鳳，買咗d黎食。今次去九龍city, 又見到有么鳳。不過原來兩間店是有不同的。hollywood 嗰間叫 "上海么鳳"，而KLC呢間就淨係叫么鳳。老闆娘話佢地真係有幾年歷史，同上海么鳳不同。我地做顧客嘅都唔會點理邊個打邊個，或者邊間先係正店，總之好食就得啦！今次買咗山楂條、泰梅、華梅肉同佛手果。山楂條上次喺hollywood 嗰間買過好食，今次試完味之後覺得差唔多，所以就買咗半磅。呢隻山楂條無其他款式咁甜，無咩artifical sugar。軟軟淋淋，食到停唔到口。佛手果切得大大粒。好多香草喺上面，味道很濃、清甜很潤喉。不過質地硬咗少少。泰梅正，因為夠酸。華梅肉都係夠酸，不過就加咗糖精，多食無益。

朋友話么鳳好出名~又話食過蛋黃餅好好食~但唔知邊到有分店~所以就叫我幫佢買~朋友話食過好多間蛋黃餅,最好食就係呢間....叫我試下~另外仲試左佢地既馬仔~蛋黃餅:我食左之後,覺得普通啦~味道就唔似出面咁甜囉~同埋唔會好似石頭咁硬!$32一磅,半磅一包......已經好大包啦~馬仔:呢個幾好食~好香蛋味,出面係食唔到~而且佢唔似第二啲咁,用好多麥芽糖!仲要唔會偏甜~不錯呀~$12有6件.....仲係獨立包裝架~

因為媽咪咳咳~所以想買D陳皮俾佢食下來到么鳳, 見到有好幾種涼果都好似岩俾咳既人食於是問店員咳的話食樣好D店員哥哥就話川貝陳皮啦~仲好好人咁俾我地試下川貝陳皮同其他陳皮既分別最後都決定買川貝陳皮一場來到, 怎可以只買陳皮?在有得試食之下, 選定予以下涼果甘草檸檬(是芸芸檸檬最唔咸的~)乳酸山楂(冇一般山楂咁甜的,正!)珠豆花生(剛好的咸香&花生質感脆而紮實)川貝陳皮(乾的, 越食越有味! 大家千萬不要一個唔該就吞左去唷!)黑豆(唔記得叫咩黑豆, 但試食之下覺得是口痕想食薯片時的代替品!!食多也唔會肥~呵呵!!)雖然么鳳是比一般涼果店貴D但如果要食涼果, 你願意俾多少少, 買用古法泡製的還是俾平D, 買化學成份泡製的呢?

早前在衙前圍道既公鳳買過中式零食, 昨天係 ceres 買完麵包皮後過馬路見到佢 - 么鳳, 呢間好似先係正店?! 於是買啲手信先....八仙果, $10/兩, 佛手瓜, $10/兩, 金柑, $18/3兩, 半磅6筒山楂餅, $24, 八仙果似原整碎既...味道帶甘, 佛手瓜入口味道酸酸甜甜, 不過, 好少....好貴, 山楂餅比中國貨大塊, 味道差不多...跟公鳳比較差不多, 但好似貴好多!

一向以為Openrice只會有吃飯的和提供飲品的食肆的資料，估不到零食店都有記載，犀利！在九龍城吃完晚飯，一般都會到處逛逛，或是順便買點飯後小吃，么鳳就在福佬村道這條食肆林立的街道上，很容易給人找到。據聞，之前曾有一間叫么鳳的店舖在九龍城開業，後來給銅鑼灣的上海么鳳知悉，控告侵權，所以這間店後來加上一點，變成公鳳，甚為取巧！原來這店是真正么鳳的離職員工所開的云云！後來，真正的么鳳分店在這裡正式營業，店內所售賣的，全是一些零食，陳設有緻，令人不期然要買些回家一吃！我選了魚皮花生（4元一兩）和炭燒杏仁餅（15元一條），魚皮花生不夠脆，味道比一般在街上隨便一間士多買來的還差，而且偏咸，這花生我不推介！至於炭燒杏仁餅則不錯，不會像炒米餅般太硬，而且也有果仁碎的香和嚼口，媲美澳門的咀香園和鉅記，掂！

七月初，奴隸獸從大氣電波，聽到車婉婉小姐推介『么鳳』的硬及軟齋雞粒，覺得很有趣，齋雞粒有分軟和硬嗎？於是記在心中，下次去九龍城，一定要買給主人試試。後來奴隸獸當然是忘記得一乾二淨，直到今次去九龍城買上海月餅，途經『么鳳』就記起來了，所以我們就買了：1. 軟／硬齋雞粒各一包（@HK$25）：軟的顏色較淺（淡淡的橙紅色），口感不太硬，並帶有少少煙韌。有淡淡的薑汁味，奴隸獸頗喜歡呢！硬的就較為深色，食落確是硬得很，食多幾粒就會牙胶軟，舌頭損，但是味道就比較濃。最欣賞這兩款齋雞粒都頗為乾身，食後不會手指黏黏的。2. 甘草薑（HK$5.0）：好懷舊的零食，兒時，如食得多，舌頭會染成紅色。今次所買的甘草薑味道就略為鹹了一些。3. 酥仁棯（HK$12）：這款零食已很少見，味道雖無特別，買來嚐嚐，只是懷舊一番。