九份茶舍 (已結業)

飲過三間分店幾次，真係間間分店都keep到個態度咁差，真係唔容易做到！每次都係叫烏龍珍珠奶茶加芋圓，每次都會好晦氣話有珍珠唔可以加芋圓呢個時候就一定會有另一個職員話得，點解唔得？你加錢咪得囉。好啦，叫完，冇人都等好耐，每次走冰唔走冰，唔知想點，咁我又唔想佢嘥咗去就硬食，對方冇一次講句唔好意思呀！每次都話，哦，走冰咩？之後有人買嘢飲，對方又係串串貢㗎！人哋話要A佢就話B，態度一樣咁差，無差別態度差。今次又係唔係半糖同走冰，飲咗少少都忍唔住掉咗去。我以後會認住，記住唔會再買呢間！受夠！$40買氣受，我不如去第二間！

當大家都去幫襯黃店嘅同時，有冇考慮過係咪真係好食或好飲？定大家只係盲目去支持呢？小妹以下都只係實話實說，大家參考吓啦～No offense 去完沙田做嘢之後，就諗住買個小食同飲杯肥仔水，之前見到「九份茶舍」好多人幫襯，咁啱見到佢冇乜人排隊，就諗住試下有幾巴閉啦～碳焙烏龍珍珠鮮奶茶（$30）珍珠可以揀黑糖珍珠或地瓜珍珠，小妹就揀咗黑糖珍珠，珍珠口感欠佳，唔彈牙不特止，亦有幾粒唔夠熟，🤢原本以為以碳焙烏龍做茶底嘅鮮奶茶茶味應該幾香濃，但完全飲唔到茶香，連奶味都唔係好突出成杯嘢飲只有甜味，完全唔知自己飲緊乜？三色仙草芋圓（$37）芋圓份量不多，口感唔算係好q彈，食落有一點兒硬，食唔出芋圓係地瓜定芋頭味？仙草佔左四分三，清涼嫩滑，配搭香甜紅豆，算係加返唔少分數。

點解會揀呢間買糖水 因為啲街坊個個都讚 紅豆仙草三色芋圓 好好食 今日經過居然冇乜人排隊 就梗係唔好執輸 買返一碗嘆下啦 價錢又唔貴32蚊 我接受到 我好鍾意食佢個芋圓煙煙靭靭 紅豆煮到淋曬好正， 加埋仙草簡直冇得輸

每日lunch食飽自己個飯都會心思思想買今日見happy Friday就獎勵一下辛苦工作左5日既自己啦😝呢間九份茶舍我飲過一次就返唔到轉頭❤️佢平時好多人排隊今日我太幸運喇！今次又係叫左我既心水no.1百香果四季春鮮果茶我帶左自己個環保樽去買今日個人呆呆地🤨唔記得叫微糖少冰對飲咩都走甜既我黎講甜左少少不過佢仍然咁足料份量唔少既百香果+2片蘋果+1片橙飲落都仲係酸酸甜甜但又唔會死甜搶哂d茶味真係飯氣攻心既最佳良藥❤️

九份茶舍係一間夾台式飲品同台式糖水嘅店，呢度仲有seefood閨深愛嘅芋圓。今次因爲食咗嘢先嚟幫襯所以只係買咗台式飲品嚟試。💛黑糖瀑布仙草鮮奶 （細$25 大$28）同朋友叫咗兩杯細size少甜少冰，黑糖淋係周圍，加上大量仙草同埋鮮奶💓覺得甜度剛剛好，唔會甜到漏，鮮奶味好出，啱晒鍾意飲牛奶嘅我！仙草足大半杯滿，午餐唔夠飽嘅可以去買番杯當加餐😂 而且仙草嘅質地好滑溜，個人覺得同台灣食嘅一樣咁好味架。 💛三重抹茶鮮奶 $33另一朋友買咗一杯少甜少冰嘅三重抹茶鮮奶，抹茶味太重，抹茶奶蓋都係濃濃抹茶味，變咗比較飲唔到奶味，不過抹茶珍珠口感Q彈可以加番分👍🏻 整體嚟講依間有良心小店質素都有保證，用料十足。買滿$50仲會送手提飲料套 🥰.美味指數：5⃣/5抵食指數：4⃣/5再食機率：100%

之前都寫過，喺葵涌廣場嘅九份茶舍的芋圓好食。早兩日經過京瑞廣場，原來開咗分店！好食又近我屋企，我一定會多多支持。今日專登帶埋亞女過去買上次食過嘅四色芋圓，不過店員哥哥話佢哋暫時冇貨，芋圓只有香芋同甜薯兩色。不過唔緊要啦食住頂吓癮先啦😂同葵涌店一樣，佢哋嘅芋圓非常彈牙煙韌，唔會話一咬就散開，好有𡁻口，阿女都食唔停。仙草份量好多， $32好抵食。不過唯獨整碗仙草有少少唔夠凍，如果可以再凍啲就更加好食啦！

昨天試了這個芋圓，煙韌有口感🥺。雖然西米椰汁已賣晒，仙草做底又幾好🙌🏻。價錢不貴，都幾抵食😋。今天再去買瀑布珍珠鮮奶，一試珍珠😍，真係不得了，好軟身但沒有化開。問問店長點整，原來是他每天自己煮的。用心製作，讚👍成杯飲完仍回味無窮，真係抵讚。下次一定要試三層抹茶😇京瑞真係好多鋪，競爭大，但會令每個店都有特色。香港多些這類商場就好了🤔。後記：原來仲有印花卡，蓋夠6個可換一杯飲品。🤗🤗

今天母親節一家在石門附近晚飯再行了一會，突然想吃芋圓，台飲。即上open rice 找，雖然石門商場內有很多類似，但論衞生及整潔都是選了這間。 芋圓有很多款，正當考慮時，細心的店員姐姐介紹了各款的分別，最後我們點了仙草四式芋圓 ，口感Q彈之餘十分有咬口，而且依然保有各種的四式芋圓味道，另外有仙草粒，感覺像凉粉味啫喱，十分合夏天食用。還有士多啤梨沙冰，沙冰打得綿雪冰涼之餘亦有生果味之味，比台灣的勁甜比較，反而更合香港人口味。而門口亦有小枱坐食立食。 還有電視介紹台灣店的介紹。望見亦信心十足，值得推介。

去開附近食完野，本來想去買清玉飲，但見有新店開張就試下😆見到大大張poster 賣黑糖爆谷，但我怕熱氣無試，反而俾佢杯黑糖珍珠吸引到，就叫左杯黑糖瀑布珍珠鮮奶落單到完成唔洗3分鐘，勁快手，見到整出黎都幾靚，又幾山水畫feel！可惜得個靚字，影相呃下都ok，飲落珍珠煮得唔夠軟熟，無咩口感，黑糖味係有但煮得唔彈口，開始飲都夠黑糖味，但去到一半已經淡左好多，奶味蓋過黑糖味道，唯有咬珍珠調下味，整體一般般

我今日落嚟買嘢飲要求少冰少甜畀錢的時候，店員表現出令我不安的態度！！跟住又畀聲器我聽 等待製作的時間比較耐， 當製作完成將嘢飲 品重力放在枱上而且杯茶同飲白開水冇分別我並不是第一日幫襯但今天嘗試買嘢飲就出事啦

見同老公剪頭髮未夠鐘就買下嘢飲先見一早未有人買但老公話好香就決定買黎試下烏龍黃金珍珠奶茶 姐係地瓜珍珠好有咬口 超出預期之後上網睇返食評 好多都負評 但我同老公就覺得甜度適中又有咬口 又有烏龍味仲要送爆谷下次會再試其他味嘅珍珠啦

見到石門又新開台式野飲，又唔記得原來有分店之下，走左去試。仲送黑糖爆谷添四色仙草芋圓，整完拎出黎大鑊，好似貨不對版既，雖然睇落都好大碗。 每樣芋圓都大粒，但質感完全唔煙韌，咬落去仲好膠添，而且味道淡。竟然紫薯圓和芋圓味道冇乜分別，仙草同紅豆既味道叫正常d。每款芋圓其實都仲幾深色，夠竟煮熟未呢？百鮮果四季春鮮果茶，飲完第一啖，酸到呢，生果份量唔多，睇落不太新鮮，我唯有等冰溶哂溝淡d先飲。而我老公叫左柸珍珠奶茶，顏色偏淺，真的淡而冇味，珍珠算較正常。夠竟發生什麼事，調味調得甘差呢？

(開頭見到個名覺得好熟面口，老實講如果醒起係葵涌廣場嗰間真係未必會試......)其實呢間啲芋圓係偏貴嘅，所以對佢嘅質素未到應該都會有番咁上下要求或者期待。先講份量，都算十足，個外賣碗都裝滿哂嘅，其他配料都算唔錯，例如紅豆同咖啡味嘅啫喱。之不過，呢碗嘅主角係芋圓。四個口味(番薯、芋頭、紫薯、抹茶)自重，只有抹茶係食得出味道。其他三款基本上都係得粉團味都，恰埋眼食嘅話係唔會知邊粒打邊粒。呢個問題同佢地葵涌廣場嗰間係一模一樣。(所以話如果一早醒起係分點就唔會試...) 再加上呢間嘅芋圓係切得好大粒 (好似話係特色)，但又煮得唔夠腍/煙韌，所以食起來有啲啲辛苦。至於湯水個味道都唔錯嘅，但當個主角失哂色，其他配角做得幾好都冇用啦。假如係石門又好想食芋圓嘅話，其實係有另一間嘅，我會推介大家去嗰邊。