九份飽 (屯門時代廣場南翼)

營業中

休息中

幾個員工超大聲傾計係門口收銀位大聲討論手袋款式到水吧位特別是當日嘅收銀 野飲無法0甜 不提出直接送了3甜到檯 另外搬凳時 撞到客人的腳 並無講聲唔好意思鹽酥雞滷肉飯 鹽酥雞是好食的但因為當日感受非常差 唔會再去

台灣風～裝修不錯幾有feel～叫左幾樣野食：✨️細滷肉飯：黎食就係因為心心念念想食滷肉飯，啲滷肉都多，勁多汁撈飯，撈到最尾有啲膩，如果汁少啲就好了✨️炸花枝丸：呢個真係唔推，啲炸粉唔脆同好dry✨️滷味拼盤：雞翼入味！有豬耳雞翼蛋同豆腐，不錯！✨️肉鬆芝士蛋餅：蛋餅幾有台灣feel(街邊嗰隻)，芝士有啲唔夠，但唔阻佢好食✨️胚芽珍珠奶茶：加左胚芽好似健康左，但1杯28蚊有啲唔抵感覺係幾小店feel～都好多人黎～

【屯門區】【九份飽】真係好耐好耐冇同大家講屯門區嘅餐廳，因為我嘅生活軌跡距離呢個地區愈來愈遠。而呢日放假我就特登走入去搵吓嘢食，本身諗住喺屯門站再轉輕鐵求其搵個站落車再睇。點知去到嗰陣已經肚餓，求其喺市中心攪掂件事算。喺屯門時代廣場借個廁所，本身都未諗食乜，點知出到嚟就見到呢間台式餐廳。好似未見過呢間嘢嘅其他分店，睇餐牌先知佢仲有兩間喺其他區。不過唔理佢啦，既然都喺度，又有啲肚餓咯，咁就唔好再周圍望喇，入去坐低啦。一坐低，店員就問我係咪食下午茶，好囉，就食下午茶。兩款「超值下午茶餐」都係賣 $39，我叫咗「A 餐」，首先上菜嘅係「鹽酥雞」。唔知係咪因為肚餓，所以覺得幾好食，啲雞粒炸完仲幾嫩滑，個炸粉又唔算勁熱氣。跟住上「玉米芝士蛋餅」，都係可能因為肚餓，都覺得唔錯，係佢碟底個辣醬有啲辣。嘢飲係配「珍珠奶茶」冇得改，有得改甜度同冰度，我都冇改就算喇。但係估唔到都唔差，唔係嗰啲奶精奶茶。冇加一，真係 $39 埋單，抵。。。（地址：屯門屯合街2號屯門時代廣場南翼L1樓22號舖）#1amfoodie #foodie #hkfoodie #thatfoodiething #hkfood #foo

食物味道與台灣街邊檔差不多，當然價錢貴d~但最差係服務態度，其實不嬲都唔好，唔求侍應笑面迎人，但至少要尊重人吧！有位老人家被侍應安排坐角落位，二人台黎，老人家覺得太迫，選擇坐較闊落的二人台，侍應多次叫佢坐回角落位，老人家亦多次回應太迫，唔方便。重點是外面無人排隊，亦有多張吉台，但侍應不斷冷嘲熱諷，互相講阿伯是非。幸好老人家聽唔到（好似），但我地就聽哂～食餐飯姐，俾少少尊重人啦，侍應們唔使怨氣咁大吧～

平時要排到黐孖筋不過今日竟然淨係得三個人喺前面仲要係食lunch時間咁唯有等下啦，等咗十分鐘左右就入得呢度啲位都算幾迫劫平時會嗌下滷肉飯之類今日決定要試下個紅燒牛筋腩麵另外仲嗌咗個魷魚鬚其實呢啲酥炸魷魚鬚一定要點喼汁或者點泰式辣醬㗎啦點解啲餐廳次次都要問三問四先至肯畀應該自動自覺啦牛肉真係好淋，燉到好入味，好好食個湯唔會得過鹹字，啱啱好又唔會唔夠味面我揀咗油麵可以揀米粉，或者加錢轉刀削面不過要加十蚊就覺得有啲貴個蜂蜜綠茶就麻麻地喇已經叫咗八分甜但仍然都仲係好甜

嗚哇，今日食到呢間嘅「肉鬆起司蛋餅」真係正到炸，蛋餅嘅外皮香脆得嚟唔會太油，肉鬆同起司嘅組合又香滑又惹味，啖啖層次感充足🧀。再講吓「滷味拼盤」，各式滷料品味道鮮美，香味撲鼻，正所謂入口即溶，鹹香得嚟唔嬲口🥢。紅燒牛腩刀削麵嘅牛腩軟糯，配上煙韌嘅麵條，湯頭濃郁香濃，每一啖都舒服得滯；至於「香酥排骨米粉」，排骨外脆內嫩，米粉吸滿汁水咁醇味充斥口腔，一試難忘🍜。說到小食，「甘梅地瓜條」酸甜宜人，口感鬆軟，真係邊傾邊唔自覺咁食晒佢；「台灣香腸」肉質彈牙，卜卜脆，香氣四溢，一咬下去簡直係美味爆炸💣。結束嘅甜品「九份芋圓」，芋圓QQ，甜而不膩，大小適中，與各種小料共舞，宛如品嚐一場視覺與味覺的盛宴🍨。盞鬼啲食物都幾抵食呀！下次一定會再嚟幫襯！

有走冰，無愛玉，但加咗$3！平台落單，自取，返到去先知，都無得追….明明顯示可取餐，去到話職員隨便睇睇就話未有。等咗兩個字，原來份餐一早係到，係職員無認真搵，無端端等多咗兩個字，食嘅時候都唔熱。 蛋餅好起司，肉鬆不多不少，唔油膩濟口。食物係好，但服務唔好。

假日中午到屯門區，都不是第一次在這餐廳食飯。不過，我多半點的都是「酥炸排骨面」。因此，今日想試下雞排，最後便點了「酥炸雞排滷肉飯」，友人點了「牛筋腩米粉」，再加一個小食「台灣香腸」。先來是「酥炸雞扒滷肉飯」，賣相ok!我第一口試的是雞排，講真，我可能滿有期待，但食落第一啖，便發覺雞排是「沒味」。。。。好似沒醃過咁，好淡口。 但，雞皮炸得ok….. 至於個半隻滷水蛋，都不是有很大的滷水汁味道。接著，我便試下個滷肉汁同埋飯，發現飯不夠熱，只是「溫」的。而滷肉汁和滷肉都是不夠濃味，而且都多肥膏。。。因此，我對這碗飯是「失望」。。。。最後落左好多辣椒油去調味。至於牛筋腩米粉，算是正常。可是，牛腩同牛筋並不算是好「林」個種。之後到「台灣香腸」，沒想到會醃上「生蒜🧄片」。夾住食，又不會好辛辣，覺得幾夾，而且食落令香腸沒有那麼油膩，還好。飲品方便，點了「熱黑糖珍珠奶茶」，第一口飲落，茶底味濃，幾香，都順滑，算不錯的一杯奶茶，而內裡的珍珠，卻不是太甜，偏淡。不過我覺得ok, 因為如果奶茶甜，珍珠又好甜，咁成杯野便會「過甜」。所以，呢杯珍珠的珍珠偏淡味，是ok! 都平衡到成杯飲品。

貼近台灣嘅味道🥲食到好想飛轉台灣價錢合理又用心制作～·～·～·～·～·～·～·～·～·～·～💁🏽‍♀️紅燒牛腩刀削麵 $65牛肉煮到好腍好入味麵嘅口感彈牙🍜剛剛好湯底夠濃味又唔會好咸我幾鐘意個湯飲咗好多啖重點係食飽之後又冇好口渴嘅感覺💁🏽‍♀️香酥排雞扒魯肉飯 $53雞扒炸得好香脆粉漿唔會話太厚魯肉比我想肉中多魯肉汁撈飯一流💁🏽‍♀️粟米起司蛋飯 $32蛋皮夠煙韌🤔不過唔沾汁就唔係好有味中間嘅粟米同芝士麵幾蛋料💁🏽‍♀️九份芋圓 $40芋圓口感都幾平均唔會有啲好粉嘅口感味道正正常常，唔算太特別正價嘅話就未必會叫啦

我有兩單外賣，叫佢包埋一齊，佢話無收到單，check 都唔check，就話無，跟住我話俾哂錢，點會無，之後先話其中一單未出未整好，店員只包左個麵，話包好左，唔可以一齊包，唔一齊包都唔緊要。仲要包得極差，用個好細既袋包，手指都拎唔到，仲要斜，湯麵都可以包到咁，之後我自行重新包裝，服務態度極之惡劣，不會再光顧😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

很少到屯門去，這天去屯門探朋友，朋友帶我來這兒食午飯，說這店的台灣牛肉麵很好吃。我點了紅燒牛筋腩米粉和凍芒果綠茶（ 3分甜），朋友點了紅燒牛筋腩油面和凍百香果綠茶（ 3分甜）。紅燒牛筋腩米粉上桌，賣相不俗。食材包括兩大件牛筋、兩大件牛腩、不少唐生菜、一些醃菜和芫荽，米粉的份量也很多。首先喝一口湯頭，雖然和在台灣吃的牛肉麵仍有點差距，但味道已算很不錯。然後吃牛筋和牛腩，兩者都煮得很柔軟很入味，很好吃。接着吃唐生菜，雖然已泡在湯中，仍有點爽脆，不錯。米粉的質感雖然比較一般，但和着湯一起吃，也好吃。醃菜是我的喜好，份量多，不太鹹，味道好。這碗紅燒牛筋腩米粉，我覺得很好吃。芒果綠茶我選了微甜，甜度適中，芒果味不算突出，不過也算好喝。食物和飲品加起來，每人只需$70 ，我覺得頗為超值！

秋風起，進入流感高峰期。病假在家休養中，慶幸沒有失去了食慾，這而很想念台灣美食，而在「戶戶送」找到了九份飽。每次路過屯市的「九份飽」，堂食總有人龍在候着，是故幾次光顧都是透過「戶戶送」，省時又方便。由於霖迪是某飲食網上平台的用戶，消費$100便能免運，由於九份飽以抵食見稱，在其他餐廳$100只能單點一款之際，九份飽可以點選兩至三款，加上以台灣夜市小食為主，像在台灣夜市漫遊一趙，感覺真爽！肉鬆起司蛋餅($56/特價$44.25)蛋餅是台灣早餐店小食，九份飽的蛋餅份量十足，厚身的外皮Ｑ軟挺飽肚，本身沒有味道就靠醬油、辛辣醬提升食味，滿滿是芝士、肉鬆的餡料，可惜外送關係芝士已涼透了，如果堂食應該更加滋味。炸甜不辣($57/特價$42.75)曾在台灣夜市嚐甜不辣，一試便愛上了那獨特的口感。在本地吃到的甜不辣口味五花百門，而九份飽的未知是否正宗，口感像魚餅QQ彈彈的，香炸後撒上椒鹽特別惹味，如能配上甜辣醬會更佳。招牌珍珠奶茶($25.5)奶茶茶香尚好，味道不會太假，珍珠偏軟身，正常水準可以收貨。由於消費滿$100可享10%折扣，在芸芸台式外送當中評價很高，是偶然想念台味便會想起的一家。

因為見到其他app落外賣要等好久見到openrice九份飽可以落外賣自取 立即試用！這次是第一次使用openrice app 落外賣自取選擇完想要的食物 可以用電子付款app會顯示店家處理外賣餐點的狀況和預計大約可以拿外賣的時間 收到通知後便可以到門市領取 不用站在店面門口等 好方便 還可以使用和儲存openrice的積分選了很多款食物-肉鬆起司蛋餅 $37-滷味拼盤 $38-紅燒牛腩刀削麵 $66-香酥排骨米粉 $51-懷舊魯肉飯(小） $28-酥炸魷魚 $46-甘梅地瓜條 $32-台灣香腸 $38_炸物保持酥脆粉麵軟硬適中滷味入味而鹹度剛好蛋餅用料豐富

今日出開屯市，順便食lunch行過見到呢間台灣餐廳突然好想飲珍珠奶茶所以就決定食呢間「九分飽」人流還可以，唔算等好耐坐低order咗紅燒牛腩油麵$55，珍珠奶茶少糖$23，再加個甘梅地瓜條$32紅燒牛肉麵 - 湯底濃郁夠哂味，未算油膩，牛腩軟腍，吸哂湯汁好正，好少可有得配油麵，好食，份量未算大碗，如果男士食未必夠飽珍珠奶茶少糖 - 個人認為都係偏甜，應該半糖比較好，珍珠份量較少甘梅地瓜條 - 勁推介，炸到剛剛好，金黃勁靚，配上甘梅粉，微酸帶甜又脆卜卜，食到舔舔脷整體出色，啱晒未飛到去台灣的思念之情可以再做下次

第一次寫評論，真係未試過出去食飯要俾人黑面，仲要咁嘅服務態度，心情唔好唔好返工，顧客都係食下野，要知道咩叫敬業！食物還可以，請我食都唔會再幫襯經濟已經唔好，你老闆都好唔容易，