九份•十分 (T Town ) (已結業)

今日原來約左朋友一齊食飯，但比佢臨時甩底，於是就一個人黎到呢一間係屋企附近、天水圍頌富商場既九份•十分台式餐廳。咁其實呢間台式餐廳既食物種類都十分多元化，除左有大路既涵肉飯、雞扒飯、肉燥飯之外，仲有好多唔同既小食，例如烤香腸、炸餃子、麻吉燒、炸豆腐、吐司等等，可以話包羅萬有，真係好似去左台灣食野咁。我第一次黎，就嗌番d最大路既鹽酥雞排肉燥飯同追加左個烤香腸。份量可能冇話特別多，但勝在水準搭夠，雞排唔會加太多炸粉呃秤，睇得出廚師心意。咁台式舖又點可以冇台式飲品呢！呢間餐廳有好多台式飲品可以揀，例如珍珠奶茶、柳丁綠茶、百香果綠茶等等，一定有一杯啱心水。咁都係喇，我揀左最穩陣既珍珠奶茶，整體水準都非常好。

今日突然好想食台灣野，就同左朋友黎左呢間九份十份。一入到去，店員即刻好好禮貌咁帶我地入座，仲介紹我地有咩好食，真係好好！而且呢到裝修得都好靚，係到食野都開心啲。睇一睇menu，聽閒呢到既鹽酥雞係一流，就同朋友決定左一於試下！最後我地叫左牛燒牛肉麵、綜合滷味肉燥飯、鹽酥雞、麻醬粉皮、薑母茶同冬瓜茶。先講牛肉麵，啲牛肉好軟身，一啲都唔會硬，仲要成個湯底都係牛肉味，好高質！其次係滷味飯，有肉燥、腎、雞翼、鴨舌、豬大腸同豆腐。滷水勁入味，尤其係豬大腸同豆腐，真係會食極都唔夠喉，而且份量都好多，好抵食！店員仲好好服務，主動問我地要唔要碗仔！黎到我最期待既鹽酥雞，呢到最特別既係仲有好多款調味料揀，絕對唔會食厭呀！啲雞炸得好脆，睇得出係即製，而且啲雞都好有雞味，完全唔似冰鮮雞咁無晒味！我就最中意食個梅子粉，加落啲雞到食，真係世界級！仲有個麻醬粉皮，麻醬入面有啲wasabi味，好特別，第一次食，有驚喜！最後值得一提既就係個冬瓜茶，味道好classic又唔會落太多糖，推廌！為左呢到既鹽酥雞，我一定會再黎食！

好耐無黎天水圍，今日黎到T Town 有令人眼前一亮既感覺：呢度既商店種類比前去過既商場（eg 銀座）多，人流亦較旺，相信呢度可以成為天水圍人既新蒲點。今晚突然想食台灣野，於是揀左呢間"九份。十分". 呢間店既裝修應該係走懷舊台灣風，特意做舊左d 牆身，放左d 好似學校既凳，加上店內播住既台灣流行曲，令我不禁回憶起自己既中學年代😂好幸運地被安排左坐卡位，guarantee 左一個幾好既用餐環境。qn開餐牌發現選擇都幾多價錢亦都好合理，本住星期五食好d 既精神我就嗌左以下幾樣野：🥢醉三小($88)呢個頭盤有齊醉鴨舌，醉雞同埋醉豬手，一次過滿足晒三個願望！鴨舌好入味，豬手以皮同埋軟筋為主，充滿骨膠原☺️最底仲有d 脆木耳 (雞就無乜特別）🥢台灣鹽酥雞($48)呢度既醫酥雞炸到脆而不油，加上餐廳提供左好多唔同既味粉比食客自選口味，令人不禁食完一粒又一粒，停唔到口。🥢紅燒牛肉面 ($65)呢碗牛肉面要大推！牛肉炆得又淋又入味，抵讚；面亦都好掛湯，充滿牛香；湯底亦都夠香濃。如果格硬要講一樣缺點就係配菜既白蘿蔔炆得唔夠入味，如果可以入味d 咁呢碗面就真係好完美喇。🥢綜合滷味肉燥飯 ($62)呢碗綜合

晚市二人入座，呢度環境幾唔錯有好多塊木製既台灣名信片，同埋台灣地圖作背景🤪😍食物選擇好多，有選擇困難症既朋友不如參考下 廚師推介👨‍🍳飲品方面，叫左一個暗黑系甜心 ($48)其實係oren冰沙，個味唔會太甜，啱啱好！另一個飲品 叫左oreo曲奇珍珠奶茶 ($28)食物方面，嗌左台灣必點 紅燒牛肉麵($65)喜岀望外！！d牛肉係好入味，好淋身食落去半筋半肉，覺得佢應該煮左好耐麵質方面，係偏淋，所以好入味所以係超讚的👍🏻🥳綜合滷味肉燥飯 ($62)味道中䂓中距 不過配菜幾多我覺得 滷水豬大腸幾好食，容易咬開，幾入味小食有兩款，一係蚵仔煎 ($38)個蛋煎得好香口，而比較特別係蚵仔煎上面既辣醬，配搭起上黎好惹味😆二係 醉小三 ($88)分別有 醉雞、豬手、鴨舌全部都好入味同埋好開胃！！推薦

2019年9月30日（星期一）牆上平溪老街圖畫令食指大動，急不及待想試台灣美食！醉小三（$88）鴨舌、醉雞同埋豬手擺碟精緻，充滿怡人酒香，先拔頭籌俘擄舌頭，酒醉回甘極吸引！鹽酥雞（$48）炸漿薄、唔糊口，炸雞+埋味粉，任君挑選，增添色香味；最鐘意梅子+香辣+紫菜，台灣夜市風味十足！蚵仔煎（$38）蚵仔肥美鮮甜配上鮮味醬，好味，加埋生菜減油膩，扺👍。醬汁調校過，唔會偏甜，更合香港味道。紅燒牛肉麵（ $65 ）先試湯頭，又清甜，又香醇！大大塊牛𦟌炆得軟嬾入味，九層塔提鮮一流，一試難忘，超值好食！綜合滷味肉燥飯（$62）滷汁鮮甜入味，滷蛋肉燥盡吸精華，最啱餸飯餐廳職員態度好，有禮貌。晚飯繁忙時間，上菜、清理桌面速度快，令顧客食得舒舒服服❤️小食、主食、台式飲品都係高質素，值得棒場！👏

放左工當然要鬆一鬆，好耐都無黎九份食野。平時都勁多人排曬長龍，今次見唔駛點排隊就同朋友入去食。咩都唔駛講，先黎個呢度最出名既「鹽酥雞」。九份既鹽酥雞最特別嘅地方就係有六款唔同嘅調味料任你自己配。最大路嘅就梗係原味同辣味啦。不過我就覺得梅子味就最特別啦貪佢甜甜酸酸咁幾好味呀。「蚵仔煎」入面就有超多嘅蠔仔個個非常肥美多汁，而且蛋雞蛋味好香同時又唔會有腥味，食落都幾飽肚。醉小三(醉鴨舌,醉雞,醉豬手)同朋友你就梗係要試吓呢個醉小三啦。最好味嘅就係醉雞啦。酒味濃郁雞肉又肉嫩。鴨舌分量十足而且入面仲有啲木耳食落都幾正。估唔到入面嘅豬腳又幾好食喎。店家非常之細心將豬腳切粒，容易食用。而且酒味又唔會太重，食落豬腳非常爽口又唔膩。「紅燒牛肉麵」當中既牛腩大大件，非常足料。咬落好鬆軟，牛味濃郁。當中仲有白蘿蔔同菜。麵條亦非常之爽彈。抵食夾大件。草莓冰淇淋鬆餅本人就最推薦啦。士多啤梨切到心形非常之「少女心」。而鬆餅份量份量都唔少。酥餅咬落去非常鬆軟，能做到外脆內軟。而且蛋漿非常之足，蛋味香濃。配埋士多啤梨味嘅雪糕一齊食就好似冰火交融咁。呢度既甜品真係要推薦。朱古力珍珠甜味岩岩好，朱古力好郁。黑武士之劍呢款

叫open rice 好多like,便來試試Roasted beef noodle麻醬雞泡飯，not much 麻醬味....蛋餅，味道一般芋圓wafflevery economic, just hkd 5xBut taste soso, and not so crispy

朋友喺附近新居入夥我哋就嚟呢個商場度食晚飯見到呢間店舖坐咗好多人 食物價錢都唔貴我哋就決定嚟試下都要等咗一小陣 店員好有禮貌歡迎我哋入座 我哋叫咗以下嘅食物*醉小三($88)(包括醉鴨舌,醉雞同醉豬手)呢個醉小三煮得非常入味 亦都夠曬凍酒味好香*蚵仔煎($38)佢同台灣嘅唔係完全一樣佢個粉會厚少少 我反而鍾意呢種 台灣個種好似淨係得蠔無咩其他口感 呢個蚵仔煎佢入面蠔都非常之多同埋新鮮*鹽酥雞($48)其實係見到隔離枱放咗個層架入面有好多種味道 我哋就跟嗌咗 佢個價錢非常之抵 份量好多 個雞炸得夠脆 唔會好厚粉 雞肉都仲係嫩 又可以用好多味道配搭非常之好玩 夠晒滿足 估下我呢啲係咩味道*紅燒牛肉麵($65)湯底清得嚟都好香 牛肉軟硬適中 滷得岩岩好 而且都好多嚿牛肉 呢個要推介*綜合滷味肉燥飯($62)有鹵蛋,豬腸,雞翼,鴨腎等 全部都非常之入味好好味 特別鍾意佢個肉燥飯 同台灣嘅味道真係好相似呢個綜合滷味肉燥飯先$62真係超值到不得份量多到係兩個人食都食唔曬雖然好飽但飲品都係需要 揀左紫薯珍珠($28)同埋紅豆珍珠奶茶($26) 飲品唔錯 選擇又夠多 今晚絕對係眼闊肚窄 但係美食當前真

記得朋友之前介紹過，九份十分係可以食到唔錯既台灣美食，所以今日係元朗放左工就同朋友過左去天水圍T Town個間九份十分。餐廳離天水圍西鐵站都有段距離，不過轉搭輕鐵706可以三個字內到。坐底後我地因為太口渴所以先點杯飲品。從餐牌可見，餐廳嘅飲品有好多款式，飲品外色彩繽紛好特別同吸引，名稱都好有心思，仲可以好似普遍台灣飲品店咁可以選擇多冰少冰同甜度。我地點左「維多利亞的秘密」(優格野莓沙冰)同蜂蜜菊花薑蜜，優格野莓嘅沙冰真係好似餐廳圖中咁爆出杯頂差唔多三分之一，份量十足同時夾集野莓可以咬下，味道濃郁同時唔會太甜。之後我地叫左碎小三，有酒香濃烈嘅鴨吞、雞X同豬手，味道醇厚十分開胃。然後係台灣鹽酥雞。鹽酥雞外層炸得好酥脆唔膩，內裡則保持鮮嫩，餐廳仲會提供五種滋味調味粉，令我地可以一次過滿足哂五個夢想！依到嘅鹽酥雞絕對有甚至超越台灣當地嘅普遍水準。起源自鄭成功係壹南缺糧時整嘅蚵仔煎亦唔錯，味道都好濃、幾好味，不過入面可以多啲料同粉漿可以整得硬少少。仲有紅燒牛肉麵嘅牛肉煮得幾成功，睇落堅挺咬落又幾柔嫩，牛肉湯則美味清香。綜合滷味肉燥飯份量十分之OK，肉燥味亦唔錯，不過仍敗於台灣當地唔少能夠做到屈機

今日去開頌富依頭做野，放左工緊係想自己食豐富D啦，想食D台灣菜，所以就係依間好多人推介既九份十份。餐廳裝修唔錯，幾有特色，而且幾好坐，我自己一個人食，店員都好細心，分左個雙人位比我，比我另一個位放野。Menu既野食好多元化，有唔同既麵食:湯麵、撈麵、擔仔麵、涼麵等等。亦有唔同甜品，如芋圓冰，同埋炸野，例如鹽酥系列。飲品方面都好豐富，除左有大路既台式奶茶之外，有唔同既特別特飲，今次黎到一定要試下佢。我叫左特飲: 暗黑系甜心+紅燒牛肉麵(幼麵)  + 跟餐加配鹽酥炸雞粒，跟餐係店員推介既，見佢加錢可以試下唔同口味既雞，都幾值得一試。紅燒牛肉麵(幼麵) ($65):牛肉麵可簡粗麵/幼麵，入面有三塊牛展，多青，有小棠菜同青紅蘿白各一。麵非常多，配以紅燒牛肉既湯底，有少少藥材味同濃既牛味，非常好食。牛展脂肪同肉既比例好，唔會太韌太淋，牛既味都濃，無雪味，好味。而Size都幾厚，愛牛之人必滿足。另外都有九層塔吊味，食落好清新。鹽酥炸雞粒(跟餐+8$): 原來除左有炸雞之外，仲有唔同口味調味粉比你落落去。炸雞是即炸，外脆入面滑!有原味粉、香辣粉、紫菜粉、Curry粉、梅子粉同芝士粉，可以加落雞件到食

第一次食 叫左台菜必食嘅牛肉面同鹽酥雞牛肉面有得揀粗/幼面 係比較少餐廳有做個人本身鍾意食粗面但出黎有點中間未熟嘅感覺 同店員講左 換左一碗比較好鹽酥雞非得有驚喜店員會俾一條幾種口味嘅味粉鹽酥雞都幾大舊所以入邊超juicy仲可以自己整到每粒都唔同味好食!

九份·十分呢間台式餐廳一直係天水圍都頗有名氣，之前都有係晚市時段黎食過飯，今次就黎食個Tea😋下午茶選擇都唔少，足足有4版menu因為未食lunch既關係，所以我簡左份量唔少既T17（原味奶酥吐司配台式烤香腸再配阿春麵線）+水蜜桃綠茶·阿春麵線麵既份量唔係太多，但都好足料，而且味道岩岩好，唔會太鹹·水蜜桃綠茶有點失望，味道好淡，冇乜茶味又冇乜水蜜桃味·台式烤香腸味道ok，同我之前係台灣食到既差唔多味道·原味奶酥吐司吐司外脆內軟，奶油甜品十足，岩哂鐘意甜食既我👍🏻

星期三嘅午飯時間，又一次嚟到天水圍T Town食嘢，上次已經有緣食過一次呢間九份十分，印象非常深刻，係十分滿分十分嘅好食！👍🏻入到餐廳內見到環境都非常整潔，牆上有一幅畫係畫咗台灣十分老街嘅景像，配合返餐廳嘅主題，即時有一種令人去到台灣旅行嘅感覺👍🏻餐單簡潔清美，午餐時間另有午餐餐牌。今次我有少少肚餓，所以首先點咗佢哋招牌嘅紅燒牛肉麵(幼麵)，然後追加咗一份鹽酥雞粒，叫咗一份小吃係蚵仔煎，最後飲品點咗杯胚芽珍珠奶茶😋餐廳上菜嘅速度非常之快👍🏻呢樣嘢好抵讚。牛肉麵湯底非常夠味，有微辣，如果怕辣嘅朋友仔可以事先講定走辣。牛肉煮到非常入味軟䭃，而且份量都唔少，另外配菜都好足料👍🏻紅白蘿蔔都有滾刀切件，有小棠菜、酸菜，完全還原台灣味道👍🏻麵都煮得剛剛好，麵質軟硬適中，以呢個平民價錢食到呢碗牛肉麵簡直可以話係明星級🤩另外鹽酥雞粒跟餐價只係加$8咋，份量都唔少，趁熱食外脆內嫩，肉汁依然保留住，雞肉一d都唔會柴，而且完全唔油膩，CP值爆燈👍🏻蚵仔煎好特別地用咗個煎pan上菜，蛋餅食落嫩滑，揭開可以見到入面蚵仔非常足料👍🏻而且好鮮甜，價錢都唔貴，非常推薦一試👍🏻最後埋單食咗咁多嘢都係大約$120，簡單係

九份十分係天水圍最有台灣地道風味嘅餐廳之一，裝潢古色古香，但係又播住一首又一首潮流歌曲，難怪繁忙時段場面非常熱鬧。今日同家人黎食晚餐，首點紅燒牛肉麵($65)，湯底濃郁，我地揀咗幼麵，軟硬適中，主角牛肉厚切，炆得軟熟入味，啖啖肉味，口感一流，唔少人都推薦。綜合滷味肉燥飯($62)，一上菜真係嚇親我地，因為真係好大碟。綜合滷味有豬大腸、腎、鴨舌、雞翼、豆腐，惹味得黎又唔咸。肉燥飯更係難得嘅好味，撈埋酸菜味道升級。醉小三($88)，分別係醉鴨舌、醉雞、醉豬手，透出陣陣酒香味，唔會太濃，特別中意豬手，用酒浸過後變得彈滑，啖啖都好似食緊骨膠原咁。依度嘅飲品都非常多元化，有台式奶茶、沙冰、梳打、其他特式飲品，我地點咗海綿寶寶同埋黑武士之劍。海綿寶寶($52)係鮮芒果沙冰，沙冰再有少少雪糕嘅質感，芒果味重，仲有芒果肉，清新涼快。黑武士之劍($38)係比利時朱古力配3.6牛奶冰棒，將熱牛奶倒入牛奶冰棒杯，就可以製作一杯溫暖嘅朱古力牛奶，味道香甜~~~

難得係天水圍有間味道唔錯，環境舒服既台灣菜館。經過見到餐牌多左幾款台灣小食及甜品，有d配搭都幾新穎，例如軟殼蟹手抓餅等。叫左萬巒豬手飯($62)，台灣鹽酥雞($48)，老媽煎餃子($48)，柯仔煎($38)，草莓熱情果梳打($28)，胚芽珍珠奶茶($28)。豬手有成7大件，每件都滷得好入味，而且骨膠原滿滿，配埋d滷汁撈飯，超級好食。重點係份量一d都唔少，滷汁唔會過鹹。台灣小食唔少得鹽酥雞，雞塊外皮炸得夠脆，就算放耐左，都仍然皮脆肉嫩。侍應仲會奉上6種調味粉，有原味、紫菜、芝士、梅子、咖哩、香辣粉，其中最好食都係紫菜味，而香辣味就幾過癮。餃子煎完少少焦脆，每隻既內餡都有肉混合高麗菜，好飽滿。加d醋一齊食，味道更加突出。柯仔煎上枱個陣金黃色，煎到小鑊邊既麵粉蛋漿焦焦地。入面有圓碌碌既柯仔，size大約半隻手指公，平均分佈，仲有菜等既配料，加埋面頭辣辣地既醬汁一齊食，jeng。梳打飲完好清爽，最岩夏天飲。草莓味香，有幾塊草莓及番石榴片，熱情果味混合其中，又幾夾。胚芽珍珠奶茶(後)茶底濃，大量珍珠係底，面頭灑滿胚芽。珍珠煙韌，冇煮過軟。而且甜度冰度可以自己選擇添。整體，食物質素更好，而且新加入