影片
以上資料只供參考, 請與餐廳確認詳情
食家推介
招牌菜
食完崩沙腩麵，第二站就嚟到附近既九記食網友介紹既椒鹽豬扒飯。入內坐低望一望餐牌，好多食物都好吸引，但今日係應網友介紹嚟食椒鹽豬扒飯既，就一於點呢個啦！有餐湯送，要了忘廉湯，頗濃稠的，幾好味，碟飯隔咗一陣就嚟到。份量足既，豬扒切開細細塊方便入口，醃得好入味，仲有豆角，炒得好入味，個汁做得好，仲加咗紅辣椒，成碟飯惹味非常。口味：🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚
繼續閱讀
小編今日來到元朗一間茶餐廳「九記 Mr.Nine」，今次來到茶餐廳吃下午茶，下午茶時段為下午兩時至六時⏰ 茶餐廳提供多款美食，包括招牌豬扒包🐷 、吉列魚柳包、哥斯拉炸雞髀、脆脆奶油豬、菠蘿油、西多士、公司三文治🥪等，下午茶性價比高，而且份量夠足料，成為街坊必到的茶餐廳🙌🏻「九記招牌豬扒包配薯條」如手掌厚的豬扒，如臉般大塊的豬扒‼️ 以香草煎至微焦香豬仔包先烘脆，夾入生菜及蕃茄🍅 加入酸甜的沙律醬沙律醬的燒烤醬，甜鹹交織而平衡，一口咬落去是香脆的豬仔包，接著豬扒肉汁溢出，有部份豬扒是帶骨，啃起來特別香🧡 粗薯條即叫即炸，外脆內香，配上一杯港式凍檸檬茶成為下午茶的最佳組合🍋 🍽️菜式：九記招牌豬扒包配薯條👅好味指數：8.5/10💰消費：HK$49📍地址：九記餐廳小館 (元朗) 元朗大棠路48A-48K號昌發大廈地下8-9號舖🈹推介優惠：N/A
繼續閱讀
今日嚟到 九記，一間充滿地道風味嘅茶餐廳，散發住濃濃嘅懷舊氣息。餐廳環境簡單樸實，令人一秒回到小時候嘅茶記時光。服務員好親切，招呼周到，坐低一刻已經覺得好放鬆，啱晒想食啖懷舊味道嘅我。炸雞髀配沙律
炸雞髀係今次嘅主角！一上枱，金黃酥脆嘅外皮已經好吸引，咬落去「卡滋卡滋」，外脆內嫩，雞肉多汁又鮮嫩，完全唔乾柴。雞髀炸得啱啱好，油香同調味好平衡，食落去好有滿足感。配菜嘅沙律簡單清爽，仲有少少沙律醬，解膩一流，完美平衡咗炸雞髀嘅濃香。凍檸茶
凍檸茶係茶餐廳嘅靈魂！九記嘅凍檸茶茶味香濃，帶有濃郁嘅紅茶香，檸檬味夠突出，酸酸甜甜嘅口感好清新。冰塊適量，飲落去好解渴，仲好解膩，配搭炸雞髀真係絕配。尤其係夏天，呢杯凍檸茶簡直係救星，令人精神一振。
繼續閱讀
友人推介，路過當然入去試下。店鋪環境舒適及衞生程度，比一般茶餐廳好。服務員唔算太粗鄙，對客人亦唔會太冇禮貌。下午茶時間，唔食下午茶餐都對唔住自己。豬扒包包面唔夠脆，豬扒亦唔算厚，但即煎有汁，算合格。炸薯條雖然係粗條但口感一般。西多士味道正常，但太薄身，冇傳統老牌茶餐廳嘅風味。奶茶反而好一般，茶味唔出，亦唔夠滑。整體而言，比好多茶餐廳好，價錢亦唔係貴好多，但未到必食之選嘅程度。下次可試埋即炸大雞髀。
繼續閱讀
是日晚餐、去九記試吓、叫左德國脆皮豬手、好脆、多肉、有乳豬皮嘅味道、肉又多！晚餐A 蒸紅柚 魚滑鮮味😍、配上熱辣辣的薑蔥豉油汁蔥更加好味下飯、加支藍妹、爽爽！週末啤一啤、配脆皮豬手、一流！最緊要啤酒夠冰凍！
繼續閱讀
您可能會有興趣的...