影片
港鐵朗屏站 E 出口, 步行約7分鐘
繼續閱讀
營業時間
星期一至日
08:00 - 20:00
以上資料只供參考, 請與餐廳確認詳情
萬聖節的一人晚餐, 選了九記.記得之前看過食評這店子是不錯的, 今日放工要食埋飯先返屋企, 路經附近剛好有機會一試. 店子很小, 只有十來個座位和一個樓面, 反而店外的外賣枱有兩個負責外賣order的員工, 所以有理由相信他們是主打外賣的. 飯餐選擇貼在牆上高高的位置, 還有實物的相片, 價錢也一目了然. 食物的選擇其實不多, 來來去去都是豬扒, 雞脾, 牛腩等, 當然還有茶餐廳必備的常餐.諗咗一輪後叫咗$40蔥油豬扒蛋飯, 連例湯及熱飲. 例湯是有誠意的粉葛豬骨湯, 熱辣辣之餘還用料十足, 味道濃郁. 隨後的飯上來, 厚厚的豬扒配太陽蛋和甜豉油, 蔥油, 單看這配搭已經係"冇得輸". 可惜是煎豬扒的味道只是不過不失, 而且肉質不夠鬆化有點鞋; 而蔥油叫做蔥蓉會更適合, 因為是經過攪拌過的, 但反而欠缺了蔥油的風味.雖然作為靈魂的豬扒不算出色, 但整體配合起來還是水準之上, 下次還是會再來的.
繼續閱讀
😶😶😶叫外賣，要乜冇乜，身為一間食店竟然係咁，真心有啲失望。之前叫過幾次，其實質素唔差，諗住試下其他野點知……希望有改進，本身款已經唔多，如果加埋要乜冇乜嘅話，真係好難留客。支裝奶茶可以唔洗試，茶太濃，有苦澀味。
繼續閱讀
元朗食肆競爭一向激烈，茶餐廳一更加係兵家必爭之地。如何以一間主打外賣的茶餐廳而能企穩陣腳，食物質素絕對要有一輕的能耐。九記這間小店開業已有一陣子。今次去食，三個人點了海南雞飯，口水雞米，咖喱吉烈魚柳煎旦飯及手拍青瓜，食物絕對靠得住。先講海南雞，雖然以$48來講，從不預計有新鮮雞食（事實上又真係無），但雞肉煮出來夠嫩，而以菜油炒過的油飯夠香，而且份量亦夠多，抵食。口水雞的醬汁非常好，有芝麻香味，亦帶有麻辣，我覺得送飯一流。至於咖哩喱吉烈魚柳煎旦飯呢，咖喱較接近馬來式咖喱，不算很辣，亦帶有香茅味。魚柳亦非常好，就算是用作煎炸的菜式，所用的魚柳亦新鮮，魚肉很挺身，不會肉質很淋的貨式。手拍青瓜雖然較辣，師傅即叫即拍，所以食落很爽脆。以小店來說很整潔，但如果想坐得舒服呢，講真就差一點點了。
繼續閱讀
較早前收到外賣傳單, 以一試的心態試下呢間新開無耐的小店~一試, 有驚喜, 比我預期中更要美味~外賣送遞, 都可以咁有心機, 真係太好了~我向來喜歡食口水雞, 大多的口水雞只著重辣 或是麻的, 但呢間, 醬汁就mix了芝麻醬, 兩者mix埋原來係可以咁好味~飯的份量唔會過多, 對於唔想勁食太大盒飯份量的我來講就岩岩好~較早前分別都有試過叫鼓油豬扒飯 & 鱆魚肉餅飯, 豬扒唔"鞋", 口感唔錯~肉餅飯, 我打開, 嘩左聲, 好厚呀, 成塊扒咁呀 xd不過, 我都係忠心於口水雞飯多些 (個人好喜歡), 哈哈~
繼續閱讀
第一次黎食，雖然店細細，但d位唔會太迫，唔會有一坐低就趕住要你走既感覺，入面既人都好nice，好有心機介紹有咩好食。最後我媽媽叫左個咖喱牛腩飯，我叫左三餸麵!個咖喱牛腩飯既咖喱好香，唔會太辣，媽媽話飯太多，下次佢要少飯，所以男士黎食一定夠飽❤️仲要一杯野飲一個湯，媽媽話湯好靚，冇味精嘅老火湯，讚👍🏻我個三餸麵要左沙嗲牛肉，漢堡扒，煎蛋通粉，多數三個餸都係每樣少少，但係佢嚟到，每樣都好多， 沙嗲牛肉啲牛肉好淋，個汁唔會太杰，最緊要係啲通粉，好彈牙爽口，唔似平時喺出邊茶餐廳咁林啤啤，好驚喜！另外不得不提，佢哋係做開放式廚房，之前Facebook有間茶餐廳喺後行用污糟做嘅水來腌肉，諗起都覺得好嘔心，但係呢度做開放式廚房，令到大家都可以安心食用👍🏻👍🏻👍🏻總括而言，呢度係大物夾抵食，食物又好食又乾淨衛生，下次一定要返嚟食，老闆娘介紹呢度嘅豬扒同口水雞都好好食，下次一定要再嚟試
繼續閱讀