九里香茶餐廳

營業中

休息中

上水一盅排骨飯送凍飲都索價 $42 蚊，銅鑼灣只賣 $32 蚊淨飯真的過低了。上水蒸飯排名，馬仔記最正，九里香第二，街市強記跟點盅皇一樣麻麻地，芯怡最難食。咸菜排骨飯，每款蒸飯都會跟上咸菜，怕食客飲食唔均衡吧，真有心。層有另一間飯店配上椰菜的呢，如果跟條爽甜菜芯或芥蘭就更加賞心悅目啦！大大粒排骨，肉多骨少，感覺良好。醃味甜美又帶香，鬆軟中有著嚼勁，豬肉味宜人吸引，肥瘦適中無肥膏。幫白飯注入靈魂，甜豉油就是蒸飯精髓所在！味濃可口，不嗆不澀，甜中而咸味略重。飯粒嚥韌飽滿夠乾爽，不濕不爛，水份恰到好處。將靚肉躺在豉油撈飯上到夾數條咸菜，醒腦醒神又醒胃，三醒排骨飯蠻有趣，食得過。大盅頭飯連凍飲 $42 蚊，百物騰貴啊！蠔汁鮮竹卷，三大條靚卷，腐皮已索得蠔汁透徹，程閃令令深啡色。整條塞入口無難度，不過熱到流眼水啊！看似無煙，一趙爆汁，滾燙肉汁連湯淥落味蕾，痛得黎夠晒高潮！濃濃蠔油味，不嗆帶甜美，肉鬆雜菜滿載，廿蚊美味享受。咸菜北菇蒸雞飯，何解有骨既？個賣相勁似排骨，還以為比錯我添。一條冬菇絲，大量咸菜，雞中翼一開二，雞背脊加雞胸。骨多肉少，㖮骨無限期，無肉食陰功雞。雞皮肥嘟嘟滑溜溜，雞肉半乾，雪

九里香這名字成日聽到淨知道係飲茶，原來係有私房菜親戚唔講都唔知，依日仲帶我地上水居民黎食好彩一早訂左間房如果唔係都無位先來個小吃炸雲吞炸得好香脆蘸汁再食仲好味再來幾碟炒海鮮不論蝦、蟹、蟶子都非常大隻用了避風塘、豉椒咁炒，食落非常惹味重點來了，酸菜海鮮煲多款蔬菜外，入面仲有鮑魚等其他海鮮估唔到用酸菜黎做主要湯底味道係咁好味，唔會好淡味之餘仲令海鮮味更鮮而且個鮑魚仲好大隻整體黎講，估唔到上水會有咁正既私房菜住上水咁耐都唔知，不過同其他私房菜一樣要一早預訂，等職員可以一早去買定材料

呢度個鋪面真係毫不起眼，行過100 次你都未必會上行入去嘅， 終於有一日食到都唔知食乜嘢好就搵咗一間算啦都係冇食過嘅嘢就入去食啦。 入面係完全冇裝修嘅街坊茶餐廳。 基本上佢係唔會有餐牌畀你㗎因為呢所有嘅菜式呢已經寫曬喺 牆上面。 呢度呢有蒸飯，有點心，同埋一啲茶餐廳應該都會有嘅大眾化食品。 價格呢係都係非常之抵食嘅。 叫咗個常餐嗌咗個奶茶穩穩陣陣嘅選擇。 點知呢杯奶茶真係非常之有驚喜呀。 可以用埋奶茶廣告嘅形容詞去形容呢一杯奶茶： 茶香奶滑。 真係會唔覺意就留咗落個喉嚨到㗎喇。 所以而家間唔中，唔去食嘢都會想去飲番杯奶茶。

今日午餐想食蒸飯，多數向九里香外賣，但又想坐底食，一於衝入去坐低，唔該一個鳳爪排骨蒸飯鳳爪排骨蒸飯 $27，姐姐會加鹹酸菜向飯面，鹹酸菜好好食唔會太咸，鳳爪、排骨好入味，豉油隨個人口味自行添加咸牛肉雞蛋三文治，麵包好軟熟，好香咸牛肉味我今日先知道原來九里香還有茶餐廳食物，我真係大鄉里岀城😅店內座位好坐，格局舒適，向上水難得未被內地人侵佔的地方平時外賣向度 order 就得，呀姐好快手，兩三下手勢，就包好一份蒸飯

今日中午～去九里香食盅頭飯～依間舖食左好多年～所有盅頭飯同點心都好有水準，冇乜失手～～店舖入面仲有秘製自助酸菜任食～d酸菜撈埋盅頭飯簡直好食到停唔到口，老店真係老店～～good

終於堂食九里香！ 這一間地方少少，但滿有古色茶餐廳的風味！33左右早餐，40元午餐蒸飯....其實價格都高，但當你吃下後，會愛上這裡的食物。 這次叫了一個蒸飯~煎蛋牛肉飯。另外叫了4碟點心，鳳爪(20元)，雞扎(22元)，牛肉(20元)，腸粉(跟餐~所以30元)！ 這個是咖啡~~很滑，其實不是高級食府，不會太講究飲品，除非...是以飲品都招牌的食店~~ 煎蛋牛肉飯~~牛肉很香牛肉味~ 其實這裡吃蒸飯有個附加的食物，就是酸甜菜，很好吃，和飯香一起吃下，是不會想停口的！之後到點心~~~鳳爪：說是標準，但好入味！不會很咸！也不會有其他味蓋過原汁！雞扎：件芋頭好軟好好味！易咬而且很重雞味！牛肉：沒有街外吃的重牛肉味~~=.=" 有點不同哦~~是我錯覺？但也是好味的！所有點心都是熱熱的上枱！大愛！叉燒腸粉很滑，但小編有吃過更滑的，所以只能說OK！不過不失！！ 點心，以精緻小巧的造型、千變萬化的款式，「點」中不少老饕的「心」意，成為香港最具代表性、也是最受歡迎的美食之一。 你...今日吃了點心沒有？

以品德, 責任計, 無食過或者已經食左好耐係唔會寫, 好似N年前幫襯過就當永遠的參考, 寫出黎係不負責任。所以, 即使印象一般, 但見食(行)家寫得興高采列, 都要去試多次, 點知......得出結論係:好多食家 ---  太厚道了呢間茶記, 住得上水無可能無食過, 就係太一般, 由以前細路唔知米貴就食, 食到而家大個人粒粒皆辛苦 .. 都只係覺得佢平平無奇, 除左加幾條鹹菜, 同埋佢比較甜的豉油外, 真係周街都食到.聖誕節, 諗住唔好又點盅皇啦, 又唔係自己做老細, 轉下地頭啦, 一飯一飲品, 40大元自取...唉, 作為宅男, 最索然無味唔係無女貼過聖誕, 而係食左一個名不符實的外賣. 畢竟, 宅男生活要慳住洗, 40大元食過蒸飯, 仲要杯鴛央茶味苦澀, 冰個tap話佢出名奶茶架????不過. 畢竟飯盒內要爪有爪, 要骨有骨, 又不至於食唔到, 但用40蚊食個多年無改善質素仲要以為有奇望的外賣, 就係我太天真.....正如20蚊買杯全冰凍0茶又無茶的心情一樣

聽日就係父親節，今晚同爸爸食飯慶祝。聽講上水有間私房菜，專係食雞煲。九里香呢度日頭係做茶餐廳，夜晚就係鋪頭樓上做私房菜。爸爸鐘意食辣野，我地點左個麻辣雞煲。配菜有乾蔥，大蒜，蒜頭，花椒，指天椒，十分野味雞件烹調得剛剛好，不會過韌。味道上面辣得來不太咸。食完所有雞件後，可加上湯作火鍋。這裡的火鍋配料首選手切雪花肥牛肥牛的脂肪比例剛剛好，而且香濃的牛油味仲會留係口裡回甘。其實仲呀左好多邊爐配料，不能盡錄鐘意食雞煲既朋友不妨黎呢度試下。

瞓醒就食，食飽再瞓！昨晚飲唔醉，返到屋企三點仲要睇龍珠五點先瞓囉。瞓醒落街食個奔廚先！又會咁多人既？本來過門不入，最後都係是但返轉頭，搭枱就搭枱啦。四眼肥佬老闆咁熟好臉呢？邊個黎呢？係咪識架呢？成日斷片真係記唔到添。姐姐認得我黎過呢，麻煩的扒麵轉丁麵加餸加點心加凍飲，加錢加錢再加錢 $68。四寶雞紮，只有幾款點心，有蒸飯供應，點心都係點綴一下啫，全部一律 $17 好經濟。魚肚、冬菇、雞柳、芋頭，我不吃芋頭的呢，用火腿或豬肚更適合我。雖然我偏好棉滑魚肚，但爽口魚肚唔錯喎，超水潤！吸盡精華汁液至飽和，每口都爆汁，舒服！雞柳結實味濃帶肉汁，冬菇彈彈滑嘟嘟，腐皮濕潤帶滑，嚥韌中滲出四寶精華，高質美味。乾蒸燒賣，熱騰騰出晒煙到步，半瘦肉半肥肉，不肥膩。微微結實，材料緊扣不易散，蝦爽濃味，幾好食，唔錯呀！太陽蛋雞扒出前一丁，我愛煎雞扒較多啊，熱辣辣炸雞扒都好香脆 juicy，皮脆肉嫩撞出美味，好好食。太陽蛋雖則熟了一點，少有煎得蛋白脆底滑面又香口。麵條軟硬得宜十分滿意，掛上濃濃湯汁與甘香蛋黃啜入口，那有投訴之理，正。太陽蛋雞扒出前一丁加四寶雞紮夠喇，今晚六點要去食烤魚，唔食咁多喇。專登落街諗住去惠

睇到呢間上水幾出名既餐廳, 聽聞最出名係碟頭飯, 一於黎試下咩叫反油? 其實即係點盅頭飯既豉油囉! 飯油呀~~~見到佢地一堆堆盅頭飯一輪輪咁係廚房捧出黎, 保證新鮮!!!盅頭飯唔算超好食, 但排骨夠淋, 唔會有一陣過期豬味, 飯唔會太油, 軟硬又適中, 基本係唔使用豉油就已經好好食熱HORLICK茶記中都算濃, 唔使落糖都夠甜, 唔會有一舊舊粉係底唔溶, 合格有餘

環境唔講喇，舖仔細細唔係賣樣，唔洗高要求，簡單乾淨已經好好兩個人，叫左半隻麻辣雞煲，同一份娃娃菜，午餐肉(全部都係女朋友叫)，已經好飽雞煲一上，唔似平時食到有湯底既煲，係乾身既，但下面有油，雞既份量唔少，伴隨大量配菜，幾種唔同既辣椒，蔥，蒜頭，莞茜，白蘿蔔條，焗埋一齊好香，雞夠入味，但個人喜歡辣啲，呢個麻辣煲其實好唔夠辣食完雞之後就加湯打邊爐，第一件事就飲啖湯先！真係幾好，飲得出係煲出黎，唔係味精溝出黎，食完成餐都唔會口乾娃娃菜自己本身都中意食既，但係叫午餐肉真係好好笑，姑且一試，真係唔係講笑，同麻辣湯原來幾夾，變左有好香肉味既麻辣午餐肉，仲好過肥牛，因為個肉夠厚，咬多幾啖就香多幾啖始終打邊爐都係人多好啲既，試多幾款食材，開心好多既

閒閒下午，去左間茶餐廳。接近下午2：00，未算多人，有一空位。店內有著恆久既午餐牌，因為唔太肚餓既關係，叫左個似常餐既「午餐」食。呢個餐係豬扒米粉，配奄列。估唔到呢間茶餐廳都比到驚喜我，就係佢個塊豬扒，外表炸到金黃色，而厚道適中，唔會索左好多油，仲有少少肉味，不錯！不過，佢既米粉就扣左d分。明顯佢選用左超力牌米粉（有錯請更正），d米粉完全係粉，唔爽口，而佢包調味粉就更加唔洗講，無咩特別。小結，呢間茶餐廳都可以一試既。

今日社會服務前緊係要先安頓好自己個肚子先LA一早喺呢邊附近真係唔知有乜咩食,唔覺意見到呢間茶餐廳,隨心之下就入左黎一試!!餐廳地方唔大,每張枱都坐左人,我有幸坐左一邊的卡位這裡望到水吧整早餐的叔叔,熱水奶茶咖啡的蒸氣充滿了半空間,奇怪的係聞唔到它們的香氣熱情的服務員過黎招呼我,我即時拎起餐牌搵野食~點左自己想食的早點,一般的茶記早餐都有,突然發覺仲有几樣中式的點心~!OH NO!只有一個人,能力真有限! 最後點左雪菜肉絲米紛早餐加個叉燒腸粉餐麥飽係來貨出品,冇咩要求,最失策係佢居然一D都唔暖,望過去拎飽處,原來只係放喺個膠盒,要的時候夾出黎就算腸仔同火腿睇落一D都冇過火煎喎,又唔似烚熟,以為冇乜溫度,但入口出奇地熱,相信係底溫慢熱興熟的..唔燶且夠熱..高招雪菜肉絲米紛份量真係多到令人意外,湯底冇乜味~連味精味都冇~成碗米粉都係靠雪菜肉絲身的味道!!堅雪菜肉絲味,只係肉絲欠奉...~叉燒腸粉 - 如果唔係服務員阿姐話係即拉出品,我都冇機會食到~望去舖頭門口,真係有位師傅喺到親手製作,感覺超正~叉燒應該係來貨吧~味道好香濃唔會得個咸字,腸粉皮雖然厚左少少,不過好軟好滑,值得一試~!雖然份

又嚟飯堂開餐，地方好熱鬧！依然爆場！今日好早食午飯，之前見同事食椒鹽豬扒飯個賣相幾好，今日咪叫來試下！因為唔太肚餓，所以叫店員多菜少飯！食物超快上枱，不過賣相明顯同之前見嘅唔同了！通常椒鹽豬扒係乾身嘅！呢個睇落好濕！外皮唔脆！不過味道唔錯，只係無咗椒鹽乾身嘅口感！豬扒切件，口感唔乾，味道辣辣地，配爽脆椰菜一流！椰菜份量都多！味道好主要係個汁！不過無乜椒鹽味！熱檸水正常！我都有同好好笑容嘅店員講，碟飯好濕，佢話可能因為我多菜，所以出多咗水！（咁雖然呢個解釋未必合理，不過佢態度ok)食飯有時除了食物，服務都係一個好重要一環！食飯唔係為受氣！我接受有時會失手！而呢度店員好健談，記性好，做事勤快！仲會幫客人睇有無警察抄牌！真係十項全能！所以就算地方比較殘舊！都好多人來食！

三天氣開始熱！已經無乜胃口！食晏唸唔到食乜！食湯飯最好！冬瓜最解暑！就來個「瓜粒湯飯」（$32）！我無配飲品！（因為已經有湯）！食物好快上！一大碗！餸菜好多！滿滿舖响面！食慾大增！冬瓜大大粒！蝦肉爽口！冬菇片煙韌！湯唔會太咸！都唔太味精！仲要夠熱！飯粒唔會好爛！粒粒分明！配埋一齊味道唔錯！不過個門面未必人人接受，比較舊同污糟！格局係好舊式嘅茶餐廳！廁所我真係唔敢去！門口有蒸飯同腸粉！店員阿姐都好勤快！落單收碟好爽手！