九里香茶餐廳

營業中

休息中

呢度個鋪面真係毫不起眼，行過100 次你都未必會上行入去嘅， 終於有一日食到都唔知食乜嘢好就搵咗一間算啦都係冇食過嘅嘢就入去食啦。 入面係完全冇裝修嘅街坊茶餐廳。 基本上佢係唔會有餐牌畀你㗎因為呢所有嘅菜式呢已經寫曬喺 牆上面。 呢度呢有蒸飯，有點心，同埋一啲茶餐廳應該都會有嘅大眾化食品。 價格呢係都係非常之抵食嘅。 叫咗個常餐嗌咗個奶茶穩穩陣陣嘅選擇。 點知呢杯奶茶真係非常之有驚喜呀。 可以用埋奶茶廣告嘅形容詞去形容呢一杯奶茶： 茶香奶滑。 真係會唔覺意就留咗落個喉嚨到㗎喇。 所以而家間唔中，唔去食嘢都會想去飲番杯奶茶。