九龍堂

營業中

休息中

曾經係呢區讀書，以前經常係附近開餐，所以對呢區都好有感情。上個月因工作關係路過見到呢間新開小店，可惜當時有事在身，又好多人排隊，諗住遲下總有機會再幫襯。終於今日係九龍塘等老婆放工，見仲有時間專登搭一個站港鐵去幫襯。order左一杯珍珠奶茶，幾秒後醒起忘記叫少甜，點知收銀哥仔同我講出左單冇得轉。。。首先，岩岩先出單，肯定未開始做; 正值閒日非繁忙時段，成間鋪計埋我先得兩個客其次，水吧就係收銀隔離，你答得我黎都同左夥計改單奶茶味道一般，無驚喜。。正當心裡慨嘆出品唔出色服務又唔flexible，旁邊位哥仔份雞都炸好，接過份雞問左句加辣粉，答案當然唔洗問都知。

成日經過，見到好多學生哥排隊買便當，由於冇得坐，只限外賣嘅關係，有好多次都冇專登去食。今日想買外賣就一於試吓啦。首先店面已經充滿着台灣特色，感覺置身于台灣。佢啲菜式全部都係台灣嘅菜式，連啲紙盒同埋飲品杯都係同台灣嘅一模一樣。我叫左個便當有肉操由鹽酥雞仲有啲小食，同台灣嘅台鐵便當一樣，再加埋杯蜂蜜飲品，加埋都係30幾蚊，性價比非常高。鹽酥雞方面絕對值得一讚，同豪大大雞扒唔會差太遠，呢個價錢食到呢個質素實在非常滿足。

呢一篇係我係open rice 上面寫嘅食評平時食台灣野嘅念頭一起都會去幫襯啲嘢食唔可以話太好食 但至少都叫台式食品 同埋一解我對台灣野食嘅思念不過經過今日之後我係絕對唔會再去幫襯 寧願搭車去第二到食今日去諗住買野食落餐嘅時候好似趕客咁叫左個酥炸花枝丸 無問我要唔要轉粉就催我問我飲咩 到最後我想轉個花枝丸做要辣粉嘅時候同我講話出左單無得改問佢搵個兜比d辣粉我又話唔得其實我想話你周圍都好多對手係呢d小區都用咁嘅經營模式我真係祝你好運

平時只看不寫嘅我今日真係覺得呢間餐廳差到極點先寫。平時都會幫襯開呢間店，主要係因為佢嘅芒果牛奶爆爆珠好飲。但最近開始就lunch 唔比轉飲品，只可以選擇佢配送嘅$12飲品，咁已經少做好多人會揀佢。最過分嘅係我放學去買個下午茶餐唸住帶翻屋企食，湯同麵放埋一齊。翻到屋企，麵已經唔知浸左幾耐。打開個蓋，入面得一件牛肉。食咩🤷🏻‍♀️🙄下午茶餐：$32配奶茶。 個麵得一件牛肉

係石硤尾發現到呢間充滿台灣風味嘅小店初頭以為只有飲品賣 原來仲有多款小食同便當極之喜歡小店嘅香芋朱古力(熱)濃濃香芋味 又唔會太甜 小食方面推薦鹽酥雞同酥炸花枝丸同樣係香口小吃 味道亦唔會太鹹仲有肉燥便當都唔錯呀🤗

十年冇寫過openrice既食評 真係頂呢度唔順先寫首先有個講野勁大聲既姨媽姑姐喺度唔係買野齋唱水又嘈又阻住晒 我買野講野好大聲都唔夠佢大聲。冇晒珍珠冇問題 芒果珠唔可以配奶茶都冇問題 求其要仙草奶茶都應該好飲 叫埋個花枝丸 俾左錢 3秒後我見到有其他調味粉可選 我就同佢講想轉洋蔥鹽 收銀佢話冇得轉 我話你轉個粉咋喎 利申:佢冇問過我要乜調味粉。跟住隔黎個120分貝姨媽姑姐好冇禮貌對眼望住第二度大叫“買多包啦你”小店都搞成咁 你食得_ 以前都仲好地地 美心大快樂而家都唔敢咁樣做生意啦會叫所有朋友 city人 白田人 散播呢間小店絕無小店特質而且有幾乞人憎

今日休息，得閒一丁友就去左Java 行下。泡菜不過不失，飲品方面配上紅茶，都算合格。原本想叫個泡菜豬頸肉便當加$6 加雙丸的。個可能店員太忙聽錯，佢誤會左係泡菜湯飯加雙丸唔梗要啦，不過好在我加左$6 雙丸，如果唔係，個泡菜湯飯咪淨係得泡菜，乜餸都無。收$33 泡菜湯飯，加雙丸$6 呢區來計都幾貴下。賣相都幾靚，可惜餸太少了。得4粒丸，雖然都算大大粒，咬落都幾好味。飯唔算係珍珠米，但都唔算係下價米啦，大大粒，好咬口。

深水埗行過少少就到石硤尾 黎到呢間台式小店 平平地買個外賣 再去jccac坐低食完再做偽文青😆 之後再去美荷樓睇下舊式屋村人嘅生活 最後去埋嘉頓山睇日落影靚相😆肉燥鹽酥雞便當 ( $34送一杯$12飲品 )便當做到好似台式便當咁👍🏻 但肉燥有啲少😖 九件鹽酥雞 肉質都叫嫩 唔會太過鹹 細細粒雞球咁好易食🤗飯太過濕同黏 配料有酸菜 蘿蔔 半隻滷水蛋 食到最後冇曬肉燥就唯有用配菜撈😋 洛神冰茶 ( $12 跟餐免費 )好冰爽 有微微嘅酸 飲落好舒暢😝整體都算係個平價又多款式揀 男仔食就要加多個小食先夠😂P.S. 只有外賣 學生優惠要落單前出示學生証 位置比較夾涉 得意嘅係等攞餐嘅時候可以估下謎語😌

那天很想吃便當，一搜尋就找到這間賣台式食品的食舖，叫了特製拼盤，有牛肉，肉燥，和蜂蜜柚子茶。可惜，，，吃下去沒有味道，味道不重，飲品也是，價錢略貴，飯已$38，味道欠佳，不值。所以不會再試。

✨紅燒牛肉飯便當($35) 配仙草凍奶茶 (+$4)✨便當扁身有分隔 酷像台灣的鐵路便當 一樣是外賣一格新鮮粟米 一格兩塊紅燒牛肉 一格兩塊肥豬肉新鮮粟米爽口又感動健康 還有半隻硬身淡口的滷蛋紅燒牛肉份量少 但肥美入味 兩塊實在不夠吃呢肥豬肉係五花腩般的方型巨肉 油脂豐腴 香口但油膩仙草凍奶茶比奶茶細杯

琴日同朋友行開jcacc，朋友特意推介係附近的炸oreo，係jcacc行過一條街，位於石峽尾同九龍塘的中間，如果唔係地頭蟲都要花一段時間搵間小店不過就係勝在地方較偏遠，唔會有大排長龍既情況，小店以懷舊花花布作裝飾🌺，加埋懷舊郵箱，極有小文青味道📮小店以台灣飲品同小食為主，亦都有各式既便當飲品分成朱古力，咖啡，奶茶，優格爆珠，水果鮮茶，鮮泡茶等，亦有台灣夜市小食，每款都係十幾蚊有找，價錢都算實惠今日就嗌左酥炸oero同夜市必吃花枝丸🍢，炸oreo有4件，用奶漿包住oreo餅再放入油炸，奶漿咸咸甜甜，咬落去薄薄既奶漿加上脆脆既oreo餅，真係邪惡的小食🍩另外🎏夜市必吃花枝丸也有分大包6粒同小包4粒，花枝丸每粒都有特大魚蛋咁大，彈牙就唔洗講，咬落去仲食到啲花枝粒粒，加埋滲係上面既五味分，更添滋味，媽呀，真係好邪惡呀🙈跟住飲品就嗌咗薄荷朱古力同薄荷朱古力咖啡，依個飲品真係要一推👆🏼，香濃既朱古力加上薄荷香，甜味適中，簡直同食緊薄荷朱古力冇分別🍫正當大家都以為薄荷朱古力咖啡係朱古力加上咖啡味就錯喇，兩杯都係薄荷朱古力，但咖啡居然唔輸比朱古力，☕️咖啡飲落有烘烤過既味道，薄荷味雖然冇朱古力咁濃，但出

便當總比人覺幸福的感覺,當然幸福不是必然..有人會不擇手段放棄一切來換取,有人會自己放棄一切等別人幸福..哈.當然有得食就是福,今次呢到出品左隻韓式泡菜豬肉便當,包裝幾靚,又幾特別,所以一試,36元包飲品,不算十分豐富,有主菜泡菜,豬肉珍珠米,粉絲,同半隻蛋,可能我唔食得辣,其實幾好味,泡菜可口,豬肉都嫩,但我每樣只試左小小,粉絲就太油,珍珠米軟硬適中,整體尚可,芒果紅茶有爆珠,幾好飲

這一天，我在「九龍堂」吃了一個簡單的台式便當。這「九龍堂」的所在地不在九龍塘，而是在與九龍塘一個地鐵站之隔的石硤尾。這店子地方狹小，並沒有堂食的地方，所以來幫襯的，都是附近的街坊，或是在附近工作的人和在附近讀書的學生居多。這一天，我在「九龍堂」吃的，是「炸蝦卷便當」跟「洛神冰茶」，盛惠 $36。我的這個便當用了一個以蔬果照片做盒蓋的紙盒盛載，紙盒裡面分為四格，最大的一格主要放的是白飯，白飯上淋上了一些肉臊，白飯旁邊還有半隻鹵蛋和兩片黃色的醃蘿蔔。至於另外三格較小的，其中一格放了些醬瓜，其餘兩格就放了這便當的主角炸蝦卷，整個便當的材料都算豐富。這便當的味道是及格的，肉臊和鹵蛋較為普通，炸蝦卷就不錯，蝦卷外層炸得香脆，裡面除了小蝦外，還釀入了其他餡料，四條炸蝦卷雖不算太多，還算足夠。白飯黏度頗高，軟熟不硬，也可以。至於「洛神冰茶」，微酸的味道，清涼清涼的，難得喝一次，都幾特別。這一天，我在「九龍堂」吃的這個簡單台式便當，雖然味道是對辦的，但對我這個不喜歡買外賣的人來說實在無幾何，下次幫襯，真不知會在何時了。

經過這間店很多次，兒子想試豬軟骨面，面和湯分開擺，要了番茄湯底，打開一看，面是超巿賣的粗面，送的飲料好像沙糖衝出的水，味道⋯我要個紅燒牛肉飯，盒子倒還漂亮，賣相慘不忍暏，味道實在差，以後不會再幫襯

我其實經過好多次，都唔知咩店來，起初以為是某組織名字 ，最近故意去看看，原來是買台式便當，這裡只有外賣，而且比其他快餐廳唔同，盒，包裝袋都是用健康紙做，無公害，而且還實行環保回收膠帶，回收一條一印花，夠某數可換食物 ，果然環保，今次叫了個鹽酥雞肉燥便當，同金吉檸檬蘆薈，便當好豐富，有瓜，炸薯，雞，滷蛋同肉燥飯，鹽酥雞香脆，飯用珍珠米有口感，可惜肉燥太少，唔夠味 配菜用炸薯，似主攻學生多 金吉檸檬蘆薈，用真金吉做成不是一般濃縮調味，好飲環保回收健康盒子同袋 無公害香脆的雞粒真係有金吉檸檬