九龍餐室

營業中

休息中

話說又到3點點3呢個鐘數，身為打工仔既小弟就緊係要食返個下午茶邪一邪佢先。咁岩又有老死黎探班，二話不說就黎左呢間九龍餐室啦。一來出黎蛇下時間又唔多，二來佢空間又大，又有卡位，第三就係佢有晒基本港式野既items，簡直滿足到我呢個茶餐廳愛好者呀!自己食左個栗米魚柳意粉，啲魚柳炸到岩岩好，又唔厚粉，算叫做足料，個栗米汁又同到個伴碟既翠玉瓜有唔單只係味覺上既共鳴，睇到佢同啲黃色既栗米同翠綠色既瓜，真係心曠神怡，老死都話下次要試!講多無謂，去相!

次次黎灣仔同frd見到 "菠蘿檸檬撻就會勁渴望可以食到呢樣野，我地幻想係酸酸甜甜，有一陣檸檬既清香，同埋一陣菠蘿既香甜氣味。好多次行過九龍餐室都好想試，但奈何次次都食唔到，因為黎到既時候已經無晒。成日無貨，應該真係特別好食!不過今次同frd試左，好失望。。。。 個tart皮好薄，入面係一層好厚既蛋糕，無乜檸檬味，唔酸，無乜甜味，總之係plain 蛋糕既味。面層係一塊菠蘿，應該係罐頭菠蘿。。。無乜醬。無醬，所以會好易啃親。。。。簡單黎講，呢10蚊既一個菠蘿檸檬撻，好令人失望。

話說夜晚想同爸爸頹頹地食番個飯，見經過呢間餐廳咁多次都無入去就想話試下佢。夜晚89點到，唔係好多人，入去就有位，未坐定就有侍應叫話睇下食啲咩，係好似傾計咁嘅語氣，印象唔錯。唔係話好肚餓，於是叫左個常餐，番茄濃湯雞絲米粉，有多士炒蛋，茶或咖啡。佢個番茄湯底超級濃，介乎打碎番茄蓉同西式湯中間，雞絲唔係好鞋，普普通通。但個炒蛋麻麻，有啲老。爸爸叫左個番茄豬排飯，隻碟個size嚇親我😂大到有啲離譜。豬排唔係彈牙，而係冧身嘅口感，可能有香料醃過，食落口有煎香同香料味，可以一試。可能唔係太多人，所以上餐速度幾快，食緊嘅時候聽到侍應會問客人好唔好食🤣之後來收碟都有問我地，好似傾計咁，除左一開始落單果個侍應好似無咩禮貌，其他都幾好傾。

經過見到門口啲包好新鮮賣相吸引，反正行到攰坐低歇歇腳。正值下午茶時份，餐廳都幾多人，好彩唔駛等位。茶餐 (沙嗲牛肉米+火腿奄列+牛油多士+紅豆冰) $48– 牛肉唔會煮得太老，但米粉過稔。奄列好大份，入面有滿滿嘅火腿絲。多士係厚切，上到枱仲係脆嘅。紅豆冰有成半杯紅豆，好足料雞全翼拼變心西多士(咖央)+紅豆冰 $38 – 雞全翼都算香脆，但比較細隻。西多士好有睇頭，夠厚而且沾滿蛋汁先炸，熱辣辣好香蛋味，建議直接淋糖漿上去等糖漿軟化啲再食會比直接沾醬好食。碟邊放咗塊青瓜片同蕃茄片去一去膩，顯示出餐廳嘅細心雞中翼+炸薯條+沙律+紅豆冰 $45 – 雞翼新鮮炸好就上枱，皮脆肉嫩。可惜薯條炸到過咗火，搞到連中間薯蓉應有嘅口感都冇埋。沙律有紅腰豆、青瓜粒、粟米、生果…如果份量再多啲會更好呢間價錢合理，坐得舒適，有機會會再嚟!

近來真係愈來愈多連鎖式冰室、餐室陸續擴張，隨時一條街都見到幾間係附近，今日黎到灣仔就有呢個景象啦，我都唔知點揀好，最後就揀左呢間九龍餐室試下啦。夜晚其實𥚃面都幾full，好彩都比我搵到個角落位，我叫左個咸魚雞粒炒飯試試，$60 唔算貴，加凍飲都係加$9 都幾抵呀，比起有d無餐嘅經濟實惠。個飯黎到色水唔錯，炒得幾金黃，飯底幾乾身，粒粒分明。雞蛋落得幾平均，每啖都食到，唔會痴一舊，值得讚嘅。雞肉就正常啦，如果無雞皮會更好，不過咸魚就出色嘅，走過油，而且大大粒，非常惹味，咸魚份量多，非常好味。總括而言，九龍餐室炒飯質素唔錯，係門口見到有蒸魚小菜，下次要再黎試下。

放假同男朋友諗住嘆番個早餐！我哋相約左係九龍冰室等！我先到就坐低等佢！一坐低，服務員就好似等緊我叫嘢食咁！我話想等埋男朋友先！服務員就叫我叫住等。。不停吹我叫！今次叫咗一個火腿通粉餐同一個雞絲通粉餐！兩個都係要太陽蛋腸仔！一落單。。5分鐘都冇！食物就已經係枱面！食物上枱嘅就係熱辣辣。。但等到男朋友嚟嘅時候已經凍左！我比較欣賞佢嘅通粉！唔會好淋。。亦都唔會好重味精！可能多人嘅關係。。不能夠嘆早餐。。而是光速食早餐！

估你唔到，本來想去灣仔一哥食灌湯餃，點知又排到出門口....轉過彎去食我覺得係10年來最好食嘅星洲炒米，Encore多一次，睇吓水準有冇下滑🤣這家餐廳, 地方清潔光猛開揚。就是一杯奶茶，也能做到杯邊乾淨，匙羹長度正常，有底碟....加分🤭至於星州炒米，今次未夠乾身，雖然唔係頂班啦，靈氣不足炒得都唔夠香，佢哋自己都知道唔記得加辣自動隊左一碟辣椒油俾我。其實已經炒得好過好多地方。如果猛火多炒1分鐘，口感會很不同⋯⋯#就是相差1分鐘

I have gone to many places for flaky pastry egg tarts but this place has one of the most consistently good egg tarts!always hot, the custard is very eggy and not too sweet. The pastry is flaky, 好香 but not too oily The lady serving takeaway egg tarts is also very friendly everytime too

星期五晚約了很久沒見的中學同學聚舊。兩個男人食飯，選址但求方便、坐得舒服，見個面傾下計食個飯。九龍餐室由銅鑼灣B出口行5分鐘就到，位置頗為便利。之前我路過這餐廳都買了幾次新鮮出爐的特大菠蘿油，印象幾好；見它裝修又比一般茶餐廳光鮮新派，所以今次便約朋友來試一試晚餐。我早到了少少，特意向侍應要求安排卡位，侍應算是有禮熱情，面帶笑容著意我在門口稍等一下，果然好快有位。雖然差不多已過晚市時間，可能店舖座落位置關係，仍見客人絡繹不絕，幸而卡位都多，好快便安排了入座。朋友亦比約定時間早了到達，昔日的中學同學已變了兩孩子之父，無變的仍是黑洞般的胃口。他甫坐下便不假思索點了一個特色什扒鐵板$118，而我則點了個男人的comfort food咖哩牛腩飯$65。咖喱牛腩飯牛腩：★★★★☆牛腩分量極多，足足有六七大件，牛肉味濃肥瘦適中，炆得軟腍火喉足，有咬口唔韌兼冇渣，相連軟筋膜亦處理得爽滑，屬心機之作。值得一提，所配搭之咖哩薯仔薯味濃、天然甜，出奇地好食。咖哩汁：★★★★☆上檯已聞到陣陣咖喱香味，汁地質感香滑，不會太稀或過稠，咖喱味道濃郁微辣，略帶椰奶味，香甜中帶辛，一口接著一口食唔停口! 喜歡吃咖哩的人

这家店开业也有一段时间了，陆陆续续的来过几次，感觉还是不错的，空间够大，环境不错，基本上每次来的时候客人都蛮多的。点了一份麻婆豆腐饭配青柠可乐，上菜速度稍微有点慢，不过服务员还算热情。菜的分量还可以，不算辣，味道做的也不错吧。逛街累了随便吃点挺好的。蛮不错的一家茶餐厅，食品种类挺丰富的，可以试试。

星期六行街，周圍都多人，晚飯時間更加不用說。之前坐車經過多次見「九龍餐室」都想試試，今次一於決定食佢啦。四個人點四個餐🍝🍜🍲🍛缺點：牛柳比圖片顯示的不符之外，但味道買相都不錯。環境寬敞，唯近廚房範圍，地面較濕要小心點。無穿制服，可能是老闆，態度有點差。優點：出菜很快，賣相也吸引，味道是不錯的。waiter叔叔-高高的瘦瘦地，很有禮貌，值得一👍🏻！1）鐵板牛柳，130元，價格略貴，份量較少，與圖片有點出入。這個是較為失望的。但羅宋湯好喝。飲料需加錢。2）招牌焗豬扒飯，一定要試，份量足，味道不錯3）常餐-沙爹牛肉麵（配多士，奄列，飲料加3元）4）咖哩🐷扒飯（咖哩幾香，略微有點甜）

舉手叫落單，阿叔見到就叫我等等，之後就冇左件事。等左好耐先落到單，個餐等好耐，我個單點湯飯都食哂，朋友個晚市套餐都仲未黎(唔係蒸野)，一催單，個阿叔瞄一瞄我就冇左件事，最後叫個唔知經理定主任幫我跟，但佢聽完又走左去冇左件事。隔左3分鐘，我再四圍望，佢先行埋去水吧度講。食物一般，同一般茶餐廳冇分別，但就扮到好似大興般較高檔，唔抵食。整體而言，啲侍應甚至主任都冇耐性之如，仲要無視啲食客，冇心做其實倒不如趁早落閘收工。

本來對呢間餐廳印象幾好，食物質素中上。但係今日發生嘅事就令我終身唔會再食。本身我地兩個人入到去，有個待應見我地孭住大背囊，叫我地坐個四人卡位。坐低左，我地即刻點左餐。點知等左幾個字都未到。然後有個啊姐走個黎迫我地坐埋一邊，話出面有人等緊，首先態度已經係差，呢個唔洗講。你呢頭個待應先話想我地舒服啲叫我地兩人坐四人卡位，轉個頭隔一陣又話有人命令我畀人搭枱。你一早咁講我就坐去個二人位啦。之後等足四個字我地先追單，有個中年男職員竟然話無落，叫我地落過。咁我唔火就奇啦，落左單四個字你先話無，你唔係追究返頭先邊個落，點解會落漏，亦唔係講唔好意思，係話：落過啦！三個字。於是我同我朋友起身走，我朋友話呢間野痴線架。個男職員竟然鬧我朋友，話：你講乜X野呀！？ 呢個男職員係中年阿叔，有少少白髮，我唔明點解餐廰會請咁既人返黎倒米。食野態度重於一切，話之你幾好食，用粗口鬧客一定不可接受，我唔會再食呢間野，亦呼籲所有市民晤好幫襯！

點餐後十五分鐘後都冇比單，旁邊較遲入座的都已開始進食。在無人理會嘅情況下禮貌地詢問點餐進度時，一位中年白髮男侍應極無禮貌地推卸責任，聲稱不是他落單，系統亦無我張單。明顯係餐廳內部管理混亂，效率低下。最憤怒的是男侍應態度非常惡劣，竟向顧客講粗口，無心工作的話倒不如辭職!未食已經一肚火，唯有去對面街的餐廳醫肚。人家態度良好，上菜極快。打開門做生意就應該注意服務水平及態度，不要覺得茶餐廳價錢低廉就可視客人如狗。已入黑名單，不會再食!

銅鑼灣開了很多茶餐廳，有的好像只招待內地客，有的有太多蒼蠅，真不想入去進食。這間看起來都不錯，加上平時午飯時段要排長龍，今天假日沒有人排隊，所以即管入去試下。我點了番茄湯常餐，炒蛋都算香滑，多士微燶，最正的是番茄湯豬潤通粉，番茄湯富有強烈的番茄味，濃稠開胃，不似其他茶餐廳那樣混入了很多清水，加上通粉吸收了番茄湯的精華，與番茄湯融為一體，多吃了也不樣會有飽滯感。豬潤有七至八件，數量也不少。雞蛋、番茄、豬潤等健康食材混合在一起，加上沒有味精，感覺很清新健康啊！朋友吃的豆腐火腩飯午巿套餐則比較遜色，豆腐有點硬，煮得不夠入味，火腩不夠香脆，汁的味道可以再濃一點，希望下次試食其他午巿套餐。這間店的缺點是太擠迫，枱與枱和櫈與櫈之間非常近。我們坐在二人卡位，椅子的闊度剛好只足夠一位中等身材的人坐，高大和肥胖的人士應該坐不下，當我們要離開座位時，也要先叫其他坐在附近的客人起身，才能走出去。見到其他坐圓枱的人，經常被在店內穿梭的洗碗碟車和走來走去的侍應生打擾，看起來應該吃得不舒服。吃完飯後，我們在門口買了兩個菠蘿包做第二天的早餐，估不到第二天吃的時候，菠蘿皮仍然是脆的，正！