二撇雞

營業中

休息中

<吊你癮小鍋米線🌶️> 💲66係酸辣雞肉雲吞米線 超多料 湯底真係好濃郁🥹又酸又辣，超好吃！一口雲吞嘅肉汁好鮮美 食完真係超過癮🤤<花膠雞濃湯米線 🐔> 💲69雞肉份量真係唔少 濃厚嘅雞湯，食完都唔會覺得口渴 花膠增加咗湯嘅香味同口感，令到呢碗米線變得好豐富🥰<失傳已久嘅豬扒 🍖> 💲28呢份豬扒真係超級鬆化 份量又大又實在，每一口都飽滿都好滿足🤤真係啖啖肉 食得好過癮！好開心可以食到咁好味嘅豬扒👍

星期五夜晚七點去排隊排咗15分鐘到就可以入座因為座位都多 同埋食既野都比較簡單啲人食完就走所以15分鐘係俾我想像中排得快🔹🔸🔹🔸🔹🔸🔹🔸🔹🔸🔹🔸🔹🔸嗌左個花膠雞濃湯米粉 + 無糖黑豆漿因為我平時都麻麻哋食米線所以嗌咗個米粉🔺米粉好淋身 係我鍾意既🔺花膠正正常常 冇咩特別🔺雞件 份量味道都係正正常常 冇咩特別🔺最滿意係個湯 真係冇味精 但係又煲得好濃味 飲左好多湯👍🏻🔺無糖黑豆漿 都係可預計到嘅味 冇咩特別總結：我覺得值得一試 但係未去到真係好好味 好味道要排隊

嗰日咁啱諗唔到食咩，記得之前有bookmark呢間所以去試吓 去到門口排隊等咗10分鐘左右就有位叫咗口水雞米線 ，藥膳雞米線同埋炸豬扒個口水雞就好普通 ，真係唔洗試 藥膳雞米線個湯幾好味，仲要冇諗過會有咁多計件，大大碗算幾抵食 👍🏻 失傳已久的豬扒🐷 $28 係大大塊 鬆軟 但味道唔算特別好味 不過呢個價錢都可以試一次 嗰日坐近門口位，叫咗杯凍飲但好少冰，可能天氣太熱 啲冰好快就溶晒唔夠凍 平時想食米線都有機會會再幫襯多次 ！

難得lunch time 有少少metime，我即刻去駱駝漆打算早d 食完即刻行街。上到黎見到有條長隊，就諗，好啦就試下呢間啦！我叫左個沙姜雞米線，個米線其實唔錯，湯底都似足藥膳湯底，但個沙姜雞一般。唔係話佢難食，因為個雞d 質感其實唔錯，但d 汁有少少似就咁最後淋上去咁，同埋d 味唔係好似我以前食開d 沙姜雞汁，似少少偏向類似麻醬。但其實ok geh，不過我下次黎可能會試其他野。另外我叫左杯凍檸茶解渴，因為係出面實在等得太熱😂

平日Lunch Hour去到都會排長龍，1點左右上到去，眼看都差不多有20人在門外排隊等位，不過佢有2個舖位，所以人流都會去得比較快，大概15分鐘就可以入坐~我每一次嚟都系食重慶口水雞米線，唔系因為其他唔好食***我跟本就無試過其他***，而系呢個配搭真系好夾，另我每一次都比佢吸引，嚟到就想食番佢~個口水雞比較重口味，而個米線就比較無錦濃味，完美Balance~ 啲雞唔會有雪味，食落去覺得食材新鮮，個米線既湯又足料，有啲枸杞系面，跟湯重有木耳同勁多既腐竹~ 除左足料之外，個湯底食唔出有味精，食落感覺健康啲，但又唔會唔夠味~而價錢都中規中矩，以食材用料來說，個人覺得都幾有性價比~總結~ 觀塘人唔可以未試過~

平日就唔食米線既, 同事又話要試呢間主打養顏健康. 無味精,未入門口已經見到餐牌1.生滾花膠雲吞雞$882花膠雞濃湯米線$693.黄酒藥膳雞米線$594.胡椒濃湯雞米線$595.招牌海南雞飯$576.失傳已久的豬扒$28花膠雞濃湯米線濃郁的湯汁+ 花膠雞 無得輸$69 就食到甘濃郁花膠雞濃湯 係估唔到既. 加埋米線, 係回味無窮. 絕對值得一試的美食胡椒濃湯雞米線雞肉嫩滑多汁, 湯汁帶有濃厚的胡椒香氣，令人胃口大開。風味搭配好失傳已久的豬扒豬扒外脆內嫩，煎得恰到好處, 不會過於油膩. 保留了豬肉本身的原汁原味。#pro之美食 #pro之推介

二撇雞光顧了好多次，亦都試過以下菜式 。花膠雞，黃酒藥膳雞同埋胡椒濃湯雞都係穩陣之選，絕對唔會令你失望 。黃酒藥膳雞同胡椒濃湯雞佢哋啲雞已經放喺湯裏面。不過花膠雞濃湯啲雞係另外分碟上 。放湯嘅雞同分開上嘅雞嘅質地都唔同 。我比較喜歡另外上嘅雞，似食緊海南雞咁滑嫩 。今次想推介一下吊你癮小鍋，佢裏便嘅材料包括有放湯嘅雞，巨雲吞，蟹柳，酸菜，豆卜，魚角，冬菇 。非常非常多料！湯底酸辣得來唔似係坊間嘅酸辣米線嘅味 。味道雖然濃郁，但飲落好舒服，而且一啲都唔頸渴。上菜嘅時候湯底熱辣辣，由於湯底非常開胃唔經唔覺我可以食晒成碗米線 。佢哋米線嘅質地煙煙韌韌同坊間嘅米線都好唔同，冇咁粗，有啲似南記嗰種米線 。我非常喜歡 。如果食雞湯食得悶嘅非常推薦呢一個米線 。花膠雞濃湯，非常推薦黃酒藥膳雞，推薦胡椒濃湯雞，推薦鮮茄濃湯，茄湯味道普通，可以一試沙薑雞，沙薑比較鹹，麻麻吊你癮小窩，非常推薦佢話就話收九點，不過8:30都仲有人排隊 。我成日趕尾班車嚟食🤭，食到過左9點佢哋都冇話要趕人 。而且佢哋租埋隔離舖位，座位非常寬敞舒適 。

湯易入口，清甜。米線，幼細煙韌。但！但！但！沙姜雞真係好鬼鹹，鹹到我不斷捫心自問點解要揀沙姜雞！點解要揀呢間餐廳！啊啊啊啊啊啊啊啊！😭有comment話沙姜雞非常多沙姜，冇錯，佢將d雞浸左落d沙姜醬度，如果d沙姜好食就應該好好食，但d沙姜好似落左成桶鹽落去咁，食完我塊面即刻浮腫，真係超級無敵鹹。我有諗過同佢講，不過算啦，快快食完算啦，當快餐。炸雞翼都好多人話好食，但應該冇醃過，食到入面冇味，雞味都冇，得層炸皮有味。雲吞係大粒，但味道都係想像到嘅味道，肉加蝦，冇咩特別，唔洗特登試，但想要大件夾飽可以叫黎試下，不過裡面有少少骨碎，食嘅時候慢慢食，唔好咬到牙崩。服務因為我早黎所以正常，但後來見佢開始多人都係一張細檯中間放隔板分兩個人坐，d隨身物品要擺喺自己坐嘅位，比較逼擠。後來走嘅時候見到佢其實有多間店，入面都未坐滿，照叫人搭檯。想食嘅考慮下再黎啦，尤其如果需要排隊就冇咩必要。🙂

網上見有唔少好評，決定今日嚟試一試，果然名不虛傳，今日揀咗佢嘅「吊你癮小鍋米線」，純粹因為個名幾過癮就叫嚟試吓啦，真係有驚喜喎，湯底好濃厚，微辣中帶點甜的，重點係份量好大，我已經叫咗少米線，但係如果一個女士嚟講份量都係多，入面嘅材料有超嫩滑嘅雞柳份量勁多，兩件冬菇，兩件三角形炸魚腐，有豆卜，有蟹柳，肉碎，酸菜同榨菜，韭菜我走咗，因為我唔食，仲有一粒超大嘅雲吞。 我另外仲叫咗一個「失傳已久的豬」聽說都係呢度嘅signature，所以就試吓，果然係炸得好好，醃得入味，但又唔會太鹹，好正。總括嚟講我會比8.5分同埋真係好飽好飽好飽*開波太肚餓掛住食，唔記得影🤣

去到駱駝漆本來要打卡其他家看到這家好多人排隊，就臨時改變主意後來搜一下才知道是駱駝漆入面最有人氣嘅餐廳這家店名好特別【二撇雞 】看一次就會記得～最出名應該是這個什麼麻膠濃湯雞，但4個人都覺得麻麻反而小食有驚喜，所以本篇推薦他家小食雞湯粉等我下次試了好吃再推薦～【紅油抄手】抄手皮薄餡滿，內裡包咗鮮嫩嘅肉餡，再淋上香辣嘅紅油汁。一咬落去，彈牙嘅抄手皮同鮮美嘅肉餡一起爆發出嚟，味道醇厚又帶有一絲辣味，好開胃。【香炸腐皮魚角】香炸腐皮魚角係一道傳統嘅粵菜點心。以魚漿同其他調味料拌勻，再包入腐皮內，炸至金黃酥脆。每一口咬落去，可以品嚐到魚香味同脆口嘅腐皮，口感豐富又咬勁十足。【胡麻雞絲粉皮】胡麻雞絲粉皮係一道涼拌菜，特別適合夏天食用。粉皮經過烹煮後，配上鮮嫩的雞絲，再拌上香濃的胡麻醬汁。每一口都帶有滑嫩的粉皮口感，搭配上的胡麻味和嫩雞絲，口感豐富。【麻辣擔擔麵】麵條彈牙滑嫩，配上辣椒醬、花椒、有濃郁的麻辣風味。加上香噴噴的肉末、花生碎等配料，讓整碗麵食更加豐富美味。還有個失傳已久的豬趴，名字好笑，價格便宜，味道一般

已經係二撇雞食過無數咁多次既lunch，食極都唔會厭！好記得第一次黎食，最impress我既就係佢個養生湯底！非常夠味同清甜，飲得出真係無味精！係呢度幫襯過咁多次，當然試過好多唔同餸啦，當中最正既，除左佢既招牌花膠雞，就係沙薑雞（因為本人口味較重🤣）夠咸去送湯面食～最一般既對我黎講係個雲吞…因為味道比較清淡，如果要食佢既雲吞，我會建議直接叫個小食：紅油抄手！！紅油抄手同雲吞既分別只係在於個醬汁，其餘既都一樣，但係抄手個汁實在太正，甜甜辣辣既口水汁我至愛，十分推介～而且個重點係佢好！大！粒！食完個面再食佢已經飽到傻，而且價錢都合理！不過有一個好大好大既問題，每次去食必定排長長長長長龍… lunch比較短/同行人數多既都唔好去排喇…因為我試過要排半個鐘先有位…再唔係，就建議大家要一早12點前去排定隊（如果你係食12點嘅話）

嚟觀塘食晏,最佳地方當然係工廈,盲舂舂上到呢層,得呢間最多人排隊咪試下囉,QR code點餐好方便,揀咗個黃酒藥膳雞米線,加咗雲吞($8)同花膠($10)每樣一舊,雲吞比一般大,味道ok,花膠同腸仔差不多szie,味道正常無咩特別,值唔值得自己諗,黃酒藥膳湯底值得一讚,夠香夠甜夠藥味,雞肉正常水準,整體分數7.5分(10分滿分)

今日中午去了，已經2點多，仍然好多人。好難想像中午食飯時間，應該是人山人海。只等幾分鐘，去了另一個舖位，較開揚好坐。點了藥膳鷄米粉，同事點了花膠鷄，一個米粉，一個油面。加最平$2 有可樂，我就$5飲無糖黑豆漿藥膳雞米粉，湯極濃，有當歸藥材味，鷄肉嫩滑無骨，配米粉索湯最正，如果有多條菜balancing 就perfect 反而同事配幼面，索湯發脹冧晒，唔太享受，食了一半就放棄，返到公司仲要食零食。花膠湯正常發揮，另上雞脾，嫩滑。我本來完全滿足，但回到公司，同事們都開始超口渴，勁飲水，味精強度似乎不少，是否回頭要再想想。

喺IG見到好多廣告介紹食花膠雞米線，果間係駱駝漆1樓，但我見有人話4樓呢間好食d又平d，所以我試左4樓果間先。我專登兩點去到避開lunch hour，去到都無位等左幾分鐘人地埋左單就入得，我見好多人食花膠雞米線，不過我想飲黃酒雞湯，所以叫咗藥膳黃酒雞米線。黎到個樣就麻麻地，但個湯好好飲，米線就比較幼小小身，但好Q彈幾好食！但一食舊雞就奶野，係雪藏雞扒嚟嘅，雖然去咗皮同埋份量都多，但係麻麻哋啦個雞，食左2，3舊就無食了。但咁既價錢同味道都已經算ok，只係我唔係太鐘意食雪藏雞扒。同埋我本身鍾意食辣，枱面又冇辣椒油，如果佢有供應嘅擺埋出嚟會更加好囉，始終有d人社恐唔敢叫（例如我😂😂）黃酒雞藥膳米線$59+$2汽水=$61二撇雞

同朋友去觀塘食米線~~呢間米線勁多人排隊!!!!!吊你癮小鍋米線酸同辣平衡都好好~仲有偏向少少甜味!!!!我差D飲曬D湯HAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHA!!而且仲好足料!!!!!!!最怕食米線係淋曬,而米線好幼又好煙靭~最怕食米線係淋曬,養生花膠雞米線有少少失望,以為佢會好濃雞味, 比我想像中有D淡~但佢雞件有雞味而且都幾嫩滑!失傳以久豬扒都係同想像有少少出入,不過佢勝在份量大,同炸得脆!