影片
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關獎賞計劃
位於沙田好運中心火鍋放題，放題選擇價錢有三種，今次就中間B餐，眼見B餐肉類都不少，同朋友二人就食B餐啦，如果朋友多啲可以選擇C餐，肉類質素會更高選擇更多。放題一開始會介紹四款煲，有惹味雞煲，香濃黑椒豬手煲，秘製火焰牛尾煲，嫩滑酸菜魚窩，四款煲都可以任食喜歡的話可以食齊四款，今次同朋友就叫咗個秘製火焰牛尾煲，上菜時店員會幫你個牛尾煲再炒一炒撈勻啲配菜然後加入酒精點火，好有特色，牛尾煲味道香濃，有花椒洋蔥炒埋一齊，牛尾炒到入晒味，件數仲要唔少，同朋友食完已經有五成飽，然後食完牛尾煲可以叫店員換上打邊爐湯底，而今次湯底就叫咗胡椒豬肚雞鍋，湯底清甜草胡椒味。-火鍋配料，外面有凍櫃放咗好多丸款同蔬菜，有需要可以自己到凍櫃自己揀。-配料仲有多款海鮮自己叫，牛肉方面牛味濃郁，厚薄剛好。-飲品櫃及雪糕櫃多款選擇，汽水茶類任揀。所有套餐星期一至四加$60仲可以升級為無限時，想同朋友慢慢傾偈慢慢食可以選擇升級。
繼續閱讀
位於沙田好運中心嘅打邊爐餐廳 我間唔中都會去幫襯😆 勝在性價比高最近仲推出+$60@就可以升級至無限時任食放題 最岩就係一班fd聚會邊食邊吹水啦😆最開心呢間可以任食唔同嘅煲 + 湯底火鍋我哋照舊叫左嚴選安格斯牛火鍋套餐（$268）👉🏻惹味雞煲 🐣🐣味道好香濃 份量又足料 加埋雞腳 夠晒咬口😬 勁惹味🤩👉🏻 秘製火焰牛尾煲🐮店員親自係我哋面前落酒點火🤩 香味即刻更加濃郁😍😍目測大概都有10幾件牛尾 好足料🤩👍🏻 牛尾咬落QQ的 好彈牙 索晒啲醬汁味道😋食到差唔多就可以叫店員轉湯底火鍋🤗🤗而火鍋湯底，我哋就揀咗越式香濃牛肉湯🐮湯底味道酸酸地 幾開胃 仲有啲牛肉熬煮 👍🏻 真材實料 🍲火鍋配料🍲安格斯牛套餐可以點 👇🏻👇🏻👇🏻牛板腱、封門柳、美國牛胸腹、本地鮮滑牛肉 以及其他嘅海鮮、雞肉、丸類等仲可以去自助區 取其他火鍋配料 、醬料、雪糕、飲料😚 餐廳送贈每位一份安格斯牛小排 脂肪比例多而均勻 口感肥美鮮嫩 😍🍦雪糕櫃 仲有朱古力味、榴槤味、益力多味雪糕雪條😝 益力多味雪糕 食落似食緊乳酪雪糕咁👍🏻爽
繼續閱讀
沙田好運中心都有不少食肆。我嘗試了這一家提供火鍋放題的餐廳，這裡的套餐包括羊腩煲、酸菜魚和雞煲三種選擇。每一種火鍋都有其獨特的風味和特色。「極尚鮮味」套餐 午餐都可以任食。火鍋、飲品、配菜、雪糕，無限量供應！羊腩煲現在迎來秋冬氣息，很適合來個羊腩煲，這次火鍋放題的亮點之一。羊肉煮得非常嫩滑，沒有一絲膻味。湯底口味適中不油膩，重口味的我想更加濃郁，還加了醬料，再沾一點腐乳醬，令羊腩更加好吃。搭配一些冬菇和腐竹，讓整鍋的口感更加豐富。酸菜魚酸菜魚的湯底酸辣適中，魚片鮮嫩無比。酸菜的酸味恰到好處，提升了整鍋的鮮美度。窩裡也有些配料，由其豆卜粉絲，十分入味，一起食用，更是讓人回味無窮。雞煲先選擇辣度，愛辣朋友必定喜歡。雞煲炒得香氣撲鼻，味道濃郁，，雞肉咬下去汁水四溢。這鍋特別適合天氣涼爽時享用，讓身體從內到外都暖和起來。這次的火鍋放題套餐不僅選擇多樣，而且每一種火鍋都能讓人享受到不同的味覺體驗。無論是羊腩、酸菜魚，還是雞煲，都有其獨特的魅力。還有本地品牌雪糕雪條任食，絕對能吃到飽飽。
繼續閱讀
今日去咗二窩頭雞煲火鍋lunch,喺沙田火車站出嚟行幾分鐘就到。佢哋嘅火鍋放題加$88，仲可以食埋羊腩煲，真係好抵！羊腩煲炆得又淋又入味，肉質鮮嫩，食落去口感一流。入面仲有枝竹、冬菇、竹蔗同馬蹄，唔單止提升咗羊腩嘅味道，仲令整個煲更加豐富。啖啖都有驚喜！食完羊腩煲之後，我哋又試咗鴛鴦火鍋。湯底方面，左邊係濃郁嘅豬骨湯，右邊係沙茶醬味，兩者各有千秋。豬骨湯嘅鮮味真係好足，沙茶醬就帶有獨特嘅香氣，食落去令人一試成主顧。配料方面就更加豐富，牛板腱、活海蜆、脆鯇魚腩、鮮蝦雲吞、活海蝦、雞、豬頸肉等，真係令人目不暇接！每樣都新鮮，特別係活海蜆，鮮味十足，搭配湯底簡直係絕配。
繼續閱讀
9/11/2024經過好運中心分店，想直接入去Walk in，Receiption 職員告知可預約7:00pm，另外我們預約了7:00，4大2小！6:35左右pm嘅時候致電我們，告訴7:00pm沒有位置，要求我們更改到8:00pm，原因是客人交唔切枱。成件事我覺得處理方法好有問題。如果冇位就唔好幫我哋book7:00pm.，如果一開始通知我哋冇位，我哋就可以食其他餐廳。唔使浪費了時間喺度等7:00pm入座，搞到我哋7:00嘅時候去急位搵其他嘢食，其他餐廳都比較full。真係覺得處理方法好有問題，未食已經有個唔好嘅體驗，我唔建議朋友屋企去人食•
繼續閱讀