五十嵐日本料理

營業中

休息中

北角都有唔少嘅日式餐廳不過價格可以好懸殊有啲算平有啲就比較貴今次就食咗間位於新都城都幾耐歷史嘅五十嵐日式餐廳其實間隔都幾細座位反而幾多都會有少少迫夾嘅情況個人好鍾意食拉麵當然要試吓呢度嘅拉麵首先講吓個麵質就真心係可以貼近差嘅程度因為面完全冇彈性而且非常林好似係完全熟過頭同正常少少嘅日式拉麵格格不入至於餃子就可圈可點咁都會係新鮮煎 係唔會話好熱，肉質上可以但係果皮就比較差雖然係可以擺得入口但執數就真係好一半不過都有好嘅地方就係會送凍金橘檸檬蜜味道就真係幾好而且好解渴唔會太甜

係北角新都城入面有間好抵食既日本餐廳，下午茶都係三十幾蚊，今日食左個炸雞拉麵，首先試下個湯底已經非常美味，啲面軟硬度適中，一定最岩識食既你，而且重有凍飲送，價錢又抵，真係一次滿足到你三個願望

今日到五十嵐食平價下午茶，叫經理點左拉麵，佢問我飲咩， 我答飲湯，佢好似好奇怪甘，我重覆，佢竟然答"餐牌上面紅色字，你睇唔睇到， 你識唔識字" 究竟係咩態度呢，答我無湯咪ok 攞，唔明點解要甘講攞。。哩個經理平時已經態度好差，竟然甘講野。

想食拉麵，所以搵間就近又平嘅餐廳😆這邊的下午茶最貴都係三十幾蚊，真是超值！————————🔹雞扒餃子拉麵 $38（配玄米茶）📍7/10Pan-fried chicken and deep-fried dumplings ramen豬骨湯底熬得濃郁，拉麵軟硬適中好大碗～雞扒煎得香脆滑嫩，肉味濃，但只有三塊實在唔夠😕三隻細餃子是韮菜豬肉餡，炸到脆卜卜好香口，可惜外皮太硬又太油，食落超級肥膩😫好彩有拉麵的椰菜及粟米中和下，否則真的難入口😶

這次又經過北角工作，由於我們不太熟悉這附近有什麼社畜飯堂，於是跟同事再次光顧五十嵐。價錢較相宜嘛～笑☀️金菇肥牛套餐跟上次一樣的擺盤方式，有一個日式便當盒，再配一杯凍飲，大熱天氣下的幸福😊蔬菜量很足夠，唯獨飯跟主菜，可以的話想多一點點。不過，明白經營困難，這個價錢，在通脹下，真的不能要求太多。肥牛包著金菇，沒有散開之餘，金菇可以解一解肥牛的躁熱感。醬汁方面，女士可能會覺得剛好，男士會覺得有少少偏甜。

我剛落完單 舖頭既唔知經理定老板 要求我地起身坐第二到 我地唔想搭枱 我地表示不轉枱 之後用粗口鬧我屋企全家 我想問我唔鐘意搭枱就要比你鬧？仲要我食足全程 佢一路比說話我地聽 我黎幫襯唔係黎受氣架 有冇搞錯 仲要係我隔黎係咁掟碗掟杯

這天中午天陰陰的，都有點怕走到中途會下雨，所以和同事去老地方吃中午飯，即是五十嵐~是日午餐，我揀了日式鹽燒鯖魚秋刀魚定食。個人很喜歡他們的盛碟，用了日式的便當盒，形似!這次給的蔬菜量及飯量都特別多，咬了口鯖魚啖啖都是肉。秋刀魚則細了些少，最大問題是他們沒有清理好內臟，不小心吃到的時候，便會有苦澀味，但整體好適合我們社畜食。笑最後,敵不過炎熱的天氣要點一杯凍飲，即便要加錢，都想好好犒賞辛勤工作的自己。

早上外出, 午後回到北角, 差唔多兩點鐘行過新都城, 好耐無食過五十嵐, 剛好兩點轉下午茶餐牌。 點左招牌豬軟骨便當, 跟凍檸檬蜜。下午茶時段開始多人, 老闆忙到傻, 不過好細心對每位人客! 便當整體好食, 豬軟骨燜得好入味,飯量適中。**下午2:00 -6:00 茶餐時段有多款選擇,有牛肉, 雞扒, 炸雞便當/拉麵!

之前食過一次晚市，好食既，但可能唔夠店員+多生意，所以店員態度麻麻今次再試下佢既lunch，其實佢每個拉面都係平均四十幾蚊，以lunch黎講都抵食。今次選了店主推介既豬軟骨拉面+熱茶，$40。豬軟骨夠淋身，入味其實個人幾中意食動物既軟骨，軟骨果種脆脆地既咬口好得意食完飲番杯熱薏米茶去下膩，好滿足呀

超難食 直頭中途唔食 亦可能係咁 無需等座位當日原本到對面大家樂 但爆多人 故到此用膳落單過程一般 上枱時間都一般 衞生方面少少差 但食物質素真係...難食 無咩味 賣相亦似打完仗

出入到去坐低叫野食叫極都無人理,終於有人行埋離叫佢落單又話唔得閒等下先,ok我地等,到佢地得閒果陣先行離,2個人去食叫左兩碟飯先,諗住睇多陣餐牌再叫,點知一手搶左我手上餐牌之後黎手掉去第張枱,等左陣見到有卡位枱問句調唔調得過去,之後個待應就又話煩又而樣,野都米食气都食飽,而間野請都唔會再去

今日同個朋友去咗食個下午茶而家香港好多餐廳星期六日公眾假期會取消下午茶不過都冇所謂 去照食午餐都得咁我未食過呢間嘅 知佢係平價拉麵講真 平價拉麵都估到下係咩質素架喇其實所以都冇預期佢係好食嘅去到門口 見到係有下午茶嘅三十幾蚊 都ok嘅 但一定唔係平架喇入到去 有個卡位坐 佢都算多人嘅 啲位都坐得七七八八餐牌上有飯有麵同埋小食嘅下午餐揀嘅都算幾多選擇 我同個朋友都揀咗個拉麵食我就揀豬軟骨佢揀咗雞扒餃子仲有杯玄米茶跟先黎咗杯玄米茶先一碗冇骨嘅豬軟骨拉麵個感覺奇怪啲 都冇軟骨嘅拉麵質素係最差個啲黎係唔好食架喇 不過預咗嘅都湯底都唔太好味好似味精湯底咁不過叫做同預期一樣朋友話佢覺得幾好味但我見餃子賣相一般但我冇試過佢個碗麵嘅最後下午茶賣單七十蚊宜已係唔算抵但應該只係午餐 但賣平啲做下午茶價錢

今日星期日，我哋3個人去到門口要等位，門口寫住要登記取位，我取了票，排第二張， 等咗15分鐘第一張枱入咗去 ，之後來了很多一個人嘅人等位， 嗰位男店員 類似店長， 就叫晒1個人等位的人，入去坐，我哋3個人點會有一張枱可以坐呢？我就問佢， 要唔要我哋坐低喺度等，佢就好怒氣話等佢安排， 我朋友就話等你安排，你點安排？ 根本就唔使登記，隨便有位就坐！之後， 我哋當然走啦，仲唔驚佢加料我哋啲食物到咩！ 我未見過有呢D咁嘅服務員工， 簡直趕客走！ 永遠唔會去

試食餐廳： 五十嵐日本料理（北角英皇道416-438號新都城大廈地下4B舖）美味指數： $50日式牛肉鍋定食（2/10）$54日式海鮮鍋定食（3/10）-小女子與男友仔在北角覓食，看到這餐廳的菜式、價錢好像不錯，誰知一試以後頗為失望！男友仔點了日式牛肉鍋定食，定食包括鍋物、白飯、飲品，份量與價錢一般。鍋物有牛肉、粉絲、金菇菜等配料，淡而無味，沒有吸收湯底的味道，且湯底也只有偏鹹的豉油味，比較似劣質茶記的味道。小女子則點了日式海鮮鍋定食，定食包含的食物與前者一致，多了一塊炸魚柳。鍋物有蝦、魷魚、蟹柳等配料，也是像白灼一樣無味，似是配料與湯底分開烹煮，上菜時才放在一起，不過湯底清甜，算是挽回些分數。而且，炸魚柳炸得不夠透，味道不佳，以這個價錢來說，食物質素有待改善。

去到座底，之前客人食完餐具未收，座咗好耐都冇人收，於事我出去柜面問店員拎餐牌順便叫佢執枱，到我返埋位座低，個好冇禮貌收銀果位店員同我講話有人等緊位，話要取籌，我當時同佢講我地座咗好耐冇人執枱，來的時候跟本就冇人等位，個店員一句唔好意思都冇講，還叫我地起身出去等，我當然覺得條氣唔順，直頭走咗冇食