五十嵐日本料理 (已結業)

怎麼可以放過刺身。壽司也好，刺身也好，如果經過這個路段，五十嵐是可以選擇的地方，它的位置不是太多。而眾所周知太子已經成為美食集中地。在太子可以選擇的日本野當中，通常五十嵐簡單方便又不需要等位。

一開頭係比呢間餐廳嘅平價吸引，於是一試王牌焗三文魚飯$42呢個聲稱係推介食品嘅焗飯同餐牌上嘅相有啲出入，估唔到只係一個普通嘅焗飯，不論係飯定三文魚嘅份量都未算好充足，不太推介。咖喱牛肉飯$38咖喱冇咩特別，有啲似平時超市買嘅包裝咖喱。而薯仔就連皮都未去，牛肉份量少而且口感不太滿意。以呢個價錢食一個晚飯叫做可以接受，但各位唔好追求味覺上嘅享受，餐廳水平令人勉強接受。

海麗邨既平民學生聚腳點，一定係50嵐，價錢好似幾年都無升過，午餐都仲係講緊38-45，對比近地鐵站的餐廳已是平左十零蚊！叫左炸餃子拉麵同埋血池地獄拉麵，跟埋餐飲都係30幾40蚊，好好食就一定唔會，但係絕對對得起個價錢！餃子都脆既，湯底可以。凍金桔檸檬味道都多，唔會似飲清水咁，跟餐黎講算幾好，熱飲既話可以揀茶。血池地獄拉麵無想像中咁地獄，即是唔係話真係好辣，不過都ok~個豬肉都入味好食。一定會得閒過黎食下～

香港的「五十嵐日本料理」於2000年年初正式成立，至今已發展為坐擁近十間分店的連鎖日本料理店。由開設第一間分店開始，五十嵐就一直走大眾化路線，定價以經濟實惠為原則，打破被視為昂貴高檔的日本菜大眾化，成為平民價的日本料理。為了要把日本料理帶到社會各個階層，五十嵐的分店大多開設於接近大眾的屋苑商場中，成為住客居民「解決」早午晚三餐的地方。由於一直深受顧客支持及愛戴。 這家位於九龍海麗邨的五十嵐分店在上址已經營了好多年，最近新裝修，環境舒服好多，地方也寬濶了！分店開在公屋商場當然不單靠賣日本食物，所以門口側邊有個外賣櫃檯，兼售中式飯盒。內部格局似茶餐廳，堂食價錢非常親民。星期一至五特價午餐天天不同，包一杯熱飲，學生光顧還有學生優惠，比茶餐廳更便宜。 門口側邊有個外賣櫃檯，兼售中式飯盒 和風滋味早餐 附熱飲(供應時間7:30am - 11am) ▲ (和風滋味早餐) 香煎雞扒拼餃子拉麵 + 熱飲HK$30 炸餃子炸得幾脆，內餡味道幾特別 拉麵軟硬適中，口感不錯，除主菜煎雞扒外，配菜包括高麗菜、粟米粒、昆布及魚板 ，豚骨湯底濃郁好味

放break 到附近的餐廳食lunch, 見到呢間好似幾好就入左去食。 午餐仲有幾個精選有特價。今次揀左 定食套餐 牛肉鍋 $48 包一碟小食（炸餃子），飲品，麵豉湯同一小碟中華沙津。等左10分鐘左右。 鍋物份量好足，湯底好甜，是我喜愛的味道。 建議兩個女仔可以share, 再加多個小食。這是一個成年男人的份量，真心好飽。附贈的凍柑桔檸檬飲品都吾錯，幾岩喜歡甜野的我炸餃子炸得幾脆，內餡味道幾特別，我朋友幾鍾意，我就覺得一般般。不過值得一讚係食物好夠熱，咬開餃子中間有煙出。滿足唯獨中華沙律還有改善空間。

平日午飯時間去，舖面9成滿冇人等位12點54分叫咗咖哩吉列海鮮飯落咗單後，附近幾張枱先坐低叫野，佢地啲餐到齊，我個飯都未有影最後等到1點32分先到食物質素普通，但有漏單問題另外有學生趕返學，等唔到個飯都唯有走

今日放假，接完仔仔放學諗住搵間嘢食，仔仔話想食拉麵，于是近近地就學校附近嗰間五十嵐啦，于是埋位坐低叫左嗰午市拉麵，寫單嗰位女侍應態度極不友善，跟著差不多3分鐘就來左拉麵，送餐嗰位男侍應態度同樣都是那麼差！拉麵不夠熱，味道超差！如果唔係仔仔肚餓，我貪佢就腳，近近地，我諗應該都唔會來呢間野食拉麵，因為大概一年前我曾經食過一次，嗰次都喺普普通通啦！點知今次差到離晒譜！今次之後這是我以後都不會幫襯的店鋪！

咁五十嵐已經係海麗邨好多年，雖然佢野食並吾係好好食，但係其實都ok，不過佢而幾年越來越進步，加入左好多新元素，更加吸引顧客，對於我來説佢既下午茶係好抵，30就ok，吾錯啦。咁佢新裝修左，舒服好多啦，地方都好濶。而個就係下午茶既餐牌。咁我就叫左個豬頸肉簡單便當，當午餐都ok，有炒菜同餃子，岩岩好！仲配埋飲品，都幾好架。總括來說，下午價格是非常吸引，佢食物質素比較以前已經越來越好！我覺得行開而邊又想食平野可以試下。

差差差！職員勁冇禮貌！掛住傾計，叫極都唔肯落單！！！如果唔係打風一定唔會來食！又唔係多客，叫左幾次落單，淨係叫人等等，之後就走開，等左好耐都唔來。我再叫，佢就來抹枱，等佢抹台果陣叫佢落單，佢又話等等，到底要等到幾時！

星期日去完國學大師文化館後，四點幾仲未食晏，便行落海麗邨的日式餐廳醫肚。點了個燒鯖魚簡單便當，心諗下午茶餐該屬輕食選擇，點知一上菜，嘩，不得了啦，今晚唔使食飯，大份到呢(自己睇相)。試一試味，炸餃香口，鯖魚特別少骨，就連日式醃製的蘿蔔也沒有苦味，整體來說相當唔錯。下午茶價錢，午巿份量，算是抵食之選。

日風剛登陸香港時，此店大名十分響噹噹，店員以日語歡迎食客，還是新鮮事。時代浪花淘盡，似已變成學生光顧為主的下價餐廳。收銀處放在中間，兼顧門外食客買外賣。價錢平均30多元，比茶餐廳更便宜。內部格局似茶餐廳。堂食價錢亦很親民。當然份量不多。附送餃子。我點了咖哩海鮮飯。份量頗多，平均質素幾好。有蝦，帶子，魚柳。友人說有時員工短缺，質素不穩定。舉目都是學生。因為學生有優惠價。友人還說鄰近的和亭結業了。此店找到市場定位，反而歷久而不倒。

工作路經海麗邨，試下佢地嘅炸軟殼蟹卷，40元正，先唔講價錢先,  如果好食40蚊都差不多, 但係唔知係我點錯, 定係佢地做既壽司係世界級, 果個炸軟殼蟹卷飯飯飯飯飯多到不得了, 簡直係比一團飯我。禁早知我買碗白飯la><價錢比一般日本料理店貴仲有, 一份炸軟殼蟹卷等成20幾分鐘不可接受, 想點餐果陣個侍應又黑面又懵下懵下咁，好似未訓醒，態度一個字差！呢間野真係唔好叫五十嵐日本料理 , 但一團飯料理好過, 錦先叫貨真價實無下次！真係唔係誇張！五十嵐真係難食到不得了！嬲爆！

點左個早餐C, 榨菜肉絲米，腸仔煎蛋，牛油方包。想點餐果陣個侍應又黑面又懵下懵下咁，好似未訓醒，態度一個字差！等左10-15分鐘碗粉先到，等果陣仲要同我講無腸仔轉餐肉得唔得。。咁如果我話唔得係咪比返腸仔我先！？！？ 等等等。。係後面比我遲點餐既人都到埋碟蛋同方包。。我仲向度等。。。呢間野真係無下次！

工作路經海麗邨，試下佢地嘅下午茶，兩點已開始下午茶餐時段，大概廿零三十元一個set餐廳極少人，得三四檯客，隨便找個卡位坐低，點了個和風牛肉定食，五分鐘就送上，牛肉是一般火煱肥牛，略帶酥味，汁是豉油味，不是日本那種甜豉油，食落好咸炒椰菜一陣油益味，無食過，炸餃子味道ok,但餃子皮好硬埋單$33（加凍飲）；價錢平但味道差！

呢間野專做屋村生意，之前呢間野都幾大規模係連鎖型式，價錢仍然都冇乜點變過仲係好平，廿幾蚊一個下午茶，我就叫左個牛肉鍋食。 咁既同份量廿幾蚊去邊搵，如果午餐吃呢個鍋要三十幾，下午茶時段去食，三十有找，味道不錯肥牛也可以，湯底夠濃甜甜地，入來之前我對呢間野係無咩信心，因為太平同埋都係真心想填飽個肚就算，會再吃如果經過