五福園

營業中

休息中

雞蛋腸粉+ 莆田古法扁肉湯 套餐 $40石磨腸粉有米香味，簿簿地有皺紋，個人覺得加雞蛋係最好味嘅～自家製鼓油都好正，唔會太咸！扁肉湯係福建傳統食品，外形似小雲吞～唔同嘅係扁肉幅外皮到餡料都係用豬肉製成的，味道濃郁！乳香猪手麵 $38猪手煮得好入味，充滿南乳香氣😋煮得啱啱好，軟腍中帶點彈性，口感十分正👍🏻麵都不錯，有咬口之餘仲好掛湯～街坊小店，晚市幾旺，幾乎座無虛席~其實性價比好高，抵食之選‼️五福園 (深水埗)深水埗北河街131號地舖

最近比較熱氣，想食清淡D，所以試下呢間，我都幾鍾意食扁食😌今次叫左1️⃣石磨腸粉套餐💰42蜜汁叉燒腸粉+扁肉湯腸粉係皺皮腸粉，食落口感嫩滑，有大量叉燒同埋蔥等，好滑溜。我覺得加埋辣椒醬更加好食😍扁肉湯我之前都食過，係好細粒嘅雲吞，雲吞皮好滑，湯底飲得出無加味精，食到肉香味，好快又清左一碗😚2️⃣秘制牛腩麵💰38牛腩係細牛腩肉，都有牛味，幼麵煮得啱啱好，唔會過焾，算吸湯，好快又清曬一碗，💰38一碗真係性價比好高🥹消費價錢：2人💰80，人均💰40結論：（10分為滿分）味道：7/10性價比：8/10回頭指數：7/10餐廳名稱：五福園 (深水埗)餐廳地址：深水埗北河街131號地舖

第一次來深水埗五福園,位置就在鴨寮街公廁對面, 非常易搵, 餐廳雖然小巧但主打的福建小食同麵食食物都質素不錯-今日簡簡單單叫左莆田古法扁肉同蒸餃子, 呢個配搭比較健康, 唔會好肥膩,而且全部餃子同燕皮扁肉都係每日人手包製, 姨姨就坐係對面每日包包包,蒸餃子包得飽滿實在, 餃子皮非常軟，帶點Q的質感, 單吃不點醬就已吃到滿滿豬肉香, 好吃呢。-至於莆田古法扁肉是一口一粒的size, 迷你可愛,外皮煙扁肉湯，口感豐富，食落口仲鮮味滿滿。

中午時份在深水埗搵食，一出地鐵站行幾分鐘就見到一間舖仔食福建扁肉，從沒吃過福建菜的我有點好奇。店內地方細細但全場爆滿十分親民。見大部份客人都是吃著腸粉，心想一定是這裡的招牌菜吧！那麼先叫一碟「石磨腸粉」腸粉睇落好皺但入口嫩滑煙韌，內藏肉醬及大量蔥粒，如配上秘制的辣椒醬更添惹味。這碗「莆田扁肉湯」細細粒的扁肉皮薄餡靚，皮薄如紙張；扁肉手工打制餡料豐滿。扁肉湯利用豬骨及鮮肉制作全無味精，吃到鮮味又暗藏玄機；不要看少細細粒的扁肉，有十幾粒份量原來都幾多又飽肚。這扁肉餐太令我驚喜了！

深水埗係平價美食既首選地方，今次去咗呢間東北菜餐廳，食物正宗高質又抵食！唔使去深圳，都食到正宗東北菜！餐牌好多選擇，我樣樣都想試。最重要係餐廳所有食物都唔落味精，完全食得出係食物嘅鮮味😍😍古法扁肉麵扁肉類似香港嘅雲吞，但有佢既特色，扁肉煮得非常滑嫩，肉汁鮮美。麵條煮得剛剛好，有彈牙嘅口感，每一條麵都係滑嘟嘟，湯底就更加無得頂，係用咗新鮮豬骨湯咬制，好濃郁，完全唔落味精，可以放心飲黃燜家雞蒸飯啲雞肉嫩滑入味，每一口都飄出濃濃嘅雞香。飯粒飽滿有彈性，伴隨住雞肉汁一齊入口，正！石磨蝦仁腸粉係餐廳嘅招牌之一，蝦仁新鮮彈牙，腸粉係石磨腸粉，煙靭爽滑。再配上啲特製嘅醬汁，味道更加豐富多層次。熱豆漿豆香濃郁，最重要係唔會太甜，有微微嘅甜度，好飲

在某外賣平台嗌咗呢間餐廳外賣，送到發現發現一半以上都灑曬，向平台申訴卻收到餐廳電話，口硬話同佢哋毫無關係，且態度好差。我唔明自信喺邊度嚟？講真呢餐廳的扁肉真的不正宗，肉皮分離，肉少皮多，完全沒有食慾，吃起身同普通餛飩幾乎一樣，極度失望

行入深水埗一條巷仔發現好特別字「扁肉」被吸引入入食，店內較細，但已經滿座，價錢真係超平民！.🥣莆田古法大扁肉🥣：💰$36湯底用豬骨熬製，粒粒似雲吞既扁肉，皮薄餡多，大扁肉份量已經夠飽肚，餡料鮮味，感覺幾正宗。🥣新鮮雞蛋腸粉🥣：💰$16石磨腸粉好少有，雞蛋比例多，腸粉每條都好嫩滑，配甜豉油，係懷舊香港味道～🥣秘制牛腩麵🥣：💰$38牛腩粒細切，而牛味濃，湯面加左辣椒醬有少少辣，好惹味，麵條軟硬適中，好抵食。🥤豆漿🥤：💰$6豆漿係少甜，豆味香濃。

#fafafoodblog深水埗 #fafafoodblog粉麵🍴莆田古法扁肉 大36 蚊皮夠爽 入面既肉豬肉味香同彈牙 🍴秘制牛腩麵 38 蚊🐂牛腩彈牙 上海麵夠爽口湯底帶 d香辣 仲有新鮮生菜 正🍴蝦仁腸粉25 蚊腸粉係布拉腸粉好夠香滑蝦肉細粒但多同彈牙 個豉汁幾香甜 唔錯#腸粉 #蝦仁 #水餃 #牛腩 #上海麵 Score 平均分< 6.9/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻Val1ue for $ 性價比：👍🏻👍🏻👍🏻👍🏻Service 服務：👍🏻👍🏻~~~~~~~~~~~~~#五福園深水埗北河街131 號地鋪~~~~~~~~~~~~#fafafoodblog #為食花太郎 #fafafoodblog深水埗 ====================

一個人喺深水埗，肚仔餓要覓食，諗住快脆食一餐，最緊要簡簡單單，慳時間，喺深水埗站附近行咗1分鐘，見到呢間，食餃子腸粉，咁就決定入去試吓🤣呢度有幾款套餐可以選擇，咁我揀咗其中一款套餐，係「石磨腸粉套餐」，有「石磨腸粉 蔥汁肉醬腸粉」同埋「扁肉湯」🤣「扁肉湯」先上，裏邊有啲小雲吞，雲吞皮幾滑🤩跟住嚟埋「石磨腸粉 蔥汁肉醬腸粉」，腸粉皮又係好滑，仲都幾大碟，真係食得幾飽🤩另外叫咗一個「無糖可樂」，大熱天時，飲凍冰冰嘅可樂，就梗係好暢快啦🤣

好耐無返鄉下，無唸到香港都有莆田扁肉，太驚喜了！舖仔細細深水埗地鐵站一出就見到好方便～.扁肉皮薄餡料鮮美，一粒粒見到內餡，店家話湯頭用左豬骨鮮肉熬制，清香食曬成碗好舒服😋.仲有石磨腸粉，份量十足，價錢超抵雞蛋腸粉只要$18，加上辣椒醬🌶️更加惹味👍🏻

昨晚途經看到敝店主打蒲田扁肉, 從來沒吃過的我有點好奇便進來試試看, 當時七時多店裡都坐滿人。五福園套餐D: 蔥汁肉醬腸 + 扁肉湯 $42餐廳利用豬骨和鮮肉長時間煲制而成, 全無味精, 扁肉湯很清甜! 😋 一粒粒扁肉猶如雲吞一樣, 一碗有十粒, 扁肉手工打制, 味道與別不同, 如果餡料再豐滿一點會更滿足 😊腸粉石磨制法, 入口嫩滑, 配上小小肉醬, 大量蔥粒, 加上甜鼓油, 美味可口!除了扁肉湯外, 看到不少人都點了罐罐麵, 上碟時會是罐裡盛裝著熱騰騰的麵, 貌似很吸引! 可以的話下次可以再試 👍🏻雖然一碗只有十粒的扁肉, 三條腸粉加一杯豆漿, 但已經很足夠了, 絕不能少看份量。

蒲田古法扁肉，呢個係店員推介，佢話佢地最出名係扁肉，咁就一於試吓，一碗份量都幾多，都有好多隻，粒粒細細粒容易食，入面嘅肉涵都好juicy,d都唔鞋，食落d皮好滑，而d肉涵都幾煙韌。秘制牛腩麵，牛腩炆得都幾淋，肥癈適中，仲炆得好入味,而d麵都幾淋滑，個湯底好清，，但又唔會太淡都好夠味。蝦仁腸粉，d腸粉睇落好皺皺皺，唔似平時食開嘅腸粉，原來食落d腸粉好滑，入口滑嘟嘟，都幾煙韌，蝦仁都十分爽口彈牙，入面仲有大量蔥花，所以食落都幾香口。

肉醬石磨腸粉 $20絕對要大推!!✨✨ 石磨腸粉真係超滑, 而且皮薄, 入面仲有好多肉碎呢😛 同酒樓嘅腸粉真係無得比haha🫣 $20有4大條 超抵食!!!😆.莆田古法扁肉 $36係我第一次食, 味道有啲似雲吞, 個湯都有啲芫茜👍🏻 入面係豬肉, 一碗有好多粒🤪 .飄香拌麵🍜 $32麵質彈牙, 用了麻油和花生醬來拌, 還有芫茜,非常香~ 份量亦非常多!!😛.豆漿🥛 $6/杯呢個真係好好飲!!🥹🥹 出面好多豆漿都會整到好甜, 但呢杯真係好有驚喜, 微甜中帶着豆味, 飲完好解渴😚 📍五福園深水埗北河街131號地舖

入咗深水埗買嘢, 順便睇下有冇嘢啱食, 見呢間餐廳門面幾企理, 平民嘅價錢, 就走入去試下, 食物質數比預期好🔸️莆田古法扁肉 $36一碗入面有好多粒, 外型好似雲吞但就細細粒, 扁肉外皮入口好薄好滑溜, 入面係豬肉餡料, 一口一啖方便食🔸️四川擔擔麵 $32麵條好幼滑, 湯底香濃, 以為會好辣, 但原來唔太辣, 好啱我食, 雖然無嘜料, 但都幾惹味🔸️蝦仁腸粉 $25石磨腸粉嚟, 粉皮薄身唔厚, 入面有好多蝦仁, 足料🍽五福園深水埗北河街131號地舖

Close to the Pei Ho Street market, @wufuyuan_hk is a little Fujian shop that serves mainly homemade dumplings and rice noodle rolls that’s rarely found in other places. Price was reasonable and you would get a big meal in return. Though the design and seating are traditional, it’s nice to have some authentic Fujian restaurants around.🥂莆田古法扁肉大餃 $36It’s definitely love at first sip. The soup was very clear and sweet, without any MSG added. Dumplings were nice with really thin skin but there was st