井茶

營業中

休息中

星期六黎到南昌食飯睇到依間茶記 下午茶選擇都幾多喎我地好快就決定入場座位都幾多 所以唔洗等位環境其實都幾靚 比起一般茶餐廳佢地嘅裝飾都幾grand有啲打卡cafe嘅感覺呢 我哋叫左一個午餐套餐蔥油雞扒配紅腸飯賣相好吸引 但係食落唔熱嘅依個位扣曬分 不過味道都正正常常嘅午餐套餐會跟飲品同湯我哋仲叫咗恒常餐牌上嘅焗咖哩薯仔雞扒飯依一樣真係有驚喜咖哩香濃仲好重椰奶味 而薯仔同雞扒都焗得岩岩好表面脆脆地內裡好juicy芝士亦都好足料 每一啖都好滿足呀整體黎講 作為一間茶餐廳佢哋既環境都幾企理食物都唔差 我哋下次都會再試

個化妝好濃嘅啊嬸真係好差啲態度！！！！！！簡直冇人有，落單唔同人講冇野飲跟餐，落完即刻話退，又唔畀😡野食都叫做不過不失。我叫ge系千島吉列豬排包，價錢系抵，服務態度就一言難盡，不推薦去！收銀化濃妝ge啊嬸就真係好唔掂，有種自己好高貴睇唔起人ge感覺！！！！

井茶既西式早餐井茶既裝修同環境 絕對係數一數二 相比一般茶記 衛生情況都會更加好！佢用既冰底 唔係一般茶記既大大舊方形冰 而係長條形既冰粒 個好處係飲落凍得更平均 唔會面凍 但底仲係暖既情況！我覺得係有用心去做好佢既第一 佢沙嗲牛肉麵 沙嗲汁濃郁 份量多第二 餐肉粒 係輕輕煎香過第三 炒蛋生熟度剛剛好 滑蛋佢用既外賣辣椒油 係用綿香出既樽仔辣椒油 比起一般外賣既紅色辣椒油 更香價錢都係40蚊到 雖然唔係特別平 但份量多 大快活都要40蚊既情況下 井茶既中早 絕對更有誠意 份量更多

我同朋友係2021年4月18日，下午1點10分左右幫襯呢間喺南昌薈嘅井茶，女侍應安排我地兩人坐四人枱，大約五分鐘後，有兩個人嚟搭枱，我問個女侍應，有冇膠板提供，佢話四人枱唔提供膠板分隔，我再同佢講，我地相方都唔識，有塊膠板放喺中間隔一隔，大家都食得安心，佢死都話唔會提供。咁我就再同另一個男侍應講，我話：「既然你地間冰室，每張枱之間有膠板隔住，點解唔提供一塊俾我地，放喺枱中間，隔一隔同枱嘅兩個男食客！」，個男侍應勁無禮貌回應：「無㗎喎，四人枱呀，提咩供呀？」，同我地同枱嘅兩位食客都同佢講：「我地大家都唔識喎，真係要有塊膠板囉！」，個男侍應勁串回應：「四人枱，無喎！」我再睇清楚當時冰室食客數量啦！我同個男侍應講：「你地冰室望落去，每張四人枱同兩人枱都坐滿食客，根據防疫規定，所有食肆嘅數量只可以係50%！而家睇落都9成坐滿啦！」，佢好串咁回答：「四人枱坐四人，無話有半數規定喎！」既然係咁，我都費事同佢講。最後，我睇返呢間井茶嘅社交平台專頁，又話冰室好跟足防疫指引，但講一套又做另一套！講到服務態度，呢間井茶真係超級差呀！

完全無諗過奶茶有渣，第一啖飲入口差啲濁死！ ！！望一望杯奶茶，吾知以為朱古力溝奶茶！根本無辦法飲！到食個飯，竟然有異物，平時果d阿姐服務態度已經超級差超級串，特別中午聽電話個阿姐，俾錢幫襯仲要受氣！依家連食物質素都差，無理由再幫襯落去

這間餐廳櫃面對待客人嘅禮貌非常非常差劣 希望老闆多加改進 櫃面相落錯單嘅責任全部推卸畀客人 他們不承認自己的錯 面上仲擺著一副不可一世的樣貌 今時今日這樣的服務態度實在太差劣 如果唔正視呢個問題 這間餐廳真是不能夠再去光顧了

起南昌附近想食個tea, 唔一定要去vwalk商場，因為其實vwalk過條橋就會到富昌商場，想食傳統茶餐廳的味道，相信呢邊會幫倒你。井茶長期都好多人，中午多人到坐爆哂(其實疫情期間有點驚)，連下午茶時間都坐8成滿，很誇張！今日嗌左個炸肶配西多磚，配左杯熱咖啡。熱咖啡幾好飲，係港式茶記的味道，好香。炸肶正常，肉質好滑，但個皮唔係話做得好出色果種。反而估唔倒西多磚幾大份，有四件大的，成份茶餐都幾抵食，三十幾蚊，比起大商場性價比更高。

我當日係同朋友去食lunch，食食下見對面枱有員工同顧客發生爭執，都幾大聲下，全場都望住。詳情就不太清楚，剩係聽到同碗湯有關。位男顧客係背對住我，所以我就清楚見到果位女侍應的樣子。嘩佢個樣惡，語氣同口吻仲惡。兩位都嘈交，嗰位阿叔就坐喺度同佢對罵，但位女侍應就手指住個呀叔，大鬧人地癡線。唔係佢身邊其他員工用手扯開佢，分分鐘佢想衝去人地度添呀。另外一個男侍應就做調停的，不過我不見得佢處理得有幾好。剩係一味想大事化小，我聽唔到佢對果位俾人手指指被罵癡線的顧客道歉。嗰位顧客亦都可能唔啱，但係我唔覺得一個餐廳侍應手指指指着客人，仲要鬧人係唔需要同人哋道歉囉。其實呢間餐廳嘅服務態度已經一路都差到一個點，我朋友話如果唔係附近冇乜價錢相宜，食物質素又OK嘅餐廳，佢都唔想幫襯呢間井茶。一間茶餐廳獨大，就可以唔需要改善服務態度，真可悲。

難得放假得閒，好耐冇試過休閒慢慢嘆個早餐。早上唔多人唔洗排隊等位，餐廳地方一般唔算太大，枱與枱之間都幾密。 我選擇了A餐雪菜雞絲米粉跟方包腸仔太陽蛋🍳雪菜唔太鹹，啲雞絲食得出有雪味所以麻麻地。整體都係一般茶餐廳味道冇乜太特別。

好耐冇食過下午茶， 今日同幾個朋友經過呢個屋邨商場見到呢間餐廳， 門面非常靚仔於是就入去試下， 下午茶款色非常多， 最後我選擇咗煎雞扒沙律。雞扒好大塊亦都非常多汁好味， 沙律亦都非常新鮮👍埋單都係40元有找連凍飲，抵食😋

今天去了VWalk，見到這間餐廳好多人在食嘢，見餐牌選擇也好多，就入來了，下午茶去到6pm。叫左一個雪菜肉絲雞湯米粉跟奶油豬仔包，那碗米粉好大碗呀，雪菜好多的，雞滑夠甜，米粉夠幼，豬仔包好脆，加埋奶油，好好味呀。單點公司三文治，好靚呀，十分豐富呀，午餐肉，蛋，生菜，蕃茄，芝士。好正！！麵包烘過的，好香口呀。星州炒米，乾身，足料，蝦，火腿，芝麻，叉燒，蛋，韮菜同韮黃。都好夠份量。餐廳都幾大，人流好多的。

是禁的肚餓是但搵野食又唔想落街，好上op 搵電話茶記應該有人送外賣，一打過去等左差唔多十秒終於有個啊姐接電話，我開口就問有咩午餐，啊姐答道：你好煩呀日日打來問重要搵正我最忙果陣！又唔過來影低餐牌！語氣勁差，我當堂火屎都來，直問佢：我第一次打來係咪問得？心中幾百萬隻草泥馬經過！之後佢就當冇事報告有咩午餐，我也應左句唔叫了唔洗講收線。未試過叫個外賣禁燥，禁樣服務比錢買氣受你食賣我果份，以後也不入的店舖。

井茶係南昌薈翻新後加入的餐廳，對比敏華,太興，係比較陌生第一間分店係天水圍，評價不俗今日就決定去試一試呢間過江龍午市有固定既5,6款選擇但都係茶餐廳常見既組合，蒸餸飯碟頭飯，但我想搵下有冇我平時少食既野係常餐既餐牌上面，吸引到我既係雞扒撈丁老實講，一丁面絕不特別，但多數係湯面有撈丁食既餐廳卻廖廖可數撈丁用既調味要由餐廳調較，不同湯麵可用附帶的粉每間餐廳既撈丁都會唔一樣，係可以食到餐廳風味既菜式雞扒大塊，入味肉質軟淋蔥油咸度剛好，好香口一丁麵質都控制得好配上少量既豉油撈埋一齊一啖雞扒一啖麵好好食好滿足呢間過江龍好快會變地頭蟲

由佢開鋪一直都有幫襯開井茶，之前無論早餐定下午茶都幾有水準，由早幾個月開始食物品質同水準都一直下降，生意愈好 水準就愈keep唔到！1）近呢幾個月叫親凍飲小甜，都係好甜，後期再幫襯就叫走甜再另上糖水，啲侍應係水吧同人大大聲批評客人「又要走甜，又要拎糖水！」我話返比佢知我聽到，同埋係因為次次叫小甜 都好甜，我先自己落糖水！ 佢仲笑笑口 望一望我～2）揮手一直無人黎落單，無人留意到客人，要行出收銀叫人落單一間普通既茶餐廳，無期望過有咩服務，所以呢啲都唔重要，餐廳係比人食野既地方，食物好食好味當然好，但係今日食物唔好食之餘仲要係變壞既！！！已經對呢間野無期望，同平時一樣叫魚柳早餐，睇到賣相唔ok啦，因為炸到燶晒，無”鯨”下啲油，成塊都係油，出面係油唔緊要，一切開入面都爆油，我自己用紙巾印走小小油，諗住醫飽個肚就算啦，食完啲配料，開始食魚柳～第一啖有加沙律醬，食到味道怪怪地，第二啖唔落沙律醬食到酸酸臭臭，然後同長髮紮長馬尾侍應講 魚柳變壞左，佢問返我「下？變壞？甘你想點？等我一陣」跟住佢去同其他同事講 應該點算，最後佢話換塊新魚柳比我，我問佢「應該係呢批魚柳都壞左，炸過新既都係壞甘點」佢無視我

成日見到有人喺呢間排隊，下午茶時間都成日都坐滿，結果限聚令之後，仍然都係人山人海，唔知以下圖咁樣算唔算犯規，仲成日叫人搭枱炒嘢雖然好大碟但係啲肉好有雪味，而且不熱! 結果衹能食淨一大半。