井茶

營業中

休息中

深水埗出名食野平，但平靚正既餐廳又係邊間呢？😏南昌有間平民餐廳就符合依個條件la😘我講緊既就係井茶ar😎佢既食物質素高又大份仲要好好味添，真係平民恩物😋為食餐單: 滑蛋蒲燒饅魚飯🍱 $78依個係餐廳既招牌菜，質素果然高🤩一碟飯兩個人份量😮😮饅魚好大塊又惹味，同滑蛋配合得好好🤤咖哩薯仔牛腩煲🥘 $70牛腩炆得夠淋而且入口牛腩味香，加埋香濃咖哩同薯仔，一流😎椒鹽鮮魷🐙 $76炸得好香脆，鮮魷好彈牙，椒鹽調得剛剛好👍川辣口水雞(半隻)🐔 $90滿滿辣椒鋪滿口水雞，做到正宗川辣味道，愛辣人士一定要😆西蘭花炒斑球🥦 $82斑球係用新鮮魚整成，彈口又唔腥仲要好香😋芒果椰子奶🥤(跟餐半價$11) 椰香味濃，加埋芒果，飲完一杯再叫一杯😏香芒四季春🥤(跟餐半價$11)甜甜既芒果汁食飯一邊飲特別開胃🤤忌廉朱古力脆脆🥤(跟餐半價$11)滿滿cream同朱古力粉係杯飲品面頭，再飲香濃朱古力，好滿足啊☺

滑蛋鰻魚飯小妹好鍾意食日本野，經常去日本旅行，呢個經過南昌突然間思鄉病發，又心思思😂😂 發現呢間餐廳有鰻魚飯，價錢都OK，即管試一試，呢個滑蛋鰻魚飯個樣都幾吸引，滑蛋嘅顏色都好金黃，入口都好有蛋香味，而條鰻魚有我成隻手掌咁大，燒汁同個鰻魚都好夾，鰻魚加滑蛋同飯熱辣辣放入口裏面，感覺都好滿足，滑蛋鰻魚飯份量都好大，我覺得兩個女仔都夠食，唔錯唔錯朱古力脆脆另外仲叫咗個特飲朱古力脆脆，杯朱古力上面加咗啲cream同朱古力粉好吸引，味道都OK唔會太甜，食完又要做運動減肥啦。環境都算舒服同闊落

呢間食左三次喇我，分別食左炸雞髀、西多士、乾炒牛河、星洲炒米，佢地既炸雞髀炸得唔錯 唔系好多炸粉個隻，炸到外脆但裡面好滑,所以我地三次都有叫到 ，兩次都好好味 ，今次就一般，炸得耐左小小，比較乾身，西多士都好味，不得不讚佢地既炒粉，好有鑊氣，重點系我叫乾炒牛河都唔油 ，好乾身，好好味，點埋辣椒漿一流，星洲炒米都炒得好好 幾好味 ，米粉仲系好彈個隻，總結完，值得一試！另外員工都幾好禮貌 ，座位都好好坐，不錯的下午茶選擇！

星期日，瞓晏咗已經食唔到早餐，落商場搵食嗑啦～去到井茶朋友見到門口poster嘅鰻魚飯好吸引 ，就想入去食，我唯有陪佢啦！ 佢諗都冇諗就叫滑蛋蒲燒鰻魚飯～我就叫和風極上牛肉丼～等一陣已經食得！ 朋友話個鰻魚好正，要啲都唔腥，個滑蛋又唔會水流流，啱啱好。而我個牛肉夠汁又多肉，仲有個煎蛋添！ 呢餐我哋兩個都幾滿意，我鐘意杯凍奶奶，夠茶味！ 我哋應該會再試下其他嘢食🥳

富昌商場裝修咗之後好多新餐廳加入，所以就決定去試吓啦。而且次次經過都好多人排隊。見到鐵板餐幾抵食，就叫咗個西冷牛扒試吓。同埋比門口嘅滑蛋鰻魚飯吸引左。加多杯凍檸茶。先上左個例湯，係紅青蘿蔔湯，不過不失，飲完冇口渴嘅感覺。多士有啲燶，牛油都香。個鰻魚飯，滑蛋好靚，食落唔錯，但鰻魚係凍㗎，嗰醬有啲鹹，但都幾好食。鐵板餐上枱嘅時候溫度好夠，但係塊西冷真係唔得，仲差過大家樂，完全冇牛肉味，而且好靱，汁又唔係好夠，完全唔覺自己食緊牛肉以為黎錯咗。叫職員幫手落單嘅時候， 你會感覺到佢唔耐煩咁叫你等一陣好唔好，但行埋黎幫嘅時候都ok。但係好多時你叫佢哋幫手，佢哋都唔應你，要叫好多好多次，叫埋靚仔都冇人應。水吧個位係見到入邊既，見到有一個人係入邊一路食煙一路做嘢，可惜相機不夠快。冇相冇真相，唉。

看到這店有人排隊，還有明星做廣告，心想應該素質有保證，就進去試試午餐，叫了午餐乾炒叉燒意粉和散叫的焗海鮮飯。叉燒意粉不是立刻炒的，意粉都碎的，而且一點也不乾，差評。海鮮焗飯更離譜，海鮮只有四條蝦，四粒好小的貝柱，還有大量的蟹柳和日式魚蛋！！吃到整口都是粉！服務和環境還算好，但食物的品質真的受不了，完全沒有放心思去做，就只用快上菜和用便宜食材來忽悠顧客。香港的茶餐廳那麼多，肯定隨便一家都比這家好吃！！

食物味道唔錯，但係飲品唔得，第一次叫左杯特飲超級甜，而且我要既係凍既，但係上黎既飲品係暖既，叫左服務員幫我加翻啲冰，服務員直接答我距地無冰第二次要熱咖啡，咖啡就係凍左既，第三次凍檸茶好鬼澀，跟著就係餐具非常污糟，然後服務態度更加唔駛講，好似我欠左距幾百萬咁

今日路過南昌個“南昌薈”見到有間新餐廳~裝潢設計到半日系~連個名都偏向日系見佢試業中，入去試試坐低見到餐牌真係好多選擇都花咗兩，三個字時間去揀😂普遍黎講有中，西，日，港式菜大部份加$8~$11有杯野飲滑蛋蒲燒鰻魚飯$78餐廳標明~新鮮湖北雞蛋整出黎又幾日系~鰻魚有水準入口鬆軟，蒲汁濃適中，雞蛋整得Creamy值得一試鮮茄炒蛋斑腩飯$58呢個就鮮茄炒蛋比較優勝但斑腩實在表面D炸粉太硬，一點脆皮都談不上，希望有所改善餐廳仍有好多菜式，都會再試。

富昌商場(現改名南昌薈)翻新後又有一間新餐廳井茶開張(試業中)。餐廳面積頗大，座位不少。雖然是港式餐廳，但裝修有點台式，枱面是雲石紋裝飾，幾特別。可能仍是試業，加上早餐時間，人流不多，不用等位。早餐選擇不少，價錢也不算貴。雞蛋三文治 ($25 )(烘底 +$1)賣相不相，烘底幾脆，炒蛋都好香好滑。沙茶牛肉包 ($28)這個包份量很大，沙茶牛肉味道香濃，而且牛肉相當腍， 很不錯。輕盈傳統早餐 ($30）早餐有腸仔，火腿，煎蛋，半塊多士和茄汁豆，都幾豐富。多士是厚多士，烘得幾脆。飲品奶茶是唯一敗筆，實在太鞋口了，縱使多加了淡奶也不好喝。追加。。第二天試左下午茶。。西多士 ($27)西多士厚身，中間夾花生醬。 面層蛋漿足夠，炸得很香口。 還可以選配糖漿或芒果醬。吉列魚柳配薯條/雜果沙律 ($32)魚柳很香脆，粉漿不算厚。粗薯條是即炸，好熱好新鮮，份量超多。沙律是正常的雜果加青瓜，薯仔和紅蘿蔔。早餐來說，款式多，價錢合理，服務都可以。食物不錯，只是飲品有待改善。下午茶選擇也不少，份量頗大。商場有了這餐廳，不用再食大型連鎖餐廳了。