亞參雞飯 (屯門市廣場1期)

營業中

休息中

之前都食過好多次堂食，今次試下外賣。速度都唔錯，唔洗等好耐就有。整體來說都係不錯，份量都非常足夠。- 巴東牛肉飯啲牛肉唔會好難咬，可以好輕鬆咁用匙羹整開一少塊。有少少辣味，但可能因為有少少油，所以食到最尾食到有啲膩。加上配料好好食，用黎同牛肉一齊食會好啲- 馬來班蘭咖央多士比我想像中既好食，成日覺得會好肥膩，但其實係有咖央既味，再加上牛油味，所以唔會得一種單調既味道。另外，多士個面脆脆地，所以更加好食。

午餐時間，不用等位，已心知不妙。看到隔壁的食客海南雞飯好像不錯，朋友們已告知是普通貨式，所以轉點喇沙，可惜喇沙很油，雖然味道夠、偏辣，女仕來說都是份量少，蝦味道一般，魚蛋不入味且比較硬，米線正常。咖央麵包點了椰香和班蘭2 款。牛油很油膩，十常香脆，咖央份量夠多，尚算滿意。朋友點了蝦麵，味道香燶，一上枱已聞到蝦湯味，香氣撲鼻，有燒肉，餸比喇沙多，感覺上湯底比較清淡合我口味。總括價錢不高，不用加一，但不會有下次了。

因為禁堂食嘅關係，好耐都無同過屋企人出街食嘢，今日母親節終於可以出去放鬆下。正正因為以上原因，又驚出去食會有太多人，所以打算早啲出去食頭圍會比較好。在OpenRice 睇定開鋪時間，點知去到原來比我睇到嘅時間遲左半個鐘至開，但職員好好，比我哋先入位座等夠鐘再落單通常一家人食飯都唔想一人叫一碟，自己食自己，所以今次左選右楝之後就決定食「亞參」。今日我哋都叫左好多嘢食，幾乎叫左餐牌入面7成嘅食物肉骨茶-轉左油飯，湯有豆卜，兩條骨，骨唔太嚡可惜唔太入味，但原來這款肉骨茶白胡椒味重過藥膳味亞參去骨海南雞（一隻）-賣相不錯，雞唔會太肥都幾滑巴東牛肉-好淋嘅牛肉，有少少辣亞參豬手（半隻）-豬皮食落好骨膠原，肉好入味馬拉盞通菜-馬拉盞咪唔算突出，加多少少旁邊嘅馬拉盞就會比較野味馬拉盞怡保芽菜-怡保芽菜好得意，短而肥，但只係灼芽菜，唔落醬其實就什麼味也沒有椰香咖央南洋包-其實好似麥包多士，咖央唔算太甜，落左椰絲，幾好食（食左一件至記得影相）斑斕咖央多士-斑斕味唔會太突出，但這多士一樣好好味（其實兩款包味道分別不大，試其中一款都已足夠）黑椒扎肉-好普通嘅扎肉香烤豬肉串-免治豬肉串，有點似台灣腸味特色秘製

太興集團的「亞參雞飯」是連鎖式經營，主打海南雞飯，南洋美食，星馬小食等…店內環境光線充足，卡位闊落坐得舒服，入座後店員指示可手機自助點餐，非常方便正值下午茶時間，餐廳供應的Tea Set只有一款雞絲湯河，另可配搭小食下午茶雞絲湯河比想像中大碗，湯頭呈金黃色，有淡淡鷄嘅清甜味，不算很油，追加小食也不錯，全部新鮮即製，斑斕咖央多士脆口厚切牛油加咖央絕配，香烤豬肉串幾惹味，鳳尾蝦春卷的網狀外皮炸得香口鬆化，餐飲南洋咖啡比較重奶味，不是我杯茶

疫情持續，難得去堂食～下午四點去到，當然唔需要排隊。叫咗個最簡單嘅海南雞飯餐$88好似連鎖快餐店一樣，餐牌總會同現實有分別湯：無瓜無肉，雞粉味，口乾，清雞粉湯油飯：偏太油，飯香，顆粒分明，正常水平嘢雞：肉質無雞味，偏甘苦味，皮薄，無油脂，唔爽彈，雞肶有渣，雞胸超起渣醬油：超超超鹹辣醬，辣到嗆喉除咗飯之外，全個餐無樣得三樣醬料調味，完全唔配搭海南雞點完餐都冇人收過枱上面嘅餐牌，直到我開始食緊，先至有人收，服務唔掂唯一正常，就係環境算乾淨整齊，喺依個商場每一間舖都係咁，唔算出眾先唔講價錢，食完真係：伏伏伏伏伏🚁🚁🚁

糧尾搵食之選下午茶 💰3️⃣8️⃣ 免加一雞絲🐔湯河份量一啲都唔似下午茶🍜好大碗本身主打係做海南雞雞絲都唔會太差雖然大部份都係雞胸肉河粉用咗幼身嘅連埋雞湯同雞油食當然係覺得好滑身再配南洋咖啡☕下午茶時間⏰ 2：30 - 5：30🎈亞參雞飯(屯門市廣場)🎈屯門屯順街1號屯門市廣場1期1樓1101-1102號舖

喇沙面雖然餐牌一隻辣椒，但都幾好辣入邊嘅餸菜都唔少味道濃 幾吃拉茶加入煉奶 我覺得甜左少少杯野唔夠熱小食叫左蛋士 包皮脆卜卜 好好食個舊牛油一啖食落去夠咩邪惡落單後食物好快黎到 服務唔錯

呢段日子大家有幾掛住充滿東南亞風味既海南雞飯呢？好彩而家唔洗飛都可以嘆到啦😋「亞參雞飯」既99分海南雞飯，🐓雞滑飯香🍚有濃郁雞味既三黃雞，肉質嫩滑肉汁豐腴！再配上以雞湯煨煮既油飯香氣四溢同煙韌軟糯既金鳳米，加埋秘製三色醬，誠意推介👍👍淨係海南雞飯🐓試埋味道層次豐富既新加坡喇沙米線同濃郁滋味既檳城蝦麵真係唔夠喉？仲有香辣開胃既巴東牛肉飯！香脆既斑蘭咖央多士🍞即叫即製手作彈牙蝦餅同爆汁豬肉串...最後嗌埋南洋特飲馬來拉茶同南洋咖啡，咁就可以一次過食哂唔同南洋美食！夠哂圓滿😇

最喜歡佢個斑蘭咖央多士 好正 外脆內香其他星馬泰餐廳都無佢禁岩我口味 所以大推！香烤豬肉串 佢旁邊啲辣醬就好過癮 正常水準秘製泰式炸魚餅就真係幾辣同好重味 食主食加配 優惠價$55/3款唔錯 算幾抵海南雞餐 其實就不過不失 有碗熱雞湯同油飯出餐的速度都快。 仲試左肉骨茶 禁就好重白胡椒味，驅風！2件豬肋排骨

價格係高既!! 但味道係好食既!!喇沙麵 : 湯底夠哂濃! 配料都足! 少少辣辣地,好味!海南雞+肉骨茶:  海南雞夠嫩滑 個飯又好香! 肉骨茶普通 ( 下次可以只叫海南雞 )翻兜指數 3粒半 ** (5粒滿)

第三次嚟，以為開咗一排會有改善，點知都喺失望。啲職員真係好唔掂，每次都一定會落錯單，已經重複講咗好多次，都喺錯，態度唔好，聽力又有問題，鄉音仲勁過譚X啲姐姐。啲食物一般，價錢尚可接受。

經常在不同地區看到他的廣告，標榜着「尋找99分的海南雞飯」，今次終於一試，結果發現標榜的口號只是一個笑話。餐廳主打星馬菜式，海南雞飯餐$88一份，額外飲品加$10，飲品款式尚算特別，有馬來西亞拉茶，香茅薄荷特飲等等，今次點了貌似餐廳主打的星加坡海鮮叻沙，以及他們海南雞飯餐。餐點擺盤尚算乾淨不馬虎，雞湯偏淡但味道還好，雞飯帶香，總算開了一個不錯的頭，豈料一試海南雞件，不但沒有海南雞的香味，而且肉質略粗糙，非常鞋口，嘗試姜蓉，辣醬，及黑醬油，除了辣醬，其餘兩款味道正常，辣醬簡直衝擊了我的味蕾。辣醬毫無辣味而且偏酸，而那種酸味是臭了酸醙味，無論聞起來和吃起來也是醙的味道。隨即問了一下男侍應，餐廳入的辣醬貨味道是否這樣，侍應態度略帶不屑回應：「吓，我哋全部啱啱開架咋喎，唔係變壞㗎，今日都冇客人有話過有問題，你唔啱嘅唔好食啲醬囉。」所以如果他們餐廳標榜自豪的是海南雞飯的話，只能夠說太有自信，作為顧客沒有回頭感。至於海鮮喇沙味道正常，值得一讚是夠熱，湯頭味道濃郁，這個年頭出街食飯，食物溫度足夠已經很奢侈，配料蝦肉魚片也分量足夠。最後侍應服務處於茶餐廳標準，姐姐們都只是顧着聊天說地，如果作為中上價位

今日終於食左亞參雞飯，叫了個下午茶$38，免加一。只有一個選擇—雞絲湯河，配飲品。雞絲湯河比想像的大碗，但雞真的很少。比圖片上少一半以上，通菜有兩三條。河粉算完整，不會煮爛了，但唔彈牙的。雞挺嫩，湯的雞油味重。點了個柑桔特飲，店員有提醒是酸的，沒有糖。比想像的更酸，不過屬可接受的範圍。不過我不會再點。😂店舖裝修其實幾靚，也好坐。如果有午市餐牌或下午茶有更多選擇應該可以吸引更多客人。畢竟屯市食海南雞星馬菜的已有好幾間。

叫咗下午茶雞絲湯粉，味道有啲淡，然後杯柑桔飲品酸到一個點，問拎糖漿又話冇，唔會想試第二次。見周末到到都要排隊，係得呢間唔使先入嚟食，可能得招牌海南雞飯好食啩～～

琴晚5.1一家買完野，搵飯食，排咗一陣有位。叫咗兩份海南雞飯，一碟豬手飯，扎肉及鳳尾蝦。攞起碗湯諗住比老公，點知倒瀉，急急搵枱面餐廳紙巾抹，費事流落老公度（d 湯都好熱）。等咗2分鐘，先見個阿姐經過，便叫佢抹。佢話"唔好再攞紙巾啦". 阿姐呀，唔抹d 湯咪流落人條褲囉...食完比錢，原來間野唔收信用卡，只收八達通及現金。雖然只係食咗三百蚊，但咁大間餐廳，竟然唔收卡。都真係無得頂！都算！返到屋企又屙又嘔，好在第二朝瞓醒無事。呢間野，不可再！！！