亞參雞飯 (屯門市廣場1期)

營業中

休息中

市中心見到有海南雞飯，當然要試一試啦，一見到個價錢有少少嚇親， $88 ，好！我就睇吓你俾唔俾得返$88價值俾我，結果完全失望啦，咁一定係比負評，講吓餐廳硬件先，環境尚算幾好，坐位都坐得舒服嘅，設置好多卡位可以坐入正題，講返個飯先咁睇個表面上就冇乜特別，但係嘅特別地方就係佢賣緊$88⋯⋯我記得一落單，好似唔使一至2分鐘，成個餐就送到，咁即係代表佢已經整定咗啦,碗湯嘅味道尚算可以嘅，不過凍嘅，再試下個飯，不過不失，再試埋個雞，份量中等，又係雞皮大過雞肉，雞味一般，口感可圈可點，起碼唔硬囉，總括嚟講成個飯唔值呢個價錢，係我心目中只係值$40題外話，食完第二日，我另一半，原來佢公司同事都一齊去咗呢間食，之後我問佢好唔好食，佢嘅答覆都係話麻麻地，根本唔值$88

屯門巿廣場陸續有新餐廳，今次試新加坡美食，海南雞飯，咖吔多士及豬手飯，整體來說都ok,環境乾淨及店員有禮，價錢中等份量也足夠,海南雞都滑但雞味不濃，跟餐雞湯較淡但不肥膩，油飯好食，豬手夠味夠淋但略鹹，咖吔多士脆，咖吔味不重，甜甜哋配上厚牛油都幾好味。

身為一個愛爆東南亞美食🥘愛好者既小編黎講，呢間小編比頗高分💯，可以話比7-8/10-首先佢哋嘅出名嘅係海南雞飯， 門口招牌都有寫住佢地既🐔飯係99分海南雞， 海南雞好軟好滑～大多香港人都比較鍾意軟身既雞，呢間真係做得幾好， 但係海南雞飯嘅飯眾所周知都會係油飯，但個人認為油飯一般般🤥，冇出面油飯既香，呢個有點減分-另外鍾意食濃味嘅人一定要揀巴東牛肉🐂， 佢哋嘅牛肉好濃味，而且味道做得好相似-飲品方面東南亞地區最出名嘅一定係馬來拉茶☕，茶底係用煉奶，第一啖入口係會有啲甜，但係因為用煉奶做茶底，所以唔會比起出面普通奶茶既滑身😆-最失望既係咖哩豬扒撈麵，咖哩冇咖哩味，吾入味，1個字差！麵質又mamaday☹️豬扒係幾juicy既，但係味道都係不了😵

亞參雞飯開在屯市劉一手火鍋位置，再前一手是莆田，路過真的很容易錯過。裝修簡潔，座位之間有適當空間。下午茶時段從下午2點至 5:30供應，只供應一款雞絲湯河，奉送飲品（椰青除外），只需$38 ，不用加一，算得超值。湯河份量可不少，河粉很滑，較幼，易碎。雞絲份量適中，味道正常。雞湯非常濃郁，鮮甜，喝後不覺口渴。飲品可選特飲，以前在佐敦店飲過柑桔特飲, 超酸。今次試香茅薄荷特飲，一大支香茅插在杯中，絕不吝嗇，但香茅味不突出。總體：經濟又好味的一餐，下午茶左2點開始，可作為午餐，茶餐廳價格，質素較高，cp 值高。

自己其實十分喜歡吃海南雞飯。既然亞參話自己是99分嘅海南雞飯那就當然要試啦。。。店内環景不錯，服務員很有禮貌，餐牌內食物選擇不多，不過没關係，我主要是來試他的海南雞飯，落完單食物很快就到（大約10分鐘吧），算快不錯。第一啖食個雞香飯（好味道）D醬料味道正常加咗＄10要咗杯香茅簿菏特飲味道不錯到D雞。。。出事喇。。。雞淋無雞味個雞湯好淡一句講晒D雞咁嘅質數請我食都要諗下先，仲要$88一D都唔值。。。

我一直都係好喜歡食海南雞飯，由當年在新加坡食過文東記，早幾年前中港城間海南村，到近期K11 Musea。以上幾間都各有特色，食過之後經常都想再食。直到最近屯市開咗呢間雞飯專門店之後，一直都寄予厚望。可惜結果事與願違。到底呢間嘢個雞飯係唔係走海南雞飯路線呢？如果係海南雞飯那一類就真係不敢恭維了。雞肉完全無味，去骨刀功又唔得，切到溶溶爛爛，個湯同個飯又係完全無味。食完之後真係唔知自己食咗咩。如果當佢係另一類雞飯來吃的話，可以不理以上評語。

相比尖沙咀、佐敦店的出品差！相比經常幫襯的尖沙咀店，十分遜色。店員也是十分敷衍，🤷🏻‍♀️🤷🏻‍♀️🤷🏻‍♀️蝦餅的醬明明是一碟黑黑啡啡的醬，向店員查詢，卻說這店就是泰式辣醬！無奈！