亞參雞飯 (黃埔天地奇妙坊)

營業中

休息中

叫了咖央多士和熱馬拉拉茶 ，結果多士係凍 ，拉茶微暖 唔夠5分鐘凍了.問店員多士是凍的，店員回應如果多士是熱那麼中間塊牛油會溶.聽完都o咀. 當時舊牛油喺雪櫃攞出嚟硬到不得了.食麵包不是要熱食的嗎？牛油要半溶咁先好食. 希望店主改善一下上菜速度.

今日陪兒子來到黃埔店，下午繁忙的時候，叫了一個喇沙米線，下午茶餐多士配斑蘭咖啡，正👍服務態度表現不錯，原來這個同事專門收拾乾淨，及安排客人等待入座，有耐心聆聽客人的需求及改善！我在旁觀察，這態度不錯，令人覺得香港的服務業也是不錯，希望繼續保持現狀的服務，我與家人對黃小姐的服務態度的印象不錯！對待客人的笑容😊可加分👍最後都讚下食品還是不錯，會繼續幫襯！介紹下別人！相信店長也付出不少努力！才有這樣的質素！最後想說清潔還是做得不錯，看到桌面，椅子都很乾淨！沙發的污漬難免有些少，很少見到現在的餐廳這麼乾淨，這店看起來令人很舒適！平時的清潔也是落力吧！希望貴公司生意興隆，繼續堅持做好服務！

这家店的服务态度很棒！每一个人都非常热情，并且面带笑容的服务我们。店员推荐的油鸡饭真的很惊艳，香茅薄荷饮也很特别。是非常正宗的东南亚风味。下次还会再来！超级推荐！

經過見到有無骨海南雞飯就同friend入咗去睇完menu最後決定試埋豬手飯雞肉幾嫩 啲飯粒粒分明 豬手好入味 肥而不膩服務唔錯 上菜快手 下次趕時間又多一間餐廳揀👍🏻

叫咗個少甜奶茶，最後嚟咗，又甜又凍。跟住我哋要求可唔可以換，又唔肯，話係咁樣。最多俾杯熱水你自己去溝。跟住，服務員根本都唔想同你傾，轉頭走咗去，睬都唔睬你，真係唔知乜嘢服務態度。叫咗第二個過嚟，都係咁樣，根本都唔想理你。平心而論，啲嘢食還可以，但係一啲都唔平，而且咁嘅服務態度，一定冇下一次！後來俾錢仲經典，一定要問我攞現金，八達通收費要俾手續費，我話，你擺得個八達通機出嚟，就預咗俾人用。搞咗一輪，先至俾到錢。

經常黎呢度食下午茶，今次揀咗雞絲湯河，平時會加配咖吔多士或其他小食，但今日食完河粉都飽晒啦😂湯味香濃唔油膩，配上炸蒜令湯味更多層次👍🏻我平時真係好少飲凍野，但呢杯咖啡就算係加左冰，味道都唔會溝淡左，好正

整體來說是好吃的東南亞菜，他的海南雞飯配上雞湯，也是鮮嫩的，白滑的。另外配上他的串燒，可以吃得出他的肉質，是比較有質素的。另外他的菠蘿炒飯也是比較高質素的，他蝦肉的肉質也是煙韌有咬口的，但是可能料較少。整體上他是中上水平的，然後價格也是正常的。新開沒多久的餐廳，還是挺不錯的菜式。但是我覺得服務水平有待改善。

之前一直食開佢嘅海南雞飯，今次試下佢個喇沙😬新加坡喇沙米線（蝦、魚片、雞蛋、豆腐卜、芽菜、通菜）見到個湯以為好辣，食落又唔係，仲要好香，唔會好重椰奶味，整體做得好平均👍🏻蝦剝晒殼，有4隻開邊蝦，有鮮味，好食😋魚片和豆腐卜浸湯食好正，如果餸的份量再多啲就perfect食過咁多喇沙，佢係暫時最啱我口味的☺️

放假又要諗食咩好，系樓下附近行行下，決定又去返我個飯堂亞參😂食最中意嘅蝦麵佢嘅蝦麵真系食過返吾到轉頭，湯底十分濃郁，超級有蝦嘅香味，入面仲有好多材料tim而朋友就揀左個海南雞飯，有油飯揀，雞肉幾嫰滑，仲包埋個湯仲嗌埋好好食嘅斑斕咖央包，斑斕醬完全系畫龍點睛左，加哂分

原來元朗YOHO開咗亞參雞飯，喺門口睇餐牌見到幾抵食，今晚試吓🤤第一次嚟梗係食海南雞飯，非常有驚喜海南雞肉質好滑。油飯味道唔錯，飯粒軟硬適中。配冬瓜湯都幾好飲👏🏻另外都試吓肉骨茶，平時唔算好鍾意呢種味道。呢度嘅肉骨茶都算易入口，胡椒味唔算超級重，食唔到咁辣都飲得到。有兩舊肉配豆卜，豆卜連湯一齊食味道唔錯。我自己就推介海南雞飯多啲佢哋嘅三周年慶免收+1，星期六日及公眾假期除外平日黎超級抵食！會encore🤤

雖然亞蔘有好多分店但今次是我第一次幫襯，無特別期望之下竟然有驚喜，覺得幾好食！去骨海南雞飯($89): 雞都幾嫩滑，連雞胸都唔嚡，雞的份量算多，油飯幾香，冬瓜粒湯唔會好咸。新加坡喇沙米線($81)：湯底香濃，米線煮得剛好不會過稔，配料有蝦、雞蛋、魚蛋、豆卜。跟餐的飲品加$10/杯，叫咗熱薏米水同凍柑桔特飲。薏米水好好飲喎，甜甜地又有薑的微辣，不過太細杯唔夠喉！見到隔離枱碟椰香咖央南洋包($25/四件) 睇落幾好味咁我哋又叫咗嚟試，個包烘得香脆而不會好硬，厚牛油好邪惡不過夾埋食幾香口。另外叫多咗個 D197貓山王榴槤糯米糍 ($38/兩件), 糯米糍個皮好薄，半透明可以見到入面啲餡，榴槤蓉香甜美味，不過太細粒所以覺得有點貴。😜

本來想食海南雞飯而入去既一間餐廳，但估唔到原來喇沙先係必食，因為海南雞飯係正常既，但喇沙真係比起出面其他鋪頭既多好多香料，你會見到成個面都係，一上枱已經好香，然後食落雖然辣，但真係會食到停唔到口

永久blacklist!!未試過食一間甘可怕既餐廳話說開番堂食晚市，滿心期待四圍出去搵食，晚上8點幾去到黃埔既亞參，晚市得番三個樓面入到去個app點餐失效，試左好多次都唔得，就想請阿姐點餐，點知佢勁大聲叫我app點餐，唔聽我解釋就行開左，等左10幾分鐘都無人理我地，結果要直接行出收銀點餐跟住仲離譜，見到個餐係水吧出左10分鐘有多都無樓面去拎，一個阿姐掛住傾私人電話，一個掛住係入面做清潔，另一個唔見左，叫極都無人理。最後比我地搵到個姐姐送餐，佢用對清潔緊，拖緊地既黃色手套，唔除直接送餐，一手揸咗落去我個飯度見到都極唔開胃除左服務差到爆，食物質素都極差，凍飲唔凍又難飲，食物唔熱，極度失望既用餐體驗，永久blacklist唔會再比機會唔知係心理作用定點，食完肚痛左三日

平日嘅紅磡午飯時間周圍都人山人海同老公想搵間唔使排隊又坐得舒服嘅餐廳於是就入咗嚟呢間食雞飯餐牌嘅選擇唔多不過都揀到我哋想食嘅嘢一個雞飯套餐加$10有杯拉茶另外再叫咗個喇沙由於舖頭顧客唔多所以好快就有得食😋雞飯個賣相好靚仔油飯唔會過油但略嫌唔夠油香碟雞我哋叫咗雞胸非常之滑 而且唔會過肥碗雞湯飲得過唔算油個喇沙湯底超。級。濃！直頭係杰😂重口味人士即係我就覺得好好飲不過老公就覺得辣咗啲同埋啲咖喱味蓋過咗椰汁嘅香味杯拉茶飲左一半先記得影相😂呢度可以叫少甜少冰 不錯👍🏾因為我成日都覺得出邊嘅拉茶太甜茶味都好夠基本上係好飲繁忙時間都可以坐耐啲姐姐唔會催你走所以就算貴少少呢餐都覺得係抵食嘅

雖然食物款式唔多，但餐廳都好新淨，又有吸引既海南雞飯，就入去試下啦，海南雞飯都唔錯~喇沙最特別，有大量香料係湯面，食唔到辣既我食完2啖要飲水，但佢個湯底好好飲，又香又甜，但係辣，中意食辣既朋友應該會中意，講到要飲野解辣，杯話梅冰都超好飲，酸酸甜甜，仲有粒梅俾你食，會有下次既餐廳！