亞參雞飯 (青衣城1)

營業中

休息中

海南雞係常見嘅平民美食，隨處都可以見到。今日雞飯癮起來到青衣城亞參雞飯，希望食到好食嘅海南雞。未到門口侍應姐姐已經殷勤招呼，介紹各式食品，態度可嘉。餐廳以南洋風裝潢，多用竹籐木，天花有大吊扇。當然要講海南雞先啦，海南雞份量充足，雞肉唔會太油有肉質而嫩滑，肉香就算沾上醬汁又唔被蓋過。油飯粒粒分明唔會好油，油香之餘又有少許香料味，睇返餐牌原來有斑蘭葉香茅煨煮，值得推薦。一個飯當然唔夠兩個人食啦，於是我地叫咗個肉骨茶伴飯。🥘肉骨茶係新加坡式，以胡椒味為主，聞落好重胡椒味以為會辣死，點知食落平易近人，老人小朋友都可以一試。茶湯有2條肉骨同幾件豆卜，肉骨軟淋，十分容易就食到肉。豆卜吸滿湯汁唔錯，但個人偏好以油炸鬼。小食先有斑蘭咖央多士，多士十分鬆脆，多士搽上香甜咖央醬配上入口即溶嘅牛油，大力推薦!然後有香烤豬肉串，其貌不揚嘅豬肉串放入口中卻非常好味，肉質結實又多汁，有食緊台灣腸嘅感覺。飲品有🍹柑桔特飲，一飲就知柑桔特飲真材實料，濃濃柑桔味，唔會太甜。香茅薄荷特飲好有香茅香但薄荷味唔太重。

今日去青衣城搵朋友食飯 原本預期係搵個坐得比較舒服嘅地方傾下計食下嘢，對連鎖店期望不大，但係入到去食又覺得食物質素比預期高今日都幾多人，所以都要等一陣位牆邊寫住尋覓99分海南雞飯，所以就叫咗一個試下係咪真係有99分成個海南雞飯整體質素都幾好， 油飯唔會太油、唔會太鹹、但係食到油飯嘅味道，湯清清淡淡易入口裏面仲有啲冬瓜重點係海南雞份量算都算幾多，夠送飯到最尾另外我覺得佢一個好有良心係，唔會全部畀曬啲雞胸， 一半雞胸肉一半雞髀肉 ，我最怕鞋颯颯嘅雞肉， 呢個海南雞飯我自己畀佢90分以上朋友叫咗肉骨茶嚟到熱得好緊要，食完發現原來個煲底有個暖包，所以食到尾仲係超級熱豬骨大約有四條， 都算幾好肉肉骨茶標榜重胡椒，但係覺得其實佢胡椒可以再多啲朋友見到手打蝦餅又叫多份，嚟到熱辣辣啱啱 炸起超級熱 ，算覺得連鎖店嚟講食物質素算幾高叫咗份咖央多士當甜品，見到個牛油就覺得好邪惡但係真係幾好食牛油睇落邪惡，食落去又唔覺得好肥，多士好脆， 咖央醬份量足夠，所以食落甜甜地飲品見到有薏米水，真係好足料 ，而且唔會好甜， 覺得有少少薑味， 非常特別

呢間係食星馬小食為主,我同朋友下午茶時段黎,叫左海南雞飯同埋肉骨茶SHARE.海南雞份量多,而且好多唔同味道既汁可以點,飯似係雞油飯,好特別,好好味,仲要跟埋湯同埋飲品,真抵食!肉骨茶都抵食,本身個餐跟飯,但我地係少飯之人,就叫佢唔洗上個白飯。肉骨茶正宗,似新加坡飲到果D。小食我地叫左蝦餅,同平時食開既好唔同,佢呢度好新鮮,食到粒粒分明既蝦粒,豬肉串都好味道。我中意個LIME SODA,好解渴。食左咁多野都唔洗300蚊,抵呀!

亞參雞飯在香港經營已久，主打正宗的南洋美食，旗號是尋覓99分海南雞飯💪有一種精益求精的精神餐廳裝修以南洋復古風為主，用上片石磁磚和竹藤等，用上金色和粉藍色較豔麗🩵牆上還有仿南洋窄窗，是獨有的英式、法式和中式融合風格主要用qr code 落單📲菜單包括了有馬來咖哩、招牌雞飯、星馬湯麵和甜品小食，出品不多但五臟俱全，餐廳用上雲石紋餐桌，每份餐都用木托盤盛著🪵既方便收拾亦可以有簡約美🐓亞參去骨海南雞飯 | $91選用三黃雞，雞油較重更滑溜，經過秘制雞湯浸熟後得嫩滑多汁😋配上黑醬油、薑蓉和酸辣汁，提供迴然不同風味，於星馬雞飯上多了泰式風情雞油飯隱約帶點清新🍚原來是加了斑蘭葉，除去不少雞油濃郁腥氣，無味精冬瓜清雞湯淺嘗便可🥘新加坡肉骨茶 | $86新推出的肉骨茶，新加坡風是著重胡椒味，適合一些抗拒藥材味的人來吃，特別是冬天可以暖一暖身🔥有2條肉質鬆軟的一字骨，點黑醬或辣醬油也有潤色之用，還有4塊豆卜，感覺像一個偏簡單的湯飯🤭🧇斑蘭咖央多士 | $39/2多士用脫水方式變得鬆脆，入口一咬即化不會熱氣，咖央醬微甜，加上冰冰的牛油超級好味👍下次來也必點🍤鳳尾蝦春卷 | $39/2外層的網紋皮非常香口脆

晚飯時間7點幾出面已經有人排隊, 不過好彩等左陣都有位海南雞飯幾時都係all time favourite 除左啖啖肉之外, 最重要係個油飯好香令人一口接一口,份雞一上枱就已經知道超嫩滑, 色澤同肉質都好好另外仲點左個巴東牛肉飯唔算好辣, 不過就夠哂香濃惹味！d 牛仲好淋好味! 最後忍唔住叫多左份椰香咖央南洋包做甜品, 入口椰香好出, 而且唔會太甜, 即使連埋舊牛油食唔會太漏, 真係幾正為左唔好太罪惡, 我都係點返杯檸檬薏米水飲好啦, 非常足料又有咬口。好滿意嘅一餐。

今晚想食星馬菜，附近無咩選擇，難得青衣城有一間亞參，一於坐低開餐😊- 亞參去骨海南雞飯雞肉嫩滑，夠哂份量，配埋黑豉油、蔥蓉、辣醬，有畫龍點睛嘅效果；油飯充滿雞油同香料味，粒粒分明；跟餐個冬瓜湯都清甜，整體個餐係高質- 新加坡肉骨茶裏面有兩舊大大嚿一字排，飲到好重嘅胡椒味，冬天食暖笠笠，仲有好多索哂啲湯嘅豆腐卜，配埋飯唔錯唔錯- 香烤豬肉串烤得好香口，咬落有肉汁夠Juicy- 香煎手作蝦餅呢個好滿意，即點即煎夠哂熱辣辣，蝦餅彈牙爽口，充滿啖啖蝦肉，個人覺得連辣醬都唔洗點- 凍香茅薄荷特飲薄荷同香茅清新，飲落開胃醒神- 凍拉茶拉茶有驚喜，正宗味道，香滑但唔會過份甜順帶一提，店員服務態度幾好，不但細心咁遞上兩杯暖水，臨走仲問我地對食物質素嘅意見

原來亞參雞飯都幾多分店🥸總有一間係附近🤣·🥢新加坡喇沙米線（$83）望落勁吸引，湯底濃.配料有蝦、魚片、蛋、豆卜、芽菜！有啲辣但廢廢的我都食到😆·🐔亞參去骨海南雞飯（$91）唔錯，雞件嫩滑.不過媽咪話份量比較少🤣雞油飯又唔夠香·🥄新加坡肉骨茶（$86）飲落完全無胡椒味，好淡….豆卜4件肉骨2條但無肉既.唔抵食唔推薦👎🏿·🍢香烤豬肉串（$32）一般般·🐟特色秘製炸魚餅（$28）帶辣度～我一向唔太喜歡魚餅🤐·📍亞參雞飯青衣青敬路33號青衣城1期2樓218A號鋪

去完迪士尼，大家通常會出邊度醫肚呢？ 我地今次就揀左出青衣城，貪佢夠快，因為真係好肚餓啦！ 不過青衣城通常都係大型連鎖店，選擇唔多，我地玩左成日，想食個快飯，所以就揀左食東南亞美食 亞參雞飯！ 當日食肆人流都唔筒太多，去到等左大約4張左右就到我地！ 我地叫左叫左：亞參去骨海南雞飯🐥$90味道都幾好，雞塊嫩滑，雞湯好味😋我地好肥仔咁，叫左油飯😬不過個飯就乾左少少🤏新加坡肉骨茶 🇸🇬 $86肉骨茶味道香濃，食到好重既胡椒味(⁎⁍̴̛ᴗ⁍̴̛⁎)我個人好中意，就咁配飯食好好味😋肉就有舊腍有舊偏瘦～*一般馬來西亞🇲🇾既肉骨茶重藥材味，新加坡🇸🇬既就重胡椒，我兩者都愛❤️馬來班蘭咖央多士 🥪 $26咖央配牛油🧈，諗起又流口水啦🤤真係好多味，多士烤得香脆，加上半溶既牛油口感，真係好正(*ˉ︶ˉ*)🍵野飲就每個餐加$10 叫左兩杯拉茶，好滑好甜好好味～整體都ok，以晚市套餐嚟講，價錢合理，味道有驚喜，上菜又快符合我地食餐快飯既原則，哈哈🤣

原本都冇諗住寫…但坐坐下…我都想講下自己感受先講排隊:佢大枱唔多，我哋1行6人，6點45排第一個🐷佢哋一開始就問會唔會分開坐，由於我哋有2個小朋友，所以都唔想分開坐。所以想等下一張大枱，點知等左半個鐘都冇枱，2-4就係咁入咁好啦，我哋分枱都食，小朋友都餓…點解要排隊，冇得攞飛？1個代表排住隊，幾個職員就不停岀黎問幾多個？問完又唔係有枱入，咁問黎做乜？食物雞絲湯河呢個個雞味好重，係好飲嘅，不過面個層真係好油。啲雞唔鞋，湯河都好食鳳尾蝦春卷呢個好脆，但冇乜味。點個泰式辣醬肉骨茶配飯呢個真心唔抵食…個肉骨茶係好重藥膳味！不過一字骨得2條，真係骨，冇乜肉同4片豆卜…$9x完咖吔多士嗌主食可以有優惠價$39嗌2個小食呢個不過不失咁泰式炸魚餅係冬蔭功味，都幾辣！其他我係之後先睇OP,我都認同之前幾個講，啲女樓面係幾好態度同禮貌，男嘅就差啲…呢個一次之後，應該冇乜機會再去🫡

今日去左青衣城行吓，順便食下野。雖然好似冇咩野好行，但食肆就好多人。最後簡左食亞參雞飯。我地等左幾張枱就入左去。叫左一個招牌無骨海南雞飯，一個巴東牛肉飯，再加碟串燒。無骨海南雞做得不過不失雞肉都吾會太鞋口，牛肉有待改善。

首先，啲嘢真係好Q貴，性價比極低。豬肉串，唔係真肉，應係啲加工罐頭肉。所謂豬手飯，其實有八成以上係豬皮，且味鹹。講到條魚。本來冇咩興趣，只係一入店阿姐唔停口一直推薦，就試下。但結果係大伏嚟，原條係啱嘅，但係惠康急凍size嚟。得多士正常水平。最扯火係，明明兩碟小食有優惠，但收銀店員裝唔知要收哂全費。同行發現唔啱數時指出，卻換來店員一副黑口黑臉，一聲唔好意思都冇。讓人覺得你哋係咪有心設坑。其他嘢食唔知，但呢間小弟係餓死都永不會翻食，睇間鋪幾時執粒。

食飯時間6點半左右排左差唔多半個鐘終於到頭位，之後下一張枱諗住到我地兩個啦， 點知個光頭侍應一個唔該叫左隊尾4個人入去坐叫我地等多張..果時大部分人都係入去食無耐再加上佢張枱又唔係大，大把兩個人坐佢所謂4人抬..連埋我哋後面有3pair 兩個人再加幾個人就咁俾佢插左隊。唔會再去食，講真你問我介唔介意同後面兩個人塔枱都無咁嬲，問都唔問一野叫左隊尾去坐..哩種處理態度不建議大家去幫襯！

打開個外賣一見到咁嘅剩菜殘羹已經冇乜心情食 呢兜咁嘢仲要收成$97 有冇啲太過份啊？真心唔會想幫襯第二次 唔理你有幾好味 咁嘅份量 對唔住呢個價錢囉 你又唔係咩高級大酒店 咩米芝蓮餐廳 證明你呢啲咁嘅連鎖集團餐廳真係黑心商家 黑到出汁

假日閒逛青衣城，滿載而歸係時候醫下肚，心血來潮想食喇沙，就去亞參食返餐。 以QR code落單，快捷又方便，當然遇到問題店員都會協助的。 新加坡喇沙米線 $83落單後極速送上，金黃色濃稠湯底望見以為好辣，由椰汁、各香料及辣椒煮成，飲落非常順喉，愈飲愈開胃。材料有蝦、雞蛋（半隻）、魚片、豆腐卜、芽菜及通菜，開邊蝦肉同魚片夠爽口彈牙，最欣賞豆腐卜，吸盡湯底一咬爆汁，一碗份量不少，但食食下不自覺就食晒。 凍柑桔特飲（加配+$10）酸酸甜甜又醒胃，怕辣用來解辣一流。

Wanted to have Hai Nam Chicken tonight and decided to try Asam Chicken Rice as it is close to the MTR despite it being twice as expensive than Cafe de Coral. At $92 for a 碟頭飯, it is considered expensive especially when Asam offers no discount for take away unlike all the other restaurants in the mall. After waiting for 20 minutes, I asked when it would be ready. Then they tell me that they are out of the special rice and I would have to wait for another 20 minutes while they make them. I cou