亞參雞飯 (青衣城1)

營業中

休息中

假日閒逛青衣城，滿載而歸係時候醫下肚，心血來潮想食喇沙，就去亞參食返餐。 以QR code落單，快捷又方便，當然遇到問題店員都會協助的。 新加坡喇沙米線 $83落單後極速送上，金黃色濃稠湯底望見以為好辣，由椰汁、各香料及辣椒煮成，飲落非常順喉，愈飲愈開胃。材料有蝦、雞蛋（半隻）、魚片、豆腐卜、芽菜及通菜，開邊蝦肉同魚片夠爽口彈牙，最欣賞豆腐卜，吸盡湯底一咬爆汁，一碗份量不少，但食食下不自覺就食晒。 凍柑桔特飲（加配+$10）酸酸甜甜又醒胃，怕辣用來解辣一流。