亞坤 (已結業)

今次是第二次來，同樣是叫喇沙。忘記了第一次來吃時已覺得麻麻。只吃得少少辣的我嫌個喇沙太辣，忍受不了那麼辣。湯底沒有椰香，只有辣。蝦和魚片是好吃的。雞蛋也沒有問題。人不多，坐得舒服，下次會試叫其它食物。

空肚出街既我，約左朋友出尖沙咀，第一時間拉左朋友去食亞坤，懷緬下新加坡既風味。係地鐵站p3出口行過2條街就到，十分就腳。見到餐牌有好多野都想食，於是我地三個人嗌左2個套餐:叻沙&椰漿飯，1個單點主食:咖哩雞飯share食。套餐會配咖椰牛油吐司同傳統咖啡/奶茶。食物好快上齊，但都唔係好夠熱。我每樣都試左d，叻沙d粉同我新加坡食過既唔同，硬身d。椰漿飯就不過不失，但d雞係凍既。咖哩雞好椰味，朋友同我都覺得咖哩雞最好味。奶茶就無咩茶味，個人覺得普通茶餐廳飲到既奶茶仲好飲。吐司唔知係咪最後食，凍左不過都夠脆。總結:不過不失既一餐，食物質素可以改善，但價錢就真係好抵，套餐$42-$64，可以食到好飽。

位處於尖沙咀的亞坤大有來頭，早前由朋友口中得知，是來自新加坡的過江龍，中意食東南亞菜的我當然要一嚐亞坤的滋味。亞坤的餐牌上列出都是茶餐廳風味的菜式，但是卻以類似Pacific Coffee的銷售模作經營，令上菜速度大大提高。有一個水吧作為櫃臺，我們先買餐後入座。食新加坡菜點海南雞飯和喇沙應該是常識吧，識食的我當然有點這兩道名菜。海南雞飯味道不錯，無論雞和油飯都做得十分出色，雞比起一般茶記更鮮更嫩。油飯不太油膩，適合不同口味的食客。不過對不愛辣的客人要小心，因為辣椒和薑末都放在一起，另外餐廳方面可以多加一碟豉油迎合更多客人。另一道名菜喇沙亦是亞坤的拿手小菜，蝦和魚片都十分新鮮。湯底更是一流水準，味道濃郁但不膩，份量恰道好處，適合喜歡下午茶的食客。

重新裝修後第一次光顧，店面光亮清潔，大有進步。從新加坡旅遊回來後，很久沒有食過咁正宗既叻沙，辣味適中，棷香濃厚。喜歡辛辣既朋友可以問店員拿個三巴辣醬，超正。易手後套餐十分抵食，有一份傳統吐司（咖椰牛油吐司）再加一杯練乳咖啡。午餐夠食飽肚。我會再來

已經有幾個月冇黎過亞坤食野，今次入到黎發現呢度晚既裝修唔同左，問起店員原來背後既經營集團轉左。轉左老闆既亞坤，食物質素有冇改變呢？招牌喇沙，湯底既椰子味比之前更濃，蝦仁也大舊左。呢碗喇沙之前是要散叫的，現在可以跟餐，多左件咖椰牛油多士同杯奶茶，抵食左糖心蛋，蛋的size比之前大，質感亦比之前結實。抵讚唯一要彈的是咖椰牛油多士同花生醬多士唔似之前咁脆口，而且好凍，感覺唔太新鮮。轉左手既亞坤確實抵食左，各位朋友可試一試。

亞坤的 咖椰牛油吐司, 總是帶給我期待 ~ 咖椰牛油吐司 配流心蛋2隻 跟凍咖啡 (大) $46 吐司烘得有夠酥脆, 略嫌牛油及咖椰醬都塗得比較少 .... 呈流質狀的蛋白與流心蛋黃, 要加入黑豉油與胡椒粉在半熟蛋上, 撈均, 再用咖椰牛油多士蘸來吃, 這樣才是真正的食法 ~凍咖啡這杯凍啡, 味道芳香濃郁之餘, 甜度也是恰到好處, 誰說凍咖啡不會芳香 ....亞坤 , 真的回來了 ~ 本篇完 ~

原來三間亞坤都已經結業, 只剩下tst 呢間, 佢改了名叫 YA KUN FAMILY CAFE, 睇下佢有冇改善到, 原來都係冇今次一如以往, 叫了一碗面, 一個多士, 一杯咖啡碗面是 laksa, 好咸好難食, 沒有椰香和辣味, 食完要飲好多水先得多士有咖椰醬, 不過多士唔脆, 又一敗筆之作還好仲有一杯咖啡, 雖然稱不上是好好飲, 但總算叫做正常總括黎講, 番新後的亞坤其實並沒有改善到, 都是 keep 住咁差