亞婆豆腐花

營業中

休息中

大埔名物「亞婆豆腐花」，星期日下晝去人流不絕🙈不過店員手快又有禮貌，人龍維持十個之內。核心業務就當然係豆腐花啦！另外仲有豆漿、腐乳賣，靠三款品項可以撐起一間地舖，可想而知銷售量有幾大。店舖細細，座位三四個，多數食客都係店外手拎瓦碗快速KO😄絕對認同即場食係最好味嘅😌———豆腐花(凍)($9)••••••堂食，$9定價中規中矩，分量合理，豆花真係好滑🤤羹豆花影影下相都瀡走左🤣有豆味，黃糖、糖水任你加，當日生意好，美中不足係唔夠凍，凍豆花只係微暖，食落唔夠爽😛。臨走仲買左支(大)無糖豆漿($20)，好大支，成litre都有，無防腐劑，豆味香濃。———

岩大埔食完好一般的lunch之後，黎得大埔當然去食下豆腐花，當一個正的飯後甜品。好多年前都有黎，不過今次就嗌外賣番去食，個人都鐘意食凍豆腐花，呢度豆腐花真好好食，豆味好重，好香滑，同埋佢同你加的黃糖同糖水的份量岩岩好，所以唔使再加糖水，同份量都夠。多年前黎$8宜家加價了，但都係合理，可以再一試

去大埔踩單車必食嘅一間，就係亞婆豆腐花，企門口有兩個哥哥仔，可能係兩兄弟，都幾似樣，而入面真係有個亞婆喺度架。講返個豆腐先，真係好滑，而且豆香味濃，同其他地區食到果D真係唔同架。

亞婆豆腐花真係好出名,簡直係豆腐花界之中ge名店,亦係唔同地區ge人入大埔必食ge舖頭亞婆豆腐花裏面唔只賣豆腐花,仲有賣豆漿同腐乳,豆腐花就凍熱一樣價錢,今日天氣涼涼地,加上熱食更能食得出食物ge原味,所以最後我揀左熱豆腐花啦店員手起刀落,三兩下手勢就裝好個豆腐花入碗,淋上湯水,隔離有紅糖,自己鐘意加幾多就加幾多因為本身有糖水,紅糖我淨係加左少少,豆腐花好滑,豆味香,真係唔錯,食完暖入心,繼續行程

今日去左踩單車 由大圍踩到大埔 踩完三個鐘單車緊係要食飯番碗豆腐花有好多人特登搭車入黎食「亞婆豆腐花 」 因為好多人話佢啲豆好香濃 而且好滑 今日終於有機會試試亞婆豆腐花位於大埔街市附近 大約是星期日下午兩點 有六七個人排隊 除咗有豆腐花之外 還有豆漿 賣 而我叫左一碗豆腐花店內有三至四張單可以俾人堂食 而且可以俾你任加糖水和黃糖 岩哂我呢啲最鍾意一啖黃糖一啖豆腐花既人 結果豆腐花真係好滑 不過我覺得豆味唔夠香濃 如果可以改善這點 咁就perfect 豆腐花 $9

今日天氣非常好🌞🌞，最適合踩單車🚴🏼‍♀️，還左單車之後，朋友同我講話附近有一間好出名食豆腐花 - 亞婆豆腐花，係openrice見到好多👍🏻👍🏻👍🏻👍🏻，就決定行過去睇睇，然後見到條龍長到呢.....叫咗碗熱豆腐花，真係OMG，熱辣辣，滑嘟嘟，係我食過最滑嘅豆腐花，性價比真係好高，$9一大碗，冷熱同價，呢個天氣食真係一流，咁多人排隊係一定有佢原因，唔覺得朋友話黎大埔一定要試服務態度仲非常友善!下次有機會會試吓佢啲豆漿😻😻

I grew up eating this tofu, and I never came to appreciate how well made it was until I grew older and started trying different shop's Tofu. This one just ticks all the boxes of a perfect tofufa: soft, smooth, melts in your mouth. It's so smooth and so slippery that you'll never want to eat any other tofufa once you've had this one. The texture is so pleasing to the mouth, there's no words to describe it! You have to try it for yourself! 

呢個豆腐花真係好滑好好食，真真正正嘅大埔名物。成日要排隊，不過都真係值得嘅。除了傳統黃糖之外，仲可以落薑糖，兩樣都好味道。呢間野出了名之後，附近都有類似嘅店，不過論味道同口感，我都係鍾意呢一間多D。

剛才新街市買完餸經過阿婆豆腐花，想念它的味道！買了兩碗熱豆花回家品嚐！豆腐花冷熱同價堂食$9／外賣$10相信豆腐花真是「滑不禁風」回家打開蓋，看見豆腐花已經散開了，豆腐花入口即溶，糖水香田配合豆腐花的豆味一流！真是這裏出品才有特別的口感！加上冬天吃熱豆腐花更加暖胃！

放假同老公入大埔行下食下，去到老公話想試下呢間亞婆豆腐花！普通一間鋪頭，無豪華嘅裝修，無得睇嘅佈置，真係一間好平民嘅鋪頭，坐位都唔算多！所以好多人都係選擇企係鋪頭前面食！我同老公一人一碗凍嘅豆腐花，味道的確唔錯！值得一試，夠滑，有豆腐味，口感真係唔錯！但一碗份量好似唔係好夠喉，唔知係咪好味嘅原故，好快就食完一碗，其實好想食多一碗！後尾知道原來大圍都有一間分店！都有去食過，但同大埔呢間真係無得比！呢間好味好多！真係值得一試！

今天經過大埔大光里，見「亞婆豆腐花」門前堆滿人，之前都聽過「亞婆豆腐花」這名字，終於有幸一試，雖然人多，但也不用等太耐。豆腐花經常食，但咁滑的豆腐花真是第一次食，難怪經常大排長龍。在微冷的天氣下，食碗暖暖的豆腐花，再加些小黃糖，已經很滿足，真是人生一大享受。豆腐花雖然滑，但不會成碗散晒碎濕濕，仍能保持一舊舊，可見石膏粉的份量配合得天衣無縫。店舖的腐乳也是有名的，下次一定要再來買。希望美味的豆腐花不會失傳，店主能夠繼續用心地製作。

滑滑豆腐花又香又甜又好吃😋每一次經過呢度都會忍不住排隊吃,暖暖豆腐，花，排的隊永遠都長長的， $10一碗可選擇薑糖加黃糖豆腐花細滑臉面食完一碗想再吃多一碗，豆漿$6杯，豆香不太甜，讚

係暫時食過最滑嘅豆腐花！以前大學喺大埔附近所以成日會食冬天食碗熱嘅簡直係暖粒粒又滑夏天食碗凍嘅 都唔會影響佢嘅滑度又平又好食！ ！ 暫時未試過佢豆漿，但應該都係信心嘅保證！

一個人走去大埔，由大埔火車站行去大埔超級城， 途經這間賣豆腐花和豆漿的舖頭，買了一支細豆漿，$10。正常豆漿味，不太稀，好戲在後頭。 我飲了三份二 ，然後放在書包旁的袋，回家後忘記了將豆漿放在雪櫃。第二日早上，發現豆漿已經凝固和變酸，不是投訴，我以前在便利店買的豆漿隔日都不會變，所以我欣賞亞婆豆漿無加防腐劑。

吃亞婆的豆腐，該煨囉! 亞婆都唔放過!!!! 喂! 大家唔好諗埋一邊，我不是要非禮亞婆，而是來到大埔，總會有好大的興趣去品味由一位亞婆創立的豆腐花品牌。許多人都會知道，大埔墟有一個阿婆做的豆腐花，又嫩又香又滑。令到區內、區外人來到大埔，都要吃一吃亞婆的豆腐。許多年前，亞婆仍然寄人籬下，在小食店打工賣自製豆腐花時，早已經是一個令人大排隊的品牌。自立門戶的初期，由亞婆親自主理，都是要排大隊的一家店。現今亞婆年事已高，由晚輩經營，保不保持到水準呢? 這一天在大埔剛好經過門前，就決定入去坐低食返碗《亞婆豆腐花》。起初請《亞婆》賣豆腐花的店子，叫《菓香林》，最早的一間鋪是位於大明里的。如今，由其他人經營，叫《舊菓香林》，依然說他們的是亞婆豆腐花。之後，《菓香林》搬了去廣福里，可是該《菓香林》因《亞婆》自立門戶之後，生意漸跌後結業了。而家，人人都知大光里的《亞婆豆腐花》，次選就是大明里的《舊菓香林》。《舊菓香林》下次有機會才報導，這一次先說正宗的《亞婆豆腐花》。天氣凍，大家都要一碗熱的豆腐花。食豆腐花，熱的其實是更香更滑。這一碗《亞婆豆腐花》依然保持到其水準，入口有很香豆味，感覺亦很嫩，很滑。加點