亞玉豆腐花

營業中

休息中

放工突然好想食豆腐花，但又唔想買便利店那些吃，就在回家的路上特登走來這間人氣豆花店。晚上7點多，門外沒有很多人排隊，叫了一碗熱的豆腐花，堂食。我喜歡先不加任何糖，第一口熱呼呼的豆腐花，很暖胃。而且豆味濃，又滑又香，很滿足。加入少量黃糖後，甜味增加，更加好味！這裡香滑的豆腐花可以當下午茶、飯前小食、飯後甜品，難怪經常這麼多人排隊呢！

是日經過, 外賣左一碗凍既薑汁豆腐花, 呢到外賣可加添一包免費薑汁, 但外賣要加多$1.豆腐花加左糖水後, 睇起上黎十分光澤, 再加埋d薑汁, 又香又滑, 加埋黃糖都無變酸, 食落口好香豆腐味, 仲要凍冰冰, 夏天食返碗, 都真係幾爽.

今日同女朋友特登黎元朗行街街，突然見到有間鋪門外聚集左好多人，仲以為有野派，睇清楚原來係排隊買豆腐花。睇過開飯，原來呢間咁好評，所以我都排埋一份！我地揀左響現場食，可以平1蚊外賣錢。豆腐花好香滑，食落有豆香，唔似街邊啲豆腐店落太多石膏粉所以完全無味！而豆漿更加好味，非常香濃！夏天飲好解渴！

平時經開亞玉豆腐花，店外空地都會企滿客人，大家都不介意站著吃，因為店舖小小，只有張枱夠4人坐。今次可能是在閒日非繁忙時間來光顧，所以可以坐下慢慢享用。一碗熱騰騰的豆腐花只需$8，實在覺得很抵吃，荳味濃，質感滑，不需加太多糖，少少糖已經很好味，很滿足。下次再去，企都要食呀!黃豆豆腐花 $8

晚上勁想食宵夜，又想健康d，就諗起阿玉！食過好多間豆腐花，總係對阿玉有份情同埋味道、質感真係最好！外賣價$9碗 買既時候，姐姐會問定你落咩糖，其實只係落黃糖已經好足夠，晚上既豆腐花仍然係咁滑，真係買少見少，佢個到雖然有堂食，但位就好少，所以都係決定拎返屋企慢慢嘆！

見咁多好評就黎幫襯下8蚊熱豆腐花，11蚊凍黑豆腐花始終熱既好食d，香d滑d，而凍既就硬d。姐姐好態度，我地坐低食(有5個座位，但較迫)，提我地d豆腐花未加糖水架。

好中意食豆腐花，特別係落黃糖的豆腐花，宜家真係越黎越少咁…亞玉豆腐花同公和荳品廠並列我my favourite 冠軍，兩者一樣夠滑，豆味又香濃，兼價錢抵食，但呢度仲多佐一樣好，就係姜汁任落😂👍🏻 C本身中意食姜味好重，所以真係狂落，辣得好過癮😛個人覺得原味比黑豆好食😚.$8買到小小的滿足。

呢晚經過阿玉豆腐花, 想買碗豆腐花外賣, 見有人叫芝麻糊溝豆腐花, 呢個配搭都唔錯, 又跟風試下先。用左芝麻糊好處係個豆腐花唔需要另外落糖, 咁就比較健康, 芝麻糊幾杰身, 唔會太甜, 豆腐花幾滑, 豆味同芝麻味幾夾。食芝麻可以滋補強身、延年益壽、延緩衰老, 豆類又可以吸收蛋白質, 食得多皮膚靚靚, 係一個營養又健康的甜品。

⚫️黑豆豆腐花（$10)每次經過都見到好多人拎住隻碗，企係街邊食豆腐花。今次司令叫左碗普通豆腐花同黑豆豆腐花，睇下有咩分別先。 第一次食黑豆豆腐花，入口其實同普通既冇咩分別，不過就硬身少少，豆味都幾濃，比普通既好食，因為普通既滑得濟，入口就冇左😂，好似冇食到野咁。加埋任落既黃糖薑汁，冇可能唔好食既。

行去元朗西鐵站經過一條橫行，見到一間豆腐花小店外面排隊，人山人海即管走去試一試！這小店推介豆腐花，砵仔糕，我見到很多人叫芝麻糊，心想來到這裡不試豆腐花有點"是刃砵"，所以要兩樣都食就叫了"芝麻糊豆腐花"。小店裡面有4-5個坐位，地方狹窄，所以有食客選擇站著店門前進食，晚上寒風刺骨，我選擇走入店裡慢慢吃"芝麻糊豆腐花"。"芝麻糊豆腐花"HK$11- 一入口有濃郁的芝麻味道，用料十足，味道不太甜，心想I can tell自家製的, 不過磨得不夠滑。豆腐花非常滑，而且充滿黃豆香味，讚！食完一定要走去後門看一看，。嘩！重唔比我捉到你！真係比我見到有人係到炒芝麻啊！評分：（以5個＊為滿分）食物：＊＊＊＊服務：＊＊＊環境：＊1/2餐廳資料：元朗阜財街2號宏豐大廈地下12號舖TEL：2664 9622

天氣太凍了，吃完午餐後，肚子還是不滿足，總覺得還要一點暖暖的東西，去填補肚子的空虛！走著走著，看見亞玉豆腐花的招牌，不加思考便走到店門前了！由於店內只有4-5個座位，故很多食客會選擇站著店門前進食。雖然環境不好，但依然吸引了大批食客，可見其吸引力之大。還記得早幾個月前，亞玉只賣黃豆及黑豆兩種豆花。但今次在店門前，看見食客捧著另一款新食物-芝麻糊豆腐花，她們吃到津津有味的，好吧！我也來一碗好了！芝麻糊用料十足，不但香，而且濃稠度高，甜度也剛好，不錯！豆腐花維持固有水準，非常滑，而且充滿黃豆香味，讚！👍🏻 滿滿的一碗，完全滿足了我肚子的空虛感！

一大朝早晌新同星茶餐廳食完早餐，就出發踩單車由元朗入到去屯門，因為今朝個早餐都幾飽，之後返回元朗都無食晏，只隨意搵啲小食。嚟到阜財街，最人氣就喺依檔「亞玉豆腐花」，排晒長龍，不過，流轉快，排唔夠5分鐘就輪到我哋 。店內地方好細，所以，都不宜堂食，拎上手企晌外面仲夠街坊風味。雖然，小店仲有其他甜品，但依門口所見，主打都喺豆腐花、缽仔糕及糯米糍，睇見依啲傳統小食，實在讓人垂涎欲滴，而大部份人都喺揀食依幾樣，我哋就一碗豆腐花兩份食，再各加件迷你缽仔糕 。因為人客太多，所以，薑汁、黃糖及糖水都放晌鋪面一旁，全自助，客人想落幾多就幾多。 豆腐花 $8 賣$8碗真喺非常抵食，夠大碗，可知整豆腐花幾多工序呀，又要浸，又要磨，隔渣，再煮，小弟家中有豆漿機，淨喺整豆漿都嫌有啲煩。亞玉嘅豆腐花真喺好夠幼滑，豆味又夠濃郁。想刺激啲，可以加啲薑汁，有辣勁，幾真材實料喎。 迷你缽仔糕 $2 有原味及加有紅豆兩款嘅缽仔糕，當然，揀後者總喺覺得抵啲啦。叫得迷你就梗喺好細件啦，睇佢放上手就知有幾大。真唔講得少，加紅豆嘅唔喺得幾粒做個樣，真喺一啲無手緊，啖啖紅豆，夠清甜，而缽仔糕本身質感好好，軟熟而

亞玉豆花在元朗是很出名的，經常也有人排隊。這間豆腐花店特別在於有黑豆味豆花，因黑豆比黃豆更健康，所以我就揀了黑豆味。豆腐花豆味都夠濃（聽朋友講現在豆的味道已沒有以前那麼濃了），另外豆花亦夠滑，又夠熱，好味！👍👍這間店除了一般的黃糖及糖水供應外，另外還有薑汁糖水供應。朋友說客家糍粑(即糯米糍)亦很美味，下次有機會再試埋

到又新街掃街，又怎可不吃亞玉豆腐花呢！以前放工落車經過，總會買兩碗豆腐花給老公做飯後甜品。 看著黑豆豆腐花由初初的$8碗到現在$11碗，仍樂於追捧。只因它非常幼滑的質地和香濃豆味，一試難忘，暫時元朗區亦無人能及。是夜掃街，又買了兩碗回家。將近售罄的黑豆豆腐花。除了黃糖，還備有糖漿供應。黑豆豆腐花 $11一開始是食原味豆腐花的，但自從有次豆花嬸嬸話黑豆對女生有益後，就改食黑豆豆腐花。雖然價錢加到$11,但每碗外賣的份量依然滿碗。豆腐花質地仍然滑溜，入口即滑下。但豆味較以前遜色了一點，不算太香濃，不過仍然好味！食豆腐花個人喜愛加黃糖多於糖漿和薑汁，而亞玉的黃糖一包包的，方便自己因應甜度而下。除了豆腐花，亦有豆漿和糯米滋。可能太遲去到，連平時的糯米滋也賣完了。希望亞玉可以一直保持水準，不令一眾粉絲失望！

吃完只有醬汁合格的串燒後，以豆花作為一個結尾。今天竟然買到平日「極難買到」的黑豆豆花，但自己衰，居然選擇叫凍的黑豆豆花，結果出事了。新香港人店員的態度，不提也罷.....我有點懷念多年前店主親自顧店的親切。雖是一碗冰凍透心的豆花，但質感部份硬的不得了，讓我立時想起在超市隨手可得的百福豆腐花。印象中即使是冰凍了的豆花，質感應是如熱食時一般軟滑，不會那樣糟糕。說到底雖是我選擇錯誤，但店家控管豆質不佳，是否都要負一定責任﹖ 如有緣再來，還是吃回熱的豆花較安全。