亞玉豆腐花

營業中

休息中

元朗的糖水店眾多，有的集團式經營，有的家庭式作業，有的選擇大堆頭，有的標奇立異但只是曇花一現 。唯獨開業多年的亞玉豆腐花仍然深得我心，那$8一碗的滑溜豆腐花，價格簡直與通漲抗行。不過隨著荃灣店及紅磡店的開設後，總店的水準開始有下滑之嫌，雖則如此，熱情顧客卻沒有減退的跡像，門外經常都要排隊，經常都圍滿立食的食客，始終元朗區又沒有其他具水準的豆腐花可一較高下呢！ 由於獨沽一味難以撐起租金及滿足心多的食客，除了原有的黃豆豆腐花、黑豆豆腐花、豆漿、缽仔糕、客家糍粑外，還加了新口味: 紅豆及芝麻糊，還可以選擇跟豆腐花合併呢。雖然外賣要加$1，還是選擇回家慢慢品嚐。 最有益又最喜歡的黑豆豆腐花早已沽清，唯有選擇黃豆豆腐花 ($9)，之前外賣豆腐花總會跟上一小包袋裝黃糖，可能是會令成本上漲的原因，收起了，只是蓋上膠蓋前粗略地灑上兩匙黃糖，試問又怎可滿足呢，唯有對自己說少糖的健康吧。 豆腐花一如以往的挺身幼滑非常，入口即滑下，但豆味明顯未如當初的香濃，份量少而又完全融化了的黃糖又未能滿足沙沙的口感，不過基於價格及滑溜程度，這碗豆腐花仍是處於不錯的水平。 另外又一嚐新品: 芝麻糊豆腐花 ($12

黎親元朗都會黎呢到買砵仔糕！但自從朋友之前請我食過呢到既客家糍粑，一試愛上，今次黎元朗都特登黎買呢到既糍粑其實類似糯米糍，但入面既就係花生加芝麻，岩晒有選擇困難症/貪心既人！花生同芝麻爆香後味道更加突出，混合埋出奇地夾，比一般淨花生/芝麻既料更有層次而皮十分軟，一問之下原來每日只係製造少量，賣完就算，絕不過夜，先可以保持到咁新鮮👍 而姐姐都建議我地即日食用，以保持最佳口感P.S. 姐姐十分友善，我去到時大約一點左右，開左半閘仲未營業，我抱住一場黎到試下既心態問姐姐有得賣糍粑未，姐姐問我趕唔趕時間介唔介意等陣，等五分鐘即刻包俾我，令我好難忘，值得推薦👍👍👍👍

熱豆腐花（$8）👅黎到元朗見到我最愛既阿玉😍平時食開荃灣間分店，試下元朗作為本店有無分別先😆😆豆腐花一樣咁滑😝但豆味唔係好重，而且好多水😕又筆得碎啲🤔🤔都係荃灣正啲😊同埋呢到係貴$3😮唔知點解～

大家都知道，大埔有一間亞X豆腐花是賣到出晒名，這次元朗美食之行，竟然去了她姐妹的店...或是亞囡？HAHA！其實我都不太清楚！ 即整，即叫，即入碗！如果不是要外帶給家人的話，就用堂吃的碗吧！ 我們加了2元，多叫了砵仔糕！ 砵仔糕先評，不太甜，味道很好，紅豆粒數量可以接受！不粉！有咬口！是送豆腐花的一個好選擇！ 豆腐花~~評心而論是很滑，味道淡淡的可以任人加味！可是欠了少少豆香味...可能吃過更好的，就會有比較~~~嘻！再評心而論~~~都係可以推介既！！

大年初三，長輩來我家拜年，我也盡地主之誼，帶他們到元朗一遊。今年不少店舖選擇新春休息，平日熱鬧的街道感覺有點冷清，惟獨是這條元朗食街仍是人氣鼎盛，好不熱鬧。眾人都往串燒店、雞蛋仔店裏鑽，而我還是只對亞玉豆腐花情有獨鍾。早就轉成立食的亞玉人龍長長的，但是也不減食客的熱情。與長輩們分享豆腐花和芝麻糊，平心而論，自亞玉開了荃灣分店後，水準無疑是下滑了。豆花依然滑身，但豆味比以往更輕淡，薑汁也不那麼真材實料了。相比之下，芝麻糊磨得細滑，雖不算濃厚但亦明顯沒有摻粉，算是真材實料，食味更討人喜歡。期望這失手只是一時的失準了吧！但願如此。

食完燒賣皇后，隔離就係同樣出名的亞玉豆腐花。仍是人龍名，是日平日夜晚的時間，一樣要排隊大約十人左右。原來除了豆腐花，仲有糕點。砵仔糕同糯米滋，價錢都不貴。豆腐花有熱有凍，依家天冷當然叫熱啦^_^兩大桶豆腐花，熱騰騰，店員手勢純熟，好快手，每一下薄薄一層。店鋪有提供原味糖水及薑味糖水提供。還有不能缺少的黃糖。豆腐花，真心香滑，難怪咁多人排隊。熱食更顯香更滑，簡單食材，就能如此味美。價錢只是$8，抵食好味。食完乖乖擺放在桶裡。^_^

在元朗逛到好累，無意中經過見到呢間舖，見到有好多人排隊，剛過去見到，唸起我好似有收藏過呢間舖！就係你啦！我係豆漿豆腐花狂人，梗唔會放過啦！所以即使好累，都買左一碗黃豆豆腐花，加D黃色的糖分（？），正！好滑好正，濃濃豆腐味，甚至值得我當場食完一碗～不過未有影相，第日再去過～

秋風漸起🍂有時行過都想食返啲暖暖地嘅野😌亞玉豆花可算系抵食之選，保留企街食嘅風味真系好正😈豆腐花暖暖的，夠滑溜🙂有入口即溶嘅感覺，而且豆味都算系濃嫁☺️旁邊仲有薑汁，糖水同砂糖比大家調味💁計我話秋天落薑汁真系無得輸😝

每次經過元朗呢度都見到好多人拎住隻碗，皆因亞玉豆腐花真係好多人食，企係街邊食豆腐花超有風味，自己落糖水同砂糖，仲有薑汁揀，食落豆味濃，夏天叫碗凍豆腐花確係消暑，加$2 仲可以要多隻砵仔糕tim！

我好少專登打食評， 今次真係「不吐不快」。偶然間係openrice搵到呢間豆腐花店, 見幾平就去試, 就算唔好食都係8蚊姐!叫左個熱豆腐花食, 又有豆香又夠滑, 加少量黃糖已經夠哂味!咁岩我入鋪頭果陣都有啲雨, 想賣單走果陣啲雨仲更大! 但我廢事阻人做生意, 諗住行出鋪, 係隔離啲有蓋個位企住等就算。此時老闆娘就問我：「好大雨喎，有無帶遮嫁！？」，我話：「有呀，無問題既。」，佢再話：「你地係到坐陣啦，咁大雨出唔到去嫁！又無人等住入黎。」。好事一定要講，由其有咁好既老闆娘兼有咁抵食既豆腐花，唔可以唔講！

砵仔糕是香港的懷舊小食，這天路過元朗的阿玉豆腐花，看到小巧的砵仔糕便很想吃!我最鍾意很多豆的黃糖砵仔糕，阿玉的砵仔糕一看便知道有很多豆了！味道可以，想吃的話一試無妨。最值得一試的是馳名的豆腐花！記得熱吃，熱豆腐花保留了豆腐花的香滑，加上薑糖水和糖，入口香甜滑溜，絕對是我愛吃的甜品！已經光顧了阿玉很多次，水準保證！

荳腐花 一直係我至愛 喺又新街 你長期見到啲人排隊買荳花食 下午餐係佢 消暑解渴係佢 宵夜係佢 甜品係佢 佢真係玩哂😏但係佢啲荳腐花真係好得！ 又滑又有豆味 最正嘅係薑汁任加唔嬲 俾你食到最薑既荳腐花 其實仲有黑豆豆腐花 同砵仔糕 好懷舊 好有感覺雖然門口沒位坐 又冇冷氣 又要排好耐隊 但我都覺得值嘅✌🏼️

難得入元朗見幾多人食 ， 排隊買左兩個凍豆腐花外賣，返到屋企準備食 ， 其中一個一打開好大陣酸味 ， 隻味酸到好似醋咁😰。另外一個就正常無事。但好似普通豆花無特別啦。不過都仍住仍住無食哂就掉左lu一定無下次！

好耐無來過元朗了，來到必定會黎找一找阿玉豆腐花，叫左一碗冰凍既即食豆腐花，雖然係凍既都一樣咁滑，入口一流，又滑又軟，再加上黃糖，糖水，簡直一流，帶出甜甜既清香另外仲可以加二蚊買個砵仔糕，買左一個有豆一個無豆既，有豆既真係滿滿都是豆，好足料，好飽肚，另一款真係一粒豆都無，對不喜歡豆朋友幾好，不過味道就相比較淡了，同較林身，較一般。

放工突然好想食豆腐花，但又唔想買便利店那些吃，就在回家的路上特登走來這間人氣豆花店。晚上7點多，門外沒有很多人排隊，叫了一碗熱的豆腐花，堂食。我喜歡先不加任何糖，第一口熱呼呼的豆腐花，很暖胃。而且豆味濃，又滑又香，很滿足。加入少量黃糖後，甜味增加，更加好味！這裡香滑的豆腐花可以當下午茶、飯前小食、飯後甜品，難怪經常這麼多人排隊呢！