亞萊嘜嘜 (已結業)

昨天和朋友2個人,6點鬆來食晚飯, 因為早所以不用等位 我們點了一個2人餐.+ 一碟10只的生蝦刺身(好像$168). 2人餐還可以, 但生蝦刺身是below standard.. 蝦應雪了很長時間, 没鮮味. 没蝦味. 用打來边爐都不夠生鮮. 還拿來做刺身..  其實如果你當天没有生鮮生蝦刺身就對客人說今天没有生蝦刺身. 不要用比任食打边爐還差質數,放雪多久的給客人

最近屋企發生左好多事，所以尼排朋友都主動打約食飯 順便大家可以傾下計放鬆下個心情 其實香港真係有好多泰國餐廳，而且好多都話自己係傳統泰國菜 尼間我都幾信佢係泰國人開/做廚師，因為我聽到有個講泰文既女人係行入廚房 我地每次都會叫唔同菜，但我地每次都一定會叫蒜蓉包😆😆 泰式併盤 - 荃灣的亞萊嘜嘜泰式併盤 - 有四款唔同既野食excited 個樣同味道都好好😋，D菜都好fresh ，D蔬菜唔會好梅。 份量好足😋😋😋，我四個朋友食尼個已經飽飽地😆😆十分抵食 炸皮蛋- 平時都好少食皮蛋，但尼個真心幾正。可以一試佢仲有好多其他菜式，但我同個fd都好飽😵😵😵所以都係下次先試啦

琴晚去左荃灣食泰菜亞萊嘜嘜呢間真係聽就聽得多 朋友住大西北 成日都會講起呢間野 但係大西北對我尼講真係有d遠 最近聽講佢開左分店係荃灣 於是就慕名而來了一上到去真係嚇一嚇親 好少見泰國餐廳咁大間而且都係以卡位為主 所以都坐得幾舒服呀呢排介緊澱粉質 所以就無叫到粥粉麵飯既野第一個就係冬陰功湯 唔算好辣岩岩好但係又夠味 而且唔會好淡 飲得出係真材實料跟住就係青咖哩雞 叫多左個蒜香包 蒜香包好脆 好好食 青咖哩雞咖算辣岩屋企人口味 因為佢地唔太食到辣最後就叫左泰皇燒雞等佢燒完之後店員哥哥問我地要自己手撕定拎入廚房斬件我地貪得意話要自己用手撕 帶上手套用手食又係另一番風味😂不過隻雞太大我地最後都食唔曬打包左番屋企地點都幾方便係千色附近 食完樓下就有小巴番港島

這家泰菜餐廳地點優越，位於荃灣港鐵站附近，好就腳，所以約人一齊來食飯，無人say no。今次是第二次來。趁夏天，餐廳推出了很多夏日特色食品和飲品，今晚可以挑戰下。【夏日雜錦拼盤】一大盤，色彩繽紛，奪目耀眼，吸睛指示極高，4款小食各具特色。蝦片好鬆脆，串燒好香口，充滿泰feel，米紙卷和蒸粉包明明係越式嘢，呢度將佢哋fusion 埋一齊，正! 最欣賞係佢啲皮很薄而且煙韌。飲品先要了一杯【火龍果沙冰】，食熱氣嘢嘛，緊係要整番杯打打底先啦! 好清甜呀!跟住食呢度嘅招牌菜【原隻泰王香茅燒雞】。本身佢已經烤到熟咗，上菜時，店員會將把香茅和香葉燒著，讓香氣燻去燒雞。火熄後，店員便會把燒雞拎去廚房斬件上。食落覺得雞皮又薄又脆，肉質嫩，鹹味夠，而且帶有香茅味。食泰菜，當然唔少得食咖喱，今晚點了【青咖喱雞】，配埋【蒜香包】一齊食。青咖喱是香不辣的，啱晒我哋呢啲怕辣嘅人。蒜香包好有特色，做到成條金磚，正所謂唔食得都睇得嘛。不過，老實講，佢係又睇得又食得，脆口之餘充滿香蒜味，點咖喱汁仲正!跟住食【泰式潮爆炸魷魚】。將啲炸魷魚楝起串，又幾特別喎! 椒鹽味好出，魷魚肉質彈牙。【冬陰公大蝦湯】香味好出，唔太辣，蝦

有咩開心得過一大班人去食野呀?就係一大班人去食好野啦!今次我地就去係荃灣新開冇耐既亞萊嘜嘜食好野, 之前食過佢既泰菜係與眾不同的一入去基本已經全爆, 睇黎D間餐廳好受荃灣既街坊歡迎喎!蝦膠皮蛋D個真係第一次見, 彈牙既蝦膠搭上獨特味道既皮蛋, 異常的夾, 1+1=3!夏日雜錦拼盤一大班人一定要叫拼盤, 因為實有樣野係岩你食的, 串燒係肉有水果, 保證清新美味, 而蒸粉包又係另一個好特別的食物, 你可以當佢係泰式腸粉, 幾好味茄汁大蝦金邊粉大蝦彈彈牙, 茄汁入晒汁, 而金邊粉炒得夠乾身, 但食落又唔會好乾, 岩岩好, 盡顯師父功架的一味菜泰王香茅燒雞先會上枱比你睇下隻雞, 燒下佢表演下先之後會扲返入廚房斬得整整齊齊比你去食, 雞入面仲有唔少肉汁, 而且配合佢特色既醬, 酸酸甜甜咁, 好好味明爐烏頭食泰菜必食就係明爐烏頭, 酸酸辣辣既汁完全滲入烏頭, 烏頭肉又滑又嫩又唔多骨, 上乘之作透心涼冰爐用新鮮既水果, 加入特色既汁, 再加上冰粒, 好似水果版既邊爐, 透心涼之餘又好味, 正呀!總結好多菜色都幾特別, 而且味道好好, 值得再來試其他菜式!

親戚從歐洲返來香港數天，西餐一定唔想再食，就同佢食東南亞菜吧，揀左泰國菜。7個人叫左。。。大拼盤：賣相唔錯，每款都脆口好味黃咖哩雞：因為大家都食唔到 spicy, 黃咖哩最啱，點蒜蓉包一流蒜蓉包：必食，香脆炒金邊粉：酸酸甜甜，呢個我最鍾意海鮮炒飯：份量夠，一人一碗都夠分椒鹽魷魚：炸得唔錯，好香烏頭：泰國菜多數食烏頭，少骨多肉芒果糯米飯，千層糕：煙韌，有口感食完都好飽呀，果日仲因為都算早去，大約6點去到，人流唔多，坐得鬆動。

元朗嗰間亞萊麥麥就經常排晒隊要等位，我都食過幾次味道很不錯，原來喺荃灣都有分店，我約咗幾個朋友食，覺得水準差不多，所以無論去荃灣定元朗食都唔錯！沙冰係真材實料，可以看到當佢慢慢融咗變成水嘅時候係充滿果肉嘅，個人比較喜歡飲奇異果沙冰因為味道更加濃郁但係絕對不會酸，另外紅肉火龍果也很特別，清新的味道，而且營養價值都很高前菜的蝦餅皮蛋十分之特別，原來兩者係可以配合的，蝦肉本身炸得很彈牙，跟炸蝦餅一樣，而皮蛋又滑又香，兩者一起吃口感一流夏日雜錦拼盤入面都幾多小食，一跌夠晒四五個人share，最喜歡中間的串燒，肉粒燒的很香很juicy而且還有我最愛的菠蘿！香茅燒雞已經一早預訂，侍應喺我哋面前表演火燒雞囉柚，把香茅點著令到香茅香味煙燻到在燒雞上，然後可以交還給他們幫忙把燒雞切件，燒雞配上一種類似話梅味的醬汁，酸酸甜甜，很特別，雞肉保持則鮮嫩，不會像平時那些燒春雞咁乾！海鮮煲仔飯都好正，唔好睇佢上面好似濕立立，其實煲底下面的飯有點飯焦的感覺，把飯攪拌均勻合起來就剛剛好，配料都幾多，有蝦有蠔。明爐燒魚每一間泰國餐廳都必有嘅，今次同朋友一大班人當然要點一碟，可以看到魚上都放滿左青檸，最好等湯滾後再等一等

朋友就黎生勒，一大班人依又要岩大肚婆，所以揀泰菜。我地叫左：蝦膠皮蛋依碟菜中有漬蘿蔔，夠酸好入味，做開胃菜一流。食完開胃菜，要食頭盤勒 - 蝦膠皮蛋。蝦膠脆香口，皮蛋好靚，夠滑。生菜包生菜脆又綠，餡料有肥豬肉、洋蔥粒、蔥粒同睇唔到但食到好香既香茅味！茄汁大蝦金邊粉好靚仔呀！上面煎得好靚既蛋網舖著金邊粉。材料有扎肉，蛋絲同芽菜仔，所以食落好有層次。茄汁超入味，蝦肉吸晒茄汁好入味！潮爆炸鮮魷外面好酥香，裡面魷魚滑又彈牙，加上香芽，好入味。香芋海鮮焗飯好似濕炒飯，加埋林林既芋頭，岩晒我依d鐘意食軟飯既人。加上真材真料，勁多魷魚、仲有青口，好好味。青檸明爐烏頭食咁耐泰菜，第一次叫烏頭食。見到仔魚「bolo bolo」咁，陣陣青檸辣椒香味撲鼻。咬落去魚肉吸收晒酸菜青檸辣椒味，好好好入味👍🏻原隻泰王香茅燒雞雞肉滑又重雞味，加上燒熟左隻雞後再用香茅燻，多一份香茅既香味。紅肉火龍果沙冰第一次見沙冰係紅肉火龍果，所以即刻點。顏色好靚，好甜好重火龍果味，好岩夏天飲。泰象啤酒通常都係得細既、依度竟然有大架，唔叫唔得啦。大象啤味道消得黎又有啤酒香，適合慢慢嘆🍺依2樣飲品大肚婆要遲d先飲得呢～

為左完成食暈全香港泰菜呢個目標，今次嘅TARGET就係荃灣嘅「亞萊嘜嘜」啦.「亞萊嘜嘜」位置近荃灣地鐵站，就係千色店格離，但有些少隱蔽，因為佢就係大家樂嘅上層，好容易會眼大睇過龍.7點幾入場，已經人頭湧湧，十分墟冚，幸好，等左一陣，已經可以入座.🔸泰式皮蛋蝦餅見個名幾棧鬼，就叫一份黎食下入口彈牙嘅蝦膠中間放上皮蛋，外脆內軟，蝦味香濃，好特別.🔸泰式肉碎生菜包將辣椒，豬肉，洋蔥同豆角粒一齊炒至入味，再用生菜包住黎食，入口清爽嘅生菜配上惹味多汁嘅豬肉碎，惹味又JUICY，大讚.🔸泰式潮爆炸鮮魷擺盤勁吸睛以鋼棒承載住一個個嘅鮮魷圈，底下係香茅炸香葉。魷魚圈嘅炸粉好薄，而且有特別調過味，入口酥脆輕薄又彈牙，沾一沾泰式辣醬，食到停吾到口底下嘅香茅炸香葉亦不能睇少，香氣四溢，好香脆.🔸夏日雜錦拼盤呢個岩哂好似我呢D有選擇困難症嘅人樣樣有D，樣樣都可以食下蒸粉包，比腸粉好味得多，因為入面餡料豐富而泰式米紙卷都吾錯，裡面包住D 生菜，粉絲紅蘿蔔絲等，口感清爽！串燒有青紅椒，又有雞肉又有菠蘿，燒得微微焦香，大讚.🔸紅肉火龍果沙冰&泰國凍奶茶食泰菜，必點泰式奶茶係常識吧略甜左少少，但入口順滑，奶味重新推出

成日都覺得夏天最適合食泰國野。除左熱嘅天氣又想起泰國風光，仲因爲泰菜五顏綠色。今日和家人外出用膳就食泰國野，亞萊嘜嘜比較人多，訂位至穩陣。青檸沙冰好解暑！堅酸但好好飲，開胃推薦！皮蛋蝦餅啱哂喜歡皮蛋嘅我。香酥蝦膠做底好彈牙。金邊粉唔可以唔食！燒雞好大件，上枱時好震撼我至愛就係醬汁令到我越食越多。潮爆炸鮮魷脆香野味，醬汁好多，好辣，邪惡之選。冰鍋原來係甜品，凍嘅邊爐我真係第一次食。入面材料有芋圓同唔同嘅水果，泰國風味加分。

行過天橋，比呢間既招牌同名吸引左，所以決定同友人決定係呢到食個LUNCH。環境好闊落，好好彩就算得2個人，佢地都安排左卡位比我地坐，不過可能都因為太闊落，侍應比較難應機。都算多菜式簡，不過為求快手食完去行街，簡簡單單叫左個碟頭飯黎食就算～泰式豬頸肉炒飯份量好大，豬頸肉係較厚身同切成方粒，都有嚼勁。另外，飯炒得都算乾身，不過感覺似食緊有鑊氣既炒飯～同埋個人比較鍾意薄切長形豬頸肉，而唔係厚粒。泰式雞肉炒金邊粉呢個金邊粉應該係我食左咁多次最港式既金邊粉。個味道係好似食緊平時茶餐廳既茄汁味既炒飯炒麵咁⋯⋯雖然佢有花生碎粒同青檸係伴碟，但其實就係港式炒河😅⋯⋯同埋佢用雞肉做主材料，感覺有d唔係好夾囉⋯⋯唯一可取之處，就係好大碟，平時大食如我都覺得好飽！西瓜沙冰我既最愛！味道正常，唔會話太甜。可惜係份量較少，唔夠喉石榴子冰本身以為係成杯都係石榴榨汁既果汁。但原來係椰汁冰加石榴孑配料。結論係普通椰汁冰，外加好似台式珍珠既飲品～如果可以再一次簡，應該唔會飲了～整體而言，如果行過想快手食個LUNCH黎飽肚，呢間係唔錯既選擇，因為份量夠大，但味道就一般吧。

早上落雨還很擔心，誰知到中午曬的不行。下午要去天水圍濕地公園，不知是好是壞。反正要到眾安街坐車，所以去亞萊嘜嘜食泰國菜。此店在樓梯上兩層，店面分兩邊，挺大的。服務員殷勤的幫忙安排坐位。午餐選擇很多，起初以為只有ABCDE，原來還有粉面飯餐牌。我們點了海南雞飯配黃飯，菠蘿雞粒炒飯和泰式豬頸肉配白飯，只有海南雞可以配黃飯。海南雞很滑，無得輸，配黃飯沒有很油，這個配搭很正。泰式豬頸肉烤的很香。菠蘿雞粒炒飯反而甜甜的，不知是不是葡萄乾的緣故。送的飯品要了熱咖啡和凍檸茶。

難得放假和朋友到荃灣shopping，經過千色店發現E間食泰式料理既餐廳~大約8:00pm，我們四人入到去,都唔使點等位，環境都唔錯幾整齊乾淨。然後我地點左5樣食物包括一個甜品和4杯飲品。首先我地點左個雜錦拼盤，e個拼盤幾適合一家大細食，完全唔辣既。D串串穿住紅椒青椒蕃茄菠蘿，好健康。米紙卷裏面有一大塊九層塔，中意食既朋友可以試下，我本人對九層塔既味道不太喜歡😅。然後就上左酥炸烏頭配青芒果沙律，e個食物唔係間間泰式餐廳都有，真係幾特別，食魚既同時配埋青芒果一齊食，食落都無咁有罪惡感😆第三個食物就係泰王香茅燒雞，一放上枱，夠曬氣勢，燒雞下面有辣椒、九層塔、香茅等，服務員會點火燒起下面既香料，煙燻上面隻雞。燒雞食落好滑，整得好食👍🏼，配埋特製醬汁😋😋個泰式潮爆炸鮮魷真係潮爆，D鮮魷串到幾高下，岩曬打卡，食落好香脆，下面有辣椒乾，九層塔乾，配埋個醬汁食（辣辣地），夠曬野味。最後去到甜品，裏面有紅肉火龍果肉，普通火龍果肉，西米，冰沙，芋圓，椰汁。夏天食真係好正。餐廳設有洗手間，整體黎講我地對e間餐廳都滿意，餐廳對面已經係巴士站，又近MTR,有時間一定會再黎過。

朋友岩岩搬左入荃灣，入去探佢見到附近有間泰菜評價唔錯就去左試下都幾有驚喜 估唔到小店都幾有心思呢個係香茅炸魷魚，擺盤都幾有誠意，醬汁係酸酸地好開胃魷魚炸到好脆，而係碟上嘅香茅同其他香料都係可以就咁食，第一次真係食香茅好特別香茅燒雞，當時係我地面前再點火燒，覺得都幾好有啲嘢睇下，雞肉好滑唔鞋另外醬汁都係酸酸甜甜，呢個醬係出邊比較少見但真係好好味，有鉸剪同埋手套俾我哋另外仲有濕紙巾都幾貼心最後呢個好似係新出嘅，有水果、泰國芋圓(第一次見) 同埋冰係入邊，真係好透心涼總括而言餐飯都幾滿意而且有驚喜，有機會會再嚟

自己本身是新界人，有聽過一間很有名的泰國菜，叫亞萊嘜嘜，但一直都沒有機會去試。這次剛巧去荃灣，總店在元朗，原來荃灣也有分店，於是做去試試這間是不是真的那麼高質。亞萊嘜嘜非常近千色店，在就近的一座大廈上。在門口已看見明顯花了心思的裝潢，以黃色為主題，感覺十分好，每次看到一些餐廳願意花心思在裝潢上，也覺得那間餐廳真棒。裡面的環境也夠寬敞的，每位客人也能確保自己能有足夠的空間。泰式飲品除了椰汁冰、椰青和三色冰等等的飲品外，其實還有一些店舖會自己設計新奇的種類，這間則有紅肉火龍果沙冰、火龍果沙冰和青檸沙冰。我和朋友也點了紅肉火龍果沙冰，現今市面也流行紅肉火龍果，比白肉火龍果更有營養，據說有抗氧化、抗發炎等等的功效。這杯紅肉火龍果的甜味充足，也吃到少許的紅火龍果肉和它的種子。喜歡海鮮的我們，當然要點一條魚，先點了一條酥炸烏頭，不要以為魚上面滿滿的是薑絲，其實是芒果絲，芒果絲香甜可口，想不到和烏頭這個組合也不會不搭。烏頭經過油炸，外層是有點脆卜卜的，裡面則是嫩滑的口感。小食拼盤在泰國餐廳想必也是必叫的，有米紙卷、蒸粉包、蝦餅和雜錦串燒，米紙卷有菜、蘿蔔等等，十分健康。蒸粉包裡面的是肥豬肉碎，鹹味足