影片
更多
2019-08-21
743 瀏覽
這家泰菜餐廳地點優越，位於荃灣港鐵站附近，好就腳，所以約人一齊來食飯，無人say no。今次是第二次來。趁夏天，餐廳推出了很多夏日特色食品和飲品，今晚可以挑戰下。【夏日雜錦拼盤】一大盤，色彩繽紛，奪目耀眼，吸睛指示極高，4款小食各具特色。蝦片好鬆脆，串燒好香口，充滿泰feel，米紙卷和蒸粉包明明係越式嘢，呢度將佢哋fusion 埋一齊，正! 最欣賞係佢啲皮很薄而且煙韌。飲品先要了一杯【火龍果沙冰】，食熱氣嘢嘛，緊係要整番杯打打底先啦! 好清甜呀!跟住食呢度嘅招牌菜【原隻泰王香茅燒雞】。本身佢已經烤到熟咗，上菜時，店員會將把香茅和香葉燒著，讓香氣燻去燒雞。火熄後，店員便會把燒雞拎去廚房斬件上。食落覺得雞皮又薄又脆，肉質嫩，鹹味夠，而且帶有香茅味。食泰菜，當然唔少得食咖喱，今晚點了【青咖喱雞】，配埋【蒜香包】一齊食。青咖喱是香不辣的，啱晒我哋呢啲怕辣嘅人。蒜香包好有特色，做到成條金磚，正所謂唔食得都睇得嘛。不過，老實講，佢係又睇得又食得，脆口之餘充滿香蒜味，點咖喱汁仲正!跟住食【泰式潮爆炸魷魚】。將啲炸魷魚楝起串，又幾特別喎! 椒鹽味好出，魷魚肉質彈牙。【冬陰公大蝦湯】香味好出，唔太辣，蝦
【夏日雜錦拼盤】
一大盤，色彩繽紛，奪目耀眼，吸睛指示極高，4款小食各具特色。蝦片好鬆脆，串燒好香口，充滿泰feel，米紙卷和蒸粉包明明係越式嘢，呢度將佢哋fusion 埋一齊，正! 最欣賞係佢啲皮很薄而且煙韌。飲品先要了一杯【火龍果沙冰】，食熱氣嘢嘛，緊係要整番杯打打底先啦! 好清甜呀!
跟住食呢度嘅招牌菜【原隻泰王香茅燒雞】。本身佢已經烤到熟咗，上菜時，店員會將把香茅和香葉燒著，讓香氣燻去燒雞。火熄後，店員便會把燒雞拎去廚房斬件上。食落覺得雞皮又薄又脆，肉質嫩，鹹味夠，而且帶有香茅味。
食泰菜，當然唔少得食咖喱，今晚點了【青咖喱雞】，配埋【蒜香包】一齊食。青咖喱是香不辣的，啱晒我哋呢啲怕辣嘅人。蒜香包好有特色，做到成條金磚，正所謂唔食得都睇得嘛。不過，老實講，佢係又睇得又食得，脆口之餘充滿香蒜味，點咖喱汁仲正!
跟住食【泰式潮爆炸魷魚】。將啲炸魷魚楝起串，又幾特別喎! 椒鹽味好出，魷魚肉質彈牙。
【冬陰公大蝦湯】香味好出，唔太辣，蝦肉仲好爽添。
不知不覺間【火龍果沙冰】飲完了，便來多個【青檸沙冰】，味道鹹鹹地似鹹柑桔味，好聚火。
有人想食 Phathai，所以就叫了一碟【泰式鮮蝦炒金邊粉】，賣相好靚，尤其是蛋漿整成網狀把金邊粉包住，好巧功夫。味道方面略嫌淡口，可能剛才吃了太多濃味嘢之故。不過，加些泰式魚露來食就無問題。
甜品時候到，【涼浸浸夏日冰鍋】出場。用個火鍋將紅、白火龍果等夏日良品裝住，好有諗頭。旁邊伴上冰粒和椰漿，可以按個人喜好，自整甜品，真係食到夏日涼浸浸。
張貼
