影片
以上資料只供參考, 請與餐廳確認詳情
口痕想食泰國菜🇹🇭點算好？亞萊泰菜除左食物質素幾高，價錢仲有抵食，性價比高🥰。—————————————————📍豬頸肉飯 (8/10)烤豬頸肉🐖燒得好香好好食，油脂部分燒得微焦香🔥，好有咬口，亦唔會覺得油膩。另外配油飯幾好食😋，望低好靚、好香雞油味👃🏻之餘，食落一d都唔油膩👍🏻。📍炸春卷 (6/10)春卷新鮮熱辣辣出爐🔥，外層炸到脆卜卜，裏面有粉絲、蘿蔔絲🥕、木耳絲等等。可惜炸得太耐，裏面d餡炸到乾曬。
繼續閱讀
呢間係元朗好出名嘅阿來泰菜，最近終於殺到黎旺角啦，陳人少少無人識就一於嚟食吓💛💛泰式豬手飯 $48豬手：好林好入味，皮肉比例啱啱好，中間仲有一層簿簿嘅肥膏，入口即溶，陪埋佢特製嘅醬汁，更加入味秘製醬汁：酸酸地甜甜地，撈埋豬手好好食，醒胃又惹味泰式奶茶 +$10另外不得不向大家推薦呢個泰式奶茶，所以叫咗飯之後要加成$10，但係佢絕對值得！ ！泰茶味重，奶茶比例啱啱好， 又唔會好似平時嘅咁得個甜字，好飲❗️❗️❗️
繼續閱讀
牛肉船河（$48）依碗牛肉船河我自己就覺得普普通通啦。味道，材料方面全部都差少少咁。湯底味唔夠濃郁，啲牛有啲筋咁。嗰份量叫咗攞返啲分咁，幾飽肚。但如果一碗以$48嘅船河嚟講，我覺得合格有餘嘅。炸魚餅（+$15）係幾好食嘅，但份量少咗啲咁。環境幾好，侍應服務態度又好。我覺得最好係佢location都幾方便，係啲大馬路附近。同埋唔算多人排隊。食過一兩次都係等一陣就有得入。所以我覺得算係趕時間時候/唔想食太貴嘅時候可以考慮嘅一間餐廳。
繼續閱讀
Lunch搭小巴經過見到呢間試業中嘅泰菜就嚟支持一下！我叫左牛肉船河，嚟到比佢嘅size嚇左一下，仲大碗過同事嘅泰式豬手飯！細細粒牛丸juicy彈牙，金邊粉吸收左湯汁甜甜地，通菜同芽菜好嫩好爽，而炸豬皮超脆增加左船河嘅口感~同事叫左泰式豬手飯賣相都唔錯，一望就知充滿骨膠原！泰式奶茶茶底同泰國一樣，但好特別咁走左甜，別有一番新體驗。我一向飲野都走甜所以覺得非常OK~以試業中餐廳嚟講佢午市嘅上菜速度、食物種類、質素、價錢各方都唔錯！好開心又多一個平、靚、正嘅lunch好地方！
繼續閱讀