亞越泰 (已結業)

去到石門其實餐廳都算多選擇，晚飯時間諗住去新陳根記懷緬一番，點知出面已經排左超過三十人，我地一行四人見都唔係好肚餓就過左隔離哩間唔知係越南定泰國野坐底叫少少醫肚算。餐廳晚飯時間都算多人，我地被安排坐於卡位都算坐得舒服。小食蒜蓉包，搽左少量蒜油，份量四小件。貌似餐湯送嘅法包多過我俾錢散叫既小食。香茅雞翼，份量算大，有大約八大隻，都夠熱夠香脆。香茅豬扒飯，煎蛋應該一早已經預備好夾落去，豬扒乾而不香口，唯有配上大量香蔥蒜提升味覺同口感。飯係熱既。蒜蓉炒芥蘭，賣相色澤ok, 亦夠熱同夠鑊氣，唯份量超少，我諗得十條八條菜。咖喱牛腩農夫包(小)，哩個竟然ok, 牛腩淰滑送你幾舊根，咖哩唔辣但都算幾香。細size一齊分享都夠食。總結晚餐黎講環境係有啲頹，似返工返學食lunch咁。其實哩種定位唔知係泰定越餐廳通常會中伏，不過佢又唔係難食的。只要記住佢係茶餐廳價錢，亦提供到茶餐廳質素，童叟無欺唔會有驚喜。

石門近年多了很多新食肆，每次去都總有選擇。今天發現了有家吃泰菜的便進去試試。大概下午一時的星期天 不用等位.我點了海南雞冬陰公湯粉，而友人點了泰式香辣雞煲和肉骨茶。泰式香辣雞煲沒有想像中的辣, 而且也沒有很熱騰騰. 有點失望.海南雞冬陰公湯粉 雞不太滑 但湯底也夠味 沒有驚喜肉骨茶表面上有一層厚厚的油 很有罪惡感  但是熱騰騰 味道也不錯吧總括來說,味道不過不失，以這個價錢來說可以吧但座位寬敞，坐得舒服。如果下次再來石門 可以試試別的

3pm 黎叫左個燒雞翼下午茶餐，仲可以配薯角、蒜蓉包、春卷、木瓜沙律、薯仔沙律等等。$34 包埋特飲（不過我要左檸檬茶）。不過味道其實一般。我叫左雞翼同蒜蓉包，我覺得雞翼唔夠味，蒜蓉包可以再落多啲蒜蓉。但係份量充足，女仔其實可以當午餐食。我平時喺附近做野，所以已經黎食過幾次，每次侍應都好有禮貌，仲可以用八達通俾錢。樓底夠高，坐得舒服，都可以嚟呢度傾野，好多位。會再番黎食。如果檯面可以放盒紙巾就更好了。

星期日來到食肆臨立的石門，原意是想幫襯經濟實惠的薩利亞，結果當然係排長龍四周遊逛下，發現呢間唔使等位，便決定一試單是看到Menu已好興奮，因為好多款菜式選擇我們一行五人點了四人套餐前菜、小食、炒菜、主食各可選兩樣，結果枱面擺了八碟食物，場面偉大我們的點菜如下越式春卷～夠香脆，熱辣辣泰式豬頸肉～略乾身，冇乜味道泰式炒雜菇～意外驚喜，幾惹味酸辣鳳爪～辣得過癮，比普遍泰式鳳爪辣肉碎生菜包～肉碎欠泰式風味，只有咸味，味道單調馬拉𦾟炒通菜～不夠味蝦膏海鮮炒飯～冇蝦膏味，但飯炒得尚算乾身咖喱牛腩大麫包～牛腩不夠淋，但咖喱味道可以，可惜麫包不熱的，包身亦淋晒唔脆總結～咁多嘢食再加四杯飲品，埋單420，都好抵食，但味道真係好一般

石門喺幾年間搖身一邊, 由以前有啲荒蕪feel到而家有學校, 有屋村, 有商廈, 仲有地鐵tim, 唔少得梗係多間食店相繼進駐吧. 無咩唸食咩就沿地鋪睇下邊間唔使等咁耐(太肚餓), 泰式越式lunch, Ok!•越式生牛肉, 喇沙湯, 金邊粉 (HKD48)$48有一個越式湯粉加一杯飲品都ok抵食. 粉仲有河粉, 檬粉, 米粉, 金邊粉揀. 店家用左好深嘅碗, 但第一間望到個碗會嚇一嚇以為做乜咁細碗. 半隻烚蛋, 豆卜, 好幾片牛肉, 喇沙湯有微辣, 金邊粉份量都唔少, 配喇沙湯底最夾.•檸檬🍋薏米水 (跟餐)味道唔甜嘅薏米水我覺得更健康wor!

兩個人真係唔知食乜好，行下行下，見到呢間食肆同時有越式同泰式，被佢的二人套餐吸引，$188有四款食物再加兩杯食品，分別係沙律，小食，蔬菜及主食各選一款，選擇都唔少，分量亦足夠，總有一款啱口味，我地揀左青木瓜金柚蝦沙律，泰式碳燒豬頸肉，馬拉盞炒通菜，蝦頭膏海鮮炒飯，沙律係我至愛，所以覺得好好味，豬頸肉同炒菜正常，炒飯炒得好，就略嫌唔夠味，但都唔難食，order左杯檸檬薏米水，可能只得一片檸檬，所以唔夠味，但就有好多薏米，總括而言，下次都可以再試其他款式食品。

一到這兒已是兩時多，不用等位，即刻有位坐。大堂的位子算多，每張檯都有瓶水和一支小草作裝飾。我們坐在bar檯的高檯位置我揀左個沙嗲牛腩炒公仔麵，沙嗲都偏鹹，但好香口，辣味適中，腩肉半肥瘦吧，但我不太愛吃肥肉，哈哈。跟餐有杯野飲，我選擇了涷薏米檸檬水，都幾好飲，又唔甜，薏米又多、都幾足料。可能地理位置唔屬於石門的商場裡面，所以環境都算悠靜。三十幾蚊一個下午茶餐，都算幾抵食，份量岩岩好又算好食，杯野飲又健康，加分！

新裝修環境ok 晚飯試下 叫咗個咖哩牛腩飯 味道普通 跟嘅煎餅有油益味 再叫一個泰式木桶雞套餐 上枱時桶內有中雞翼 還有很多碎過碎屍案嘅雞件 似收檔垃圾 難明怎可上枱 結帳時 投訴 跟住 木桶雞 冇收錢

家住石門，附近開咗好多新餐廳。上次食早餐覺得嚟間嘢ok 又唔貴，今次試下下午茶，點知賴咗野。。。點咗生牛肉河粉，干炒牛河，豬骨湯出前一丁。生牛肉河粉一d味都冇，俾埋d碎牛肉，干炒牛河超咸，豬骨湯出前一丁咸到媽都唔認得，包味精粉又帮你落埋，冇得自己選擇落唔落。越南咖啡一啲咖啡味都冇，衰過即冲，薏米水竟然有啲咖啡粉係上面，搞咩？服務質素就一般，價錢ok可接受。總括嚟講，今次下午茶係中伏，遲d再試下睇下有冇改善。

間中走去石門開飯, 而家多左好多唔同選擇, 初期只有無限LOOP既茶餐廳, 到後來多左好多唔同國家既食店, 例如早一排去左間食越南併泰國食店, 地方好大, 過左LUNCHHOUR人都有唔少食物選擇都幾多, 而且價錢都好平民, 唔會因為係新商場而收費特別高朋友既越式香茅雞扒飯, 味道正常, 可能唔夠熱既關係, 香口就差少少我既海鮮喇沙湯米粉, 呢個就有D失望, 雖然味道可以接受, 不過食喇沙當然喜歡香口濃味, 呢個既水準仲差少少, 希望下次有機會再黎會有進步啦.

石門呢間亞越泰開嘅位置比較隱蔽, 開左咁耐我今日先發現佢, 真係吾好意思.雖然係假日 Lunch 時間, 但吾係好多人. 既然有位, 咁就試下新嘢啦.裡面環境都 OK 好坐, 簡約裝修, 比茶餐廳乾淨, 無油煙味.LUNCH SET 都算多選擇, 平均 $48-58包嘢飲, 無加一, 吾平但又吾算話太貴.天氣咁熱想食碗撈檬, 經理介紹左越南什錦撈檬俾我.嗯 ... 嚟到都有少少失望... 得4件餸 … 無咩蔥油, 芯生碎 ( 呢D配料應該好平啫 ) ... ... ...味道吾太差嘅, 不過咁少餸要就住就住, 真係吾過隱, 食食下都無咩心機, 齋檬 下次 ... 吾知呢 ... 如果有下次, 希望佢可以有進步. 

我當日係食下午茶 下午茶黎講佢都真係算多選擇既 以我呢碗粉為例 可以自選餸+粉+湯底 我揀左香茅雞翼米粉配喇沙湯 送杯熱檸檬薏米水 本身行到入去諗住坐卡位 半個pat pat坐左落去都俾個侍應嬸嬸喝住我叫我起翻身 要我坐番本身一入黎個個位 不過去得茶餐廳都冇期望好態度 之後無論我地好有禮貌咁嗌野食定問佢乜乜餐仲有冇 果位阿嬸都冇諗停低佢既腳步回應我地 餐黎到既時候佢係pat落張枱 心諗張枱都會痛ignore呢間野啲待應嬸嬸態度惡劣 我地講返間餐廳食物既本質 個喇沙湯咸到一個點 香茅雞翼炸左都浸到林哂 有兩隻雞翼 米粉係碎濕濕 真係要感謝佢提供匙羹 如果唔係都唔知點夾起黎食 杯檸檬薏米水啲薏米都未煮熟透 我情願飲熱檸檬水算 結論係石門咁多選擇 唔會再去

放假口痕痕，去左食下午茶。見呢間有 「Hi Tea」，選擇多價錢合理，就入左。裡面冇乜人，裝修新淨，似新開噃。茶餐有ABCDE，仲可以六揀一，即係有成30個選擇，太誇張了罷 😮我地叫左燒雞翼餐，有雞全翼兩隻，木瓜沙律，仲有杯維他奶紅豆冰，都係33蚊咋。雞翼唔係 jumbo size, 但絕對對得起個價錢，木瓜沙律很有驚喜，好味過好多泰菜餐果D。 另外叫咗個 C 餐，揀左魚餅配薯角，配左鹹檸七清下啲熱氣，整體都唔錯熱辣好味。食得出用靚薯仔，不是流野。反而魚餅偏甜，唔夠惹味。最後係越式生牛河，配左凍檸檬薏米水。下午茶來講都幾大碗，牛肉靚湯底正，河粉唔算幼滑，不過仲有蘿蔔。埋單都唔使百二蚊，即係平均每人三十幾。有卡位坐，環境清幽，唔錯，會回頭。

石門又開了新店! 今天來試一下泰國風味~ 由於是剛新開了不久, 很多人在排隊, 我們等了差不多15MIN 才有位. 餐廳裝潢簡單, 坐位有點迫, 坐得有點不太舒服~餐牌食物選擇還算OK, 有飯, 米粉, 金邊粉, 還有泡飯. 今天我選了”越南平順扎肉清湯粉”, 料也算是多, 扎肉切成條狀, 還配有很多洋蔥, 味道還可以.檸檬薏米水有清熱及去水腫的功效, 所以今天就點了這個, 不單是因為功效, 而且平常比較少飲到. 同事點了”泰式原隻鹵水豬脾飯”, 雖然很大隻, 但同事說它的肉比較實的的..不太好吃.

今日係中伏大日子，午餐伏完後夜晚繼續伏。見到全店滿座，不用考慮，入去一試。入到去叫左2人餐，有野飲無加一。價值188。環境不錯，夠光猛，新裝修關係菜式如下:1. 鹹魚炒芥蘭: 芥蘭超老，可以勉強食完。2. 酸辣生菜包:酸辣食唔到，淨係食到甜味，肉質口感奇幻，無從入口。隨生菜附送一堆沙。3. 越式春卷:正常4. 咖喱雞農夫包: 雞扒切件，加入咖哩，洋蔥？，完成✅。檸檬薏仁水: 可以入口。走時候見好多枱都食剩野。總結:我知錯了，無下次。