亞越泰 (已結業)

放假口痕痕，去左食下午茶。見呢間有 「Hi Tea」，選擇多價錢合理，就入左。裡面冇乜人，裝修新淨，似新開噃。茶餐有ABCDE，仲可以六揀一，即係有成30個選擇，太誇張了罷 😮我地叫左燒雞翼餐，有雞全翼兩隻，木瓜沙律，仲有杯維他奶紅豆冰，都係33蚊咋。雞翼唔係 jumbo size, 但絕對對得起個價錢，木瓜沙律很有驚喜，好味過好多泰菜餐果D。 另外叫咗個 C 餐，揀左魚餅配薯角，配左鹹檸七清下啲熱氣，整體都唔錯熱辣好味。食得出用靚薯仔，不是流野。反而魚餅偏甜，唔夠惹味。最後係越式生牛河，配左凍檸檬薏米水。下午茶來講都幾大碗，牛肉靚湯底正，河粉唔算幼滑，不過仲有蘿蔔。埋單都唔使百二蚊，即係平均每人三十幾。有卡位坐，環境清幽，唔錯，會回頭。