亞金南洋茶室 (黃大仙中心南館)

營業中

休息中

經過見有叻沙食就入去試吓，嚟到叫咗個招牌海鮮叻沙下午茶，中辣，賣相還可以，但是湯完全冇味，淡如清水，豆卜魚蛋應該是清水煮完放落湯。另外點了炒貴刁，臘腸簡直一食就吐出來，一向講哂，超級難食，非常失望。

上同事屋企探初生BB,唔想打擾太耐所以沒有留下晚飯，走的時候決定跟大隊在附近吃個晚飯再回家。已經很久沒有踏足黃大仙中心，翻新過而且多了很多食店。忽然發現一間馬來西亞餐廳，已經有差唔多4年冇去馬來西亞旅行，好掛住馬拉美食，一於就決定今晚好好回味一下。凍即磨白咖啡白咖啡香濃可口，入口順滑。桔仔水桔仔水入口酸咪咪，非常醒胃，果肉豐富，味道清新。亞金招牌無骨海南雞叻沙（滲滲）無骨海南雞雞肉軟綿，而且無骨啖啖肉方便進食，叻沙湯底椰香味俱全，滲滲即是油麵+米粉，馬拉正宗食法，入口可以同時食到油麵的香滑與米粉的米香味，令人一試難忘。古仔路肉骨茶(細渗）肉骨茶材料豐富，包括有豬手、雞腳、一字骨、豬肚、腩肉等等，再配上油條白飯，先飲一啖湯底，藥材味濃郁芳香，豬手外皮QQ爽彈，肉質軟嫩，一字骨肉味香濃，雞腳入口已經骨肉分離，外皮滑溜。炸蝦餅即叫即炸，入口熱辣辣，蝦味濃郁，香口惹味。玻璃魷魚通菜魷魚厚肉爽口，秘製辣醬有少少辣，不過非常惹味，通菜翠綠新鮮。星加坡摩摩喳喳紅豆、芋圓、涼粉加入少許花奶，味道不算太甜，紅豆香甜軟淋，芋圓口感粉嫩，涼粉爽彈，整體不錯喔！

幾乎每個星期都會同啲同事幫襯，食開都覺得OK，今日轉左Menu，好食嘅食物唔見晒（例如海南雞滲滲），取而代之都係啲好難食嘅食物！豬頸肉冬陰功米線$62啲豬頸肉唔熟嘅，有幾嚿咬唔開，重點d肉係冇味嘅。然後冬陰功湯底係冇冬陰功味，一味得酸味，一啲冬陰功嘅味道都冇，徹底就係劣食。亞金無骨海南雞配南洋蕃茄米粉$68海南雞同平時一樣水平，正常發揮，但係呢個湯底真係出事，好淡的，蕃茄味一啲都唔濃郁，強烈建議轉返之前嗰個喇沙湯底，如果唔係咁樣嘅組合真係食唔落。泰式香葉辣肉碎煎蛋飯$58成碟野好乾，都係唔好食。招牌海南雞油飯+大蝦喇沙+黑白配$75呢個係新出嘅套餐睇落好豐富，海南雞飯一碗上面得三舊雞，分量比較少。大蝦喇沙味道都可以，但係黑白配啲碗糖水真係唔多掂，啲紅豆好硬。整體來講，食物質素嚴重下降，新Menu真係好鬼差，希望睇到呢個comment之後會有所改善，仲係呢個Menu嘅話我諗就唔會再食了。另外員工態度都好好，同佢反映咗食物嘅味道，佢哋都有認真回應，不過Menu嘅嘢佢哋應該話唔到事。

某一間天在附近辦一點事情，剛好時間是上午11點正不是一個繁忙時間。想找一間餐廳可以舒服地吃一個午餐，剛巧看見這餐廳坐位很多，這時候食客也不算多所以就嘗試這餐廳。但非常可惜，店員偏偏安排我坐在左右旁邊都是食客的走廊位。那時候我坐另一邊，但店員說不要坐，會妨礙他們工作。我那時候非常不滿，為什麼知道會妨礙他們工作，但仍要安排我坐非常擠迫的位置。但我見有其他坐位都是空空的，之後我要求，坐另一個坐位。之後點了一個海南雞喇沙麵，海南雞非常'鞋' 同乾， 豉油都只係非常普通的生抽一樣，喇沙湯味道淡。如果用這一個價錢食和享受非常不值得。不再會光顧餐廳。寧願食附近的譚仔 。😡👎👎👎👎👎

我好鍾意食👉亞參叻沙不過係香港食每次都失望，呢間叫做唔錯了，至少材料足，係味道還是爭啲。它欠缺亞參的靈魂：酸辣，也欠缺湯中特有的魚腥味。餸方面有沙甸魚，菠蘿粒、魚角、蟹柳和豆卜，下午茶$45，ok啦。另外叫了👉檳城炒貴刁，下午茶$48，又係ok啦。味道調得唔錯，唔算多油，而且都幾大碟。下午茶跟熱飲，用煉奶沖的南洋奶茶無乜特別，唔叫少甜的話真係好甜。叫走甜的話又完全唔覺加了煉奶。餐廳都幾闊落，坐得舒服。

今次就試下哩間馬來西亞餐廳早餐 裝潢ok坐得舒服 難得有BB凳 係加分嘅 適合一家大細 一睇menu 見到馬咖央牛油多士 唔係唔試試佢 雖然跟一個冇餸嘅茄通 多士來到熱辣辣係好味道 用新鮮兩個字形容 有啲似食緊香港嘅菠蘿油 牛油係冇慳嘅大家睇相就會知道 一啖多士一啖凍奶茶 係正嘅 所以都明白點解跟個齋茄通 茄通唔駛講啦 睇顏色答到哂大家嘅問題 今日主角係牛油咖央多士 碗野🤦🏻‍♂️🤦🏻‍♂️算把啦 價錢同一般早餐相約 大家可以一試個多士

🖐✌✊選食什麼，在黃大仙中心南館，左挑右選，最終選了吃南洋款式的晚餐，望進店內整潔衛生，座位舒適。 潮流興用手機掃QR code點餐，這間都採用，見有些客人不太懂的話，侍應都會用人手下單，自已落單又得，揾人幫手又得，有得比你揀😀。 我用手機點了兩個餐加小食，加碟菜，再用半價就可以飲特別飲品，夠啦夠啦☺! 肉骨茶(細滲)配白飯油條($78)南洋菜式，我熟悉的肉骨茶，有肉排，油條，香濃藥膳湯底，加入白飯食，似湯飯易入口。這裡的材料更豐富，除有一字排外，還有豬手，腩肉，雞腳及豬肚，豆腐卜。這麽多款真可以滿足貪吃的我。😋星洲胡椒浸豬手配白飯($82)獨特的胡椒香味被軟腍豬手完全吸收了，豬手充滿骨膠原，肉質夠腍。見身體近來濕氣重 ，胡椒湯袪濕，飲完成身舒服曬 。✌✌✌每個套餐可加一款小食，我們分別加了一碗南洋魚丸湯(6粒)及一碟油酥餅，各款$15。蒜蓉炒通菜($52)， 舖滿炸香蒜蓉片，食落更加香口。飲品方面，芒果沙冰及青檸梳打🍹，各具各特色!我倆帶著了滿足結賬離開!

朋友想吃東南亞食物，我介紹佢有間出名又好味的餐廳。喜歡吃它的招牌菜價錢又合理。點了凍檸檬薏米水和芒果沙冰，前者有美白去濕功效又醒胃而芒果沙冰好像吃著啖啖芒果肉，很滿足啊！招牌叻沙湯底味濃幼滑好惹味，兩隻大蝦很新鮮，鴛鴦粉係米粉加油麵另口感提升，而豆卜滲滿椰香湯汁真開胃。肉骨茶（細滲）配白飯及油條這個也是招牌菜，肉骨茶很足料藥材味濃豬手和排骨煲得很腍身，啖啖都是精華配埋白飯真是絕配。追加小食 炸蝦餅 玻璃魷魚通菜炸蝦餅即叫即炸很香脆，蝦餅夠彈牙而魷魚通菜同樣出色，醬汁很惹味。

因為隔離三哥太多人，諗住試下呢間，叫左一個叻沙同一個海南雞飯，加配香茅豬排。個叻沙都唔錯，湯底有濃濃既蝦味，配料都好足。香茅豬排無香茅味，同埋啲葱油鹹左啲，不過都算係正常豬排味。個海南雞飯就真心唔得，個飯硬到督唔開咁滯，一放入口，嘩!乜咁鹹架!再試下個雞先，食左好似無食咁，完全無味，點下個辣醬，都係無味，真係大伏，要一路食一路用湯送先食得完。後來見第二枱個海南雞飯跟白飯，可能啲員工知道個飯衰左。唔係好敢再食呢間。

馬來西亞菜喺香港較少機會食過，今次去黃大仙就係為咗佢去食。餐廳裝修精美，相信店主用足心機，座位可大約坐三四十人，即使人多時不需等太久。先點了一份下午茶的印尼炒飯，炒飯使用甜醬油炒成，配料有雞肉，紅蘿蔔，青豆等等既可增加咬口，亦可增強鮮味，是傳統的印尼炒飯配料。旁邊亦附上一隻太陽蛋及雞肉串燒，當蛋汁溶化於炒飯中，化成另一種香味，是另一種的食法。然後是玻璃魷魚炒通菜，一款傳統的印度菜式，魷魚炒通菜帶有微微的的香辣，相當開胃,再加上通菜的爽脆，可以轉一轉口味。加上其他食物埋單人均約一百元左右，有此等質素很化算。

滲滲即是油麵+幼米粉，口感好特別。海南雞滲滲個湯底有少少辣，椰汁味香濃，非常惹味！雞肉嫩滑無乜骨，仲要配搭三種唔同嘅醬汁，雖然價錢都係有啲貴要70幾蚊，不過都係一個好好嘅選擇！

今日過左黃大仙食下午茶,見佢門面裝修幾好,所以入去試下,首先入到去佢安排位俾我坐,但完全無開冷氣唔知想點...跟住問佢有無得掉位, 又話無...但附近都仲有好多位剩無人坐...第一個觀感已經好差...之後叫左個海南雞飯, 咖映多, 南洋奶茶...海南雞飯唔錯, 雞肉滑溜, 油飯味濃,咖映多就無乜咖映味, 唔似星加坡食果D...而且好大舊牛油喺入面,我自己本身就麻麻地好牛油...至於以下呢杯南洋奶茶不得不介紹...我見佢本野講就用煉奶...點知同普通奶茶無分別...我都唔知加錢為乜...仲要比好多茶記沖得差...講真對一個奶茶痴黎講好失望!!講真真係唔會翻食... 完!!

味道一搬，茶餐廳比較更好味，大碟價錢算合理，蝦餅幾好食，不會再來，流水工作，白飯第一時間到，餸15分鐘到，芒果特飲難飲，酸味的混合溝。奶茶一搬，環境好座，有烏英。個別職員態度夠專業，更甚茶餐廳。我還是去茶餐廳。

放左工8點幾返到黃大仙中心諗住耐無食呢間就幫襯下，門口見佢大大個廣告牌海南雞飯配例湯$39所以就揀左買外賣返屋企一人晚餐！當俾錢果時要加多2蚊外賣盒！等緊拎餐期間發現入面客人水靜河飛，而隔離幾間餐廳都坐爆人仲要等位！自己叫完都有點心知不妙既感覺！等左十分鐘左右就取餐啦，回到家滿心期待的打開飯盒，賣相已經一般般！例湯係冬瓜湯味道尚可，但海南雞的雞完全不新鮮而且油飯口感很爛又過鹹！曾幾何時呢間係我幾鍾意既餐廳，但唔知係咪轉左員工班底？無論味道同服務都大不如前，令人失望！

無意中經過見到睇見佢嘅裝修，佈局好多馬來西亞風情就想一試今次2幾點黎到，試到佢嘅下午茶！ 見佢寫住係輕怡版，心諗會唔會唔夠飽呢？ 因為我都幾肚餓下😂😂叫咗個招牌喇沙試試湯底：濃郁， 相對比傑身， 濃香椰子味，唔係好辣，唔係咁食得辣嘅朋友都會岩！ 面： 米粉同油面係分別各半咁擺，無預先拌好，有d 失望，因為食摻摻就係想同時食到2 種面質。 講返面質， 米粉是類似粉絲質地嘅米粉，無咁林同碎，我幾鍾意！而油面煮到岩岩好，唔會太林身配料：有豆卜，魚片，蟹柳,魷魚，蛋，蝦。 蝦，隻蝦好彈牙，好食🤤 唔係急凍死蝦豆卜，浸滿湯汁，好難唔好食🤣蛋，如果係溏心蛋嘅話會開心好多🤭魷魚， 就失望左d 啦，佢無咩味咁，好彩個湯配住一齊食...如果淨食佢都幾無癮...之後飲品，我揀左 檸檬薏米水， 好飲😍鍾意佢唔係咁甜，仲要有好多薏米，薏米好有咬口，唔係煲到化晒又林patpat 咁🤣雖然佢係話輕怡， 但我咁大食嘅肥鯨魚都食得飽飽又滿足值得推廌比大家食🤩