亞金叻沙 (鯉魚門廣場)

營業中

休息中

甚少去油塘 上咗OP睇過佢食評幾好就揀咗呢間做午餐用QR order 我覺得幾方便又唔使煩到侍應 又可以減少落錯單嘅機會張單直入廚房我叫嘅海南雞勁快上枱但係一上枱見到碟雞就。。心情差咗你會見到成碟雞 皮多個肉這間店 好多食客都叫海南雞所以侍應拎海南雞set比其他客人嘅時候我不期然都會望兩眼真心覺得我碟雞唔掂總係覺得隔離飯香 人哋碟雞多肉d算喇 照食 之後再望真啲 人哋嗰碟係有青瓜蕃茄我就同老公講 我呢碟真係好差老公就叫咗個侍應嚟我係咁話 唔使喇唔使喇侍應就嚟咗啦我反映冇青瓜同蕃茄 俾埋相佢睇我話你同廚房反映返就得啦佢話換碟新俾我我係咁話唔使 因為當時已經食咗一半雞我只係同佢講 反映返比廚房就得啦白衫男人 佢就離開咗唔知係經理定主任(白衫男人)佢轉頭就攞咗 新嘅比我😳😳同埋佢話同廚房反映咗我即刻加返分比呢間亞金所以我食到勁飽 都要食埋佢老公叫咗個小辣湯底 我覺得已經夠味椰味都重 老公反映米線偏冧總括來講 CP值一般但服務分我比爆燈順帶一提 佢哋而家做緊promo用Alipay比錢 滿100就-15Le餐咁就平咗$15🤩

#無骨海南雞配地道叻沙 （轉雞髀）💰82麵底揀咗滲滲，麵既份量好多，湯底係偏向奶味啲，麵吸曬湯既精華，幾好食。雞係滑身，仲有三款醬料提供。#玻璃魷魚通菜 💰38 呢個勁惹味好好食，水魷一啲都唔硬，好易咬開，絕對要試吓。#泰式燒豬頸肉 配白飯 💰88 豬頸肉份量都幾多片，切到係薄身，燒到唔會過乾，岩岩好！#星加坡摩摩喳喳 💰35 估唔到呢間都會有糖水食，價錢都要好平民，飯後真係好需要甜品！呢碗糖水都好足料！飲品方面就叫咗（跟餐）芒果沙杯💰16 ，係好大杯，有少少甜。另一樣當然要試吓佢哋出名既南洋奶茶 （跟餐）💰3，唔會過甜，茶味岩岩好。

今日特登出嚟食早餐，見大店排哂隊，所以去咗另一邊商場，見到亞金，裝修唔錯又有位，所以試一試。入坐卡位，稍為睇吓餐牌，原來都好多嘢食喎，種類都好廣範，竟然有白粥，腸粉，又有大眾化的茶餐選擇，亦有叻沙，咖映多，唯一冇係歐式早餐。但對我而言，足夠有餘。最後點了扎肉雞絲通粉，火腿煎蛋配餐包；另外點了沙嗲牛肉麵，同樣配火腿煎蛋配餐包。通常是餐包先上，但今次係粉麵上，扎肉雞絲通好味，湯底唔錯，有味但不太重味精。沙嗲牛肉麵來的沙嗲牛肉，食得出有沙茶味，分量略嫌細份。之後再有雞蛋火腿餐包；可惜只上了一個，另一個應該是留了單，要吹了兩次先至出到，這點要扣分！整體而言，選擇多有驚喜，味道唔錯，只可惜出菜混亂。可以再試。

收工去做gym前🏋🏻‍♀️搵地方食咗飯先如果唔係邊有力做運動😂😅去咗附件鯉魚門廣場食見呢間有位唔洗等，就一於試吓佢我哋叫咗海南雞飯同肉骨茶海南雞飯🐤都ok, 都算滑，但個油飯就好似煮太淋肉骨茶味道ok, 係肉有啲鞋

疫情咁耐都無出去旅遊，特別掛住東南亞菜，所以成日都心思思想食星加波，泰國野。襯去完東龍島，我地就去左大本型食阿金叻沙，由於價錢豐儉由人，所以我哋嗌到好似放題咁食，首先嗌咗個海鮮喇沙，海鮮分量十分多，而且湯底非常濃郁，食埋啲餸食完個麵仲想飲埋d湯。另外嗌左一個扎肉雞絲河，因為老公話想食清清地，雞絲係雞脾肉黎嘅，而且湯底亦都好香甜，最有驚喜係有一個煉奶夾肉鬆薄餅，雖然三樣都好簡單，但夾埋一齊食原來真係不平凡，係一個好好嘅小吃之選，另外我哋都嗌左個煲健康菜，上邊有餅味辣魷魚壓扁撈埋啲辣醬，雖然朋友唔食辣，但係都可以接受到呢個難度， （真係一餐大件夾抵食嘅晚餐。

今晚和友人到油塘附近晚飯，見到呢間裝修幾別緻嘅餐廳，就入去試試。打開餐牌一睇，價錢都非常大眾化，每碟嘅份量都非常足，物超所值。鍾意share 野食所以叫左好多小食，樣樣都試下，肉鬆煉奶油酥餅，鹹鹹地又甜甜地嘅配搭真係食到上癮。炸蝦餅真係即叫即炸，上檯嘅時候仲熱辣辣，咬上去的時候脆卜卜，入面都很彈牙。青瓜手撕雞呢個開胃又清新，而且手撕雞味道好入味，食到d 雞肉非常新鮮。雞肉串燒和泰式甜酸魚柳都冇令我失望，仲有小驚喜，由於自己比較注重醬汁，所以呢兩道菜的醬汁調製都令我有驚喜。泰式香葉肉碎生菜包的辣味適中，比起之前食開嘅肉碎味道更濃郁。層次更豐富

住在油塘的同事榮升爸爸，同事們紛紛祝賀送上禮物，但因疫情關係，不容太多人去探望，就由我和另一同事做代表去探望，之後一齊去咗附近商場食嘢，入咗亞金叻沙食馬來西亞菜，同事話呢間好味又抵食，值得試吓！入座後就用QR code落單，環保又方便！金黃色的炸蝦餅，外層酥脆，內面蝦餅彈牙。炸春卷香脆可口，點些酸甜醬更美味。招牌叻沙： 叻沙在馬來語中指的是咖哩麵，濃厚的蝦香湯頭配上惹味芳郁的香料，當中散發出陣陣椰醬香甜及辣味。濃厚得來又會過膩，配料如蝦、魚片、魷魚、豆卜、雞蛋等都好新鮮，配上滲滲，滲滲意思是兩溝，兩種不同的麵條混在一起食，是星馬地道的食法，通常是油麵溝米粉一起食，不同的口感掛上濃郁的叻沙湯底，真的美味無窮！招牌亞金無骨海南雞配油飯，雞都去晒骨，肉質嫩滑，雞味濃郁，配上秘製嘅三色醬一齊食啦，咁至夠滋味。油飯油香十足，味道唔錯！冬瓜湯亦好清甜。特飲椰香沙冰，清爽椰汁配上椰肉一起打成沙冰，細膩綿滑，入口即化！椰汁紅豆冰，奶味香濃，紅豆林甜。南洋魚丸湯，魚丸係用新鮮魚打成，除咗彈牙重有鮮甜味，湯底亦清甜可口。脆皮豆腐，即叫即做，熱辣辣嘅豆腐超嫩滑，小心會燙到嘴啊！星加坡摩摩喳喳，材料豐富，有香

去到油塘探朋友，隨後就到了樓下的大型商場吃晚飯，商場內有各式各樣食店，而我們就選了一間主打東南亞菜的餐廳。咖哩牛腩飯配玻璃魷魚通菜，咖哩的調味和濃度恰到好處，椰汁味香濃，而且牛腩的肉質頗有口感，相當不錯。這款套餐加配了玻璃魷魚通菜，魷魚質地彈牙，而通菜也新鮮爽脆，非常值得加配。越式香茅豬扒配地道喇沙，香茅豬扒炸得金黃，肉質鬆軟嫩滑，喇沙湯底的面是米粉，有油豆腐、芽菜等配菜，喇沙湯底味道香辣濃郁，椰汁味香濃。朋友點了海鮮炒飯，出乎意料之外的美味，材料加入蝦仁、鮮魷魚筒、蟹柳等，米飯炒得粒粒乾身，絕不油膩，上碟之后灑上豬肉鬆、提子乾，不但賣相好，也增添了不同的風味。鮮牛油咖央多士，多士切開為四小件，面包金黃香脆，烤得不錯，多士塗上一層咖央醬，微甜而帶有椰香，並夾著一塊厚切而半溶化的牛油，是極度邪惡的小食。椰汁紅豆冰，紅豆棉滑有口感，椰汁味香濃，入口冰涼，是相當消暑的夏日凍飲。

現在呢個疫情去唔到旅行，又想食叻沙麵就想到亞金叻沙呢間餐廳。選左個二人餐。香茅雞翼拼豬扒，香茅雞翼炸到外層皮脆肉嫩，又有肉汁。豬扒又炸到好香口肉又嫩。白灼時蔬選左通菜，通菜灼到有味道又唔老又碧綠好美味。招牌叻沙有一隻龍蝦，魷魚，豆卜，雞蛋，蟹柳。招牌叻沙龍蝦大大隻又爽彈鮮甜，魷魚又爽，蟹柳鮮甜，豆卜又入味，麵油麵加米粉兩種撈埋一起食又幾正，最重要是湯底正，湯底濃郁又唔會辣仲有椰香，全部材料都吸左叻沙湯的精華白玉仙草有椰果，龍眼肉，涼粉又唔會太甜👍星加坡摩摩喳喳有香芋丸，蕃薯丸煙煙韌韌有咬口，仲有紅豆和涼粉。桔仔冰酸酸甜甜幾開胃。椰香沙冰香濃椰汁。

今日同朋友三個人去咗亞金叻沙到食晚飯，食物唔單止分量多，而且價錢一啲都唔貴，還有熱心的侍應招待👍🏻👍🏻👍🏻！招牌亞金無骨海南雞飯海南雞無骨已經夠吸引，雞肉肉質滑嫰，再加埋惹味嘅三色醬，非常醒胃，而且配埋油飯，誠意十足！芭堤雅海鮮炒飯雖然賣相好似平平無奇，但其實味道十分好吃！炒飯配有多種海鮮，例如鮮蝦、蜆肉、魷魚等，食落口感有唔同層次，朋友大贊！👍🏻小食叫左幾款，包括：炸蝦餅、香茅雞翼、咖央多士、炸春卷。炸春卷是以素菜作餡料，適合素食人士。而香茅雞翼非常香脆。重點推介（一）：炸蝦餅炸蝦餅夠脆口夠彈牙，難怪侍應會推介給我們。重點推介（二）：咖央多士多士加入香軟幼滑的咖央，另外，厚切的牛油夾在熱烘烘的麵包，其半融狀態已經令人垂涎三尺🤤！整體而言，上菜上得快，食物美味，環境又坐得舒服，亦都冇趕客嘅現象，所以令我們都很滿意。

跟友人都是貪吃的人，今晚食得高興盡情，叫了不少又香脆又香口的款式，豪無顧慮地食食食， 一個字「爽」! 海南雞喇沙滲滲無骨的海南雞方便進食， 喇沙湯底椰汁味濃帶少許辣，粉絲加油麵兩種口味叫滲滲，味道層次有變化。玻璃魷魚通菜少少辣的爽口彈牙魷魚配爽脆通菜，好有咬口。肉臊煉奶油酥餅薄薄的奶油酥餅煙煙靭靭，面層的甜甜煉奶及內層微鹹的肉鬆加埋味道非常夾 ，一食難忘！魚丸湯彈牙的魚丸， 比想像中好食， 超喜歡， 加配只需$15，仲有6粒，都相當抵食呀!蝦多士大大件，入口香脆， 喜歡食香口食物，就不容錯過。咖央多士上枱要即食，以免影響口感，幼滑的咖央醬係馬來西亞出名的食品， 多數配多士，再夾上厚厚牛油，😆肥一次咁多啦!榴槤波波內層榴槤飄香，軟綿綿，外層炸得脆卜卜， 非常香口， 喜歡食榴槤的人，必食之選。芒果沙冰飲一口， 涼透心， 天時暑熱解暑一流，滿瀉的芒果蓉，香甜可口。一口氣食這麽多，真的非常放肆，只要多跑步就能抵消喔， 我一定要做得到💪！

#星馬eatcovery💡新開星馬小店小編今次黎到油塘，就試左間新開無幾耐既馬來西亞茶--亞金叻沙。🍽 香茅豬扒湯檬粉 $38雖然係下午茶時間，但係豬扒份量都唔少，最抵讚係豬扒即炸，上台仲係熱騰騰，而且炸得岩岩好，食落去有咬口。檬粉就比較清淡，湯底就淡左小小，所以小編加左小小辣椒醬豐富下味道。🍽南洋奶茶 (跟餐凍飲加$3)奶茶有別於出面茶餐廳，茶味偏清香，唔係淨係得濃茶味，飲落更口味！ps/小編覺得住座位坐得舒服，裝修都幾別緻，而且下午茶時間真心幾抵食。☺️

有時候吃得多茶餐廳可能會有點悶, 但太貴的餐廳又不能經常去光顧, 於是這間價廉物美吃馬來西亞菜的亞金叻沙便成為了我的選擇。招牌亞金無骨海南雞 配 油飯來到亞金, 當然要吃它的招牌菜亞金無骨海南雞配油飯, 雞肉嫩滑清甜, 配上標準的三色醬料, 非常惹味, 而且無骨的最適合我這些懶人吃, 油飯的香味十足, 不會令人覺得油膩。咖哩牛腩飯朋友最愛吃的是咖哩牛腩飯, 到任何餐廳也會點這款碟頭飯, 咖喱香味濃郁帶點椰香, 牛腩份量十足絕不呃秤, 而且炆得很稔很入味, 令肉質嫩滑無比, 咖哩令薯仔的味道更上一層樓。炸蝦餅這碟炸蝦餅是正餐可以加配的小食, 蝦餅炸至極為吸睛的金黃色, 香氣四射令人垂涎, 咬落香脆無比, 蝦餅裡的鮮蝦肉豐富, 爽口彈牙。南洋魚丸湯另一款加配的是這碗魚丸湯, 清甜的湯底煮出這些爽滑彈牙的魚丸, 令魚丸的鮮甜味得以發揮出來。皮蛋豆腐朋友說很久沒吃過這道前菜, 沒有多大的驚喜, 是一般的質素。馬拉盞炒通菜吃晚飯怎可以缺少一碟菜, 於是便點了這碟馬拉盞炒通菜, 香氣逼人, 惹味十足, 而且不算太油膩, 健康又美味。咖央多士吃到最後, 決定點一份咖央多士, 因為很少餐廳會見到, 香

今天離開了寶林，來到油塘逛街。我們行到鯉魚門廣場中庭位置發現了這間開業不久的新餐廳，是專吃馬來西亞菜的，向來愛嘗試新事物的我自然要內進品嚐一番。店內是以 QR Code 模式自助下單的，以讓顧客在整個點菜過程更能達至流暢快捷。餐廳的裝潢設計以藍、白色調配搭木系為主要元素，並再襯上多棧特色燈罩吊燈，整體感覺光亮舒適。椰香沙冰奶白色的椰香沙冰端上桌時已散發著一股椰子清香，而份量亦可見是甚為充足，至於味道方面由於是朋友飲用的，就不作說明了。椰汁涼粉冰飲品用上大量涼粉混合椰汁製作而成，飲用時冰爽透心，香甜絲滑，而且椰汁味道濃郁豐富，清新可口。無骨海南雞配地道叻沙這碗是朋友點選的，其麵底爲純米粉，配料則包含有豆腐卜和額外奉上的海南雞，並提供有三款醬汁可供沾點，我小嚐了數塊雞肉，口感濕潤嫩滑，且富有雞味，而其餘沒有品嚐就不作評論了。招牌叻沙招牌叻沙是餐廳的主打款式，特意選用上六七十年代的公雞碗盛裝奉上，令賣相顯得懷舊且富有特色。鮮橙的叻沙湯底稠密濃厚，咖哩醬和椰奶味道恰當開胃，可嚐出貨真價實。而麵底滲滲就是把米粉混合油麵，目的是用以增加口感同時亦可以盡吸湯汁，咀嚼時煙韌彈牙，順滑入味。配料方面則用

路過見到呢間星馬南洋餐廳，見個晚餐都幾抵食啊，仲有肉骨茶，女仕要耐唔耐補補身，就入內開餐啦😘。#無骨海南雞米線🍜（加$10了轉髀）食海南雞唔一定配油飯架，轉喇沙米線都唔錯，海南雞轉了雞髀🍗，滑嘟嘟啖啖肉，點埋薑蔥， 味道更正。#一字骨肉骨茶肉骨有4件，套餐包白飯跟油炸鬼，肉骨瘦嘅比例較多，故對怕肥的我很合適，茶藥材味都很濃郁。#咖喱牛腩飯加上椰醬的咖喱很香，牛腩牛根很入味，咖哩精華撈飯， 食到清乾乾。#玻璃魷魚🦑通菜魷魚很爽口彈牙加上秘製醬汁，食落很惹味， 菜不會過老👍。#摩摩喳喳 材料豐富的有香芋丸、蕃薯丸、紅豆、涼粉，加上椰汁🥥，丸類有咬口，紅豆淋，涼粉爽，唔太甜很不錯。 最後黎杯檸檬薏米水，解渴解膩。