亞金叻沙 (鯉魚門廣場)

營業中

休息中

飯腳極推介呢個套餐，有叻沙，有海南雞飯，加埋豆腐花涼粉紅豆沙甜品及餐飲，稱為4 course meal，又好似係抵食，所以就一下止點了兩個套餐。其中一個餐點了大辣叻沙及白飯。套餐果然快上菜，原來每碗麵及飯都係小碗上，叻沙有一隻𧎚，－舊豆卜，芽菜及半隻蛋；海南雞飯就得三件雞，性價比睇落一般。之於味道，叻沙點了大辣，但完全唔辣，基本上兩碗味度係一樣，全碗得三件嘅海南雞完全冇味，好在其三色調味料夠味，如果唔係真係只食白烚雞一樣。最好嘅係甜品及餐飲薏米冬瓜檸檬水。足料夠味！

打開餐牌嗰陣，馬來西亞風味的肉骨茶搶咗眼，湯底醇厚，香噴噴嘅藥材滲透每塊肉骨，真系好過癮🍲！啖啖肉抵食，湯匙一舀，熱辣辣嘅肉骨茶流過喉嚨，暖笠笠。朋友話，配埋嗰條油炸鬼，簡直完美！跳過去邊度，嗰碗叻沙一樣攞齊眼球。湯底濃郁得黎唔辣過火，啱晒我唔鍾意食太辣嘅朋友。個碗叻沙充滿咗豐富嘅海鮮，每啖都有驚喜，飽口感真系一流！至於小食方面，馬來炸春卷唔錯，但就欠少少特色。炸得脆口，內裡嘅餡料夠味，但又未至於到讓我留下難忘印象。🥢整體嚟講，東南亞風味喺呢間店冇得輸，叻沙同肉骨茶絕對係必試嘅口味。餐廳氣氛舒適，職員服務又親切，行山之後嚟呢度補充返能量，正！👌🍽️

我以為呢間係阿金南洋冰室，因為佢啲喇沙好好味，但係食完先發覺原來係一間完全冇關係嘅嘢，啲湯底淡而無味，好似連鹽都冇落…. 同正牌嗰間嘅落差太大，令我好失望。海南雞啲味道係OK嘅。但係個米線完全唔想食。

東南亞食物為主嘅餐廳，但今朝試咗他的港式早餐，有啲估唔到做得幾好食。沙嗲牛肉通粉+炒蛋多士+熱咖啡$38 沙嗲牛肉通粉才入面的牛肉唔會好硬都有少少牛肉味，但通粉覺唔夠腍有少少硬，不過放一陣吸左d湯就岩岩好。滑蛋做得好出色，非常香口。白咖啡加煉奶，咖啡出色又香濃，本來以為配煉奶會好甜，但沖得好好味道啱啱好皮蛋瘦肉粥+腸粉+熱美祿$35皮蛋瘦肉粥味道非常出色，個粥底好香米味又棉又滑。皮蛋香味仲有啲香蔥誠意之作，值得一試。腸粉雖然係普通行貨，至在份量十足。佢嘅早餐絕對令我感到驚喜下次一定會再幫襯，

唔夠人手 唔係問題我做樓面都幾年，我都明大家做樓面辛苦但唔洗下下講到自己咁慘一路執一路講啲同事食煙無人做嘢咁係佢地自私，公司管理唔好咁啲嘢食垃圾真心要改唔明點解可以印尼炒飯等45分鐘得一個師傅炒唔係藉口掛如果唔夠人，建議公司唔好開門做生意陰啲樓面同廚房同事搞到佢地咁辛苦又搞到食客等個炒飯等咁耐等完仲要食個垃圾落肚咁呢樣嘢就唔建議啦

今次尼到亞金high tea，食咗個招牌海鮮叻沙和招牌亞金無骨海南雞飯。招牌海鮮叻沙湯底有著很濃郁的鮮蝦味，可以揀小辣、中辣、大辣，滿足不同口味人士的味蕾。麵底係滲滲和米粉兩溝，非常特別。蝦都頗為大隻，十分鮮嫩，見到都令人垂涎三尺。招牌亞金無骨海南雞飯雞肉肉質鮮嫩，完全唔覺得鞋，不喜歡食雞胸肉的我都覺得無法抗拒。油飯芬香撲鼻而不膩，粒粒米飯分明。餐湯清甜可口。

亞金叻沙的叻沙湯底非常出色。它酸辣可口，具有豐富的香料風味。湯底中的椰奶和香茅的味道相得益彰，營造出一種獨特的香氣。而且湯底的口感非常順滑。無論是辣度還是味道，亞金叻沙都能根據客人的喜好進行調整，讓每個人都能品嚐到最適合自己的叻沙。其次，亞金叻沙的配料非常豐富。他們的叻沙中加入了新鮮的蝦、雞肉、豆腐和豆芽等。這些配料的新鮮度和質量非常高，讓整個叻沙更加美味。此外，他們還提供了多種不同的配料選擇，例如蝦餅、魚餅和酸豆等，讓客人可以根據自己的喜好來定制自己的叻沙。這種個性化的服務令我印象深刻。除了叻沙，亞金叻沙還提供了其他馬來西亞經典菜品，例如炒粿條和咖哩飯。這些菜品同樣美味，充滿了香料的風味。

海南雞喇沙🐣🐥喇沙湯汁，油亮嘅表面浮住辣椒🌶️、椰漿🥥同埋各種香料嘅香氣，賣相唔錯🤩將湯汁同麵條融合埋一齊，麵條入口即化，加上口感有彈性同埋嚼勁，完美地吸收咗湯汁嘅精華😋😋嫩滑多汁嘅海南雞🐣鮮美嘅肉質，仲要去骨，啖啖肉🤩每一啖都可以感受到肉汁嘅鮮甜同埋嫩滑🐥總括黎講，呢碗海南雞喇沙味道真係唔錯，湯汁香辣而唔會太濃，麵條彈牙有嚼勁，海南雞多汁嫩滑，配料豐富唔重口，每一口都好滿足，值得推介👍🏻

喺油塘亞金叻沙買份早餐，個粥得半碗，打去問有個自稱姓李女經理態度奇差，話份量係咁上下架喇，如果覺得少下次入返半碗俾你囉，態度極之囂張，幫唔幫襯自己諗，我就一定唔會再幫襯，呢間當客係乞兒😡

每次夜晚9點前黎，態度差到….你一座低，佢哋就用消毒水抹sofa，拖地，大佬，食嘢窩，仲要聞消毒水味點食啊？趕收工不如早退啦，絕對唔推薦其他人黎，侍應講野又大聲，吹水多過做嘢😓

中午經過油塘商場既亞金南洋茶室，見到佢地新推出越北風情餐，所以就入去試試，叫左越北牛腩湯河粉，同以往食開既港式牛腩河，有少少唔同，呢一種既牛腩湯底無咁濃，相對比較清淡一點，牛腩亦都無咁硬身，整體都算好味，最值得一讚既係上菜速度十分快，基本上５分鐘就上齊。

今日過左嚟油塘行Aeon，行到攰緊係搵野食。咁岩經過呢間，下午茶都幾吸引，我要食肉骨茶😍下午茶好多選擇招牌海鮮喇沙滲滲其實滲滲係油麵好米粉，所以食入口有唔同感覺。呢個下午茶份量個人覺得較少，男仕應該完全唔夠飽😂不過海鮮份量都多，湯底唔係咁濃。。肉骨茶配飯我好中意食肉骨茶，估唔到下午茶都有3條骨，一隻雞腳同豆卜。但唔知點解個湯完全唔夠熱，只係微暖。不過個湯好好食，藥材味又唔會太濃，我可以食哂成碗飯。餐廳都係用QR code落單，好方便。等一陣就有野食好快，不過就無乜服務㗎啦。平平地食完又唔洗加一。

📍YAU TONG - HONG KONG 📍呢間真係講得上油塘唯一一間可以堂食嘅嘅新加坡野🤣 重見佢平平地重有下午茶#玻璃魷魚通菜諗住佢下午茶加历會好細份，點知又唔係喎。都幾大份，味道唔辣，豉油味重。不過d 菜好老…咬唔到咁濟。魷魚重有層衣係度所以勁韌🙃#招牌海鮮叻沙麵 呢個就細份左少少。我就揀左滲滲，不過好多米粉🤣魚蛋、魚片、蛋、蝦、魷魚樣樣一舊齊哂🫣椰汁味重，味其實幾好嘅，不過偏稀唔夠濃🤫#檳城炒貴刁講真河粉同貴习嘅分別我真係一直都分唔到🤣呢份野，我由頭等到落尾又ok喎🤓有d 臘腸、魚片咁 ，整體味道甜口熱到爆，幾40幾咁多麵都幾抵食🤣佢要自己搵位埋單嘅所以我諗都算係快餐？雖然咩都好似差少少味咁，不過咁嘅價錢又無話太過分細份算係咁啦🥹

聽講呢間亞金叻沙係金記冰室旗下嘅餐廳，估唔到食完都幾失望🙈喇沙海鮮米線 ($68，5/10) : 喇沙湯底好稀，有些少椰漿味，食落唔太辣。配料整體不過不失，有蝦，魚片，蟹柳，魷魚，豆卜。米線有部份係未完全煮熟😔跟餐嘅係熱南洋咖啡 (少甜) (5/10): 唔知係咪因為叫咗少甜，飲落完全冇煉奶味，而且咖啡比較淡，有種水還水，咖啡還咖啡嘅感覺😅 咖央多士 ($20) (6.5/10): 多士食落係脆，但就完全唔熱，好似已經擺咗一段時間。味道係唔錯，咖央醬同牛油好夾，但因為唔熱就真係扣咗啲分食嘢期間keep住有啲小飛蟲"嬲"住我哋同隔籬枱，衛生情況有待改善。

早兩日專登黎油唐搵個朋友食飯，佢話呢排天氣凍凍地又落雨就不如食個肉骨茶喇，於是我哋就去左油塘唯一一間有得食既地方，我地一坐低就聞到陣陣清潔味，感覺仲未清潔好，不過又唔想轉第間，野食都一般般，可以再農d就好，當時都唔多人係度食，而且價錢黎講 性價比唔係太高。另外，雖然係掃描落單叫野食，不過有時都想叫杯水，但係我地叫極都沒人應機，想問下餐牌既細節食物分別都沒人黎，係呢兩樣我比較反感，如果下次去開呢邊都未必會再食