亞金叻沙 (鯉魚門廣場)

營業中

休息中

趕得切6點前嚟食下午茶，呢間新開係油塘嘅亞金叻沙，見有唔少好評就諗住嚟試吓，點知完全中伏🤪🤪，失望🌚❣️輕怡一字骨肉骨茶配白飯及油條+熱柚子茶 $48嚟到同個menu幅圖相差好遠，油炸鬼唔脆，肉骨茶飲落超鹹，而且裏面得兩隻雞腳同三嚿豆卜，走嘅時候先諗起肉骨茶唔係有一字骨咩🤣🤣，我諗應該係俾漏左🌚，重點係食完個肉骨茶之後超口渴，睇嚟落左唔少味精❣️鮮牛油咖央多士配迷你南洋蕃茄米線+熱美祿 $34所謂嘅南洋蕃茄米線就係蕃茄豆卜米線🤪，味道普通，反而要讚下個鮮牛油咖央多士，岩岩烘起，令到啲牛油有入口即融嘅效果，加上甜甜地嘅咖央，正😋❣️加配小食 玻璃魷魚通菜 $32 個醬有d鹹，通菜亦都有渣，成個小食份量唔多，唔太抵🌚❣️加配小食 炸蝦餅 $38蝦餅個size超細，只有半張$10紙咁細，食落都冇乜蝦味同蝦肉，唔建議加配🌚🏦是次消費總額 $186（人均消費$62）👅好味度：6（10分滿分）嘢食味道過鹹，唔明點解會有咁多好評🤣，而且份量同價錢唔成正比，有啲中伏嘅感覺🤑🤑

油塘鯉魚門廣場新開咗一間亞金叻沙，開張時見到大排長龍，一直都未有機會嘗試，而家終於有機會試下啦。招牌喇沙米線 $66米線大碗，份量非常足夠，表面仲有好多海鮮。湯底有濃濃的椰香味，今次食小辣覺得唔夠過癮，下次要食辣d！😌😌芭堤雅海鮮炒飯 $78由於係原隻菠蘿炒飯，所以食落鮮甜，啖啖清新，而且配料豐富，有好多海鮮同肉鬆，食得好滋味！😍摩摩喳喳 $35黑白配（少甜）$30星加坡既摩摩喳喳就相當於我地既甜品，有芋圓、涼粉同椰汁。黑白配有涼粉豆腐花同紅豆，同樣爽滑可口。芒果冰沙 $16（跟餐價）夏天一定要令一杯芒果冰沙解暑，而咁大杯都係$16咋，亞金必試飲品！👍椰汁涼粉冰 $14涼粉冰好似食緊甜品咁，椰香撲鼻，涼粉軟滑，好正！😋青瓜手撕雞 $35雞肉嫩滑多汁，青瓜爽脆油塘呢個美食沙漠，竟然開左間不錯的餐廳，以後又多左個選擇啦。地址：油塘鯉魚門道80號鯉魚門廣場1樓102號舖

這天，朋友帶我來這裡，因為她說這裡開了數個月一直都未有機會嚐試，我本身亦很喜歡吃星馬菜，就二話不說答應了。餐廳門面很光鮮，感覺得整潔，侍應帶位後，枱面上已放了一張印了QRCODE的紙，原來可以直接用手機點餐。傳統的餐牌依然會提供予客人，餐牌設計精美，清晰易明。我們很多都想吃，於是就點了兩個主食及三個小食，另兩杯特飲。我吃的是馬來特式蝦湯麵($65):-蝦湯味濃，蝦有兩隻，很新鮮且爽口彈牙，蝦頭有蝦膏，鮮甜美味-蟹柳是一絲絲的，並不是粉團那種，讚！-魚蛋亦很彈牙，配有通菜，十分健康，麵是油麵，軟硬度適中朋友點了肉骨茶(細滲)配白飯及油條($78) ，我也有試一試:-肉身很林啊，而且很入味-肉骨茶的湯底很重藥材味，感覺很足料。炸蝦餅(跟餐-$38)有四件:-蝦餅已切開了，剛炸起很熱，蝦肉亦彈牙香茅雞翼5隻($38):-很好吃，炸得脆身，表面乾身，雞肉內裡就嫰滑多汁-特別要讚一讚雞翼上的蔥油，非常香口香芧豬扒(跟餐-$15)-豬扒亦很滋味，不會乾身，而是保留了水份，易咬特飲我點了龍眼冰，大大杯，不會過甜，很好。吃了這麼多，真的非常飽，而且很滿足啊。

每次去油塘的原因只有一個，就係大本型商場內的冒險樂園，通常都貪方便喺同一個商場裏面開餐，今日找點新意思去了隔鄰的鯉魚門廣場醫肚。見到有一間小店，門口用了大大個獅子頭做招牌圖案，起初還不知道是什麼菜式，然後再望望餐廳名字，原來係「亞金叻沙」。同招牌圖案非常匹配，係間馬來餐廳。記得上世紀80年代，馬來餐廳在香港非常普遍，去到90年代中後期風氣漸漸散去，雖然未至於完全在香港消失，但已經不是每區總有幾間喺左近的風光。餐牌款式雖然唔算多，但全部都充滿馬來亞風味，由海南雞、喇沙、蝦湯麵、福建炒麵、肉骨茶全部有齊。馬來咖喱牛腩（$66）顏色及稀稠度唔似港式咖喱，睇落對辦 ⋯⋯ 味道方面原來只是同港式咖喱差不多。薯仔炆得未夠軟身，牛腩雖然份量唔少，但同樣偏硬。招牌阿金無骨海南雞配地道叻沙（$69）同樣贏在賣相，黃油色的雞皮望落去爽滑；雞肉纖維幼細，肉質似乎很嫰滑。咬落去果然雞皮及雞肉口感皆不錯，但偏偏欠缺雞味。同馬來咖喱牛腩一樣，賣相比味道好，而味道只是一般而已。馬來亞地道叻沙應該用蝦頭蝦殼、辣椒及香料爆香之後熬湯，然後加入椰汁調味；這一碗叻沙的湯底未能做到要求，只有少少微辣及椰汁香氣，欠缺了蝦湯鮮味

住呢頭附近一直都未有機會試，而呢間餐廳都開左一段時間，一於今晚黎試試佢😋-餐廳門面光猛，座位好鬆動，有好多卡位坐👍🏻最緊要坐得舒服🥳餐廳採用自助落單形式🤣勁啱我呢啲成日十五十六嘅人😚😚-1. 招牌亞金無骨海南雞配白飯（半隻雞） $108 9/10🐥🐣半隻雞份量十分足料👍🏻👍🏻肥瘦適中😋😋呢間餐廳海南雞係凍食，所以會有啲雞肥變左‘Jelly‘質感🤪聽聞正宗嘅海南雞都係咁的🥳另外，仲可以選擇配白飯或者油飯，啱晒想減肥嘅人😚-2. 馬來咖喱牛腩配油酥餅 $64 8.5/10 🐄馬來咖哩同印度咖哩唔同，馬來咖喱係食佢嘅椰香🥳而且唔會話太辣👍🏻牛筋炆得好淋，牛腩嘅份量都夠2個人食😆唔想食太多飯可以配油酥餅，將成塊油酥餅點落咖哩食好惹味😋-3.馬拉盞炒通菜 $52 8.5/10 🥗呢碟菜性價比好高，2個人都食唔哂😋炒得啱啱好，唔會炒到過熟，好爽脆🥳馬拉盞嘅份量都啱啱好，唔會過鹹😊-4.鮮牛油咖央多士 $20 9/10 🧈好邪惡嘅甜品😆但係我會話係必食嘅小食❤️多士中間夾住厚厚嘅鮮牛油，一啲都唔慳皮😚咖央唔會太甜，好幼滑，而且好香椰味😍重點！多士烘得好脆👍🏻👍🏻-5. 香茅薄荷特飲（左） 跟餐價 $1

🐑🐑🐑懶洋洋唔想煮～去開油塘拎嘢順手食埋晚飯先回歸！路過門口，比佢啲食物圖片吸引，入去試吓～打開菜牌，好多選擇～🤩好豐富呀！肉骨茶鍋內有一字骨、豬肚、豬手、雞腳、豆卜及腩肉，材料好入味夠腍！呢個藥材唔會好重，好飲！跟白飯、油炸鬼，油炸鬼點肉骨茶食，另一番風味😋辣度可選，我揀咗小辣，後面圖片賣相僅供參考😆但一樣嘅係好多料，蝦、魷魚圈、蟹棒、豆卜、蛋。好多料～湯底好好味！椰香味好濃～🥥✌🏻椰～～～～❤️拼盤有炸春卷、炸蝦餅、香茅雞翼、雞串燒，每款四件，新鮮熱辣，超脆～春卷裏面係素菜；蝦餅彈牙；雞翼皮脆肉嫩；串燒沙爹汁惹味😋👍🏻員工服務態度好～勤力，值得讚賞🌟選擇多，份量足，質素好，期待下次光臨試其他嘢

收工唔想煮飯就去附近商場搵嘢食朋友推介阿甘娜沙夜喇沙好正 入到去坐低之後以前嘅姐姐就會我哋推介點精選套餐一份精選套餐198二人份量 有小食有飲品食物是用電子下單自助服務,其實佢哋嘅晚餐都好抵食,價錢只不過係六七十蚊已經包括飲品!下次一個人嚟食嘅時候就會試呢個晚餐 !見到隔離有人叫咗份咖哩,香噴噴的下次都想試肉骨茶裏面好足料又夠熱!裏面有雞腳豬手豬肚豬腩肉那啖湯不是死咸,很濃味,用來送飯一流 唯一不足就係個油炸鬼唔夠脆!肉夠入味,不用點醬料已經很好食,再配上一份就是白飯人間美食香茅雞翼拼豬扒 小食分量都唔少 有四隻雞翼四塊豬扒 即叫即炸炸得鬆脆主角來了!阿甘喇沙裏面有一大隻波士頓龍蝦!非常豐富,仲有蟹棒,魚片頭,魷魚圈和豆卜非常豐富果然不同凡響!底帶點椰香又濃郁,而那個波士頓龍足足有一個大湯碗那麼大! 簡直係色香味之選白灼時菜食咗咁多濃味嘅嘢,都要食返啲菜平衡呀!呢個餐細心之處係一大碟菜南洋奶茶和南洋白咖啡兩樣我都好鍾意, 熱度非常夠,味香奶濃, 咁多嘢食都唔使300蚊,真係抵到爛

經過這間餐廳，感覺企理光猛，原來食星馬菜，入去試吓先唔止茶餐廳咁簡單，好多選擇坐得舒服、乾淨企理海南雞油飯$66 可轉白飯，但我覺得食海南雞一定要配油飯雞好滑，雖然係叫油飯，但唔會好肥膩，仲有個老火湯我仲叫咗個二人餐$198，非常抵食，套餐包括：珍寶叻沙、香茅雞翼拼豬扒、油菜，仲有飲品兩杯呢個珍寶叻沙，有雞蛋、蟹棒、豆卜、魷魚圈，配埋鴛鴦麵，仲有開咗兩邊嘅龍蝦呢度唔止二人份量，肚餓嘅人一定滿足，好欣賞佢嘅叻沙湯，濃濃椰香香茅雞翼拼豬扒，相當入味，豬扒仲好林身，上面鋪埋蔥油好味套餐包兩杯飲品：我揀咗咖啡、檸檬薏米水，檸檬薏米水好好飲，甜度適中另外我仲叫咗芭堤雅海鮮炒飯$78上檯已經好香，原來用蝦醬炒架，仲有菠蘿、提子、魷魚一齊炒，非常惹味，飯面仲鋪上肉鬆今日真係好滿足，一家四口，兩個小朋友都話呢間好好味，但仲未夠，因為喺餐枱見到加$20可以加配一份咖央鮮油多，我就係俾佢呢幅圖吸引住真係壓軸登場每一方格都鋪滿牛油，絕不吝嗇，好邪惡，咬落去仲脆卜卜，一定係新鮮製作其實餐牌上有好多嘢都想食，下次會試肉骨茶⋯⋯

油塘不嬲冇咩馬來西亞菜嘅選擇，近排新開咗呢間亞金叻沙，當然要過嚟幫襯吓☺️Combo Set 二人餐 ($198)- 二人餐真係極級豐富，包咗好蛋多菜式——Combo招牌叻沙、香茅雞翼拼豬扒、白灼時蔬周兩位飲品，非常多元，而且份量多得驚人，尤其係Combo招牌咖叻沙，3-4人都夠share- Combo招牌叻沙非常好驚喜，一大特色係咩都可以試到，麵底係油麵同滲滲嘅組合，個人鍾意油麵多啲，相對粗身有咬口；而湯底香味濃郁，叻沙嘅甜香好突出- 香茅雞翼拼豬扒超級好味，油香滿滿，肉質鮮嫩多汁，啖啖都好滿足，作為小食拼盤一流- 龍眼冰 (+$14)都係特飲嘅必選，叫咗少甜少冰，入口冰涼，味道清甜，仲有粒粒飽滿嘅龍眼肉，有得飲又有得食，好滿足； 凍檸茶 (+$3)茶底香濃，但唔會過澀，酸甜解渴，甜度適中，叫佢永遠都冇有錯💛青瓜手撕雞 ($35)- 手撕雞鮮味十足，份量都好多，每啖都食到滿滿嫩滑嘅雞絲；青瓜清甜爽口，入口份外清新，好解膩🥰皮蛋豆腐 ($32)- 皮蛋切件厚薄適中，煙韌得嚟有嚼勁；豆腐入口冰涼嫩滑； 值得一贊係嗰醬汁好惹味，微辣得吸帶點鮮鹹，別有風味，作為冷盤/開胃小食一流🤤鮮牛油咖央多

今日係油塘出job, 屋企人極力推介我去鯉魚門廣場一間叫亞金叻沙, 話早排食過覺得超好食, 推介我去試下。於是今晚就同同事專程試試, 原來6點前冇加一, 仲有下午茶供應, 價錢亦好抵!一坐低見肚餓, 隔離檯order左碟多士, 即時吸引左我叫黎試試【鮮牛油咖央多士】HK$20多士表面烘至金黃香脆, 夾住咖央、有點點厚度嘅牛油, 一咬之下, 滑滑兼富有牛油香、凍凍地嘅牛油mix埋多士, 口感同味道確實一流! 【招牌叻沙滲滲】HK$66可自選滲滲/米線, 滲滲係油麵同米線各半, 米線易索左個湯底令麵質變林, 夾集油麵食, 令口感有層次。湯底椰香味濃郁, 自選辣度, 揀左中辣都唔會太辣, 超喜歡個湯底。呢款叻沙配料亦很豐富, 包括有爽口嘅蝦、魚片頭、魷魚圈, 同埋索左湯底精華嘅蟹柳同埋豆卜, 果然呢碗叻沙令人食指大動! 套餐送餐飲, 轉特飲價錢都係半價,椰香沙冰 HK$16富有椰香味, 自選大中小甜度, 岩哂不同人口味, 飲到最尾, 椰汁味依然存在, 正!【香茅豬扒配迷你地道叻沙滲滲麵底】HK$45同樣係超正嘅叻沙湯底, 豬扒大大塊, 而且質地林, 食到陣陣香茅味, 好香口。轉特飲 椰汁紅豆

鯉魚門廣場有間專食叻沙的餐廳新開業，價格親民。夜市亦有晚市套餐，可自由加配小食及特飲。沒有試到招牌叻沙，但食了其他其他南洋食物也甚有水準。南洋醬炒牛柳粒跟馬來椰醬飯    $72椰漿飯傳來陣陣的椰香，飯粒煙韌略帶微甜。當然少不了椰香飯必備的江魚仔及花生，拌飯來吃，惹味到不得了！南洋醬即是參峇醬, 味道微辣，怕辣的我也可接受。如果真的很怕辣，都可以叫店員「全走」。參峇醬味道鹹香，很好下飯。牛柳有十多粒，很慷慨。牛柳比想像中軟腍，沒有雪味。蝦頭膏海鮮炒飯    $82炒飯炒得乾爽，口感很好。餐廳用蝦頭膏代替平時常見的xo醬作為調味，味道更為香口。海鮮就有蝦，魷魚和蜆，令炒飯更添鮮味。棒棒蝦  (3隻)     加配$28棒棒蝦原來就是吉列炸蝦，有點小失望。可幸的是外層的炸漿金黃香脆，蝦爽口彈牙。雞肉串燒（2串） 加配 $20雞肉醃得好入味，有咖哩香。雞肉肉質彈牙可口，而且容易從竹籤扯出來，不俗。鹹檸特飲   加配$14根平時見到的鹹檸七不同，鹹檸不是一個完整的，而是打到碎碎的，味道比一般的更鹹香，更澀，配合酸甜的七喜，更解膩。椰汁紅豆冰    加配$14椰汁味道香濃，紅豆份量多，入口軟糯，

清明節去完拜山，就去咗大本營隔離嗰個鯉魚門商場開飯，竟然俾我哋發現咗新開嘅一間東南亞美食，我哋一人嗌咗一個餐食，親戚就叫咗個海南雞飯，呢個海南雞飯個油飯好香，啲飯煙煙韌韌，隻雞好滑，肉味好香，係用心之作。而我就嗌左個咖喱牛腩飯，呢個咖喱椰香味極濃，而且牛腩炆得好林又入味，送飯一流。另外帶咗個炸蝦餅做小食，蝦膠好彈牙，上面仲放咗少少鹹鹹地既葱上面，即刻帶出蝦餅嘅味道，一人食完都係幾十蚊，抵食自選，原來阿金喇沙好多間分店，下次都唔使特登入油塘食。

想想...這次應該是我第一次食星馬菜平時都好少去吃，剛巧遇到朋友想吃就上網找找！位於油塘大本營隔離的商場，由大本營上2層就可直通過去這個鯉魚門廣場，店舖就正正在前面，不用找！相比通出街外搵～朋友都找了一會先搵到。食物種類都多款式，都有套餐選擇，今次我選了單點！點餐以QRcode掃描下單。叻沙是招牌菜，就試一試，自己都完全未食過🤭點了無骨海南雞叻沙滲滲$72、招牌叻沙滲滲$66雞的肉質非常滑，餐牌無骨冇假的，啖啖肉招牌的主要係海鮮🦞料為主！叻沙有分米線和滲滲～滲滲是油麵和米粉2溝第一次吃，挺特別！哈～！米粉和湯底融為一體，很入味中辣和小辣都沒有分別，都算完全稱不上辣味，可能叻沙是不同的。玻璃魷魚通菜$38醬汁似咖喱魚蛋的，少少辣，頗岩口味份量剛剛好。小食拼盤$128熱辣辣，有4款(雞翼、蝦餅、春卷、串燒)4款之中我覺得雞翼很好味，蔥油鋪在脆皮表面上令整個味道完全昇華了意想不到的看似豬扒的蝦餅脆卜卜整體都不會炸得太油。飲品可以以半價享有，龍眼冰原價$28，現在加$14味道就有點偏甜店員都很友善，服務態度都很好！在這邊不是大型商場的地區，都算是不錯的啊！

同個 Friend 吹完水，又係佢返去食住家飯，我就一個人去搵食。困咗屋企食外賣幾個禮拜，今日點都要喺舖頭食一餐。見到近排都算有啲人氣嘅亞金，咁就撳飛排隊試佢一試。Scan 佢地個落 Order 用 QR code，見有招牌喇沙套餐，包飲品同白灼時蔬 ($69)，抵過餐牌上見到個散叫咁多 ($66 可半價加配飲品)，就即刻決定咗叫餐。招牌喇沙，有蝦、蟹棒、魚片頭、魷魚圈、豆ト，麵底就梗係滲滲喇。另加鮮牛油咖央多士 ($20)。正常集團式食品，味道正常、唔會話覺得唔好味。呢個套餐嘅麵底屬於偏少 (定係其實散叫都一樣？)，餸菜屬於 mini 版，甚至連湯都係偏少，而且湯唔夠熱只可以話係暖。套餐嘅菜分量比想像中多，至於奶茶真是一般般，有點奶水嘅感覺，即係冇乜茶味，甚至煉奶嘅甜味都有所欠奉。至於加配嘅鮮油咖央多士，我只可以覺得佢係鮮油多，因為眼見有咖央塗咗喺入面，但就完全食唔出咖央味，真其怪呢！

同事搬新屋，佢搬咗去油塘，今日同另一個同事去探佢，參觀下佢嘅新居，晚上去附近商場食飯，我見到食馬來西亞菜的亞金叻沙，之前都有食過佢哋嘅海南雞飯，超正，今晚就和同事去回味一下！餐廳地方整潔，侍應都好有禮貌，招呼我哋入座後還介紹今晚新推出嘅晚餐套餐，價錢都抵食，所以我哋每人叫咗一個套餐。招牌喇沙湯麵：湯底味道豐富濃郁，每一口都有地道南洋的味道。 配以油麵和米粉的滲滲，食落會更有口感，再加入蝦、蟹棒、魚片頭、魷魚圈、豆卜等配料，惹味可口。檳城炒貴刁：炒貴刁好香口有鑊氣，有小小辣好惹味，用芽菜、蝦、魚片、臘腸和貴刁炒成，帶著黑醬油的濃亮色澤，炒出焦香鍋氣，甜鹹鮮香的味道！招牌阿甘冇骨海南雞配油飯：份量都好多，有老火湯，雞去晒骨，肉質嫩滑，油飯夠味，保持粒粒分明、富有口感，加咗少許炸蔥頭更添美味！有三款醬料－薑蓉、辣汁、豉油，配海南雞各有特色和味道！套餐可以用優惠價配小食，叫咗一客香茅雞翼，用香茅為主的調味料醃製，再炸至金黃色，熱辣辣！外皮脆卜卜，肉質鮮嫩有汁重好入味！套餐有指定熱飲送，亦可半價配其他飲品：椰汁紅豆冰、椰汁珍多冰、凍南洋奶茶，杯杯都夠份量，甜度和冰都可以揀多定少。椰汁味香甜，奶茶