享弄。台點咖啡館

營業中

休息中

周圍探訪屋邨商場系列：去到樂華商場，唯一吸引我去的餐廳，就是這一間。比較多人食緊，台式食品也是我心水🤣叫了兩款下午茶餐。T2.黑蒜蔥油拌麵配鹵牛𦟌、跟薯條 味道美味，麵不太淋也不油膩！有3塊牛𦟌！嘩！有驚喜！炆得很入味及淋身👍薯條即叫即炸。另外是C6.炭燒雞串烏龍麵（台式咖啡）如果雞串分開放會比較好一些，令到雞肉浸晒湯，口感不太好。湯底比我想像中都唔錯！好耐冇飲過台式的咖啡，雖然很甜，但都給我飲晒了！不過裝食物的容器就。。。不太環保了！連堂食大多數都是用即棄餐具！希望這點要改良一點！要愛護環境、保護地球🌍

大約三年前和老公來過一次，印象很差。可是這次經過，小孩看到門口的小熊非要進來。已經不記得為什麼不來的我，看到午餐有學生優惠，還可以+12有薯條就進來問問看有沒有電子支付，結果是沒有，但因為住的近，就回去家放書包，拿錢包再來。再來的時候14:02，所有午餐餐單都撤了，祇有下午茶，結果同一個餐，下午茶比午餐還貴，午餐+5換珍珠奶茶，下午茶要換，得+11。+12有薯條也沒。點了午餐本來想點的炸雞翅飯，雞翅和飯沒啥問題，問題是貴。三隻雞翅，一碗飯，兩根沙律菜，39，而奶茶是我這個臺灣奶茶控絕對不能接受的難喝。還要+3！！我們進店的時候服務生從我們面前走過，一句話不說，也沒理我們，我就讓小孩自己找位子，結果我在前臺點餐，後面讓他不能坐選的座位？一開始直接告訴我們坐哪裡不行嗎？而且我不怕說，進門中間第一張卡座，尿騷味很重！連兒子都受不了。我們最後坐了前面的位置。我終於記起來為什麼以前印象很差。

午餐落樓下食個飯，飲杯嘢試一試享弄嘅肉醬煎蛋飯，配咗個薯條仲叫咗杯桂花涼粉奶茶、珍珠愛玉奶茶🧋飯嘅肉醬整得ok,正常發揮，開胃嘅，同學校頹canteen水準差唔多薯條炸得香脆，點蕃茄醬好味珍珠奶茶，味道ok而桂花涼粉奶茶，桂花香係幾特別，不過飲飲吓啜啜吓會有啲黑色沙粒，個口感好嘔心唔知係桂花嘅嘢定係污糟嘢🤮🤮飲到呢度，就冇再飲落去另外，我哋有叫牛筋上海麵食，味道不過不失地方都算坐得舒服，但嘢食嘢飲有待改善

今日同老公黎左樂華探個老人家，傾左一輪同幫手整完野之後，就諗住係附近是但搵間餐廳食個下午茶。係呢個邨都唔期望有咩選擇，但見到呢間餐廳都算幾乾淨，就入去一試。叫咗黑蒜蔥油拌麵配雞翼，蒜蔥油拌麵配牛展，跟餐有炸薯條。牛展好腍而雞翼都入味，份量都算OK。另外仲叫左個小食 - 紫心脆薯餅，即叫即炸，好脆口，紫薯好甜，好好味，下次一定會再食呢個。

想出街買野食，經過呢間台式餐廳見lunch set 都幾抵同幾多選擇，就決定買外賣番屋企食啦！！🔹L1 自選單併台麵加凍珍珠奶茶 $57 （蟹籽丸酸辣米線）碗米線有四粒蟹籽丸，呢款蟹籽丸都彈，入面蟹籽都多！係平時出去買比較好既蟹籽丸🤣🤣米線份量都多，質地係爽口彈牙，有咬口唔係好淋既米線👍🏻👍🏻酸辣湯底唔錯，飲到湯底有加酸菜去煮，有酸菜既味道；而辣味係微辣，唔會蓋過酸味！珍珠奶茶味道偏淡唔濃味，似係少糖奶茶，珍珠普普通通冇哂特別。

椒麻醬油拌麵配煙鴨胸$43醬油拌麵辣辣哋又鹹鹹地幾好味，雖然係下午茶餐但係份量都唔少。加咗少少肉燥喺上邊，食落去多咗一份肉嘅鮮味。煙鴨胸大大件，整得好香。但係如果佢再煎耐少少個面有窿邊，就最好啦。炸薯條（跟餐送）薯條都好大份，食落去同麥當勞嗰啲份量差唔多。薯條同埋面份量咁大食落去唔似食緊下午茶。凍百香果果茶（凍飲+$3）果茶唔會話佢糖精嗰隻味。不過唔記得走冰所以飲到最尾有啲淡。間餐廳下午茶都唔難搵位，而且佢出餐好快。間店舖裝修都幾靚，感覺上好台式。一入門口會有兩隻公仔，都幾cute。其實下午茶都仲有好多嘢食大家可以去試吓

第一次幫襯，落單叫嗰樣冇⋯轉第二樣，再叫另一樣又話冇⋯又叫第二樣⋯跟住叫套餐又話冇忌廉湯⋯一開始唔講晒有咩係冇⋯點到一半先知咁多野冇⋯如果一早知就唔坐低⋯鹽酥雞咸咗啲⋯一個沙律唔記得落醬⋯其他嘢算正常。

今天於這間台式咖啡廳點了一個鹽酥一囗雞加一碗白飯。這個鹽酥雞應該是用七味粉醃的，大概有5-6塊雞原本一囗鹽酥雞售$29，但因為不夠飽，所以加$12加了一碗白飯，飲品飲了黑糖東瓜茶另外之前也試過這裏的紅咖哩雞飯，味道也不錯的

見到有間台灣野又唔貴所以即管試一試！叫咗黑蒜蔥油拌麵配油麻雞翼，個汁同埋醬幾香不過啲面有啲林，隻雞翼似滷水雞翼多啲，不過$38有嘢飲仲有小食算係好抵！下次可以試吓台灣腸。

冇諗過係屋邨都可以搵到咁有誠意嘅餐廳我哋嗌咗芝麻雞翼面同埋Pizza餐芝麻雞翼好入味，冇諗過呢到啲pizza 都相當唔錯 最驚喜係叫俾仔仔既熱朱古力竟然有拉花唔係hea沖果啲....好有驚喜餐廳選擇都唔少...下次可在黎試下其他

今日去咗搵個friend食飯，佢話系佢屋企樓下食心諗佢樓下咪得大x樂 翠x嗰啲點知佢話去食台式嘢，甘就試吓啦我哋兩個人嗌咗一個鹽酥雞肉燥飯，麻辣八寶板條，小食就加咗個麻油雞翼個鹽酥雞外脆內軟，裏面吾會乾爭爭，最重要系啲雞無雪藏味🐥我平時都少食肉燥飯 怕油膩 但系竟然惹味得黎又吾油膩👍🏻麻辣八寶板條味道ok既，起碼食完吾會口渴 甘即系無味精最後我地嗌多個甜品 綜合仙草芋圓同latte 個芋圓真系有一粒粒既芋頭系裏面 仲煙煙un un 添杯咖啡仲有拉花添💗

本來好肚餓就去左呢間台式店食野 食都個飯一半都未有就發現有粒不知明物體係個飯到 成個食慾都無曬 我就叫負責人黎睇下 佢就拎住我俾佢有粒不知明物體嗰個匙羹去廚房問啲師傅係咩黎既 最後佢比我嘅答案就係一啲煮嘢食嘅香料 雖然佢有話換過其他餐俾我 但我就話唔洗 (因為我已經無晒食慾) 我最係個心好唔舒服 就再次去問個負責人 個粒不知明物體其實係咩黎 因為我有影相 我睇左好耐又上網查閱香料 我搵唔到有一種香料係會有毛 但個負責人好堅持話係香料 之後我都同佢講我影左相我俾你睇下 我就問佢嘜有香料係有毛架咩？佢就話依家睇張相又真係有毛喎 但係佢都係堅持係香料 咁我就問佢你可唔可以俾我知佢廚房有邊種香料係同佢一樣 但佢無答我帶我遊花園 調返轉佢不停問我覺得呢粒係乜嘢 真係好笑之後態度越嚟越差 😡仲不停越行越埋😡之後我話咁你取消個餐 佢就話你都係想取消個餐姐係咪 實我都係想知道呢粒係咪真係香料 香料會有毛？其實個幾廿蚊我唔係志在要佢退俾我囉 態度10分惡劣 😡一句唔好意思對唔住都無😡我想知道呢粒係咪真係香料🙇🏽‍♀️🙇🏽‍♀️🙇🏽‍♀️

今天去了牛頭角，看見在這舊式的屋邨內，竟然有一間台式的餐廳，進去裏面，叫了一客鹽酥雞肉燥飯。等了20分鐘有多才到達，有點太久鹽酥雞肉燥飯：鹽酥雞味道普通，不過剛炸出來，還新鮮，雞肉味道適中。皮有點厚。肉燥比較散，沒有太大的肉汁味。叫了一杯珍珠奶茶，叫了去冰及少甜。味道不太好，珍珠有點硬。跟餐還要用$17才有得飲, 有點太貴。總括而言：在這屋村地方中，能嘗試一下台式食物也是不錯，很可惜味道一般，還要需加進步。

等左好耐，佢今日終於有開門叫咗個三料板面嘗試，幾好味，啲面幾彈牙，只不過係上菜有啲慢另外仲額外買咗杯latte 試， 估唔到係有拉花好驚喜，好開心喺lunch time 都可以喺牛頭角飲到唔錯的coffee 下次一定會試台式肉燥飯，見到有好多人食

今日同老婆黎左樂華整d野，整完之後諗住搵間餐廳食個下午茶。樂華既餐廳選擇唔多，但都竟然有間台灣野，所以決定試一試。餐廳非常之大間，而且裝修新淨，可能下午茶時段，所以人流唔算多。我叫左個黑蒜香油拌麵配齒香牛鍵肉 ，小食要炸薯條🍟$39真心覺得非常便宜，拌麵既味道有小小似兒時食撈麵果種味道，牛鍵肉腍嫰。薯條新鮮熱辣辣。另外叫左個香煎雞翼蔥油飯。蔥油味香，雞翼細細隻，無乜肉食，但煎得都好香口，肉都算嫰滑。