享樂烘焙

營業中

休息中

🔖紫薯Bagel 煙煙韌韌嘅Bagel好愛！麵包真係搓得好好！而且紫薯味超香超重！🔖朱古力鬆餅外脆內軟嘅鬆餅真係好難得～～ 朱古力鬆餅仲有好多朱古力粒 好濃朱古力味😍🔖新鮮出爐葡撻有點失望了 可能已經凍左 個撻皮已經唔係算好脆 個蛋味亦唔太出

🧑‍🍳享樂烘焙的小山園抹茶麻薯牛角包（售價$26）享樂烘焙這款小山園抹茶麻薯牛角包,外觀色淡飽滿有型,一口咬下清脆酥脆的外皮與內裡creaminess十足的餡料令人驚艷!💯使用麻薯和小山園抹茶茶餡入口綿密Q彈,散發著淡淡香甜。🤤 雖為$26的定價,一開始會覺得少貴但分量充足兼餡料做工細緻,跟其他同價級別糕點比起並無虛此。😊外型的設計感也比較獨特。🎨烘焙的程度到位,搭配綠茶的清新口感也更顯享受。🍵總結來說,享樂烘焙用心製作出這款經典口味的牛角包。🤝👍相信這款抹茶麻薯牛角包定能成為你下次下午茶的首選。☕️

終於有機會去九龍灣終於有機會買佢哋每年夏天都出嘅冰包可以買 享樂烘焙 嘅開心果吉士酥皮冰心包（本人很喜歡吃酥皮、同時亦喜歡吃開心果產品，所以一直都想試，但作為港島區居民就比較懶惰，好難先會去到九龍嗰邊幫襯）上面酥皮脆的底部麵包feel 一搣開d開心果醬湧出來食落香甜吾膩又唔係死甜不過就唔係好食得到有mochi Anyway, 2023 的冰包 ，好吃（可惜，2023 冰包已於21/10 唔再出售。唯有期待下一年佢哋冰包）

今次KO嘅，係一間bookmark咗好耐嘅麵包舖！我本身唔係好鍾意食麵包，但唔知幾時開始覺得原來 #Bagel 都幾好食，我鍾意有少少咬口嗰個口感～ 早排去咗啟德同牛頭角中間位置做嘢，諗起呢間麵包舖，諗住買返屋企試吓～於是大熱天時行咗十五分鐘過去買😂麵包舖位於德福商場後面，行過條天橋落地下就係，唔難搵～ 去到見到好多款麵包花多眼亂😂 淨係Bagel都有一行，最後揀咗 #湯種日本焙茶貝果 、 #湯種伯爵麻糬奶茶貝果 、 #法國Lescure朱古力酥 、 #極濃芝脆法國 、 #日本宇治抹茶蜜瓜包 同埋 #伯爵茶蜜瓜包我淨係食咗焙茶Bagel同伯爵麻糬奶茶Bagel😆 同咬咗一啖伯爵茶蜜瓜包～ 其他分咗俾屋企人食～ 個焙茶Bagel好重焙茶味，個麻糬出啲，而且偏甜～ 相對伯爵麻糬奶茶Bagel無咁重味，麻糬無咁突出。而伯爵茶蜜瓜包，個面脆脆地都幾得意，有輕微似菠蘿包個面咁，但脆多少少🤏🏻 呢間麵包舖啲麵包款式幾特別，可以一試😊

🤙🏻🤙🏻都已經唔知第幾次幫襯啦雖然享樂 定價唔係特別平但成品又有返咁上下質素所以一直keep到唔少包粉🤚🏻包括我平日一點幾去到發現雪櫃有大量存貨🤭Ok要捉緊冰心包既尾巴✊🏻⍥ 開心果吉士酥皮冰心 ❙ $32約2/3手掌咁上下大細 非常重手外層係金黃色既酥皮 香脆又鬆化🥰係「咔嚓」有聲架！而且充滿令人振作既牛油香氣但揸上手又好乾爽！開心既唔止咁少野💓切開先係最心動滑溜既開心果吉士醬一湧而出就好似⋯⋯黑雨果日既山泥傾瀉咁😳雖然係咁 但絕不甜膩！！為左增強口感 底部係一大舊軟糯大福👍🏻👍🏻凍食都唔會變硬變乾呢個配搭夠貼心有創意又高質一個人食晒都無負擔架✌🏻😌

呢度嘅麵包出名好食 估唔到連月餅都咁高質💛價錢唔貴 包裝得睇 送禮一流✨.📌期間限定｜開心果金沙迷你月餅 (1盒4粒) $188以伊朗同日本開心果結合經典奶黄製成 比一般純粹獨特堅果香 多左份鹹甜味💚建議一定要焗熱食 餅皮鬆化香脆 內餡沙沙地 似軟滑啲嘅奶酥 仲有粒粒開心果脆添😚不過可能加咗奶黃 開心果香唔夠濃🙈.📌期間限定｜迷你奶黃月餅 (一盒4粒) $152軟滑奶黃餡以新鮮鹹蛋黃加牛油製成 鹹香甜味平衡得好好🍳🧈濃郁得嚟 唔甜膩 最鍾意係冇騷味 好好食🥹食落比坊間輕盈 加上迷你size 自己一個冇難道🙌🏻.📌期間限定｜大甲芋泥麻糬酥 (一盒4粒) $142佢地嘅大甲芋泥麻糬包就食得多 整成芋頭酥 同樣冇得輸😎紫色千層酥皮 好吸睛 酥化鬆脆 乾身 唔會好油💜內裏係綿密幼滑大甲芋泥 啖啖芋香味 加埋最佳拍檔軟糯香甜拉絲麻糬 正🤍唔係芋頭控都被驚艷到🤩

新推出開心果吉士酥皮冰心開心果吉士濃郁頂層酥皮都仲脆口入面仲有麻糬ฅ๑̅‪꒳๑̅)德式布丁撻有原味同小山園抹茶記得要翻熱食撻皮先會脆口未翻熱嘅撻皮會偏淋㗎小山園抹茶味濃郁而有回甘！夾心仲有流心抹茶醬同紅豆口感豐富，非常正呀😋

小妹前前後後都買過6、7次佢地嘅麵包初初買bagel，唔算太有咬口嗰隻但貪佢平同新鮮啦今次見佢出左幾個新品，就買黎試下開心果冰心好大件，咬落好脆口，堅果味都好濃郁，好食，絕對值得買👌🏻7/10但係之後嘅都麻麻地la🙌🏻🙌🏻🙌🏻抹茶布丁撻因為用左膠袋封口，所以嗰皮腍塞（我錯）食嘅時候一直掉渣抹茶陣味唔係我鍾意嗰種…😅4/10手撕吐司🍞尼嗰好期待但係真係好失望😕好油膩食到成手油至於又唔香口口感比啲油潤感蓋晒向佢say no🙅🏻‍♀️1/10抹茶麻糬牛角🍵尼隻嘅抹茶餡係行濃苦路線好傑身，如果齋食尼一個應該係唔錯嘅但前面食左咁多真係好漏好漏尼嗰幾脆同埋都有層次感可以買7/10🌟🌟🌟🌟🌟🌟🌟🌟🌟🌟🌟🌟🌟🌟🌟買包指南🍞🥯🥖🥐開心果冰心、抹茶麻糬牛角都可以買，其他真係不了之前我買過嘅蒜蓉奶酪同明太子法包都好食，但要有會油膩同偏鹹嘅心理準備…

🐰小編今次見到大量新品！太興奮了🔥：-1️⃣「手撕牛奶吐司🍞($30)」🆕(每日限量20個❤️‍🔥‼️）另外仲有小黑喵千層吐司🤪超多層拉絲超正！鍾意嘅可以一片片食！重牛油香味，好鬆軟～Melaleuca Butter Toast👍🏻-2️⃣「湯種日本焙茶貝果🥯($20)」🆕好左日本焙茶，幾濃焙茶味，加左幼滑Cream Cheese！仲有麻糬 bb ~Roasted Japanese Tea Bagel👍🏻-等大家幫手試：3️⃣「德式布丁撻($20)」German pudding tart🆕4️⃣「小山園抹茶撻($24)」Matcha German pudding tart🆕

城中人氣麵包店又有新作！新出開心果吉士酥皮冰心包，一咬塗上焦糖面的酥脆的酥皮裏隱藏軟糯麻糬和濃稠開心果吉士，加上凍冰冰的溫度，口感層次更豐富！另一名物，阿女成日戲稱是西式光酥餅的bagel!容易攜帶又襟食。以前就用料簡單，以增強保存期。但現在我們講求新鮮感，今日介紹的就是城中名店享樂烘焙出品的糖不甩口味Bagel。黑色嘅bagel內裏有煙煙韌韌的麻糬以及香濃、惹味的花生醬，口感好軟糯，香而不甜膩。

不嬲都有幫襯開享樂嘅bagel，貪佢款式好多同埋味道都好啱我口味。今次因為要幫埋同事買，所以就一次過買咗好多bagel。我去到嘅時間係大概中午12點左右，人潮唔算好多，而且爆款都有好多嘅選擇。我自己就買咗一個奶茶麻糬bagel、綠茶牛奶麻糬bagel同一條長嘅綠茶包。佢哋入邊嘅餡料都真係好多，而且麻糬都真係好濃牛奶味同埋好煙韌，相信鍾意食麻糬嘅朋友都會好鍾意。而奶茶味就稍為有啲唔係好夠，唔係太食得出佢嘅奶茶香，不過味道都好唔錯，當係普通bagel麻糬包嚟講都非常之好味。

今次試享樂貝果佢比正宗煙靭口感嘅bagel 較軟 偏向麵包嘅口感除左個皮之外，同市面貝果一樣都係好多口味選擇呢日鋪頭有嘅口味不少，有原味 芋泥 芝士 糖不甩 同呢個抹茶*我喜歡有麻糬嘅貝果做到拉絲之餘 口感亦好好多呢個貝果 麻糬少甜 份量多整個貝果3/4都有麻糬原來裡面仲有抹茶奶酥奶酥唔太濃味，一開始以為係深色左嘅麵包*鳥眼比較隨意，似大肚臍多啲😂外觀比較平平，蒸+焗完之後都唔係漲得好多，但餡料足夠係食內涵多過食外觀*希望下次試到開心果/烏龍芒果期間限定商品好難捕捉到🥹

享樂烘焙係近期以Bagel貝果盛名的麵包店，而家分店都越嚟越多，最近開會經過九龍灣，都忍唔到要去買番幾個Bagels。我首推愛文芒烏龍貝果，拎番屋企，放入氣炸鍋以180度焗大約5分鐘就變得外脆內軟，聞落去已經充滿烏龍茶的香氣，食落去Bagel質感有彈性，加埋軟檽愛文芒的口感，而餘韻茶味四溢。至於其他口味都值得一試，例如湯種台灣大甲芋泥貝果。不過唔建議買返來擺太耐，Begal會變硬而令口感同味道都無咁好。

早前見有post出新野－開心果吉士酥皮冰心，已經好想試，今日去開九龍灣就可以買黎試。個包有豐富口感同層次，酥皮好鬆松，再加埋冰凍幼滑意大利開心果吉士忌廉，冇得頂，甜度適中，會再買黎試。

之前見享樂在IG po既新品介紹相，已經非常想試！今日我終於試到啦呢隻開心果吉士酥皮冰心麵包啦！入店第一件事，就想搵呢個麵包買，行左個圈都見唔到，咁就改買Bagel啦⋯⋯排隊比錢之際，見到個一個個用透明膠盒裝住既開心果包原來係放在收銀旁既凍柜入面呀！Yeah! 即刻買返隻食一食！開心果吉士酥皮冰心麵包 HKD$32呢個包包真係不得了，要樣有樣，要內涵有內涵！比錢時，店員建議買完盡快食用，話唔食住就記得返去放雪柜。哈哈，我又點忍得住返屋企先食，梗係買完即刻彈去後面公園食啦。 包包既尺寸大約有女仔手掌既2/3咁大，酥皮表面沾有一層薄薄既焦糖，焦糖上仲有碎開心果仁。 個包包因為雪凍左，所以焦糖都脆卜卜，令表皮既酥皮更酥脆，一口咬落超滿足呀！！！好在即買即食, 我諗如果行完街返到屋企先食，面頭層焦糖應該會溶左就無咁脆了！個包包唔止外脆，內裡仲鬆軟，而且有層次。包包層發得好靚，牛油味勁香，入面係爆醬架！個開心果醬超正，質感非常軟滑，除左食出開心果味外，仲帶d繽紛樂既榛子醬味，個吉士醬冰涼冰涼，甜度ok，唔會好膩，超級好食！而且，醬底仲有一層薄薄軟糯既麻薯，多重口感既合併令人好驚喜，好滿足。真心