享樂烘焙

營業中

休息中

18-7-2025（Fri）老公又約咗朋友，又係得我一個食晚飯，放咗工後落荃灣買嘢，買完去麥當勞買嘢食？都係唔喇，橫豎冇落雨，咁不如嚟享樂買麵包食啦，嚟到時睇咗一round至決定買咩啦，呢晚貝果口味特別多，而最後我買咗：1. $24.00嘅台灣金桔乳酪貝果一食，食到金桔有少少澀，唔多嘅軟乳酪餡，唔酸反而甜甜地，貝果皮煙韌。3.5分2. - 4. $8.00一個，$22.00三個嘅迷李白燒，啱啱有3種味道：藍莓白燒切開睇，藍莓醬唔太多，食落係好味，白燒亦唔算好韌。4分黑芝麻麻糬白燒黑芝麻餡勁多，佢嘅味道好濃，甜度適中，好味。5分南瓜白燒南瓜蓉份量都唔多唔少，而佢係幼細唔太甜，有啲似奶黃味，白燒亦有有香脆南瓜籽，增加口感。5分5. $20.00嘅原味香草冰心呢個令我記起之前食過嘅開心果吉士酥皮冰心包（食評係2023年8月21日提交嘅呢篇：https:/www.openrice.com/zh/hongkong/review/yeah-%E6%BC%8F%E5%92%97%E6%90%B5%E5%91%A2%E5%80%8B-e4957687），今次見到有朱古力冰心包，但我唔想太濃味，所以揀呢

前日（6-4-2025 Sun）朝，同老公瞓晏咗後，落荃灣睇回收店會唔會休息冇開，然後食個早餐同買餸，食咩好？享樂啦，都好耐冇食喇，於是行嚟，睇吓有好多飽，之前假日朝都冇咁多包，睇睇錶，原來時間都唔早，已經接近11點，而今次睇到有好多新嘢，睇完一圈，就買咗：1. $12.00嘅芥末煙肉薯仔小三角呢個唔太辣亦唔太鹹，薯仔都夠腍，ok嘅。4分2. $24.00嘅明太子芝士貝果呢個係我一入去，店員啱啱refill，我就要一個，呢個有少少辣係正常，而佢又唔太鹹，貝果口感又正常，唔錯嘅。5分3. $26.00嘅抹茶麻糬牛角其實之前都食過，今次老公要呢個，我一食，酥皮仍脆，麻糬煙韌，依然keep住水準。4分4. $12.00嘅煙雞火腿卷呢個同芥末煙肉薯仔小三角同價，亦可以以$22.00買兩個，呢個比較鹹咗啲。3分5. $16.00嘅台灣紫地瓜73號呢個返到屋企，到晏晝至食，睇見造型就係番薯咁，餡有番薯同紫薯，都有唔少，番薯餡甜，紫薯餡內藏提子乾，有驚喜。5分而喺呢喥，我哋都買埋銀都嘅咖啡同奶茶各一樽，共$58.00。咖啡味道好似濃咗，甘咗啲；奶茶依然係幼滑，味道亦唔算太濃。服務：今次收銀唔知係咪

I was visiting old work, so I bought them my favourite bagels for tea!!! LYBAKERY has the best bagels, not only are they fresh, they also have such a big variety of flavours. The texture is chewy and airy!!! The fillings you can actually see because trust me, it is filled with goodies!!! My favourites are Taiwan Taro and Matcha Pretzel!!!

這次在荃灣的享樂烘焙品嚐了他們的玉桂脆條，真心覺得是一款令人驚喜的小點。外層焗得香脆可口，入口帶有淡淡玉桂的香氣，這種香味還會緩緩釋放，帶來溫暖又令人安心的滋味。甜度適中，不會過於膩口，咬下去的酥脆聲響也替整體享受加分不少，是那種會讓人默默回味的樸實美味。環境： 店內依舊寧靜整潔，氣氛悠閒舒適，讓人可以慢慢挑選自己喜愛的麵包。 價格： 定價合理，即使是小點心也感受到價值感。 食物質素： 玉桂味道自然不造作，脆條製作火候掌握得宜，令人吃得安心又滿足。 食物種類： 從經典到創新選擇豐富，每次造訪總能找到新驚喜。如果你喜歡玉桂那種帶點溫暖香氣的甜品，這款脆條絕對值得納入你的必試清單。

位於荃灣的享樂烘焙再度讓人驚喜！這次試的是他們的朱古力香蕉貝果，一咬下去濃郁的朱古力香氣馬上撲鼻，之後便有香蕉蓉的自然甜味則慢慢散開，兩者完美融合。貝果的口感微韌不乾，讓人忍不住一口接一口地吃。這款貝果甜度拿捏得恰到好處，不會過膩，既滿足甜品的慾望，又保留了麵包的樸實感，是款平衡度極高的創意口味。環境： 店面依然維持乾淨整齊，充滿烘焙香氣，是個令人放鬆的小角落。 價格： 定價合理，與質素相符。 食物質素：食材新鮮，口感與味道兼具水準。 食物種類： 多元化，結合經典與創意，甜鹹選擇齊全，定期推出新口味。如果你鍾意香蕉與朱古力這個黃金組合，絕對不能錯過這款貝果。

位於荃灣的享樂烘焙是一間最近經朋友推薦才知道的小店。今天經過時順道進內看一看，之後便挑選了店內的湯種藍莓乳酪貝果。藍莓與乳酪的香味非常突出，配上貝果微微煙韌的口感，整體味道層次豐富又不膩，讓人一試難忘。這次體驗令人非常滿意，下次一定會再來試試其他款式的麵包。環境： 店面整潔舒適，氣氛溫馨，適合悠閒地選購麵包。 價格： 定價合理，與質素相符。 食物質素： 食材新鮮，口味出眾，細節處理用心。 食物種類： 選擇多樣，包括甜點、鹹包及創意新品，值得慢慢發掘。如你喜歡探索特色麵包店，這裡或許會是個小驚喜！

享樂不斷出新產品😍今次去感受到啲人買衫包色嘅感覺~諗都冇諗就：每款各一呀唔該🤣4款入面我最鍾意又最抵食嘅就係酥皮蛋撻啦🤤酥皮酥脆香口，蛋嘅部分好滑，面層仲有啲焦糖感🥹另外3款撻用料好足！伯爵茶同抹茶味夠哂濃😍布丁部分亦都好綿密，食完好飽😂▪️伯爵茶流心朱古力布丁撻($24)▪️小山園抹茶撻 ($24)▪️德式布丁撻($20)▪️AOP酥皮蛋撻 ($12)

因為14-9-2024 (Sat）同家人，女友人WK食燒肉晚飯，咁我順便去享樂買銀都嘅咖啡俾WK同女同事M飲啦，喺喥買咗兩樽後，收銀即送上迷你月餅一個。睇見係啡綠色，我估係培茶或伯爵茶味，到15-9-2024 （Sun）晚，我就忍唔住要食，睇吓包裝，原來呢個係鐵觀音味，我應該未試過，因為怕鐵觀音苦澀。切開睇，係軟心餡，食落，茶味唔太濃，有少少鹹，但口感好正。味道係4.5分上次食評係2024年5月19日刊登嘅呢篇：https://www.openrice.com/zh/hongkong/review/yeah-%E4%B8%8A%E7%99%AE-e5471277

朋友極推薦的麵包店，我選了朱古力貝果以烤箱翻熱後，外皮比較脆，咬下後暖暖的，軟綿綿，口感不錯巧克力餡料不會過甜/假甜，但餡料略有不足，上圖已經不是連接處，可以看到餡料比例真的很少....希望之後可以增加餡料量，否則有點對不起個價錢呢

朱古力香蕉貝果 $22桂花紫薯貝果 $22玄米茶開心果貝果 $24每次見到麵包櫃有咁多款貝果都忍唔住打個卡🤤強烈建議蒸一蒸先食 貝果口感會更煙韌🫶🏻朱古力香蕉餡好特別 明顯食到打爛香蕉嘅質感🍌紫薯貝果同紫薯麻糬包差唔多🍠桂花味偏淡覺得享樂嘅麻糬做得出色🤩有奶味 軟糯口感同麵包好夾~.開心果貝果麵團混合玄米茶粉及亞麻籽 增加脆脆口感✅開心果餡係奶酥質感 比較鬆散 帶淡淡開心果味 有麻糬就like👍🏻.芋泥、抹茶同芝士貝果都係我會翻兜嘅款式✨大推！.評分💫：味道：4/5環境：3/5價錢：5/5

行入呢間麵包舖，發現麵包種類好多，亦麵有好多近期大熱嘅開心果麵包😆第一眼比呢個外表誘人嘅麵包吸引住，麵包表面鋪上滿滿嘅開心果碎，咬開麵包充滿驚喜😎綠色嘅開心果醬入面有啲好似椰絲嘅餡，咬落有少少脆口，麵包表面又焗到好香口，口感層次非常豐富，係令人食完想再食嘅產品😋

今日經過依間我最愛嘅麵包舖，就梗係要買麵包返屋企食啦！今日買咗兩個麵包分別係抹茶奶酥德式貝果同大甲芋泥大福酥菠蘿。抹茶奶酥德式貝果抹茶奶蘇餡甜甜地充滿着濃郁抹茶香味，夾埋德式貝果鹹鹹嘅味道，一齊食又甜又鹹好特別。貝果既表皮都脆脆地，麵包質感軟熟，食落口感好特別。大甲芋泥大福酥菠蘿菠蘿包非常大個，食完會好飽。超級多芋泥，可以話係爆餡！菠蘿包表面脆脆地，大福又煙煙韌韌，芋泥甜甜地充滿芋頭香味，真係好好食！

15-5.2024(Wed)佛誕公眾假期朝，同老公喺潮得起食完早餐後走人，沿路經過呢喥，又入去買定啲包做lunch。可能公眾假期同時間尚早， 架上面唔係平時咁有好多麵包，冇我想食嘅麵包，不過都有其他吸引嘅，我就見到$16.00一個，$28.00嘅司康，有咖啡朱古力同焙茶合桃兩隻味，我就想試。老公就重覆要$18.00湯種台灣大甲芋泥貝果，之後佢又睇到$20.00 嘅湯種伯爵麻糬奶茶貝果，印象中，我喺享樂未見過有奶茶味嘅麵包，於是要一個。咁就用$66.00買呢4樣。畀錢時收銀問我哋想點樣袋?我哋話一個袋裝得晒就裝，跟住佢就知道湯種伯爵麻糬奶茶貝果係啱啱出爐，於是就將呢一個分開袋。由於知道係咁，我哋就快快搵地方坐低食湯種伯爵麻糬奶茶貝果，搵到地方坐喇，我哋就掰開一半嚟食。呢個味道濃郁，貝果本身嘅口感煙韌，但同同樣煙韌嘅麻糬有啲分別，個底有少少脆，呢個幾好食。5分其餘嗰啲就係拎去當晏晝食，到晏晝我哋就拎嚟食，打開個袋，已經嗅到香味，我哋切開晒一半後，我就先食咖啡朱古力司康，咖啡嘅甘味比較出，朱古力味係濕潤嘅朱古力粒，成個唔太甜亦好味。5分焙茶合桃呢?可能因為有合桃粒，感覺呢個比咖啡朱古力嘅口感

今日經過荃灣呢間享樂烘焙買咗個菠蘿布甸包同埋抹茶冬甩試吓🥖菠蘿🍍布甸包嘅味道麻麻哋🥲，唔係好夾明明菠蘿包嘅口感係有咬口嘅但係中間嘅布甸味道好普通同埋太大個啦味道好似食緊齋布甸咁樣🍮抹茶冬甩🍩嘅味道好好食，啲cream係好多嘅出面有一包喺出面咬落去都可以feel到啲cream係好多同埋好好食啦麵包本身都係好煙靭，啲cream都唔會話太甜OK嘅，鍾意食抹茶嘅推介大家試吓🍵環境方面：如果係平日就唔使排隊幾方便，麵包舖雖然細細間，但係都有好多唔同種類嘅麵包可以揀👍🏻總結：推介大家食抹茶嘅冬甩🍩cream同埋抹茶好食，唔推介菠蘿布甸包🍍

27-4-2024（Sat）傍晚，老公剪完髮肚餓，就走嚟買麵包填肚，佢見到最後兩個開心果麻糬牛角包，於是買嚟食，佢自己就食咗一個先，然後拎一個返嚟畀我食，但由於我唔餓兼且都食晚飯，所以冇即時食到 ，唯有留到 28-4-2024（Sun）朝頭做早餐，由於27-4-2024天氣潮濕翳焗，所以都預咗呢個包會受潮，我嗰朝就攞嚟食，咬落去當然已經唔脆，麻糬依然煙韌，而裏面都有開心果醬，個包甜甜哋，味道都正常大路，不過都係因為我錯過咗而影響咗口感。價錢:幫趁咁多次，真係冇留意呢個幾錢，都應該係$2600-$30.00。2.6分上次食評係2024年4月23日刊登嘅呢篇:https://www.openrice.com/zh/hongkong/review/yeah-%E9%81%8E%E4%BB%BD%E5%9C%B0%E5%A5%BD%E9%A3%9F-e5422828