享樂烘焙

營業中

休息中

依家搬咗黎荃灣…日日起身追巴士，所以早餐係食包🤫以前經過呢到，會覺得佢價格比較貴💁🏻‍♀️但佢又日日都好多人迫入去買，有一日婆婆黎買啲包俾孫食🤡嘩！我終於食到食包食飽嘅感覺😂食咗一個月，開始儲下啲相，介紹下呢到嘅包😋有啲都唔太記得名食物法國牛角酥今日細佬食呢個，佢俾咗啖我試🤩真係好正！佢又酥軟，又香杏片，又有朱古力！小朋友至愛🥰大過大人手掌🖐🏻4歲人仔食晒一個包抹茶紅豆吐司呢個感覺好似食提子包，佢啲紅豆又甜又冧！麵包又好軟熟，重點係佢唔貴！好過買磅方包麻糬bagel東：綠茶味南：黑糖味西：黑芝麻，呢個入邊唔係麻糬，佢係滿滿嘅黑芝麻餡，唔會好甜，老人家都啱食！北：伯爵茶（好似係…佢好香茶味）貓貓朱古力酥多士嗰日同細佬放學買包，佢見到呢個好得意，就lur我要買呢個🥰呢個就烘一烘熱佢超好食🤤好香濃嘅朱古力味，又好酥軟嘅牛角包感覺其他因為每日搭車都會經過，所以我哋係買完第二朝早做早餐。好耐都未試過食包頂到咁耐！一個包加一杯水，7點食完到中午都唔覺好肚餓…如果係以前，2個空氣包，唔洗3個鐘都已經咕咕叫…我同fd推薦呢間，佢哋竟然話🥱你唔係依家先知呢間呀？好食呀呢間！

17-2-2024（Sat）年初八晏晝,同老公由荃灣西行返出嚟,由於佢臨瞓前同翌日朝都要食藥,不如買定麵包,佢話去享樂買.好遠呀!果然係忠實fans,我哋嚟到,又睇到新口味嘅麵包,行完一圈,就買咗:1. $16.00嘅明太子麻糬燒2024年1月31日刊登嘅呢篇食評https://www.openrice.com/zh/hongkong/r-%E4%BA%AB%E6%A8%82%E7%83%98%E7%84%99-%E8%8D%83%E7%81%A3-%E6%B8%AF%E5%BC%8F-%E9%BA%B5%E5%8C%85%E5%BA%97-r799746/reviews中提過,老公話好食,所以再買,今次呢個佢自己食晒,我冇食.2. $14.00一個,$24.00兩個嘅司康我哋要咗海鹽AOP法國奶油司康同蜜糖提子司康各一個,由於覺得呢個外面會脆口,所以呢晚食咗佢先.切開睇,海鹽AOP法國奶油司康固然冇餡,食落,外面係脆,內裡同鬆餅有少少唔同,應該可以話係鬆餅同麵包嘅結合?呢個就普通咗啲.3分蜜糖提子司康呢?呢個味道自然豐富啲,不過我本身應該唔係好鍾意食提子乾,我覺得如果用紅莓可能好味啲

徳式布丁撻 $20咬第一啖嘅時候，布丁撻撻皮好鬆脆！而且布丁嘅蛋味好濃郁，連埋個撻一齊食，絕配😋小山園抹茶麻糬牛角 $26呢個麻糬牛角用咗法國LESCURE發酵奶油製造，所以香味真係好獨特！而且面頭個層抹茶味都好濃郁好香，連埋個牛角包一齊食好香好好味😋桃膠杞子紅棗茶 $24飲落去紅棗味好重，建議飲之前要搖一搖先飲，咁就可以第一啖飲落去都可以連埋桃膠同杞子一齊食啦，會更加有咬口同特別😋𝗢𝘃𝗲𝗿𝗮𝗹𝗹𝘛𝘢𝘴𝘵𝘦:⭐️⭐️⭐️𝘌𝘯𝘷𝘪𝘳𝘰𝘯𝘮𝘦𝘯𝘵:⭐️⭐️⭐️𝘗𝘳𝘪𝘤𝘦:⭐️⭐️⭐️𝘌𝘯𝘤𝘰𝘳𝘦:⭐️⭐️⭐️

14-2-2024（Wed）年初五兼情人節，放工後，老公喺呢喥買個蛋糕返嚟食，食完晚飯就拎出嚟。睇見佢係白色嘅蛋糕，咩蛋糕嚟呢？白朱古力蛋糕?切開睇，個樣咁似cheese cake嘅?老公話柚子奶酪味蛋糕，即係cheese cake，好，我哋食得喇。微酸又帶甜嘅柚子味道來自上面一層薄薄嘅柚子醬，食唔到澀味，幾好;面上軟滑嘅忌廉唔太甜;而芝士蛋糕嘅口感係正常軟軟的濕潤，唔錯。呢個令我諗起係Yolanda Cake (https://www.openrice.com/zh/hongkong/r-yolanda-cake-%E4%B9%9D%E9%BE%8D%E7%81%A3-%E8%A5%BF%E5%BC%8F-%E9%BA%B5%E5%8C%85%E5%BA%97-r433047)食過，食評係2016年10月24日刊登嘅呢篇: https://www.openrice.com/zh/hongkong/review/%E8%B3%A3%E7%9B%B8%E6%A0%B8%E7%AA%81o%E6%97%A2%E7%94%9F%E6%97%A5%E8%9B%8B%E7%B3%95-e2668

話說大前日(4-2-2024 Sun），老公同我喺呢度買咗幾個麵包，嗰日見到有好特別，$22.00一個嘅不完美鳳凰金元寶，由於戴孝中，我哋係唔可以買嚟賀年送禮，但噚日（6-2-2024 Tue）睇到人哋嘅食評（https://www.openrice.com/zh/hongkong/review/%E5%85%A8%E6%96%B0%E5%85%A9%E6%AC%BE%E6%96%B0%E6%98%A5%E8%B3%80%E5%B9%B4%E7%A6%AE%E7%9B%92-e5277353）講到好好食，於是忍唔住叫老公放工後買返嚟自己食。食完晚飯後我哋就攞嚟食喇，切開睇，不完美鳳凰金元寶見唔到嗰個食評裏面嘅蛋黃流心，咁算啦我哋照食。佢裏面嘅絲絲果肉唔係好甜，係偏酸 ，成個覺得係可以解膩，之後見到少少蛋黃， 但起唔到乜嘢作用，呢個同普通鳳梨酥冇乜分別。2分而$24.00嘅不完美流心大甲芋泥麻糬酥呢?切開睇，顏色係靚嘅，不過冇流心。食落芋頭味唔係太濃清清地，佢亦都唔係好流心，麻糬係有少少煙韌，我覺得普通咗，但係老公就話好食。3分抵食係2.5分

噚日（4-2-2024 Sun)朝落荃灣會合返完教會嘅老公 食早餐後去買餸，路經享樂，老公又問使唔使入去買麵包食？咁入去睇吓啦。點知一睇又出事啦，出咗好多款未見過嘅麵包，喺飽嘅情況之下都揀咗幾個，有:1. $20.00一個$36.00兩個嘅檸檬吉士冬甩呢個酸酸甜甜咁，餡料多，好味。5分2. $12.00一個， $22.00兩個嘅北海道奶油條奶油奶味算濃，呢個似走椰絲嘅椰絲忌亷賓，啱唔鍾意食椰絲嘅我。5分之後我食唔落，到夜晚至食埋另外嗰兩個。3. $12.00一個， $22.00兩個嘅墨西哥奶酥呢個個餡甜有啲椰絲，但好味。5分4. $20.00一個$36.00兩個嘅玉桂焦糖蘋果冬甩呢個晏晝老公食時話好甜，我食落係，真係好甜，原來有焦糖，唔怪得。4分服務:俾錢後，店員提醒如果今日食唔晒，就雪住北海道奶油條，其他三個唔好雪。抵食係2.7分題外話:佢哋有出賀年嘅鳳凰金元寶，有一件獨立包裝同一盒四個嘅禮盒裝賣，我哋唔可以買，所以冇得試。上次食評係喺2024年1月31日刊登嘅呢篇:https://www.openrice.com/zh/hongkong/review/yeah-%E5%BF%8D%

新一年又到了 係時候share賀年禮盒🎁今年就揀左享樂嘅兩款應節產品💛.📌鳳凰金元寶（1盒4粒） $138鳳梨臺語諧音為旺來 有求得好運旺旺來嘅意思💰金黃色外層加入南瓜粉 口感鬆化 啖啖蛋奶香甜味🥧內餡係一絲絲酸甜台灣土鳳梨果肉同濃郁甘香鹹蛋黃 味道出奇地好夾🍍🥚.📌流心大甲芋泥麻糬酥（1盒4粒） $142享樂嘅王牌產品一定唔少得大甲芋泥酥👑紫玫瑰花瓣手工千層酥皮超鬆化酥脆 乾身唔油🌹大甲芋泥綿密幼滑 啖啖獨有芋頭奶香甜味🍠夾心麻糬軟糯拉絲🤍配埋香甜微鹹特製流沙蛋黃 口感味道更昇華‼️

上次特登放工去嘅時候已經賣晒 今次特登打電話問有冇先至再去 慳返啲時間❀伯爵茶流心朱古力布丁撻($24)伯爵茶味清香 配上流心朱古力 吾會互搶味道布甸都幾滑 size頗大❀抹茶流心布丁撻($24)抹茶🍵濃度適中 加上少量紅豆🫘 惟一比較可惜既係兩款既撻皮都較軟 連係個盒度拎出黎都有難度 即使翻熱後都太淋 美中不足😵‍💫整體嚟講試一次夠 去到享樂又點會淨係買咁少嘢 買埋個明太子法包依然好食🤤 做早餐一流 其他bagel都唔錯

大前日 (28-1-2024 Sun)朝,老公去完教會,我叫佢喺呢喥買啲麵包返嚟食,點知佢一口氣買咗6個麵包返嚟,當中有啲係出爐冇耐,所以店員都唔綁實個袋,而佢買咗:1. $ 12.00一個,$22.00兩個嘅法國栗子包呢個仍暖暖地,所以要食先,佢嘅造型都係成粒栗子咁,掰開一半,見到裡面有好多栗子蓉,食落味道係對版亦唔太甜.3分2. $18.00嘅湯種藍莓乳酪貝果呢個我食到乳酪味,而麵包外層都開始有少少韌.2.8分3. $28.00嘅特濃抹茶麻糬小吐司食到呢個都已經開始唔暖,可能因為天氣凍啩,呢個抹茶味甘同濕潤,面嘅麵包微甜同脆脆地,加上煙韌麻糬,口感好豐富.5分4. $6.00一個,$16.00三個嘅巴馬臣香蒜包老公有食力,佢就先食半個,佢大讚咁普通嘅麵包都咁好食,佢話如果新鮮出爐應該好好食.我到下午茶時間至食到,味道好夠又唔太鹹,包身仍鬆軟,唔錯.5分5. $14.00一個,$24.00兩個嘅台式肉鬆菠蘿包老公喺下午茶時間食,入面有啲奶油,佢話個面仍脆,但肉鬆同奶油跳唔到舞,化學作用唔得.我就飽到要夜晚當晚餐食,甜甜地嘅菠蘿包面仍脆,台式肉鬆好乾身亦唔太鹹,而滑滑奶油令我記起以前嘅

今次去睇睇新店又見到大量新品！太興奮了🥰，上次有fans叫小編一定要試個布丁撻，小編黎找數的🤣🍮：-1️⃣「玄米茶開心果貝果 🥯($24)」🆕終於唔再係焙茶抹茶🍵！今次係玄米茶，玄米茶開心果奶酥好香，不過有d難分到佢地嘅味，而麻糬bb多到爆出黎~Pistachio mochi Bagel👍🏻-2️⃣「小山園抹茶撻($24)」好濃好濃抹茶香！一聲到小山園就知ok，布丁好軟滑，撻皮保持到香脆💚~Matcha German pudding tart👍🏻

之前其實都share過享樂烘焙，所以呢次就無特登每樣野食再影😝。雖然本身唔常買包，但呢間款式又多，全部都好食又足料，性價比好高💮。不過荃灣分店唔算好就腳，如果屋企/公司附近都有就好🥺🔅日本宇治抹茶蜜瓜包 ($18/1 | $32/2)🔅伯爵茶蜜瓜包 ($18/1 | $32/2)本身其實唔算鍾意食蜜瓜包，但享樂既蜜瓜包好好食🥺！表層夠脆，包都鬆軟，茶味夠濃，中間仲有埋奶酥🤤～抹茶味超好食💚🔅小山園抹茶司康 ($16/1 | $28/2)🔅焙茶核桃司康 ($16/1 | $28/2)🔅伯爵茶司康 ($16/1 | $28/2)享樂既Scone平得黎又好食，唔會好乾，外層幾脆😋🔅16層牛角 ($18)Croissant前前後後都食過好多間，呢間夠酥脆，有蜂巢橫切面，價錢都偏低🤫Maison Kayser既牛角包牛油味香啲又貴少少，但層次感更足，有興趣大家都要試下❤️)🔅小山園抹茶撻 ($24)撻係最期待但最普通…茶味可以再濃啲，撻皮又唔係好夠香🔅特濃抹茶焦糖三角 ($18)🔅朱古力吉士卷 ($14)🔅銀都冰室經典茶走 ($28)💬享樂既包真係好味又抵食，價錢仲好大眾化，真心推薦～最近見佢個冬

啱啱食完呢間店嘅麵包，我真係要即刻同大家分享下啲感受！首先，佢哋嘅麵包竟然可以做到外皮脆脆，入口即溶嘅神奇效果🤩，個人特別鐘意佢哋嘅蜜瓜包，啲瓜香味勁過天然香水，一咬落去又發現裏面嗰層奶油，濃郁到離晒譜！話說緊呢，再嚟個柔軟得黎帶有QQ彈性嘅麻糬牛角包😋，每次咬落去都彷彿係味覺嘅雲霄飛車，真係興奮過覲見偶像！另一個撻仔就平平地，綠茶味道可能略顯淡薄，啲紅豆點綴就算咗，仲諗住會有啲驚喜嘅。不過，話時話，其實整體味道都算幾均衡，唔會太過費事。而且啲店員服務態度算係幾不錯，唔會因為店忙就擺臭臉，都算係加分項目。總括嚟講，呢間店嘅麵包真係有曬水準，味道正，質感佳，都真係值得一試再試👍。跟足心水推介，下次又計劃試吓其他款式！响這家店试的經歷好正！

到咗栗子嘅季節 享樂都出咗新嘢🆕栗子麻糬bagel 💲20整體一般般 唔夠🌰栗子味 (期望太多)如果佢裏面有栗子蓉就好🥲有少量麻糬 包體偏硬(第二日先食冇蒸)不過都幾大個 夠飽同埋都幾難買到 唔係次次去都有

享樂烘焙的紫薯bagel是絕對值得一試的！這款bagel的麵包好有咬感。紫薯的香甜味道與bagel的面包完美融合，令人驚艷。它的外觀色澤美麗，紫色誘人。每一口都能感受到紫薯的獨特風味，彷彿置身於紫薯園中。若你喜歡創新口味的bagel，絕對不要錯過這款！

11-11-2023 (Sat)晏晝,同老公落大窩口後,又走嚟睇吓有咩包買,我記得有填滿餡,形狀似海螺嘅包,於是去搵,佢哋擺喺最入面,我睇睇個餡先,係$14.00一個,$24.00兩個嘅朱古力吉士卷,咁睇到話可以同同價嘅麵包mix,於是搵多個先,見到有蜜糖提子司康同台灣紫薯麻糬白燒,我就揀咗後者.我朝早食完台灣麵早餐後,就一直都飽住,到傍晚,都係食咗朱古力吉士卷先啦,拎出嚟時,面上乾咗嘅朱古力甩落嚟,正常吧.食落,朱古力同吉士都唔太甜, 吉士好軟滑,不過少咗啲香味,麵包口感唔係太鬆軟,但又唔係太實,食咗呢個都飽.隔咗兩個鐘,我就食埋台灣紫薯麻糬白燒,呢個顏色幾靚,佢有紫薯蓉同紫薯粒,紫薯蓉好足夠,味道亦好夠,不過我覺得甜咗少少,而麻糬都係貫徹煙韌得嚟又拉到絲.兩個味道都係4.5分服務:都係會問客人可唔可一齊袋?我答可以,咁佢都擺得唔錯嘅,唔會將吉士卷有朱古力面嗰邊貼住白燒擺.上次食評係2023年10月29日刊登嘅呢篇:https://www.openrice.com/zh/hongkong/review/yeah-%E9%A3%9F%E5%9F%8B%E6%8A%B9%E8%8C%B6