享茶

營業中

休息中

炎夏需要廢水，而新蒲崗 享茶 的 芝士奶蓋烏龍茶，絕對是一杯稱職的消暑良品。奶蓋厚身且口感幼滑，帶有恰到好處的鹹香。烏龍茶底茶香濃郁而不苦澀，與奶蓋的鹹甜平衡得宜，帶來豐富層次，清爽無比，瞬間透心涼。To cater the need for a perfect refreshment, Enjoy Tea delivers with their Cheese Milk Foam Oolong Tea. The cheese foam is thick and silky smooth, with just the right touch of savory goodness. The oolong tea base is rich without any bitterness, balancing with the foam‘s sweet and salty notes, giving you an instant cool-down for beating the heat.

啱啱喺街頭轉角，發現咗一間飲品店，一入去氣氛好Chill，唔講唔知仲有啲得意嘅飲品揀。首先，我就點咗個芝士奶蓋烏龍茶，呢款簡直正斗斗😋，奶蓋幼滑咁入口，烏龍茶味道夠哂茶香又唔會太苦，簡直係啱晒我呢啲鐘意奶同茶平衡嘅朋友。跟住，我又饞咗，嘗試咗白玉珍珠鮮奶，珍珠QQ嘅，鮮奶滑得嚟又唔會過於膩口，一嘢，估唔到喺市區都搵得到咁特別嘅味道，真係令我開心到喺度微微地笑咗一陣。最後，個陳年金桔梳打，夠晒解渴又解膩，金桔味嗲嗲哋嘅酸香帶勁過癮，啱啱好㗎嘢。㨂呢間，就算唔食飯，嚟一轉，飲杯好嘢，心情都會好起嚟嘅。週末時光，過得好滋味😌！

經過新蒲崗 無意中發現依間茶飲店。熱辣辣既天氣見到茶飲店絕對係吸引力大增 ，加上茶飲店貼滿poster💛 吸引力力max🤭 因為疫情關係 堂食位置不作開放。 價錢方面絕對係好抵 比外間許多茶飲店抵 芝士奶蓋都係$25-$28 依個價錢真係少之又少 出面閒閒地都成$30以上。 店面人數唔多 同時收錢加整野飲都相對需要等一陣。 不過職員都好快手趕工飲品比想像中大杯（更覺得抵） 。 店員會問客人洗唔洗膠袋 ，好細心 。 介紹左芝士奶蓋， 真心芝士味好濃不過飲品本身叫左少甜， 但杯飲品都係超甜 甜到over左😅🥲完全飲唔到烏龍茶我味道 另外唔知因為唔記得咗少甜定咩 真心有啲扣左少少分（好啦 都係扣左0.5）🤭🤭下次可以試下走甜

建議：製作需時，可以Wtsapp落定單先 🤳餐牌上既選擇都幾多，作為#奶蓋控 見到奶蓋系列勁多款，都無咩可能唔飲番杯。所以去完肥仔銘買外賣，順手去對面買多杯野飲💛 今次試左：▫️芝士奶蓋濃香芋奶 (走冰走甜 HK$26)🧀奶蓋比較稀，芝士味唔係好出，奶味相比下比較濃。口感上似Cream 比較油膩，飲落無咩厚實感🥛🥤香芋奶飲落有淡淡既芋頭味，而且仲混合左啲好細既芋頭蓉。如果想口感好啲，可以加HK$5加芋頭粒💜

昨天掛8號颱風在家待了一整天今天決定外出走走來到新蒲崗有點口渴奶茶來說這區有很多選擇選了此店店舖雖小，一邊係製作奶茶另一邊有些少座位可給客人坐但由疫情開始就沒有提供服務可能是人手比較少沒有時間可作消毒鮮芋粒香芋奶綠（熱，微糖）熱度足夠，鮮芋粒有口感奶味濃郁2X元一杯是比較便宜，有些店買一杯已經要3X多元差不多可以吃一個午餐了

呢幾日天氣又悶又焗，行行吓新蒲崗就想飲啲冰凍嘅嘢☺️📍繽紛水果茶當中有橙片，紅肉火龍果，菠蘿，藍莓，奇異果🍊🍍🥝🫐近幾年叫嘢飲習慣咗少冰走甜。呢杯水果茶生果嘅甜度已經好夠味👍🏻生果同茶嘅味道夾起黎幾正！搞笑嘅係舖頭比一支細飲筒連叉，叉頭同飲筒係可以分開嘅。。。當我用支叉督爛啲生果，佢哋分離左😂😂😂唯有叫舖頭比番支粗飲管黎用啦！係咁熱嘅天氣下，真係好解渴❤️享茶 ENJOY TIME 📭 新蒲崗錦榮街4號地下☎️ 98293863

最近起新蒲崗食完dinner因為實在太太太太太太熱嘅關係食完飯上車前真係想飲返杯嘢打開app就搵到享茶!! 咁就行過去買都叫2-3人排緊要左凍頂烏龍拿鐵同埋繽紛水果茶兩杯野飲加埋先至係$58等左十分鐘就有得飲 凍頂烏龍拿鐵茶味唔算特別濃郁但一飲落去就有厚厚奶完全係飲到佢沖果陣係幾咁重手 繽紛水果茶水果嘅份量真係唔少！有火龍果有菠蘿有藍莓有橙幾款生果本身自己習慣咗叫走甜入口啖啖的鮮果味已經夠晒咁熱嘅天氣下飲一杯水果茶真係涼快勁多

布丁奶茶 加珍珠 價錢$24 (2/5分)⭐️⭐️諗住好耐冇飲布丁奶茶經過見到諗住試下(≧▽≦)點知今次中伏了 布丁係正常嘅😋😚奶茶超淡 撈埋冰覺得仲淡 完全係冇咩茶味最離譜嘅係珍珠又硬又難食🙄🙄雖然係大大杯 呢個價錢都算好平 不過珍珠真係完全冇味….雖然珍珠真係大大粒好似好正咁(好鍾意大粒珍珠細粒珍珠成日咬到個嘴好攰😂)我同h先生都覺得好難飲😪😪😪希望下次試其他嘢飲會好啲

今日就試左呢間享茶，其實之前都有一次經過想試既，不過吾知點解店舖仲未開門。lol咁今日又經過所以就買番杯黎支持一下呢間小店！買左杯胚芽奶茶，因為好似見其他店舖都無！🧐幾特別，所以買黎試下咁。同埋胚芽可以養肝抗癌！降血脂、血壓、血糖。益處多多呀！吾食你就走寶啦！😾杯野我叫左少甜少冰！因為我飲果陣已經隔左一粒鐘左右，所以原本面頭既胚芽已經沉底。我就覺得飲落個胚芽似消化餅果隻味。咬落個胚芽既口感似咬緊蘿蔔渣咁。🙈有奶味但吾算係好香，個茶底我就飲吾出係咩。🧐但要講清楚既係，杯茶係隔左一粒鐘先飲，所以可能會有落差，建議大家買完就儘快飲！同埋$20咁平，飲落又正正常常，無得講話咩既！🙈

平時成日飲芝士奶蓋乜乜乜，又好少見到有芝士咖啡，作為咖啡精嘅我見到享茶有芝士奶蓋咖啡又點可以錯過!享茶嘅芝士奶蓋飲落口感唔錯，就算四買外賣，隔咗半個鐘至飲都唔會撞到啲奶蓋散晒，而且配合咖啡底又幾夾喎！佢地嘅咖啡都好好飲，咖啡味比預期濃郁，唔會太甜，一次過滿足晒兩個願望，高質之選👍🏼👍🏼朋友嗰杯奇異藍莓加奶蓋都好正！淨係粉紫色呢個賣相已經贏晒😍驚喜在杯底放咗兩片奇異果 🥝有創意呀👍🏼👍🏼呢杯飲落都好好飲，夠滑夠濃，又唔會太甜，推介要試👍🏼👍🏼

💭芝士奶蓋奇異藍苺 $44飲來飲去既芝士奶蓋都係茶底？今次就試左來自享茶既芝士奶蓋奇異藍苺‼️‼️本身只係奇異藍苺，加$6加左芝士奶蓋，估唔到又好夾喎😝 芝士奶蓋夠厚身，咸咸地咁好夠芝士味，飲落好creamy，藍苺味比奇異果味濃，就好似食緊藍苺蛋糕咁😍 有驚喜！絕對值得推介‼️‼️

本來呢間已經寫過就唔想咁快又寫，但呢杯真心好飲所以忍唔住又黎推介😆😆今日咁岩係附近買外賣, 諗起享茶既陳年金桔梳打又想飲就過去買. 點知店主話今日無金桔😭, 咁就望望menu揀過第二款.今次試呢杯芝士奶蓋紫薯, 要微冰&半糖. 攞上手佢既夢幻紫色已經好靚, 唔知味道係咪同望落既一樣正, 即刻返屋企開餐叫埋媽媽一齊試. 面層既奶蓋好香芝士味又滑口, 連媽媽都力讚! 底層既紫薯好香濃, 甜度亦都啱啱好, 真係好啱我口味. 😋😋

芝士奶蓋茉香綠茶＋琥珀珍珠＄26一向都好中意飲珍珠奶茶的我終於都為呢間黃店寫食評～已經幫襯過幾次呢間店舖，店員都好有耐性同禮貌而且飲品格價親民。一杯芝士奶蓋由＄22起，芝士味濃，會愈食愈多！另外綠茶味甘香、琥珀珍珠又有咬口，好味！

好耐之前朋友介紹過新蒲崗有間享茶佢既陳年金桔梳打好好飲，有次去開新蒲崗諗住去試下點知遇著佢無開門.. 今次啱線又去開果邊又醒起就過去望下，好彩今次有開門啦，不過只有外賣室內暫停開放，唔緊要啦，重點係可以買野飲!!見到店面前既介紹好多款都好吸引，而學生重有加油優惠，著住校服或出示學生證就可以減5蚊，真係好貼心呀!!諗黎諗去都係試咗陳年金桔梳打先，見介紹張圖呢杯野係淡黃色既，但實際出黎係可樂咁既色(??) 初頭以為俾錯咗不過望下杯底又真係有好大粒陳年金桔係度 😆😆 開黎飲已經聞到好香既金桔味，重點係好濃厚金桔味，唔係加少少俾你就算數，然後再加上梳打感覺好清爽！如果夏天飲的話就更加爽呀！

👭享茶 (新蒲崗)👭滿杯金菠蘿 $32飲落有一絲絲菠蘿，味道一啲都唔假😍酸味同甜味調較得岩岩好，飲完真係好解渴👍🏻洋蔥薯蓉吉拿棒 $12呢到既小食都係用氣炸鍋製成，所以唔會好油膩，而係比較乾身。薯蓉充滿洋蔥香味，份量亦唔少。口感比較軟身，亦都好creamy👍🏻一邊飲飲料一邊食小食簡直一流☺😘辣味旋風薯條 $10形狀就似長型薯角連成圈形。每一片都好有薯味，點埋茄汁變得更滋味😋辣肉腸爆漿麵包條 $18一條有手掌咁長既麵包條，新鮮焗完出黎外脆內軟😍餡料唔算好多，要咬到中間位置先食到。味道就好濃郁既芝士蕃茄味😋甜味之間帶有輕微既辣，就好似食緊pizza咁🤪行經鋪頭坐低飲杯野食啲小食都唔錯架~不過大家要注意返，以上所有小食係折左8折後既價錢，但距離38出呢篇食評既時候，已經隔左一段時間，38唔知鋪頭現時仲有無做折，所以價錢只供參考呀☺推薦度：8/10🏠新蒲崗錦榮街4號地下🕐12:00noon-9:30pm