京味居 (已結業)

是晚忘了這店的名字，想了良久，『就是那一間牆上瓷磚 display 既食物無得叫既小店！』終於尋到那共同的回憶。小籠包 - 熱熱的，雖然皮較厚，但算有肉汁。鮮肉白菜水餃 - 皮有咬口，餡料鮮甜。這裡的水餃普遍唔錯。煎鍋貼 - 似一早煎定，皮厚厚的，硬左少少。上海粗炒 - 夠色夠鑊氣，但勁油.. 老婆話一湯匙油 = 半碗飯的熱量！中環區抵食北方菜，間中都會諗起京味居的味道。

昨天第一次去了京味居, 應比大家去時裝修了, 光鮮了. 木table木chair環境都算幾好.8:00pm 多D入去, 在場都有4至5木台, 都算幾好.我得2個人, 叫左以下食物 :-1/ 盛名既京燒羊腩都OK好食. 我們2都愛"穌"味, 剛上?時熱騰騰的, 連肥膏都幾重"穌"味, $50元一碟份量都幾足, 好食但怕"穌"味可能不喜.2/ 小籠包OK, 都有好多肉汁, 係皮厚D, 但我覺可以接受.3/ 雞絲粉皮麻醬味重, 好食但冇乜雞絲.4/ 炸醬面最最最喜呢樣, 面(粗面)面彈牙醬(面豉炒肉碎, 如錯請指教)好味一尋回當年背back pack 去北京旅行的回憶, 在香港一直找不到. 連那個SSP自稱是山東餃子店的炸醬面亦不是對樣的炸醬時, 呢度真係好得. 面條亦都真係好好食.5/ 蒸銀絲卷一個成10蚊個, 軟就軟但我認為不夠面粉香. 宜家開到成行成市既中飽店出品會仲好.以上食左160元. 都算ok. 席間都入左兩三台客, 都應算幾好生意.Maybe 值得留意係佢地做埋dial a dinner 生意, 食緊既時候就已出左兩客外賣出去, 都算做得有d辦法.同時亦有套餐供應, 但2 to

今日一行七人再次幫襯, 揀這店原因只有一個, 就係唔洗等位. 係中環食飯, 唔洗等位既只有兩種店, 一係好貴, 唔book 唔入得果d. 另一類, 這店係表表者.有一位穿恤衫既大叔 (應該係老板), 落單真係又激氣又好笑1)其中一款菜唔要汁, 佢話唔得(試過其他夥計落單果陣, 係得); 2)其中一碗飯要少飯, 同你講唔好少飯, 結果梗係冇左回事la; 3)叫7 套客飯, 寫得6款, 再三追問下, 佢知自己寫錯, 仲皺起眉頭, 嘆大氣, 覺得我地麻煩今時今日, 咁既服務態度, 點得ga?! 這店唯一可取之處就係佢既價錢, 30大元, 有湯, 有好大碗飯, 加一個味道ok既餸.係中環, 要一班人食飯, 又唔洗等位, 係咁ga la.....

其實呢度唔算隱世, 黎得隔離麵檔排隊的, 都知道隱藏在鐵皮檔仔後, 有一間毫不顯眼的經濟小菜.1.15 入去, 原來都唔少人, 看見其$30客飯, 認真經濟, 二人行炒了個回鍋肉同蔥爆牛肉. 個回鍋肉先上, 但欠了鑊氣, 可能是大量做定, 有客要就快餐咁出. 雖然是這樣, 但味道夠, 又香口. 唔錯. 蔥爆牛肉, 遲了好耐先上, 但熱氣騰騰, 牛肉又滑, 又夠熱. $30 經濟客飯, 抵食.地方又是比較暗, 燈光不足又是令人覺得不乾淨的因素. 搭檯的有兩個好重北平話的食客, 相信是正宗北方味道, 才能令北方人食得津津有味.冇豆漿送!!!!

這是第二次光顧，原被第一次之經驗嚇怕，是次幸有同事(共三人)可點二人套餐HK$148酸辣湯-可分五碗，ok素鵝-腐皮包紅蘿蔔碎，ok木貿肉(炒木耳，豬肉絲，蛋絲)，ok大千雞-熱騰騰的剛炸起，雖有乾紅椒炒但不辣，很可口白飯二碗

與食評家sweetcanny有同感，菜單上主要是上海菜，也有餃子25/1(五)一時多到達店子仍有空置座位，要了一碗排骨擔擔麵．上菜很快但湯底嫌淡，微辣，白麵一般結論: 有點失望，物非所值

今日(18/1/08)我地三個人去京味居食飯, 入去既時侯都差唔多成一點, 但入面都係得六七張四人同六人有人坐, 三張放係最入, 最大既八人就空既. 咁我地見無四人, 其他六人亦唔覺有三個位可以"搭", 咁就自己走左埋去坐左其中一張空既大(佢全程都無人理我地喎). 坐低一兩分鐘, 準備叫野既時侯, 個貎似負責人既阿叔就問我地幾多個人, 我地話三個, 佢就左望右望, 然後居然係一張己經坐左五個人既六人旁邊, 放多兩張圓凳, 又叫個五個人坐埋d, 然後叫我地三個坐埋去. 跟住我地其中一個話: "咁迫點坐呀", 呢位阿叔居然又係答個句"呢度係中環, 係咁架喇". 結果我地啞左一陣, 之後起身同佢講, "你幾張大留返自己開飯啦, 又唔諗下點解越黎越少人幫襯!" 然後走人. 呢間野都真係.... 自從轉左手之後, 就變成咁樣樣, 野就經己唔係真係好食, 無錯價錢係平, 但係呢條友三番四次當d客黎乞食, 呼呼喝喝, 要乜無乜(之前試過燒雞菜飯唔好淋汁, 都話唔得, 然後又係個句), 既然係中環做得咁辛苦, 你不如搬去北極啦, 一年都無兩個人幫襯, 租又超平喇.

We just had a dinner on 30 Oct. While the menu looks relatively good value, there are some dishes which say "market price". The waiter recommended a dish "Bean Sprouts with crab roe" - 蟹粉豆苗. While other dishes we ordered were around HK$50 each, the price for this dish alone ended up HK$168, and you cannot believe there is a green worm in the dish (they didnt wash the bean sprouts thoroughly). So caution you not to be reaped off. I will not go back there again.

20071008店名為“京味”，菜單上方大書“京川風味”，而細閱之下，也不乏賽螃蟹、炒鱔糊之類：）在香港，獨沽一味賣京菜向來是有些難的，更何況對許多本地食客來說，本就分不出京、川、滬所差為何。套用國人戲謔“老廣”的一句話：在廣州人眼裏，所有人都是北方人。所以，兜兜轉轉論證一番，叫“京味”，終究也不能說它起錯名字：）中午時分獨自一人，獨坐一角，前方一個特色大鹵面。若說好處呢，大大碗，分量足，熱氣騰騰，也捨得下材料，只從普通一碗面來看，是物有所值了。但以“招牌”計，卻與我心目中的“京味”相去甚遠，又或者入鄉隨俗事出有因，但總而言之，北方的大鹵面實在不是這樣子的……

好耐冇係中環食晚飯, 今晚黎到叫左個海蜇, 京燒羊肉, 賽螃蟹同小籠包. 海蜇: 味道算okay啦.京燒羊肉: 依道菜整得幾好味, 外面燒得好酥, d羊有少少肥, 有肉汁. 今次食真係幾好味, 好過我上次黎. 下次黎都要再叫.賽螃蟹: 都整得okay.小籠包: 依個我就覺得普通d.今次冇食到拔絲香蕉, 下次一定要再試.可以去我個blog睇相.http://klcchung.blogspot.com/2007/09/blog-post_06.html

如果唔係行經此地，好難發現呢間京味居，初時望門面仲以前已經收咗舖，唔係咁起眼。第一次嚟呢間食，環境麻麻哋，感覺唔太乾淨，檯面沒有鋪檯布，好街坊式既上海菜館。眼見貼咗係牆上面介紹既大鹵麵($27)，真係想試吓係乜東東，原本以為係鹵肉麵，原來係以冬菇、白菜、蛋花、豬肉等做材料，真係估佢唔到，食落味道就普普通通啦。三絲粉皮($38)既麻醬味道唔錯，粉皮唔會太腍，不過略嫌size細咗d。鮮肉白菜水餃一客有十隻($28)，唔會好大粒，兩人食晒都唔太“漏”，不過無乜肉味，白菜份量又唔多。蝦子鍋鎝豆腐($40)，豆腐滑，醬汁惹味。加埋拔絲香蕉($38)，幾好食，外脆內軟，甜味適中，做飯後甜品一流。全日免收茶介及加一，好抵食。聽講午飯時段好墟冚，不過中環區就預咗ga la。

其實之前都keep著有黎呢度食,因為味道呢區呢講算唔錯,不過後來因為有d不愉快經歷,雖然唔捨得,但都有一排冇黎...今日由於有朋友提議去京味居,我見都好耐冇去咁就抱著觀望既心情去食啦入到去已經係度search緊個恤衫侍應,因為真係怕左佢(之前d野就唔講啦...)點知唔見佢既?!問一下個侍應,又係著恤衫既...佢話以前個人炒左啦,因為有人投訴...(一早應該咁做啦= =)當堂安樂哂,胃口都大左好多XD今次我地點左1.京燒羊肉:必點既招牌菜,keep到水準,皮香脆,肉嫩滑,食左好多舊(某人冇得食XD)2.回鍋肉:幾惹味,送飯唔錯,不過頗多油(某人叫左2碗飯來送= =...我就唔敢食咁多)3.羊肉餃子:size冇搵笨,抵食!可惜肉味淡左d,唔及燒羊肉好4.上海粗炒:又係抵食之作,大大碟,味道ok,不過又係油多5.奶油津白:個汁唔錯,清清地,津白鮮甜,太多油膩菜可以中和下5.砂鍋雲吞雞:湯料足,雲吞不過不失,略鹹6.豆沙鍋餅:個豆沙味道岩岩好!唔甜唔淡,香口,皮亦夠脆,忍唔住要多一份呢整體上水準keep得到,最開心係終於唔洗見到個"京味阿叔"啦XD而家班伙計可能被老細"省"過,態度都比較好左,

今天又跟男友及其家人到來吃晚飯~我們吃了...1. 上海湯麵：其實之前吃過廿多次，水準一直保持得不錯。好好味~2. 担担麵(走辣)：男友吃這個，他說味道不錯。3. 上海粗炒：仍舊好吃。我們都很喜歡吃這個，不過是有點肥膩的~4. 酸辣湯麵：幾好吃，酸辣湯味道濃，料也不算少。為了不要太油膩，我"片"走了部份倒在湯面上的辣油，否則可能辣一點更惹味~5. 炒鱔糊：這個鱔糊的味道是可以的，不過鱔不夠爽身，整體來說是稔了一點，汁也太多了一點。6. 鍋貼：又是吃了廿多次，我覺得一般啦，但男友很喜歡吃。鍋貼煎得金香，很惹味~

今天跟男友到來吃晚餐。兩人吃了...1. 炒回鍋肉：惹味可口，不過頗油膩。2. 銀絲卷：配回鍋肉吃，沾滿回鍋肉的香味，感覺上也平衡了回鍋肉濃濃的味道。不錯~3. 上海粗炒：吃過很多次，仍然好好味~ 份量都算好大碟。4. 担担麵：不太辣，很香花生味，湯底不夠濃。但都算幾好吃~捧著飽飽的肚子離開。埋單$108。

今日同同事嚟食晏，話說叫咗一個糖醋魚塊飯，一個鱔糊客飯。上咗糖醋魚塊飯十五分鐘，仲未見碟鱔糊客飯。問伙記, 一位著恤衫嘅男人話：「呢度係中環！！」隔多兩秒，再講多一次。再過多十分鐘，問另外一個伙記，好敷衍咁答：「嚟緊！」再坐多十分鐘，都冇嚟，唯有走人。總共逗留喺入面四十五分鐘。多謝佢提醒我「呢度係中環」，四十五分鐘，食肆隨時做兩轉生意啦！況且，我點的都是午市套餐，理應有一定嘅存貨。幾好食都係假，未食先受一肚氣。作為中環OL，不值得在此浪費青春。