京味居 (已結業)

老實講, 京味居之前都有食開..一直都係唔錯的選擇, 本人都算係常客果日同男朋友去到點左幾款餸..主要講--第一樣係拔絲香蕉, 第二樣係京燒羊肉..拔絲香蕉越來越好味, 我食呢味餸第一間就會黎京味居第二樣就係招牌京燒羊肉, 依然係保持高水準..好惹味~ 前排同朋友黎食水準突然下滑..但今晚同男友食多次又回復以往..食物質素係算好..但侍應態度依然係好唔得..事原隔幾檯有對男女話有蚊想轉檯...點知一個貌似經理的恤衫男侍應, 以惡形惡相的態度回絕佢地..仲話"又唔見第張檯有蚊?"雖然當事者唔係我地, 但都覺得好詫異..打開門做生意仲會有呢種服務態度...其實一路我都好支持京味居, 因為d野真係好食但如果再用埋呢d服務態度去對待食客, 遲早出事..最後想講呢次經驗係比我感覺最差o既一次,但當事者唔係我, 我仲會繼續去, 因為我唔捨得佢d野食但如果他朝一日要我比錢受氣~ 我一定好拒絕唔會再去~ 食左咁耐有感情, 希望佢地會有所改善!

今日放假，又扮乖同媽媽黎左呢度食lunch十一點九去到，一個人都冇叫左擔擔麵...好夠麻醬味..d麵都好味...但係就唔夠花生羊肉餃..一客有十件...裡面d肉好夠..但係我覺得唔夠羊肉味...但係都算幾好食酒釀丸子..呢樣麻麻..d丸子唔係咁靚..仲有陣桂花味麻麻埋單七十幾，扺食！下次想試下個拔絲香蕉或者蘋果..仲有好多野想試其實食過五間呢d類似既上海野...當然係時代個間係最好..但係以價錢同食物黎計呢間算係最好！！

以前"京味居"係我心目中係十大食肆中佔一值位o架! 但近來每次去都一次比一次失望!!!昨晚食完牛記, 行完H&M, 心血來潮好想食"拨絲蘋果". 即刻拉大隊去"京味居"! 去到已經9:30pm, 我擔心誤人伙計放工, 好心特登問"你地收工未呀?" 佢地話未我地先入去. 咁一場嚟到, 當然唔會只點甜品, 一定心思思又想食佢地的招牌菜"京燒羊肉", 所以叫咗一個豐富的消夜.蒜泥白肉~ 好差京燒羊肉~ 最好味羊肉餃子~ 奇怪每粒都有一粒小硬物酸辣湯~ 普通小籠包~ 我無食, d friend 話幾好味高力豆沙~ 普通拨絲蘋果~ 好淡拨絲香蕉~ 好淡點知有位好不禮貌的男伙計, 經常過來搭傘!!!當"京燒羊肉"香噴噴上枱時, 我朋友話"好香呀一定好味呀!" 男伙計即刻老實不客氣地話"都未食你就話好食?"到"拨絲蘋果" & "拨絲香蕉"上枱時, 佢就好認真咁同我地講"我最唔鍾意就係食呢個餸啦! "嘩! 佢真係幫佢老細倒米呀! 然後我地同佢講"蒜泥白肉"今晚唔係好得喎! 佢就話我地無點佢個汁, 所以會無味! 我地話唔係第一次食"蒜泥白肉", 我地更係有點個汁啦! 係你個白肉唔新鮮喎! 佢就二話不說將

天氣潮濕, 店舖濕氣更重, 坐得唔太舒服, 好彩有美味菜補數!肉絲炒年糕($38)好正! 年糕好有咬口, 好煙! 炒得唔濃唔咸, 味道好! 真係好難得!羊肉餃子8隻($28)幾大隻, 羊肉幾羶唔錯! 皮唔算薄, 但都幾好!京燒羊肉($45)即係炸羊排, 皮好脆好香, 肉汁幾多, 幾羶, 好好味!

唔知點解我覺得好味o既食肆裝修完之後，跌watt多，能保持水準o既少。久而久之，好怕食肆裝修，好抗拒去裝修完o既食肆。天氣涼咗之後好恨食羊，結果去咗從未去過o既巴依餐廳，食完，仲恨食羊，忍唔住返去裝修後o既京味居。菜色都係咁上下，係小菜再冇分SIZE（中/ 小），同價錢略加幾蚊。酸辣湯：有酸有辣，料足，幾好。京燒羊肉：微羶如往昔，但略韌味略淡，皮唔脆肉唔及從前酥香，口感味道比從前遜色。羊肉餃子：仍然幾對口味。拔絲香蕉：呢個比以前好。終於係粒上啦，以前次次都係成堆上，分開可能會整爛外皮，繼而入水；裝水o既碗終於用湯碗啦，可以一次落幾粒，以前用飯碗，要逐粒逐粒落，又慢，水少又快暖，經常搞到外皮唔脆。遺憾唔記得影相，仲有佢由$28加到$35（不過好食咗都算啦）。惟一不變係服務水準。唔係好但又未試過惡言相向。都仲係抵食o既，希望下次來個京燒羊會好食d。

是日男友不想在銅鑼灣吃飯,很想吃餃子,所以我們便搭車來到這裡了。之前都有黎過呢度數次,不過都係好耐之前的事了。今次黎到,見到佢地裝飾左,但我們最喜愛的三鮮餃子沒有了。今次我們叫了1-翠肉瓜餃子: 不錯呀,雖然冇三鮮咁好,但都好好味2-小籠包:很一般,很多地方都比佢好食3-雞絲粉皮:不錯,有好多醬好香4-砂鍋津白:清清地,唔錯食完之後,在凍的天氣下我們都暖了

尋晚同男友沿士丹利街，威靈頓街向前行，見到卑利街，再右望，終於黎到哩間食北京野既鋪頭喇，都幾偏僻＆好靜局，連埋我地都係五張枱既客人．我地點咗四樣野：－i.三鮮湯－蝦，海蔘，豬肉，好鮮而清甜．ii.瑤柱蛋白炒飯－淡咗些少，加埋以下哩個餸，就very good喇！iii.炒鱔糊－芽菜，韮黃，有ｄ鯹鯹地，不過都ok.iv.鮮肉芹菜餃－好芹菜味，一般．

九個人一齊去食. 有四個都叫酸辣水餃麵. 另外影0左相0既係宮保雞丁. 水餃麵幾好食. 酸辣湯唔夠酸唔夠辣, 但料很足. 而且這樣的味道做麵0既湯底都唔錯. 麵身粗, 食落好滯好飽肚. 水餃皮厚但很滑, 不錯. 餡料也很香很惹味, 豬肉不太肥.唯獨有件耐人尋味0既事發生. 話說這店一客拔絲香蕉有八件. 我們九個人, 便問問聽上去似是老細的待應能否給夠九件. 回答十分不友善十分傲慢囂張. 他叫我們為何不乾脆叫兩碟. 然後又建議我們加錢. 當我們追問要加多少錢時待應又不睬不理, 態度差劣地走開.殊不知, 數分鐘過後, 同一位待應把一碟足有十件拔絲香蕉的碟子送上. 態度則來個180 度轉變, 很"老友記"式地說加多的兩件拔絲香蕉沒有收我們錢... 這樣的天氣, 加上待應哥哥忽冷忽熱的款待, 不"sip" 親才怪!雖然有這奇怪的招待, 但食物質素確是OK, 價錢又公道, 所以仍給笑臉一個. 只要不期待穩定熱誠的招呼, 這店是值一張笑臉的.

尋晚逛完一輪IFC, 好自然行左去登山電梯果邊, 諗住隨便搵間食個快趣晚飯, 就早D返屋企.我男友話之前同朋友試過卑利街一間食北方餃子拉麵嘅鋪頭,覺得食物唔錯,價錢相儀,於是就走帶左我去試吓.門面比一般平民"上海鋪"光猛, 而且地方都似乎幾四正.我地叫左碗羊肉湯拉麵,山東手撕雞,白菜豬肉餃子同埋炒5菜心.先講味道,炒菜心就係普通炒菜心,無mut 特別. 手撕雞唔錯,最正係佢地用小黃瓜做配菜, 咁賣40蚊到,當然就唔可以expect 好似尖咀泰豐樓整得咁正啦. 餃子都係一般. 拿, 我主要就係想講果碗拉麵...碗麵, 其實味道都ok, 但係要我comment, 我就覺得正隆早期果碗羊熗湯拉麵仲正d. 之但係, 最仲要都唔係佢唔夠好味, 而係, 我食完第一"chu", 已經見到一隻半cm 長嘅"fly". 我必須強調, 我份人都好隨和, 唔係太過份, 我會整走隻昆蟲, 然後照食, 之前至會同番間鋪頭講. 因為我覺得, 食肆有呢d事, 真係好平常, 有時隻嘢咁啱飛過, 或者阿廚師都唔想...但係之後已經好小心咁食, 對眼仲不時"稍'住我男友隻碗, 幫佢睇住.好啦! 當我以為, 啊, 係咁啱有

行完山由赤柱落返中環，老友們不是港島人，不熟中環區，是次由我發板。裝修後環境乾淨o左，而且室內沒有一陣怪怪味。由於大家不是太肚餓，所叫的亦不多。餃子三款，有羊肉、芹菜、白菜，其中以羊肉最好味，一來羊肉味道好嗆，二來還有京蔥，兩者加埋就香上加香；而芹菜餃亦不錯；白菜餃就較普通。小籠包-包皮竟與餃子皮一樣，餃子有咁厚皮無可厚非，如果小籠包都是用咁厚皮，真係唔多好食，而且湯汁又少。酸辣湯-味道偏辣，酸味不夠，但材料極多，可以加分。擔擔麵-比以前有進步，麵身好、又爽又彈牙，湯底又夠濃，花生味好香，又有粒粒花生碎。雪菜肉絲炒年榚-這道較清，不算太多油，年榚做得唔錯，軟硬道適中。素鵝-我覺得煙燻味唔夠，朋友就嫌太重。但料的甘荀、冬菇等就勁腍，唔多好食。咕嚕肉-似是糖酸肉排多D，以我的標準是唔合格。銀絲卷-睇落一般，我就無食，唔想浪費quota。每人再要一杯山渣茶或豆漿，山渣茶唔錯，味道幾清又唔會過甜埋單$350，真係勁抵。

之前來過, 覺得係平價飯堂格局. 食就食得過, 但一入門口就聞到一陣臭味, 係最難忍受之一點, 所以只能偶然來一次, 請客應酬當然免提. 最近見佢新裝修過, 便再來試試.雖非豪裝, 現時天花牆身點都新淨果以前. 傢俬更係全新, 只可惜室內色調全不和諧, 睇來設計的唔係專業. 不過最緊要陣臭味終於無o左, 見佢地生意都似好o左.食物同之前差不多, 粗中有細, 實而不華. 論味道依然食得過, 價錢仍算便宜. 家人最喜歡京燒羊肉, 皮脆肉酥香, 我們每次都點. 小炒都唔錯的, 依家乾淨o左, 可以o黎多兩次試齊佢啦.

星期日沒有約人，起身後想到中環某餐廳試試，可惜原來星期日唔開，失望時經過這裡，原來已裝修完了，見都未食過，雖然沒有其他人客，都入去一試。看完餐牌後，叫侍應來落單，我指著餐牌叫了京燒羊肉拉麵、酥炸排骨菜飯和山楂茶，等了不是很久，食物便到了。京燒羊肉拉麵- 羊肉帶有微微的羶味，但唔算濃烈，肉質幾好，唔會太韌又幾入味；湯底味道過濃，唔多喜歡；拉麵幾煙韌，但唔得爽身又唔彈牙。不過不失啦！酥炸排骨菜飯- 菜飯菜太少，和白飯相差不遠，排骨炸得好脆又入味，醬汁濃烈又好味，幾好。山楂茶- 味道太淡，只有淡淡的山楂味，相信加了唔少水吧！結賬時才發現，點解價錢會貴了呢？立刻看單，原來侍應把我想叫的京燒羊肉拉麵，寫成羊肉熗湯麵，因自已未食過，見是羊肉便沒有多想食了。但我明明指著餐牌叫，侍應落錯單就要我負責，女侍應還理直氣壯的一定要比，無可奈何就只好比了；雖然不是給多很多錢，但這樣做生意都得，真係老屈錢，以後都唔會再來。食物唔算差，但服務就認真唔得！

今天午飯來了, 老實說, 裝修後的環境係好左好多, 不過睇一睇個價錢牌, d野原來貴左....水準差不多啦.....其實這一間上海店不是十分好吃...只是我覺得平而已...而家連呢個好處都冇埋....叫左個酸辣湯雲吞面...佢又比左擔擔面湯底....好彩,,,最後都食到拔絲香蕉...冇得比較丫, 因我未食過...不過我覺得今次都好好味....我個人認為還是未裝修前好些

燒雞菜飯-- 好好味!!lunch 餐\有湯,, 但係因為個飯濃味.. 所以個湯淡左d但係幾抵食HKD28

尋日介紹左個朋友黎呢度食飯...點知佢唔多欣賞lor..唉..叩左大千雞..豆沙鍋餅...麵..我覺得以呢個價錢都算幾好食ar...麵..朋友話好似唔係用呢隻麵...我就覺得冇咩所謂啦...反正我都唔識分總之我覺得又平又幾好食啦...我會再去ga....