京寶海鮮酒家 (已結業)

老闆話請飲下午茶, 選擇了京寶, 貪佢要等位喎! 吓! 要等位仲要去? 因為多數茶樓到下午茶時段都會得『小貓一兩隻』人客, 但這裡日日都要等位, 一定好抵食或者好好食啦..... 試試先!去到等了兩分鐘就可以入坐, 但真的坐無虛席!特價食物不多, 我們點了一些抵食夾大件的點心, 包括:煎餃 -- 好好味, 幾大隻, 一碟有三隻, 有肉汁, 餃子底煎得香口。糯米卷 -- 細細件, 但有四件, 味道都唔錯, 有口感又不會太硬。义燒包 -- 普通, 無乜特別, 可以啦。脆麻花 -- 好正, 好脆, 蜜糖味夠香甜, 又唔覺油膩, 真係好好食。肉片皮蛋粥 -- 豬肉片太大片, 如果細片一點會易入口一點, 肉質不夠滑, 皮蛋亦不夠靚, 臭臭地, 而粥底則很綿。燒肉飯 -- 大大碗, 燒肉比較肥, 但外皮很脆。這餐不過不失, 三人吃了約100元, 都算抵食吧!

昨晚約了朋友到京寶晚飯, 6 個人點了一個套餐$788.先講環境: 幾光猛, 是晚入坐率只得一半, 夠晒靜, 傾計. 可能金融海嘯影真係好大..味道:真係好一般. 最差係燒味拼盆, 仲衰過百佳貨式..其餘有蝦球伊面, 花姿片, 鴕鳥肉(好硬), 海螺片等味道偏重..全晚得碟燒雞同石班仔較似樣.. 最後以馬拉糕, 生果拼盆作結...服務ok, 不時換碟..

一行家人叫半圍夏日歡樂餐,因燉雞湯多油無益,改冬瓜盅清清地,標價$88,但埋單加$50, 簡宜當人水魚,不如下次改水魚湯.一坐低個經理就勁sell游水魚斷襾秤,餐再加$180,埋單由$728加一,貴至$1200,一D都唔抵食.如果唔係樓上稻香要等,根本就唔會去. 呢間酒樓最好彩都係响人樓下,做人地做唔到D客.仲有,呢間出左名手抱嬰孩都要計茶錢,話計人頭喁,所以各食家唔好激氣同人地拗,係好有規舉的酒樓(淨得佢知,客人唔知).有D食家話環境好,都OK,不過去廁所,你就以後黎呢度要忍下唔去廁所,沿路臭氣臭到出廳,真係唔該做間負責任食店,清潔密D喇!祝生意興隆.

朋友約食飯，京寶海鮮酒家？無聽過，除了屋企飯或公司飯，平時都好少去酒家，既然人地建議了就去試下啦，橫豎未試過，亦可當大家聚聚舊。一進去，環境光猛舒適，不似其他無咁高級的酒家咁有種油油的感覺，地下唔跣，卡位坐得好舒服，是傾計的好地方。冬瓜盅，料足，湯不夠甜，蝦有鮮味XO雜菌炒花膠筒，嘩，$48好抵食，花膠不少，味重了點，配潮州粥食較好(唔知點解成日想食潮州粥)炒翠玉瓜- 好味香橙鴨胸- 鴨胸的鹹配橙的甜，幾清新呀。棷香雙皮奶- 好滑好滑好有奶味!想試的菜：拍蒜豆豉虎尖椒$45、四川口水雞$48、炒澳洲大肉蟹$118、法式焗原個鮮茄$18!!!

其實唔知點解揀呢度，但大家以為有人請，都無問，點知......哈哈。七個人叫半席的菜，但因有兩個人係飲水會飽。所以我地好努力吃六個人的食物。好多野都打孖上。又再一次發揮驚人食力。證明我係得得地。全晚以乳豬，龍蝦伊麵同荷葉飯最好味。包點係馬拉糕，有d奇怪。有無糖水送。一般。以此價錢可以好多選擇。若不是太熱，打邊爐會較好。

每次來吃火鍋必吃牛筋粒..肉汁豐富,口感一流!另這裏有自助醬料Bar...好好玩!

工作完畢與20來個工作人員往尖沙咀加拿廣場京寶酒樓霄夜，從來也沒有到過這間酒樓，在2樓，3樓是稻香酒樓。一進門，裝修很光猛，也不會黑沉沉，可以接受。朋友們叫了便宜的菜式，先來一個例湯，是粉葛赤小豆煲鯪魚，出來的湯是深色的，但出奇的好喝，湯渣也頂足料，每位友人也喝得頗滋味。然後是燒鵝，上枱時也是暖暖的，不是太特別，可以吃。炒通菜也炒得挺清綠，因炒通菜很容易炒黑，吃到尾也是很翠綠。涼瓜炆魚腩，也炆得很香，我只試了涼瓜，但友人便說魚腩好像很大，但骨也很大，肉比較少。然後便是豉油皇炒麵及炒米粉，也是一般，可以吃。酒樓員工的服務態度也是出奇的可以接受，你叫他拿杯，他會回應你，並有另外的待應立即拿來，你叫啤酒、汽水，分十次叫，加位置、加椅子、加餐具、仍然有回應，好快到，不用加催，好呀!問他們每天收市時間，竟然是司傅凌晨1時半離開，嘩！霄夜又多一個選擇了。

今日下午1點左右同男友黎飲茶,吾系點解呢排鍾意飲茶; 一入到去眼見都有9成客,好彩有個卡位;午市點心價錢分別系小點$11,中點$14,大點$17;我地叫左7個點心:擔擔麵(中)---完全吾掂,用d類似公仔麵既幼麵,d湯除左辣之外就完全吾似擔擔麵!馬拉卷(小)---呈奶白色,賣相已扣分!一籠4件,味道一般,唯有點兒蒸過火.蔥花蝦米腸(中)---一碟3條,似乎姑寒左d喎!但味道吾錯!腸粉夠薄身且頗滑!蔥花蝦米亦不算少.叉子燒餅(中)---一碟4件,叉子燒餅其實系無餡既,附上榨菜肉粒一齊食,味道一般啦!菜肉包(中)---一籠3個,呢款算系最好!菜肉餡十分新鮮!包亦夠軟身!冬瓜蝦仁卷(中)---呢款也不俗!薄薄既冬至肉卷住爽口既蝦仁,味道輕清.桂花糕(小)---3大件,甜度適中,但一夾即散,都食到少少桂花味既!服務一般,埋單$113,試過一次就夠!

food... okayservce... very bad. 1. when you asked the waiter to fill water. she said, there is still water in your pot!2. when they delivered dishes, they asked you rudely to pick up all food so that they can take the dish out.3. shame that i was with my foreign friends. they were all surprised the service.wont go there unless free.

$980一席....但係次次都食唔哂~~有雞有魚有蝦....最正係個豬油撈飯......成班人唔想洗咁多錢.....又想食下小菜.....呢度真係唔錯.....一百蚊唔洗....不過d service就嘛嘛囉....仲要等ok耐位~~

中午飲茶，看見菜牌上有咖哩牛腩，叫了一試！竟然很淋很入味，最重要是不癡牙！立刻加碗白飯！另外梅菜肉絲陳村粉亦好味，只是粉較多油，這是先天問題。最差是埋單伙計話唔夠二百不能簽卡，咁我兩個人中午在這種酒樓都好難食過二百吧？

$2800 for 10 people; just eating corn soup, lobester and fish (1 fish 2 dishes), chicken (1 chicken cost $180!). Poor service. We ask the captain to help recommeding the dish but he offers all the expensive but poor quaility ones. We're stupid to allow him to that as well. No next time to this group of restaurant ever !

我地一行15人book左間貴賓房, 當我地訂位時, 訂位小姐話衹要滿$2,500就可以. 但, 我地叫晒野時, 個侍應姐姐15分鐘後先話VIP房唔可以叫特價之餘, 其他餸都要加錢! 我地覺得好過份, 因為點解佢地唔喺我訂位或叫菜時同我地講呢? 明明2千幾蚊, 竟然要攪到$3,200幾! 咁我地咪同個經理理論啦! 我地話如果你地無端端加價, 先前又唔講, 我地寧願坐番出面. 個經理一粒聲都冇出, 就call機問出面仲有冇枱. 仲好串咁話你地可以cancel野食!! 我地咪全部人走啦! 既然佢地都唔志在, 我地都無謂幫襯吖! 我一定唔會再去!