京滬坊

營業中

休息中

Bumped into this small place. Ordered two Daan daan noodles, one with Sichuan chicken and the other with drunken chicken. The daan daan noodles were a big portion and very delicious. The drunken chicken was really good. We also ordered a side of pigs ears and dumplings, both again which were really good. Quick service, good price and great food! Recommended!

無意中去左呢間上海小店食late lunch 已經3點多一入去一個客都未兩位EE 好熱情招待我們夏天三十幾度佢哋D冷氣好夠我地兩個人order 左口水雞，有菜飯配、再送可樂tim 囗水雞都幾辣但接受到另外紅油抄手就辣D，味道ok 好耐冇食過豬耳、order 左、好爽生煎包我至愛，熱辣辣！正！仲叫左小龍包，味道不錯我地一路食EE 都好好、同我地吹下水上餐速度又快仲問我地要唔要潻菜飯好warm 可能我地叫得多左小小巳經好飽但最後老闆突然送左碟湯圓比我地好感動！其間都有兩枱客雖然成間鋪都幾細但坐得幾舒服多謝老闆同兩位EE 嘅熱誠Like !!!

響紅磡果頭返工，冇乜幾可會響紅磡食飯，今日收工夜左，就去紅磡果頭食個晚飯，行左幾間都冇咩心水，直至見到呢間京滬坊因爲本身都幾鍾意食上海野，就把心一橫入去試下，入到去幾乎坐爆哂人，果啲樓面服務幾好，有禮貌，原本想試下呢間鋪仔既招牌擔擔麵同小籠包，皆因聽到有幾個客人都異口同聲地對呢兩道招牌菜讚不絕口但今晚比較想食飯，所以叫左個口水雞菜飯，雖然餐廳不大，但試上菜速度亦十分快先試下碟口水雞，肉質十分軟熟辣椒好香，但都幾辣，碗飯裡面啲菜亦都好足料，十分香口，老闆亦都好好人，可以添飯，呢間菜館係絕對令我會返轉頭食既意念，下次再黎必定會試下招牌小籠包同擔擔麵整體而言，10分入面比9分，環境簡潔，乾淨衛生，食物美味可口

雖然我係好支持小店，但難食既小店真係無辦法說服我去支持。本身好鐘意食上海菜，但京滬坊唔知比左咩我食。門口大招牌有細字寫住擔擔麵、小籠包，我就嗌左呢兩樣招牌菜，點知原來勁伏。賣相差唔緊要，麵質本來幾好，但個湯死咸死辣，肉碎又得幾粒，麵份量又少。所謂死咸死辣，即係極咸辣之外，咩味都食唔到，無香味，無食物應有味道既層次，令你唔知自己食緊咩野。小籠包黎到，一望就覺得有唔妥，因為個皮黃錦錦。食落口真係100%中伏。個皮似過期麵皮，一陣米旱味，好臭。餡料ok，但都掩蓋唔到個臭皮...真係難食到喊出黎。跟餐送支凍豆漿，點知都好難飲，係無豆味既怪甜水，飲左一啖掉埋。呢間真係要black list~ 我都知小生意難做，但咁難食點支持？

星期六喺黃埔工作到晚上，非常肚餓，經過一直好想試下既小店，見又有鍾意食既菜飯，就入去食下！點外相片的獅子頭都幾吸引。。。。餐廳主打麵食為主，都有少量如醉雞，獅子頭等菜飯！上菜速度還算快，我想食既獅子頭菜飯都好快送上，份量頗細，賣相也不見吸引，重點係。。。個菜飯既菜真係聊聊可數，以$50既價錢，其實我都預左份量唔會太大，但未至於會咁吧？！獅子頭味道還過得去，肉還算軟稔，不過個湯汁味道怪怪，可能用上花椒，和一些酒，大概有點似香茅味，也帶一點酸！再嚟睇真d個菜飯。。。真係無菜！後來我終於開口要求加返d菜，先有返相入面既菜！其實我都預左獅子頭份量一般，所以落單時都同時叫左個酸辣土頭絲，不過原來唔係平時國內食開既小炒，呢個係冷盤，味道還可以，口感沒有清炒般爽趣，酸味比辣味重，份量偏少！喺香港食飯最怕俾完錢食唔飽，今晚仲要食到唔好食既餐廳，希望餐廳好好正視下食物質素和份量吧！

一直係紅磡經過啲巷仔 都好想試吓嚟間舖嘅擔擔麵 實不相暪 我好鐘意食上海麵🤤好開心今次終於試到今次同朋友都叫咗個招牌擔擔麵$36 啲嘢食嚟得都幾快 店舖仲愈有熱茶同紙巾提供真係幾唔錯😆佢個擔擔麵我覺得都幾好食 麵條幼身唔愈太淋太散 幾鐘意佢嘅麵質🤤湯汁都幾濃 花生醬味幾重😋仲充滿麻辣嘅味道好好食😋😋唯讀份量可能對大食少少嘅人嚟講唔算足夠 我食完後覺得唔算好飽不過都足夠 但我朋友就話唔夠飽😂

這是一間位於紅磡內街的小店, 店子小小的, 最多也就十多個位子吧.那天晚飯之前的時段光顧, 點了一個獅子頭菜飯和酸辣湯麵.獅子頭感覺有點油膩, 飯也有點硬不夠軟熟.酸辣湯味道偏淡.店家送了兩瓶豆漿, 也是比較淡的感覺, 豆味不夠濃.整體來說, 個人感覺不過不失.

今日同太太有嘢做要出紅磡，做完嘢之後喺紅磡附近搵嘢食，喺平冶車廠附近行睇下，搵有咩嘢食，行行下見到有間未食過的上海店“ 京滬坊“，太太話未試過，於是走入去試去下。入地去見地方唔係好大，似係家庭式經營小店，，一邊得幾張枱地方唔係好大，如果繁忙時間有機會要唔要等，或者同人搭枱，好彩我哋係非繁忙時間入坐，坐得比較鬆動。入到去見到嘢食價錢唔係好貴，都幾平民化，於是就叫咗個排骨擔擔麵，同埋鍋貼試下。排骨擔擔麵一上菜嘅時候，我已經聞到好香嘅花生香味同埋麻醬香味，呷一啖個湯辣度適中，花生味及麻醬味好香同好夾， 唔會太辣或太油膩，仲有佢個湯質地是薄身的（即係唔係好結），但係味道個質感又好有層次，會食食下飲鬼晒d湯，而且 個面唔會太淋，有口感同唔會一pat pat咁，食得出好認真師父對淥面時間的執著。 排骨又外脆，鬆化又好味。鍋貼鍋貼個皮好薄，外皮夠脆但入面的餡料又好juicy。如果大家行開紅磡，建議大家去呢間小店試一試。

開張半年openrice先有相關紀錄，開咗1年才只有3次評價。老闆心急了問我咩事，叫我寫1篇。我就怕舖頭太出名要排隊猶豫咗1陣，不過老闆叫到無辦法啦。五香牛展擔擔麵好奇怪招牌寫京滬，主食係賣川菜擔擔麵。牛展係預先整定擺落雪櫃，所以係凍食既。唔好睇D湯咁稀，飲落至知都幾飽肚。好厚麻醬味，而且有肉碎，基本上唔洗食餸都好夠味。(我覺得)最好食既係碗面入面既原粒花生，同麻醬湯底好襯，下次叫老闆俾多D花生。擔擔麵係軟身既，預設咗係中辣，中辣都幾辣吓，食唔到咁辣可以叫小辣。麻辣小籠包麻辣小籠包真係第1次食。原來麻辣湯可以釀入去小籠包度，又幾好食wo，尤其喺冬天食。都唔洗點醋因為辣味會蓋晒D酸味。食完會唔想食番原味小籠包，會覺得佢冇味。

今晚返教會又要響紅磡搵食。同老婆經過京滬坊，佢話想食擔擔麵。我地都未食過呢間，咪入咗去試下新嘢。鋪細細唔可以坐好多人，唔知係咪依個原因所以買外賣先有嘢飲送！老婆想食擔擔麵，我想食牛𦟌，所以就叫咗五香牛𦟌擔擔麵。我咳唔應該食辣，所以叫咗秘製豬手麵。驚唔夠飽叫多個紅油抄手。老婆話辣嗰喎！我就覺得應該唔會辣得去邊！牛𦟌乾身，冇味，唔好食。擔擔麵尚可，份量適中、麵不稔身。連埋個湯普普通通，少少辣咁啦。老婆就嫌佢唔夠花生醬。豬手都係好乾，好似擺咗好耐咁，我就麻麻地喇！紅油抄手：我覺得OK嘅，不過老婆就唔係咁鍾意。如我所料，一d都唔辣！

紅磡這個半新舊之地區 ,在尋找美食當前平民食肆每佔居多、 今次便找來一間新開業之店子， 鋪面面積不大容納的可以放上约六、七張枱， 旺埸之時更有感食飽要急急腳變鬆人之念、不過幸好今天雖然是假期，但人流不多所以吃得較為輕鬆。。店內售賣的大部分以麵食為主 ，例如有雲吞擔擔麵、水餃擔擔麵、醉雞擔擔麵、五香牛展擔擔麵、豬手擔擔麵、當然亦有其他可以選擇，例如麻辣湯年糕、酸辣湯雲吞、酸辣湯水餃、口水雞湯麵、醉雞湯麵、豬耳絲湯麵、雪菜肉絲湯麵、雲吞湯麵、水餃湯麵、排骨湯麵、其實選擇也算車多~簡單的要來一個招牌擔擔麵HK$35. 湯底個人認為做得不錯 入口花生醬味道香勁，湯底有少少微辣、 麵質方面用上白身幼麵、爽身而不過於稔， 份量方面也算中規中矩以HK35元之價錢來說絕對抵吃~同時我亦要上一客麻辣小籠包（3隻）HK$23. 小籠包皮比預期中更為薄 所以在筷子夾上之際很容易弄破,以這籠以言，夾上不久之後便因內膽湯底甚多資源、故未及時放在匙羹上已給弄破、 有了第一次之經驗，第二隻我便小心翼翼地把筷子與及匙羹好好的運用、將兩者融為一體下便輕鬆地將其餘兩隻小籠包好好的抱在懷中， 湯汁麻辣度不算十分強勁、但有輕

係香港好小可以食到又正宗又平嘅上海野。吃貨我終於搵到一間又好食 又正宗嘅上海野啦。有一日係黃埔搵好野食 行行下 見到咦 有間上海野喔。睇下餐牌有咩食先。嘩。有好多擔擔麵 湯麵 菜飯 小籠包 雞絲粉皮 雲耳 紅油抄手 生煎鍋貼 生煎包 水餃 雲吞 年糕 牛展 豆沙鍋餅 酸辣湯..... 嘩 好多都好想好想食呀！價錢又好平喔。1730前去食仲有豆漿送埋添 嘩真係好鬼低食呀我落單唔夠一分鐘，食飯已經有得食啦，真係超有效率 又超超水準 真係冇得頂呀！俾十個like 師傅都唔夠呀！好好食 真係食過番尋味呀！一定會推介俾朋友仔呀！

真奇怪這麼美味的店鋪竟然沒有人提過 ！ 我最怕的就是好吃的店鋪沒人發覺讓他自自然然消失！廢話少講，我們幾人進入店鋪發覺店鋪總有一點說不出的親切感， 隨便叫了幾樣涼拌小食和擔擔麵及小籠包， 講真在餐牌上實在也沒什麼選擇，但是每一樣出品都極之美味，每款都滿滿的非常實在抵吃， 給我發覺老闆在工作枱製作手工的小籠包，我才明白為什麼有種說不出親切的感覺原來每樣菜式包括小籠包擔擔麵都是老闆一家人親手用當日新鮮的食材自己製造的， 難怪這麼新鮮好吃， 以後紅磡又多一個 選擇了， 在我離開店舖的時候發覺以有好多人在門外排隊， 我所有的擔心都是多餘的 ，可能各位食客就拍把這麼好的店舖寫了出名，將來要排長龍才有得吃， 但是我的想法剛剛相反， 好的就要公諸同好， 最後一句，店舖食材新鮮分量足價錢超值！