京笹居酒屋

營業中

休息中

日本人主理嘅居酒屋，門口嘅叔叔、落單上菜嘅姨姨都係日本人，廣東話有少少日本口音。大概係即叫即做，所以上菜速度偏慢。裝修、氛圍感都非常道地，感覺真係好似日本嘅居酒屋，滿席嘅時候好應聲。*前菜 $23炸魷魚之類？硬脆硬脆，幾特別。自家製梅酒 $58梅酒酸甜酸甜，醉咗都唔知啊！*烏龍茶燒酒 $58茶味好苦，只有後勁有少少酒味。薯仔沙律 $48粒粒薯仔+真•薯蓉，薯仔味重又有口感。薄片青瓜紅蘿蔔有脆度又易咬，不過調味略淡。雞肉蔥串 $50雞腿肉好軟嫩，好多肉汁，京蔥焦香。調味輕手，主要靠表面嘅甜醬汁。免治雞棒 $55雞肉肉碎+軟骨，咬落卜卜脆，醬汁甜甜，雞肉本身調味比較輕手，好正！明太子撈烏冬 $88烏冬粗身好煙韌，明太子醬好濃好掛汁，鹹鹹香香，大推！三文魚軟殼蟹卷 $90入面嘅軟殼蟹好脆好香，有飯香又唔乾硬，再鋪三文魚，非常好食但白飯實在太厚了。銀鱈魚西京燒 $120燒到熱辣辣出晒煙，銀鱈魚油份好重，西京漬帶味噌甜味，能夠帶出魚香油香。

我鮮少在OpenRice 留言，但我好感激各個在店內工作的職員，特別想多謝一位叫呀靜的親切姨姨。🙇🏻‍♀️🙏🏼🙏🏼🙏🏼妹妹身體不適，又想吃日本菜，又想吃粥，憶起這間居酒屋的茶泡飯特別好食，便想著快快吃飯快快回家，誰知妹妹未吃飯已經開始想嘔，好彩呀靜路過主動幫妹妹倒左杯熱水，又比膠袋，又帶我妹妹去廁所，貼心！其他職員都好熱心，有一位小哥遞左一盒紙巾，一個日本人小哥就不停送熱水，我超級唔好意思，（後來呀妹嘔完就無野-.-應該lunch 食錯野）都驚其他食客誤會以為係食完店家既野食嘔，其實唔係！😭D 野食迫於無奈打包了回家，幸好味道依舊很好，很地道的日本味道，100分好味！我相信好多人都讚過，我無唯多講，我一定會再到呢間居酒屋🏮！提外話，酒非常好飲！我好甜酒：晴王葡萄酒，自家製梅酒和荔枝酒毁滅性好飲！（未試其他）

🍚京笹居酒屋又去左尖沙咀搵食 同相識多年既中同聚舊🍚三文魚軟殼蟹卷軟殼蟹脆脆地 d肉ok三文魚就正常朋友講左3次呢個卷好好食😋🍚大蔥雞肉串雞肉味道ok 但有d難咬蔥就正常🍚奄列炒飯個樣似蛋包飯食落開胃睇落易整既野 原來係最好食👍🏻🍚燒牛舌牛舌分成細細舊 燒得幾好🍚牛肉薯餅個樣炸得唔錯 但味道一般 仲叫左 燒豬頸肉 油甘魚刺身 等等個d味道都ok🍚京笹居酒屋尖沙咀海防道32-34號寶豐大廈1樓#居酒屋 #刺身 #牛舌 #明太子 #蛋包飯 #尖沙咀 #三文魚 #軟殼蟹 #薯餅#openrice #foodie #foodphotography #食好西 #foodporn #food

之前朋友帶過我哋食一次，好鍾意食佢嗰個納豆飯加蕎麥麵套餐，不過晏晝自己一個食實在太多。嗰日同兩個朋友一齊喺度食飯，大家都嗌咗一個唔同嘅lunch set，我就叫咗一個刺身丼，真係極度好食！加咗好多醋喺度，好黏好好味！大推然後見到隔籬枱好正，又腸仔拼盤？我哋都跟基叫咗一碟，佢有三種腸仔，味道由淺去到相對較重口味，真係嗰一刻突然之間感嘆：晏晝就咁有食神真係得唔得㗎，太幸福啦😍😍😍😍

我們一家兩大兩小來到尖沙咀提早欣賞聖誕燈飾，問了為食的朋友有什麼好介紹，他推薦了這家由日本人主理的居酒屋。我們提前訂了6:30pm的晚餐，到達時還沒有其他客人，於是我們選擇堂食。每位大人都點了一碟前菜，今天是辣辣的寒天。最欣賞佐酒小食: 銀鱈魚西京燒非常新鮮，燒得剛好，口感絕佳。串燒雞肉脆皮腸給我們帶來了驚喜！它熱騰騰又香噴噴，每一口都充滿肉汁，非常適合搭配酒類。薯仔牛肉餅和雞肉脆皮腸一樣，外層炸粉香脆，口感十分出色。益力多冰球沙冰燒酒讓我們重溫了童年的回憶，大球益力多冰充滿了口中。自家醃梅酒是我最喜歡的，入口甜味多於酒味，就算女士們多喝幾杯也不會醉（開玩笑）。奄列蛋飯是孩子們的最愛，滿滿的雞肉、雞蛋、蕃茄和洋蔥，蛋皮厚實大片，喜歡吃蛋的人一定要試試！不過，都有D係伏伏地的菜式，比如蟹肉炒飯讓我們有些失望，沒有蟹肉，只有雞蛋和蔥，稍稍有點遺憾。及等了差不多40分鐘的雜錦壽司，魚生似乎不太新鮮。總的來說，京笹居酒屋是一家值得推薦的居酒屋！雖然有些小小的不足，但整體而言，佐酒小食及日本酒類飲料係非常出色的。特別推薦他們的銀鱈魚西京燒和串燒雞肉脆皮腸，絕對讓您愉快的用餐體驗。🌟🍽️😊

京笹居酒屋 Kyozasa Restaurant @Kyozasatst.味道：😋😋😋😋抵食：👍🏻👍🏻👍🏻👍🏻環境：⚡️⚡️⚡️⚡️⚡️回訪指數：🤤🤤🤤🤤/5.尖沙咀 老字號～門口好有日本風味 店主店員9成都系日本人入面牆上菜單 全部手寫日文字吾識睇日文 有中文menu 上菜好快甘岩撞中有人生日 會調暗燈 同唱生日歌 窩心👍🏻..✨前菜 $23 x2 = $46積物 充滿醬汁的豆卜配好爽口既木耳(?).✨雜錦魚生 中 $440刺身有7款 最欣賞魷魚 卷埋一件包埋菜 好食又得意蝦 同 海膽 鮮😋.✨枝豆 $50就是一般的味道.✨蒜片牛柳粒燒 $88超多肉汁 切到一口牛的樣子柳菜絲非常幼 配沙律汁吾錯.✨燒三文魚腩 $100個皮非常香脆 配合超香嘅魚油三文魚燒到啱啱好 加檸檬汁增添清新味道.✨深薯溶湯烏冬 $88 (可揀熱/凍 亦可轉蕎麥麵)賣相並不討好 只係覺得有一堆白色嘅嘢喺面頭 筆落去 好似一浸泡 諗起白雲☁️ 有細細個窿 好似竹笙食落去嘅時候 真係好似竹笙🤣 竹笙愛好者 真係可以試吓呢碗烏冬 有一種超級放大版竹笙嘅口感 入面有粒粒應該系山藥 因為有

服務員態度十分惡劣就算再好食都不會再光顧如上光顧午餐炸雞因為平時食大約5分鐘就會有所以我們總共光顧了4份然後等了超過25分鐘我們向服務員查詢的時候說不好意思我們只剩餘10分鐘午飯時間請問能否查看一下炸雞整好嗎然後女店員說冇辦法炸雞係咁耐 等唔到你哋唔好嗌冇辦法㗎啦亦都非常明白即炸需要時間因為平常的時候不用等那麼久如果是要馬上找為什麼不能先跟我們說好當查詢的時候還用那麼惡劣的態度最後我們只能夠用10分鐘去用膳真的再好吃以後也不會光顧了

第二次嚟呢度食午餐，呢度其實係一個極度受日本人歡迎嘅日式食堂，佢其實唔係我哋香港人去到日本會食嗰類型嘅餐廳，因為佢食嘅嘢全部都係比較平民化嘅日本菜，所以佢菜單上面種類好多，不過我同朋友都會發現好似唔係好揀到自己想食乜嘢，因為佢主打日本人平民口味，例如山藥撈飯蕎麥麵之類嘅嘢今次我叫咗期間限定嘅魷魚明太子牛油飯,因為係出面未見過嘅組合,所以想試下一上枱畀嗰舊巨型嘅牛油嚇親，但係我竟然冇猶豫到直接將佢擺咗入去熱嘅飯度，將所有嘢撈埋曬一齊食，有少少後悔，因為真係唔應該擺曬成舊牛油入去，牛油嘅味道太濃，覺得有少少漏，不過整體嚟講係好食嘅，因為通常有明太子嘅嘢我覺得都唔會難食，而且魷魚亦都有好多，好有咬口，成件事食起上嚟係一個新鮮嘅味道同埋組合

第二次食, 一樣係咁滿意! 今次仲要唔可以食生冷野, 淨係食佢既熟食都一樣大滿足!1. 燒牛舌應該係食過最好食既燒牛舌滑得黎有口感, juicy, 唔會好咸, 加少少檸檬汁簡直係一絕!! 2. 豆腐牛肉鍋傳統煮法, 入面有少少粉絲牛肉好入味, 唔會好韌豆腐係一級滑! 配炒飯食一流!!3. 雞肉炒飯正常啦呢個, 加埋個豆腐同牛肉汁就好正! 4. 天婦羅拼盤夠熱夠嫩, 仲想點最好味係炸蝦同炸茄子!5. 炸雞軟骨冇令人失望既味道我個人覺得炸雞軟骨最重要係唔可以厚粉, 呢度就符合要求啦! 6. 炸蕃薯泥芝麻球最後加個甜品! 唔會太甜, 即炸既溫度加口感, 滿足!! 雖然我冇份飲, 但朋友試左佢地個home made 梅酒, 讚口不絕! 京笹係個種平時未必會諗起, 但食完就會好滿足既居酒屋. 基乎每個員工都講日本口音既廣東話, 未出發得, 係香港都可以有1, 2個鐘當自己去左日本啦!

由識講廣東話嘅日本人打埋既居酒屋，傳統裝修，牆上既菜式人手寫既，手字幾靚。午市食過五次左右，款款都好唔錯，最鍾意係魚生飯同鰻魚飯！午市不設訂座，要食就早啲嚟排隊喇，五人同行有機會比一間房你地添㗎。

心情和天氣，一樣悶熱。一個去亞士厘道京笹食個午餐。舊日式裝修，過了忙碌午市時段，客人陸續離去，下午2點後，坐得舒適，可以放空一刻，聽吓歌，看看喜歡視頻，獨自享用。漢堡扒午市套餐，两片漢堡扒，沙律菜伴碟，1碗白飯，1個湯。喜歡它的米飯，先咀嚼，甘甜米香，回來胃內暖意。呷點湯，吃點沙律，漢堡扒。漢堡扒有肉味，肉香，不濃不淡，沒有添加多餘調味品。坐在這裡吃午餐，寫意。員工服務，有禮待客。到來吃餐，有暖和既親切感。

同朋友仔喺尖沙咀行完街街搵好嘢食最終決定帶去，嚟試日本人喺香港開嘅日本料理居酒屋🤗，不過可惜我哋兩個都唔飲得酒😆😆職員都很好，一嚟到會推介今日有啲乜好嘢。我同朋友睇菜單，都感到有很多嘢想試，但可惜得兩個人，試唔到咁多款。下次人多，有機會一定要試佢嘅刺生魚，今次得兩個人，所以有好多嘢都試唔到。最後想講一講，其實這裏環境係有少少舊，不是大集團的裝修，但感覺上好舒適，也有很多日本人來幫襯，人多嘅時候會比較嘈，感覺是熱鬧的氣氛。

好耐都無食過京笹，今日為左食佢，特登早d食lunch，希望唔駛等位，結果……大失所望！海膽、三文魚子、三文魚三色魚生飯海膽好唔新鮮，好腥，三文魚子就好味既，三文魚亦新鮮同有鮮味！我諗黎呢到食飯，穩陣好味既食物都應該只係刺身蒜片牛柳燒定食睇餐牌時完全無諗過d牛柳會切到咁細粒，碎上咁……見到就已經失望，味道無咩特別，大部分既日本店都比佢整得好食題外話：原來lunch時間只可以叫lunch set內既野，牆上寫上既其他小食係唔會供應！好失望！

2週間前の金曜日に3人で、予約なしで行きました。飲み物からオーダーしちょっとずつ、料理も注文、焼き物、刺身などなどありあり、老舗の本格居酒屋はズバリここです♪今夜も行けるようにwaiting中。The ambience, Food and drinks are reasonable! I Recommend it, I'm planning to go tonight now on the waiting list. one of my favorite Izakaya in hk is here! Remember better to reserve in advance

今日為大家介紹既居酒屋位於尖沙咀海防道 由日籍老闆經營 已經開左十幾年 裡面既格局係典型傳統日式居酒屋 非常熱鬧～（有星星標記既係白熊推薦的單品）我地4個人叫左：-🌟-▪️炸豆腐 （$49） ▪️北海道炸蟹肉忌廉餅 （$68）💫▪️芝士年糕 （$78）▪️鹽燒牛舌 （$68）💫▪️三文魚茶漬飯 （$49）▪️燒雞翼釀明太子（$58）▪️雜錦天婦羅拼盤 （$98）▪️銀鱈魚西京燒 （$98）💫▪️炸雞軟骨（$49）💫-🌟-食物方面不過不失 勝在選擇多同價錢唔貴 (但一開始個送酒小食唔係太啱食 好多骨🫣）除左食物之外我地仲叫左一支720mL既清酒🍶同啤酒 雖然餐廳個wine list好長不過職員好似對自己有D咩酒唔係好熟🤣好多都話唔知有無🤣我地埋單around 3百幾蚊一個人 如果唔飲酒既話應該平好多！