京華酒樓 (已結業)

今日返工前同老人家去飲茶，揀咗間係太子嘅地鐵出口地點十分方便，聽聞都有好多特色小食，但係由於臨近新年所以只有點心，點心方面一般的傳統點心都有，反而小食就唔算好多，而我最喜歡食的鮑汁雞腳都冇，有點失望。其他嘅點心份量都唔少都好足料，食完亦唔覺得味精太多。

可能與京華春夢有關，京華係一個帶有夢幻色彩的名字，因此深得家母垂青，以前家庭聚會常在這裏舉行。今日與母親重回舊地，一落太子站，竟然有一種難以言明的陌生和恐慌。是的，這種恐懼巳經植根在香港人心底,不能拔除...快步走上京華，那些高傲又不耐煩的接待不再，很快便有位了。入內一看，整個場只有四，五成滿，客人稀疏，場面是未曾見過的冷清，那種感覺，只能以唏噓兩字輕輕的帶過...來到京華，其實次次都是那幾味。叉子燒餅，這次的肉末分量足以填滿四邊燒餅，小時候不喜歡上茶樓飲茶，玩填塞燒餅遊戲便是最大的樂趣，所以母親必定會點一客。京式炸春卷，餡料全是蔬菜，没有蝦春卷般油膩，但因為較濕潤，春卷皮放一會兒便不脆了。蝦餃皇，澄面皮有兩隻是破了，但仍保持韌性，內裏放了幾隻大蝦，但肥肉及荀就下得不够，所以未能盡善盡美。菜苗餃有别於豆苗餃，現在酒樓都不願做成本太高的豆苗餃了，事實上菜苗餃是無法拍得上豆苗餃的味道。最後是鯪魚球，家母讚賞有加，彈牙，味鮮，配料豐富充足。其實人少了，食物的味道分量也改善了，但我食不知其味...這篇食評寫於一九年深秋，如果openrice能敵得過時代的巨輪，若干年後，我再重檢這篇食評，不知作

是日父親節,難得買咗部新車,一早book 定位接父親大人去酒樓開餐,由於旺區泊車較難,剛巧附近有個停車場,別X一居,就去呢間酒樓慶祝,食物質素理想,叫咗好多野食.一切都在預算之中,全家人都好滿意,特別一提京華嘅招牌紅燒乳鴿, 必食,會再次光顧。

同屋企人最啱就係去酒樓飲茶或者食飯，屋企真係好鍾意去京華酒樓，貪佢食物夠火喉又夠鑊氣，食開仲有濃濃嘅人情味。紅燒乳鴿呢個係孖寶入邊嘅其中一味餸，紅燒乳鴿真係京華嘅招牌，次次都一定要點㗎。佢燒得乾身，肉又入味，而且乳鴿又唔會太大件同埋唔會肥，真係齒頰留香。炸桶蠔（$148）呢個桶蠔就炸得麻麻地，因為炸粉都算多，同埋蠔比較厚身，所以炸得唔夠乾，有少少腥。清蒸鮮蝦成日都點，蝦肉彈牙又清甜柚子骨酸酸甜甜，用咗柚子蜜嚟整，我覺得好味過咕嚕肉滷水豬脚仔（$52）呢度前菜，豬腳仔唔會覺得肥膩，麻油味好香好重上湯雜菜煲整體來講，裝修上面係普通同埋懷舊，但勝在食物真係有水準，同啲姐姐又熟絡左，同屋企人一齊去，食得輕鬆又開心。

一行7人，一早約了星期六中午飲茶。入坐後才得知一位突然有事來不到。埋單時向知客表明，原訂的7位有一位來不到，茶位要改至6人，怎料知客堅持不可以改說因為我們坐的是大枱，最少8人才可以坐的，就算我們只有6位，最少也要收7人茶錢親戚們也廢事與你們爭論，最後也就是明明6人飲茶卻收了7人的茶位本來每月總光顧京華酒樓3至4次，自此全部親戚均表示不會再光顧。那位知客的服務態度令我們此行感到十分不愉快一肚氣，以後不會再光顧

四月第三個星期五清晨，天氣清涼。跟友人走在清晨的太子街頭，大家都想吃個早點才回家，由於時間太早，很多店都還沒有開門，上網找到這家在聯合廣場2樓的酒家。雖然時間為6點多，但裡面已經有很多公公婆婆坐著等候，有些人更自己走到茶水間打茶水，顯然為熟客。到7點左右開始有服務員收點菜單，我們先點水晶蝦餃皇，餃皮非常軟，一夾就爛掉，也做不到晶瑩剔透的視覺，不過蝦肉沒有混合肥膏，所以入口不滯膩。然後有蟹子燒賣，有幾顆蟹子在表面，也是沒有肥膏，不過蒸得太幹身了，幹得皮入口黏住牙齒，口感很不好。我們都不太餓，再點一份棉花雞就算，有半條蟹棒，雞肉不算嫩，魚肚厚身，味道還可以。 在這裡吃的不是食物本身，是一份久違的人情味，還有那股舊式酒家的懷舊味道。

住系太子咁耐，都未試過有咩時候系少人既，星期六日就更加系咁。星期日我好中意飲茶，就會去京華酒樓，貪佢食物味道幾好，亦有d懷舊既感覺。紅燒乳鴿非常十分推薦，真係好好食，燒得又乾身，味道啱啱好，真係次次都點！叉子燒餅 第一次是哩個，系京滬菜，將D調好味幾肉碎，自己釀入去長條型燒餅入面（個形狀好難relate去燒餅XD）燒餅乾乾脆脆，D肉碎就咁食都幾好，釀入燒餅既話，再咸D會比較好。 其實是nice try，不過就唔太啱我口味。馬拉糕 其實京華既馬拉糕係做得幾好既，好建議點來試下^^鮮蝦豆苗餃順德煎魚餅 哩個味道系唔差既，但造型就幾搞笑下，好鬼薄真係XD

約了一班朋友出黎飲茶，深怕過年前夕會多人，所以一早便去等位，点知去錯地方，原本想去好彩酒樓，因為出錯lift便黎錯左這間京華酒樓，我們畫了很多點心，當中包括: 黑松露小龍包、鮮蝦腸粉、蠔皇义燒包，蟹籽燒賣、菜苗餃、粟米粥、鳳爪排骨飯、潮州粉果、新鮮手打牛肉球，點心紙上寫明需時製作二十分鐘，我們仲有個朋友未到，預計時間也差不多便交了點心紙下單，大約二十分鐘過後，点心陸續送上， 黑松露小龍包，皮薄有肉汁，但黑松露完全毫無味道，不似我平時在其它地方吃到的又香又有点電油的味道。至於鳳爪排骨飯，朋友說飯很硬又不好吃，所以吃了一半也沒再吃，浪費了，而潮州粉果和菜苗餃的皮也過於厚身，凍了吃很難咬開，饀又少，其它的点心就都正常，好味，總括黎講，如果唔系去錯地方的話，下次都未必會再光顧。

京華酒樓係太子區都開左好耐了，佢既食物水準一直都保持到，一家人去食飯，都好鐘意去。紅燒乳鴿——佢既乳鴿每次去都會點，日頭飲茶都會點，燒得乾身又入味，必食！加拿大肉蟹——哩個同片皮鴨係孖寶套餐來。完整一只蟹，正常水平發揮。京式片皮鴨——其實哩道菜我就一般既，口味問題，屋企人就好鐘意。魚香茄子煲——咸香味啱好，飯都食多碗，不過都比較油，但魚香茄子唔油又唔好食哦（矛盾中）燒汁脆魚塊——其實ok，不過食到比較後先出，已經無飯配，覺得咸左D上湯浸豆苗——都ok，油左少少整體菜式係好有鍋氣，一家人坐埋食飯，始終食中菜係比較開心^^

京華推出一個龍蠆一吃兩味268$碧綠蔬菜炒球用了很多色彩繽紛的什菜四季豆紅椒青椒黃椒西芹條草菇粒，蒸頭腩雖說是骨頭位，但勁多肉食，味道鮮美，而且是清蒸，沒有油炸：😉肉質高檔✅頗欣慰，少了酒家用這水準的龍蠆做兩味價不貴但吃出實在的海鮮風京華另一不可錯過京式甜品高力豆沙勁足分量外脆內軟蛋白口感引發中國人的民族愛好，而且全部即製 新炸油以及對的食油令此炸物事半功倍是晚飯時間的必勝小點（注意：飲茶時段 未必有這質素）送的糖水效果一般

跟長輩食晚飯， 大多數都係愛上酒樓 ，今次也不例外。 係酒樓見附近幾張枱都有點阿亞拉斯加蟹 ， 原來做特價$168一斤，我哋都揀了一隻约重5斤，再加幾道菜，就相當豐富喇！埋單都係HK$2,600，每人唔駛HK$300，都算十分抵食，特別喜歡豉汁蒸幡龍鱔 ，柚子京燒骨及西蘭花炒帶子，至於亞拉斯加蟹，人多只吃一隻腳，未係好嚐出味道😅，要食多2隻腳就會感受到喇😛。

阿拉斯加蟹做緊推廣168一斤就訂位試下，自己去漁池揀左隻5斤重好生猛的，還有叫左片皮鴨、荔芋蝦、生炒糯米飯及甜品。本人鐘意食蟹，原隻蒸啖啖肉，好鮮味，片皮鴨就脆皮有肉汁，其他餸菜也很好味，可以一試。

食物可以接受，服務質素不能接受。原本黎到等位都唔係等左好耐，大約十分鐘左右，落單叫野食覺好快就後到，頭15分鐘已經上左大部份野食，呢一刻都覺得幾好，仲有一籠點心等左30分鐘都未有，追單追完後，遲遲都未黎。直到埋單一刻先黎，前後等左一小時！環境尚算ok，食物還可以，份量足夠，但服務有待改善，加水叫幾次先加，仲話返客人轉頭，食埋追單又無人理。總括而言，飲餐部茶想開開心心，結果就好似去受氣咁，絕無下次幫襯。

前幾日同屋企去酒樓食中秋飯做節，去左屋企附近近近地，我地有4個人去，媽一早book左枱了！到左，有張大枱，但位置偏僻，完全叫極都冇服務員留意到，加上隔離張枱比較嘈，大聲喧嘩，所以都幾影響！我地決定調位🙈 不過就調左一張比較細嘅😭 算吧！靜少少食飯緊要啲食物質素好似傳統茶樓咁最好食就係呢一碟雞👍🏻👍🏻 好滑，肉好嫩✌🏻我食得最多件～湯好濃味，但味精太重，飲完好口渴本來想食個菜，但呢個齋太鹹了🙈牛仔骨算幾好食，軟身，送飯幾正！但係整體味道一般，唔算好驚喜！冇必要都唔會去~

飲茶試過下午兩點多去等位，十分之多人，等了差不多45分鐘才有位置，等的是二人枱。那裏的點心款式很多都是上海款式的，當中有擔擔麵、上海雲吞、叉子燒餅、紅油抄手等，都比較特別。味道方面試幾好味的， 特別喜愛上海餛飩，因為餛飩的肉餡有淡淡的肉汁，加上他們有湯吃到陣陣的金華火腿味道，鹹香加上雲吞配搭一流 。曾經吃過叉子燒餅幾次，質素也是挺穩定的，只是有一次比較咸。亦曾經試過吃他們的晚飯小菜， 亦都是不錯的。