京都勝牛 (Tower 535) (已結業)

京都勝牛曾經在疫情前在當地試過，今次剛巧約咗朋友係銅鑼灣食晏，想試下新嘢就pick 咗呢間。地點嚟講算係難搵，由於目標地去每層商場都有唔同入口，所以都搵咗一陣先搵到此店和同集團食店段純貞相鄰，所以兩間都舖仔細細。平日有lunch set 供應，都係大概百元起標，價錢算係幾合理套餐已包飯、前菜，漬物及沙律但飲品就要另外加$15一場嚟到，當然係叫餐廳主打，「牛」也！當日叫咗板角切蒜香牛柳配溫泉蛋上檯之實物同Menu有九成似。牛肉確實做得唔錯，淋得嚟有肉味。溫泉蛋熟度亦剛剛好。另一款係忌廉流心牛肉薯餅配牛翼板問過侍應什麼係牛翼板，原來就係近似香港常見嘅牛肩胛。 上檯時，侍應話牛只有三成熟，如需要可幫我點著檯面嘅小燒爐再加熱一下。但我見佢rest 完都咁乾身，就話試下先。咬落口，最少有五成熟，口感唔錯。好彩無再加熱姐！反而說好了的流心牛肉餅可能已放涼咗嘅關係，一點都唔流心餐廳可能位置欠佳，所以人流唔多。朋友小聚絕對係唔錯嘅好地方。唯一要彈嘅就係，因後座食客有用爐烤肉嘅關係，察覺到此店似乎唔有特別加裝抽風設備。一點火爐就會覺得空氣質素變差⋯⋯

好少外出晚餐，一試就出事！一直滿心歡喜&抱有期望的"京都勝牛"，希望會好過N年前係東京試過個一間，點不知食完的結果都係一樣"失望" 我地分別點左2個套餐：“元祖炸牛排” & “京都勝牛雙味”，2份套餐出來的賣相相當唔錯，比你點牛排的配料亦非常多，亦有沙津菜！番石榴荔枝特飲+個涼伴茄子！但一邊燒之後食一口，便知出事😖其中"雙味炸牛"外脆內軟，但冇肉味！而"元祖炸牛排"，外脆肉有口感，而我比較鈡意元祖外D。但2份炸牛排有一個共通點... 就係無肉味！其他order的亦好普通。好彩的係download左個app&會員有折扣，否則我會...希望佢可以做得更加好，期待佢的進步空間！

👩🏻‍🤝‍👨🏼🥄前排去左大阪京都旅行, 可惜又係因為行程緊迫無機會試到當地出名既京都勝牛餐廳, 只好係香港初嚐一下, 下次再去日本睇下兩者有咩分別喇😭😭 💡名物翼板大海老套餐 ($198)翼板牛炸得外層酥脆, 肉質鮮嫩牛味濃, 配上其他不同既醬汁同調味料, 食落會有不同既味覺! 而且啖啖肉既大海老, 保持咗海蝦既原汁原味同口感, 非常鮮美😋 💡東京風牛排鍋膳套餐 ($158)東京風牛排鍋膳係以雞蛋、洋蔥、青蔥同牛排肉組成, 外觀極似平時既親子丼飯咁, 香脆而又肉質軟嫩既牛排吸收左湯汁同蛋香既精華, 送飯一流!!!!🍚 💡和牛壽喜燒套餐 ($188)呢個套餐既主角係和牛, 輕涮幾秒就能享受柔軟又充滿肉汁既和牛, 配上蛋汁簡直至高享受, 而且套餐既豆腐 / 菇類 / 蔬菜 / 芋絲仲吸收咗壽喜燒汁既味道, 十分惹味~~ 💡名物味噌里脊豬排套餐 ($158)肉質較實既炸豬排, 可惜油脂成份較少, 導致食落較為乾身亦無肉汁, 選擇牛肉應該較為好 💡抹茶紅豆流心蛋糕 ($58)絕對有驚喜既一道甜品! 香濃既抹茶蛋糕加上爆漿既紅豆餡有幸福既口感😍混合旁邊既雲呢拿雪糕會帶黎唔同既味覺, 一款甜品帶黎

京都勝牛 咁多人都話京都勝牛嘅吉列翼板牛同吉列大海老好好味，所以我都嚟試試。首先，佢哋嘅吉列翼板牛係精選嘅和牛肉，嚟到嘴裏面真係好嫩好滑，配上嚟自日本嘅特製醬汁，就真係鮮甜唔會膩。另外，佢哋嘅吉列大海老就更加驚喜，海老嘅肉質好彈牙，嚟到嘴裏面真係好鮮甜。而且，佢哋係現場烤海老，烤出嚟嘅香氣真係好濃郁，一啖落肚就滿口都係味道。總括來講，京都勝牛嘅吉列翼板牛同吉列大海老都係好推薦，如果大家鍾意和牛肉同埋海鮮嘅話，一定要去試試啦！

十一月去完東京 也嘗試了 吉列牛係好難做得好食的食物食東京食完後 一直心癢癢有次行銅鑼灣 發現原來香港也開左 就決定再去試多次估唔到係令我好有驚喜的確 香港既牛 冇係東京食咁靚東京食到既價錢也比香港平少少但值得讚既係 佢提供到5款鹽，4款醬汁（咖哩 wasabi 牛扒汁 蒜鹽汁？）其漬物 也有3款可以係你每食一啖之中 可以refresh口感唔會感到味道厭倦而係東京食到係冇咁多花神的我今次叫鰻魚翼板牛，佢個鰻魚係炸得唔錯的 無奈我個人 比較喜歡食蒲燒多過炸 所以食左半舊 口感會開始fatigue 另外 佢有個煎pan比你 可以比你自己再煎返想要既熟成度 呢個東京也沒有提供到的至於甜品 方面 就普普通通帆船入邊係一個棉花糖雪糕 側邊配有開心果碎第二個個樣係幾靚 係底下有炸麻薯似的？ 呢個口感有少少油億味不太好 總括而言，甜品可以唔使叫😂

再黎多次吉列牛，係香港食吉列牛剩係諗到呢間ok 又唔錯既～今次都係叫阻元祖炸牛排套餐，飯同沙律任食，百幾蚊咁既質素都算唔錯，不過又可以去日本旅行我會將d 彈藥留返去日本食。不過店員唔會主動同你講有得借煎pan，煎你想食既熟度，可能地方淺窄，你再擺埋個pan 應該冇位擺。。。

▪️元祖炸牛扒套餐 ᴄʟᴀssɪᴄ ʙᴇᴇғ ᴄʜᴜᴄᴋ ғʟᴀᴘ sᴇᴛ $𝟷𝟼𝟾廚師將牛扒煮到三成熟，如果唔怕生就可以直接食用，可以試吓點啲ᴡᴀsᴀʙɪ同豉油一齊食，隨餐仲會配有其他醬汁同鹽去調味，咖喱汁都係好值得推介吉列皮夠薄，但唔算好脆，肉質幾嫩，不過牛味就比較淡如果怕牛扒比較生嘅話，餐廳都細心準備一個小ᴘᴀɴ比客人可以將牛扒煮到自己鍾意嘅生熟度 牛扒側邊嘅沙律菜，飯同湯都可以ʀᴇғɪʟʟ，食幾塊牛扒再配返啲菜就會冇咁膩，沙律菜記得加埋啲柚子醋同芝麻醬一齊食▪️鮮嫩炸豬扒套餐 ᴘᴏʀᴛ ғɪʟʟᴇᴛ sᴇᴛ $𝟷𝟹𝟾正正正常，冇特別驚喜

放工又係四圍搵野食既時候，雖然開左關可以返鄉下，但都係要係香港食一食佢先，今日專登嚟京都勝牛食炸牛扒！先叫左兩個前菜：元祖牛排炸串 同 自家製豚肉餃子 。我就鍾意食餃子，食落好多汁，唔錯！我朋友點咗京都勝牛雙味套餐，兩款牛包括菲力牛同翼板牛，店員提我地用鐵板輕輕煎左啲牛先食。啲牛係鐵板上既sizzling 既聲真係聽到流晒口水！牛肉可以配埋各樣調味，我最鍾意都係配返鹽同埋芥辣。當然，即使食原味咩都唔加都好正！菲力牛就牛味重啲，翼板牛就油脂味較濃。我就叫左呢個特選海產套餐 (炸廣島蠔大海老伴鰻魚) 我就特登叫呢個，可以同個朋友交換下黎食！海產方面都唔錯，個蠔炸得好好，好大隻好飽滿多汁。炸鰻魚好少地方食得到，魚油保留到，食落外脆內軟，十分好食！個套餐最好既仲有個沙律菜，加少少醋一齊食，又解膩，食煎炸野就岩晒最後食埋個甜品：棉花糖雪糕同抹茶紅豆流心蛋糕。棉花糖雪糕好特別，內層係雪糕嚟，幾有驚喜！抹茶紅豆流心蛋糕，抹茶味幾甘香，流心效果做得唔錯，仲有雪糕一齊食，好滋味！飲品白桃蒟蒻冰茶蒟蒻粒幾有咬味，白桃味清香，用作解膩都唔錯！紅豆宇治冰抹茶抹茶味香濃，帶紅豆嘅甜，好夾！

第一次食呢一間京都勝牛，感覺非常之好。我哋係Walk in入去嘅，因為啱啱過咗lunch時段，所以已經即刻有位入，唔使排隊，真係好Lucky。我哋選擇坐喺梳化位，所以都幾舒適，張四人枱都夠闊落，唔會有太逼夾的感覺。講返食物，非常之高質，同埋擺枱嘅感覺都係好啱打卡用，如果暫時去唔到日本，可以嚟呢一度一解鄉愁。個商場做緊餐廳優惠，現場即時登記做會員，全單有七折定八折，所以成件事好抵。下次離開銅鑼灣，都會考慮再嚟食多次😎

呢度套餐種類都好多, 招牌既係吉列牛排, 選用咗來自美國, 澳洲, 日本嘅牛肉🐮▫️京都勝牛雙味套餐 ($198)呢一個套餐係招牌吉列翼板牛+菲力牛, 每一塊炸到三分熟, 吉列外層酥脆 裏面既牛肉色澤呈鮮紅色🥩菲力牛味較翼板重 脂肪比例高D 鮮嫩多汁 而翼板牛口感有彈性, 肉質都好嫩如果認為太生既, 可以同職員講會比個煎板自己燒至自己鐘意嘅肉質🤭另外會配左9 種蘸料,包括日本芥末醬油, 咖喱醬, 招牌牛扒醬, 山椒鹽, 玫瑰鹽, 七味唐辛子, 鰹魚, 風露, 和風沾醬, 可以按自己喜好調出不同口味🛎溫馨提示: 椰菜沙律, 麵豉湯, 白飯可以無限添加🤑

好可惜！最近知道將軍澳分店無咗。。。原來我哋嗰日係將軍澳食已經要同佢講 Bye Bye 喇 所以經過銅鑼灣，有時間梗係要食返餐啦！京都勝牛雙味套餐 $198：專食牛真係專食牛，兩款牛都好嫰滑，鬆化。炸粉唔厚。吉列千層芝士豚肉卷套餐 $168：炸粉同豬肉分開。相比下豬肉無牛肉咁好食。豬肉肉質較乾。和牛壽喜燒套餐 $188：無咩特別，火鍋薄切牛肉無咁好食。食完主食，當然要食甜品喇～日本清酒豆腐雪糕 $58 : 極度推介！清酒同豆腐味道混合得啱啱好，唔會話邊隻味蓋過邊個。棉花糖雪糕 $58 : 用嚟打卡嘅食物。大大既棉花糖外面燒過吓，幾香。有啲失望，入面雪糕比較少。。。

講起都嬲，是咁的，上openrice book夜晚7 點，之後打電話話改夜晚8點半。點知黎到話無位，仲話我地book左早上8點半😅大佬，早上8點半你地自己都未開啦，用下腦啦😅跟住要等，等到成9點先入坐。d野送到黎已經差唔多9半食左無耐就趕收10點工，不斷問我地食完野味😮‍💨又不斷嘗試收我地嘅嘢。anyway 我地點左M9吉列和牛，ok啦，牛味唔算太出，口感又唔係特別正。我地又加左個餐，無話什麼特別。所以食到又肉赤又火滾。

推薦： 🍉🍉🍉🍉 (4/5)         味道： 🍉🍉🍉🍉(4/5) 價錢： 🍉🍉🍉 (3/5)              打卡： 🍉🍉🍉🍉 (4/5) 位置： 🍉🍉🍉🍉 (4/5)        回訪： 🍉🍉🍉🍉 (4/5)  京都勝牛三味套餐 $243 / 厚切菲力炸牛排套餐 $208 呢個三味套餐有齊菲力牛、薄片醬味牛同炸翼板，啱哂「我全都要」嘅貪心食客😋本身上枱嘅肉熟度係半熟，店員就話如果覺得牛肉太生，都可以叫職員拎個爐出嚟自己再燒熟少少🥩 菲力牛(即牛柳)，第一嚿咩都唔點直接放入口，食到好濃牛香(厚切個set牛味更香)，微微有啲入口即融，肉質好嫩滑，外層炸得非常酥脆，好鬆化，嚿肉咬開一半都唔會散開😆薄脆外層，外脆內軟，寫到以為自己係打手😂翼板就有咬口啲，牛味亦都好出👍🏻薄片醬味牛食落好特別，外層有少少似食緊燒餅嘅感覺，內層牛肉微生，食落無咁嫩，不過同外層嘅照燒醬都幾夾😋 陪隨牛肉有嘅醬汁包括有招牌牛排醬、山椒鹽、芥末醬油同咖喱醬，另外枱面都有岩鹽、普通醬油可以按喜好自己選擇😋 招牌牛排醬：微酸，似燒肉汁嘅味道，因為牛肉本身已經好有味，點完呢個醬會有少少蓋過牛肉本身嘅味道，

今日Lunch去左銅鑼灣京都勝牛食，平日1點幾兩點都有唔少位。京都勝牛主打吉列牛，除左吉列牛，仲有吉列豬，吉列海鮮等等，亦有少量非吉列食品如丼飯。餐牌價錢唔算太貴，豐儉由人。仲有小食，同飲品。今日一行三人，分別叫左三個餐。京都勝牛雙味套餐 $198 另加一顧名思義，京都勝牛雙味套餐有兩款牛，包括菲力牛同翼板牛，有哂label紙仔說明，感覺高級。菲力牛有5件，吉列皮當然夠薄脆，入面牛肉仲生，食落算幾嫩，不過牛味唔濃。翼板牛有7件，就比較韌少少。如果嫌牛肉唔夠熟，可開爐俾你自己整熟啲，我地就覺得熟度可以。不過上枱影完相食用時其實就唔暖。跟餐配有咖哩醬，招牌牛排醬，山椒鹽，同芥末醬油。上餐時服務員都有介紹，枱面亦有單張説明。招牌牛排醬加入芝麻同蔬菜特製，個人覺得幾好味。芥末醬油就酸酸哋。咖哩醬味道相對濃少少。我主力沾招牌牛排醬同咖哩醬食牛。呢個5色鹽碟都幾吸引眼球。名物翼板伴鰻魚套餐 $188 另加一名物翼板伴鰻魚套餐有11件翼板牛同鰻魚兩件。我好少食炸鰻魚，個人覺得平時嘅燒鰻魚好食啲，呢種食法令鰻魚味唔出。同京都勝牛雙味套餐唔同，呢個餐都伴有蔥花蘿蔔蓉汁同檸檬一片。總括而言，都係食返吉列牛

好朋友👭系要見多幾面，趕緊妳飛之前食多幾餐😜食炸嘢咪炸嘢囉，怕咩喎！睇名以為全部牛？原來除咗牛，豬、蝦、蠔…乜都有！想食吉列蝦又想食吉列蠔…定係食吉列豬扒？花多眼亂，樣樣都想試下…最後我都係要咗吉列豬扒定食追加吉列蠔。朋友仔食吉列蝦見隻蝦🦐大到不得了，好味😋我嘅吉列豬扒扒都唔錯外皮鬆脆，內軟夠juicy, 吉列蠔夠鮮！最後仲叫左份煎餃子🥟煎到外邊脆入面仲有肉汁，呢款先好食！下次再嚟要試吓第二款！